انا واللبنانيه والسفاره الامريكيه ..

[LAST*HOPE]

السلام والرحمه والاكرام ...

لا يجي احد يقول يا سرّاق الافكار .. لو دققتم لقيتم فيه اختلافات, بعدين هذا يسمونه (تخاطر اوراد)<=دورها بالقاموس ..


المهم بعد اربع ايام من اتصالات بالسفاره الامريكيه يالله باليالله لقينا موعد منهم بعد اقل من شهر, وقبل موعد رحلتي بعشر ايام فقط ..

أنتظروني أوعدكم سأكمل إن شاء الله.

[LAST*HOPE]

اوارقي جاهزه و اموري سفره لبست ملابس العمل وطلعت بمر السفاره اللي عطتني موعد بالساعه والدقيقه (تسعه ونص صباحا).
وصلت قبل الموعد بثلث ساعه وقفت بمواقف بعيده حوالي الميتين متر عن السفاره .. و انا ماشي الا هذي وحده قدامي ومثل ما اقول دايم (ضاربه نفسها بالشيطان الرجيم) ميك اب ايش وحمرة شفايف ايش وقايمه من الفجر تسشور شعرها و تمييش وحركات والعطر اللي مخالط ريحة الميك اب .. عطيتها قزه بريئه و قلت لبنانيه نمره واستماره .. طبعا معها شال على كتفها و عباية كتف الظاهر انها عبايه المهم انها تطلع اصوات!!!(العبايه مو البنيّه)

يوم قربت من بوابة السفاره لاحظت فيه زحمه وطابور ..!!!
"بعض الناس ما تستحي على وجهها .. طيب خوذو موعد قبل تجون"

ما تقدر توصل للشباك الا تساقط الطابور .. وموعدي لسه بدري عليه قلت يالله خلني اصف ورى هاللبنانيه شوي واذا جا الموعد رحت اساقط (للي ما يعرف هالمصطلح معناه اتجاوز)

جا موعدي ولا سويت اللي اتفقت مع نفسي اني اسويه , لأني لاحظت ان الناس كلها صافه ولا واحد راح وقال موعدي .. وانا جالس اهوجس هل اساقط ام لا اساقط(بهمزه على الالف)
التفتت علي اللبنانيه و كلمتني بالانقليزي
= اي هاف ان ابوينت منت.. شد اي ويت هير اور قو انسايد دايركت؟

قلت لها (لا عاد عن الغلط ... اصبري خليني ادق على السوداني حق المتمرد بعدين نتفاهم)

او اني قلت لها
=اف يو قو اي ام قونق وذ يو.. كوز اي هاف ان ابوينت منت تو.

الترجمه: كانت تسأل اذا لازم توقف طابور مع انه معاها موعد او تدخل على طول.
قلت لها رجلي على رجلك انا كمان عندي موعد مفش حد احسن من حد (او شي من هالقبيل)

(لو تسائل احد ليه كلمتني عنقليزي مع انها عربيه .. فالسبب هو لبس العمل بدله وكرفته وخرابيط هي ياتحسبني سويدي يا تحسبني هندي الله اعلم عاد)

بنت الحلال طلعت ذهينه ولاحظت ان لهجتي مو سويديه ...
قالت" كم رقمك ؟؟"(لحد يفهم غلط .. البنت نيتها صافيه)

قلت"صفر خمسه ..."

قالت بالعربي "رقم الموعد يا اهبل..."

= " رقم موعدي واحد واربعين"

= "ياااااااااااااااي متنكر مثلي"

= تتنييييييييييييييييييييييييييي ييييييييييييييحه وهاجوس يتردد بسرعه ستين هيرتز(وش تبي ذي وش تبي ذي وش تبي ذي!!)

طبعا لاحظت تناحتي وصعبه انها ما تلاحظ .. كانت واضحه لدرجه ان السفير قام يطل مع الدريشه يشوف وش السالفه المهم انها قالت وهي تأشر على ملابسي:

= متنكر عشان ما يعرفونك.. مثلي:200: :200:

= آآآآآ ... آآآآآآ .. هاه ايه .. قصدي لا, هذا لبس العمل(اهمس لنفسي .. ايه ده ياخوانّا سعوديه دي والا ايه)

طبعا ولا كأني و قلت شي ..
= "انا برضو متنكره.. بس مدري ليه ما يدخلونا مع اني ماخذه موعد وتاركينا بالشمس وطابور طويل وبطيء بيني وبينك (توها مقابلتني وتقول بيني وبينك:201: :262: ) اوربا ما عاد تنطاق واسعارها نار عشان كذا بقدم على امريكا والمشكله ماعندي فرصه غير اليوم لاني جايه من الشرقيه بقدم وامشي واختي ساكنه بالسفارات هنا وشغالتنا ذيك السنه هربت مع سواقنا. بعد ما هربو, امي اللي لها تسع شهور مريضه في البيت ما تقدر تمشي تحسنت اثاري الشغاله كانت تحط لها شي بالاكل وعرفنا بعدين ان ام هالشغاله كانت عند جداني وكانت امي تعذبها وهي حامل بهالبنت و يوم كبرت جت تنتقم ...الخ الخ"

بصراحه انا مدري هي قالت كل هالكلام والا لا:208: .. المهم انها قالت اشياء كثيره وانا (باي دفلت) توقعت انها قالت كذا .. انا فقدتها عند سالفة الشمس والطابور الطويل و موظف الشباك اللي تأخر ما جا .. و بما انه ما كان لي اسبوع راجع من المانيا لقيتها فرصه اتميلح عندها واشبك مع سالفة اسعار أوربا بس عاد سالفة الشغاله ما خلّت هالحاله تطوّل ...

============================== ======

انتظرونا مع العدد القادم:
ماذا نست "اللبنانيه اللي طلعت متنكره" في سيارة سواقها؟
لماذا استفزعت "باللي متنكر وهو ما يدري" وطلبت جوّاله ابو بطاقة سوا مافيها شحن؟؟
و كيف اكتشف "اللي متنكر و هو ما يدري" انها راعية فزعه وسنافيه؟؟؟
هل دخل اخونا في الله السفاره ام تم تصريفه؟؟؟
و ماذا حصل في داخل السفاره؟؟(ياشين اللي يسوي فيها ذكي)

كل هذا واكثر مع العدد القادم من .. (( أنا واللبنانيه والسفاره الأمريكيه-بارت تو-))


...
..
.

بركاتك يالمتمرد ..

[LAST*HOPE]

الأكواد اللونيه:


أحمر:يا تخاطر اوراد يا مسروق.

رمادي: يا هواجيس ياتعليقات يا شي ثاني.

ازرق: يا خذ وخل يا عديها

برتقالي: يالأعلانات التجاريه يا الاشهارات

أصفر: غالبا نذاله.

[الشمس]

طبعا معها شال على كتفها و عباية كتف الظاهر انها عبايه المهم انها تطلع اصوات!!!(العبايه مو البنيّه)



(لو تسائل احد ليه كلمتني عنقليزي مع انها عربيه .. فالسبب هو لبس العمل بدله وكرفته وخرابيط هي ياتحسبني سويدي يا تحسبني هندي الله اعلم عاد)



طبعا لاحظت تناحتي وصعبه انها ما تلاحظ .. كانت واضحه لدرجه ان السفير قام يطل مع الدريشه يشوف وش السالفه المهم انها قالت وهي تأشر على ملابسي:

= متنكر عشان ما يعرفونك.. مثلي:200: :200:




ضحكت واجد اليوم :289:

سلام يا ... السويدي :262:

[المتمرد]

جميل :)

لاتكون اللبنانية نفس اللي كانت معاي وماعطيتها وجه:333:

[جف البحر]

هههههههههه

يسعد ايامك لا ست هوب..

اقول

هذا الكلام يصير في السفاره اللي في جده :134:

يسلمو حبيبي عالموضوع الرائع

وفي انتظار التكمله


مع حووووووووووبي،

[BackShadow]

يعني ايش ذنبي يا ربي اني اقرأ مواضيع فيها ستمية جزء وكانها مسلسل مكسيكي :333:

[LAST*HOPE]

شموسه .. هلا ومسهلا ..


و ايه سويدي .. منتي مصدقه والا منتي مصدقه ..


بعدين بصراحه بصراحه ودي اسمع ضحكتك :134:


(هععع هععع هع .. ياهريدي)


بس عاد مهما كانت .. تراها (ضحكتك) خلت المشوار اللي طقيته بهالموضوع يسوى .. مشكور على المرور .. تحياتي





---------------------------------




المتمرد ..


يالله ياعم .. كنت مشغول بهذا اللي يبييختم على شي ملكك وبغير اذنك .. بعدين هذا انتم ياحقين المشاكل تدورون الشين وتتركون الزين :129:


تحياتي لك .. ياملهم هالموضوع|467|




-----------------------------------------------------------





جفوووو ..


يارجال اخر خبر سمعته ان دخول جده يبي له جواز وتختيم .. :161:


يسلم حضورك .. وبحاول اخلي للتكمله مغزى آخر .. من زمان بكتب عنه تحياتي.





----------------------------------------------




انكل .. :273:


ستمية جزء ايش وبتاع ايه هي اثنين والا خمسطعش وخلاص .. وسع صدرك بس وخليك معانا ..


تحياتو ..