بماذا توحي لكم ... هذه الصورة ..؟؟!!

[الغالية]

بماذا توحي لكم هذه الصورة ؟؟


أو ....


ايش أول شي يجي على بالكم ... أول ماتشوفوها ..


أو ...


ماتحليلكم لها ......


طبعاً الصورة دي انا لقيتها فموضوع لروميو في الصالون
اللي هو .. ( اشكالية الانا) ..


وكمان .. هي لوحة موجودة فغرفتي :212: ..

وانا مرة أحبها ... وكل مرة أطالع فيها ...

ألاقي فيها شي جديد .....


عشان كده ... ابغى كل واحد يدخل .. يقول ايش شاف فيها ؟؟



http://a1259.g.akamai.net/f/1259/5586/1d/images.art.com/images/PRODUCTS/large/10034000/10034886.jpg











في انتظار .. تحليلاتكم ... :)

[جف البحر]

السلام عليكم

يسعد حياتك الغاليه

الصوره تحسسني اني متخلف ومو فاهم شي :173:

بس ممكن اعرف انتي ايش بتشوفي فيها ؟؟


مع حوووووووووووبي،،

[*همس الورد*]

اهليين غلغلووولة...نورتينا حبيبتى...!



كيف شرم الشيخ اكيد تسأل عني؟؟



بالنسبة للوحة انا شفتها من قبل اظن بمعرض ايكيا>>>ترا دماغها هالايام



اصفر زي ايكيا...المهم من يومها وانا احاول ابدع مثلها...والله عجبتني



مرة وحسيت صاحبها غامض وخيالي بنفس الوقت...طالعي كيف الاجنحة...



وطالعي الوجه>>>>ياشيخة البنت تقولك تطالعها كل يوم...



اشكرك ايتها الغالية...وفي الخير نلتقي...

[سكون]

هلا بك اختي الغاليه


أعتقد والله أعلم ان الصوره توحي بالصحراء ونظرة الأنسان لها


ونظرة تأمل وتفكر في الوجه المرسوم


هذا من تحليلي وان شاء يكون فيه قليل من الصحه

:240:

[الغالية]

الله يسعدك ياجفّو ... :)


فعلاَ الصورة فيها شوية تخلّف .... |391|

يعني مثلاً .. لوجيت تطالع في الوجه اللي فيها ..

حتلاقي الجزء اللي مأخوذ من اسفله ... اكبر من الجزء اللي

مأخوذ من افوقه .. :134:

يعني المنطفة اللي عند الفم ... اكبر من اللي عند الراس

هذ ممكن يكون معناه ... اللي يتكلم كثير من دون مايفكّر .. :134:


بس عارف ؟؟؟

قد ماطالعت في الصورة دي .. في شي مافهمته ابداً ...

الحبل اللي طالع من الشجرة ... وداخل في العين .. :222:

نفسي اعرف ليه كده ؟؟؟ :266:



وبعدين شوف منطقة الدقن والفم ....

شايلها وحاططها تحت لوحدها ... يعني اقتطعها من الوجه

فتلاقيها صارت على شكل ... حرمة .. يعني امرأة ..


وهذا يدل على ان خيال الراسم ... جداً كويس ...

<<<<< حسناً مايخالف |391|



شكرا ياهمام .. لردّك ... :)

[الغالية]

اهلين همّوسة .... :)

اكيد طبعا سالت عنك |391|

ومن جد ... البحر هناك ... كلام تاني ..

انا شكّيت انه اللي هنا وهناك ... نفس البحر .. :169:

المهم ...

فعلا اللوحة كانت موجودة في ايكيا .... :)

وبالنسبة للاجنحة ... انا مادري ايش اللي طلعها في الشجرة مرة

ومن الوجه مرة ... دي حسيتها هباله بس ... |391|

بس كله كوم .... والخيط اللي داخل في العين كوم تاني :222:


شكرا ياقلبي لردّك ... :)

[الغالية]

اهلين سكون ...

تصدقي ؟؟

انا ماني شايفة صحراء أبداً :)

بس كل واحد له نظرته ...

وانا ابغى اعرف نظراتكم :)


وبعدين بالنسبة للاجنحة ... نسيت اقول شي ..

في جناح ... انا حسيته على شكل راس نعامة ... شفتوه ؟ :221:



شكرا ياسكون لردّك .. :)

[sweet chocklet]

مساء الشوكلا







قد ماطالعت في الصورة دي .. في شي مافهمته ابداً ...

الحبل اللي طالع من الشجرة ... وداخل في العين .. :222:

نفسي اعرف ليه كده ؟؟؟ :266:




هو ده الكلام |391|


وعلى فكره انا كل ما ادخل غرفتك اتنح بس في دا الحبل واموت وافهم ايش هو .. |210|

كل يوم اطلع بتحليل وكلها مالها داعي واخر شي توصلت له ..انه دماغ الادميه مشغول بالشجره " اللي تعنيلها شي مهم " الين ما اتفكك دماغها وطلع من عينها ..... :259: |527|

.
.
المهم ما عليكي ابغى اهدي للوحه هذا المقطع...

" مستحييييييييل افهمك " |391|

.
.
ويسلمووو يدااااتك ...

سي يو على خير ..

[doli]

السلام عليكم ورحمة الله وبركاته


اختي الغالية


اسمحيلي اكتب اللي فهمتة .... شكرا


راح ابدأ لك من اسفل الصورة تلاحظي كأنها صورتين او طبقتين على بعض


مستطيل طويل عليه الوجة الانساني وتحتها صحراء ....الطبقة الأولى


( المستطيل ) لا ينتمى الى هذه البيئة وكانه عابر سبيل ...



وكمان في المستطيل المرسوم حتلاقي مستوى منخفض عند الفم كأنه


باقي الوجة تطلعي له بدرجه




الذقن اللي مرسوم وكأنه كورة ولها ظل





خليني اشرحها لك كويس ...


*********************



مصدر الكلام من الفم ولكن حين يكون الشخص مطبق على كلماته فإنها تتورم في داخلة وبإختياره في اقرب جزء من مصدر الكلام .. والاجزاء المنسوخه من نفس المكان عبارة أشياء كانت كبيرة واستصغرت مع الايام فبقيت على حالها وأصبحت جزء من شخصيته ( الاولى الذقن والفم والثانيه الفم والانف )




قد يكون طول المستطيل نحو الافق يدل على الامل ... بالرغم من الالوان تشاومية الى حد ما , ومع ذلك يبقى التعلق في الطبيعة من اهم الوسائل التي تريح النفس بالنظر إليها ( الحبل اللي مجننك )





اما الاجنحة فمن وجهة نظري لا تبدو اجنحة ...





لو تلاحظي معايا .. انها تخرج من شق كبير في وجهة وكأنها دخان أو ذكريات أو الى النسيان




كذلك الشجرة من اقصى اليمين ... وما جعلني اشعر بها كذك هو لونها المائل الى البني والاسود فكأنها قديمة وركنت الى زوايا النسيان





وتلك الدوائر الزرقاء كأنها قطرات ترطب جفاف الحياة أو دمعات لوجوة كثيرة مرت تحت نفس الظروف ورحلت لكن بقاء الأثر ( الدمع ) في الصحراء يعين على نمو أعشاب كدليل كثرة الزائرين لهذا المكان





ما أعرف لكن أنا شفتها كدا أتمنى إنه يكون الحبل أقنعك :262:



لك الود