المساعد الشخصي الرقمي

مشاهدة النسخة كاملة : يمه ...يمه..



الأخيــــــــر
04-05-2002, 12:36 PM
يمـه !!! .. أنا مالي في هالزرع مقيال ... يمــــه ربيع الكون ماهو بعيني

ماشاقني طفلٍ وأنا صرت رجال ... وأطلقت بـــــــالأيام مهرة سنيني

يمه رضيت بكل مايرضي الحال ... بس الزمــن بــالحيل يلوي يميني

نوّخت فكري لــلتواضع ولا زال ... وجعلت فـــــي وكر الكرامه جبيني

ومديت كفينـــي عطا تشعل اشعال ... أصابعي شمـــــع لمن هو يبيني

وجعلت فــي قلبي للأحباب منزال ... وسكنتهم رغــــــم علي عاذليني

طبعي كذا ، ماخالطه خبث واهبال ... أشـري الذي في خاطره يشتريني

يمه ، أنا في عالم الحب مرسال ... تكـــــفيني من نار العذاب ادركيني

كنت أذكر البسمـه على شفاة الأطفال ... كانت تحرك كل الأفراح فيني

صمتي قتـــــل في داخلي كل الآمال ... وتبـــــــخرت أحلام أول تجيني

كنت أحسب الـــــدنيا قصيدة وموال ... موالها فــرح ، وفرحها هجيني

لكن نـغمها ماطرالــــي على البال ... ان اللـــــــــيالي بطبعها تكتفيني

يمه ، جهلت اسنين ، وسنين أطوال ... أمشي وتصفق في هواها يديني

أطرد سراب وداخل الأرض زلزال ... آه الـــــــظما يقتل سنابل حنيني

يمه كفوف البرد ماتدفي الشال ... أرمـــي الزمان وبالحنان احضنيني

يمه شكيت ومابغيت أشكي الحال ... صوت انهتف في داخلي... سامحيني



قصيده علي عبدالله

* الـمـنـتـظـر *
04-05-2002, 01:37 PM
يمّه أذنبت ونزحت من العشيرة ** وأن تمنوا توبتي ماني بتايب

وش جزاء اللي حب له طفله صغيره ** غير قبرٍ وضحكها فوقه نصايب













يمه الغربه وفرقاك ملتمه ** دمعة العين هذي مالها داعي

يا بعد راسي انتي ليه مهتمه ** الوجع لي سواة الناي للراعي

آخر وصاتي الذمّه هي الذمّه ** والوصايا هذيك تقدي شراعي

غربة تلوي ذراع أشجع الهمّه ** بس بدري عليها تلوي ذراعي

المستشار
04-05-2002, 02:35 PM
صح لسان الشاعر .. :SMIL:


وتسلم ايد النـاقل .. :SMIL: