عاشق الديره

[الصارم البتار]

يامبعد عيني من الشوق تبكـــــيك

مثل اليتيم اللي فقد والديـــــــــنه

ارحم جريح القلب لاصار مغلـــــــيك

يبكي عليك ونوب تسمع ونيـــــــنه

انا الجريح اللي من الناس معطـيك

قلبي اسير لك وروحي رهيــــــــنه

ياصاحبي ودي معك في ليالـــــيك

اسهر طوال الليل عيني بعيـــــــنه

نفس تمنى ياهوى الروح تاتـــــــيك

لاشك جروح القلب عيت تعيـــــــنه

اعلله نفسي الحزينه بطاريــــــــــك

نفس من الفرقا تذكر ظنيـــــــــــنه

زاد الغلى و الشوق فيني يناديـــك

تمسح دموع من فراقك حزينـــــــه

ماقدر اقول امسك جروحي بياديك

خايف جروح القلب تحرق ايدينــــه



عاشق الديرة

[الصارم البتار]

ياوردة سنيني قضا الصبر وين انـــت؟
وين انت ياغالي؟ ترى البعد طالي
ياوردة سنيني بقلبي تمكــــــــــــنت
علاّك قلبي وانت بالزين عالي
عز الله انك في ظلامي تبينــــــــــت
يالابس بالحسن تاج الجمالي
من يوم يالغالي بجرحي تفنـــــــــنت
اشتقت لك والمر ماهو بحالي
لاهنت يا اعز المخاليق لاهــــــــــنت
لاهنت واصلني بدرب الوصالي
من يوم شفتك ياحبيبي تيقـــــــــنت
ان الفضا بدونك من الزين خالي
ابدي وداك الحب من وين ماكـــــــنت
لو كنت مبعد ماتناساك بالي
شوفك دواء جرحي وجرحي تراه انت
وانا بك المجروح والجرح غالي



معزي العتيبي