المساعد الشخصي الرقمي

مشاهدة النسخة كاملة : الجوال والانترنت



عبدالرحمن الطويل
05-05-2002, 07:49 AM
هل بالامكان استخدام الجوال بديلا عن التليفون العادي لربط الكمبيوتر بالانترنت ...

واذا كان ممكن ...كيف اقدر اسويها وايش المطلوب ...

محمد المحيا
06-05-2002, 12:28 AM
هلا أبو رهف

رح تحتاج كيبل توصيل infra-red عشان توصل الجوال بالكمبيوتر

وبعدها تشغل برنامج التشغيل الخاص بالجوال واللي تنتجه عادة الشركة المنتجة للجوال.

بعد ما يتعرف الكمبيوتر على الجوال من خلال المنفذ بعدها لازم تشغل برنامج تعريف المودم الموجود أيضاً مع برنامج التشغيل اللي تنتجه الشركة.

بس هذا كل شي

وتقدر بعدها تستخدم جوالك للاتصال بالانترنت.

تحياتي

محمد

عبدالرحمن الطويل
10-05-2002, 02:23 PM
سلام جميعا


سلام للانس وللجن (مو انت يالجني :))

المهم ...

محمد انت دايم تحرجني ....

بصراحة مافهمت شي ...

1- كيف كيبل ل انفرا رد ..... ؟؟؟؟؟ واذا كان من وين اجيبه ...

2- برنامج التشغيل هذا من وين اجيبه ؟؟؟؟

ياريت تتعامل معنا وانت منزل راسك شوي :) ترانا على قد حالنا :rolleyes:

اما الجني اللي عندنا .....حياك وبياك ..... اما شغلة مانعرفها حل :)

محمد المحيا
11-05-2002, 11:59 AM
هلا أبو رهف :)

تصدق إني اخترت لك أسهل الطرق عشان تفهمني؟!!!
حتى إني كتبت ردي بلغة سهلة تقدر تفهمها رهف وتشرح لك أياها ;)

أجل لو قلت لك على الطرق الثانية كيف رح تسوي؟!! ;)

اسمع أقول لك ... أول شي عشان ما أضيع وقتك ;) ... قول لي نوع جوالك (رقم الموديل كامل) ... وأنا رح أشرح لك عليه لأن الشرح يعتمد على نوع الجهاز ومواصفاته.

إن شاء الله يكون كلامي مفهوم :)

بانتظارك

محمد

معليه عندي إحساس إنك لسه ما فهمت قصدي :)
نوع الجوال يعني اسم الشركة (مثل اريكسون أو نوكيا)
والموديل (يعني رقمه مثل T68 أو 5600)
:)

عبدالرحمن الطويل
14-05-2002, 07:55 PM
محمد ...

زعلتني يا محمد منك ...

يعني ماتعرف ان جوالي رقمه ...اوووووووووبس مو هذا اللي تبغاه ..نسيت :)


جوالي ياسيدي .... نوكيا الرهيب ...

واشرح لي باعتبار اني عندي ويندوز 98 ....


لا اشوفك تتاخر زيي ...اخصم عليك على طول :)

محمد المحيا
15-05-2002, 05:31 PM
هلا ...

كل هذا الوقت عشان تعرف نوع جوالك؟!! ::[

لا والمشكلة إنك ما قلت لي رقم الموديل!

المشكلة إني شرحتها لك ... لكن بسيطة .. لازم نتحمل ;)

أعتقد إن الرهيب هو نوكيا رقم 6310

وهذا الجهاز أصلاً فيه ميزة Bluetooth :)

طبعاً ما فيه وقت أشرح الآن ايش هي البلوتوث .. المهم إنها شي يوصل الأجهزة مع بعض لاسلكياً في مسافة 10 أمتار وتختلف عن البلوت اللي تعرفها ;)

بس رح تحتاج PC Card توصله بالجهاز حقك عشان يتعرف على الجوال باستخدام هذي البلوتوث ... وبعدين تنزل برنامج لتعريف المودم الموجود في الجوال لنظام الويندوز. وتقدر تنزل البرنامج من هذي الوصلة:

Modem Setup for the Nokia 6310
http://www.nokia.com/phones/productsupport/legal.html?file=6310/Modem_Setup_for_Nokia_6310_300 1.exe

وبعدها تقدر تتصل برقم مزود الخدمة من خلال المودم الموجود في جوالك لاسلكياً وكأنك تتصل بأي مودم عادي.

طبعاً هذا شرح مبسط..

ولما تشتري الكرت المطلوب رح أشرح لك المسألة بتفصيل أكثر.

إذا حبيت تاخذ فكرة عن أنواع الكروت وأسعارها روح للموقع هذا:

http://www.expansys.com/d_man.asp?cat=BLUET2

بانتظار ردك الشهر هذا إن شاء الله :cool:

تحياتي

محمد

عبدالرحمن الطويل
16-05-2002, 12:43 AM
محمد ...... اخيرا لقيت عليك شي ...

شوف ياسيدي الرهيب هو 6210 ...

على العموم ..رحت الموقع ولقيت المكان حقه

http://www.nokia.com/phones/productsupport/legal.html?file=6210/ModemSetupforNokia_6210.exe

ها .. شفت كيف انا شاطر

ان شاء الله يوم اشوف سالفة البي سي كارد ارجع اقولك بالتطورات ..

يعني على العيد الجاي :)


شكرا محمد :)