تعالوا يا بِـنِـتَّـات .. وحسوا يوم إنكم سِتَّــات..

[Nooosa]

السلام عليكم ورحمة الله .. وبركاته

مساء الورود .. ياحلوااات ..

.
.
يقولون .. سافر فـ في السفر خمس فوائد..
وأنا أقـــول

بل أكــــــــــــثــــر..!|310|

وخير برهان ما أقدمه اليوم .. بين أيديكم ..وأتمنى بالفعل أن يحوز على رضاكم وإستحسانكم:222:
.
.
بسم الله
.
.
طبعـًـا بعد الكرف اليومي في المطبخ..:217:
والوضع الجديد تمامًا..!
ونصائح أختي الكبيــره
وخبرااات الوالــده الحبيبه

وتجاااربي السابقه ..المتواضعه

أقدم لكم اليــوم سفره كامله من يداتي طبعًا
اتدبست فيها بعد ما أهلي عملوا حركة باااايخه
صحيوا في الصباح بدري يتمشوا وسيبولي كلمه صغيـــره .. أبيخ

(( الغدا اليووم عليكِ )):266:
.
.
بس.. الحمدلله مرّ اليووم بسلااام ..:181:
وحتشوفوا دحين كيف اكتشفت إني ســــــت بيــــت مـــحــــتـــرمــــه:181:
.
.
.
في البداية لازم نحط في بالنا ايش نبغى نعمل من بدري عشان الحوسه برضو تكون من بدري
الطبق الرئيسي أولاً ..لازم يكون شي محترم .. يعني رز ودجاج .. رز ولحم .. إيــدام محترم برضو..وزي كدا..وحنعمل اليوم احنا (( كبسه )) << على قدنا

تانيــًا..السلطه .. ودي مهمه جدا وماتكون سفره بدوونها..والسلطه تكون على حسب الطبق الرئيسي يعني سلطه خضرا..أو سلطة لبن..الخ

تالتًا ..الأصناف الأخرى .. يعني ممكن خضار مشوحه .. شوربه ..متبلات ..وغيرها ..لكن أنا اليوم مارح أعمل منها شي ..مافي وقت:171:

رابعًا .. العصيـــــــــــر

وخامسًا .. الحلى ..لو كان فيه وقت كمان:134:
.
.
نيجي دحين للطبق الرئيسي ..
ومع طريقة عمل الكبســه :

نقطع أول شي بصله وحده مربعات صغيره تقريبًا..ونشوحها ع النار مع شوية زيت ..إلى أن يصفّر البصل
نحط فوق البصل بهارات الكبسه المعرووفه ..ومنها ( الخلنجان ،، والفلفل الأسود ،، ورق الغار،، كزبره ناشفه ...الخ )
بعد كدا .. نقطع الدجاج أرباااع ..بعد مانكون غسلناه كويس ونقلبه مع البصل والبهارات..ونغطي القدر شويه إلين يعرّق الدجاج عشان ياخد النكهه يعني..

في دا الوقت نكون ..
طاحنين حبة طماطم ونحط معاها شوية صلصة طماطم عشان اللون بس ولاّ الطماطم المطحوونه كفااايه..ونضيفها ع الدجاج ..ونقلبهم كويس..ونغطي القدر ونتركهم كمان شويتين
ونضيف بعد كدا المويه ..شويه شويه ..إلين نحس إنو الدجاج بدأ يستوي ..ونرش عليه الملح..>>> لأن الملح مايخلي الدجاج يستوي بسرعه

لمن يستوي الدجاج ..نحطه في صينيه وندهنه بالمايونيز والملح والثوم والفلفل الأسود ..وندخله الفرن ..ونشغل الفرن من فووق بس
لأنو الدجاج تقريبا مستوي من السلق..

عبال ما الدجاج يتحمر .. نكون مغسلين كمية الرز اللي نبغاها ..ونطبخها بعد كدا بموية الدجاج ..ونخلي عيننا على طوول ع الرز لأنو بسرعه يتلسع
وأثناء ماينطبخ نقلبه بـ شوكة .. لأن المعلقه تعجِّن الرز..

وبالهنا والعافيه..
.
.
.
.
الطبق التاني سلطة السيزر..<<< أحلى يا أحلى:221:
بس إن شاء الله لمن أجي تاني
تقريبا .. انتهى وقتي اليووم
.
أتمنى ما أكوون طولت علييكم..:130:

ستات البيوت لو سمحتو >>>> استروا ماواجهتوا|347|

نبووضه وهمس وتشيري >>> عقباااالكم:221:

[Nooosa]

مساء الخيــــر:SMIL:
.
.
الحمدلله
ماما اليوم أعطتني وقت إضافي:130:
فـ قلت لازم أجي أكمل..

:222:
.
سلطة السيزر..وما أدراكِ ماسلطة السيزر:256:
بجد شي جُنــان..
هي طبعًا من أنواع السلطات الخضرا .. بس كل اللي يميزها (( الصوص )) اللي يتحط عليها|347|

وكـ طريقة عمل السلطات الخضراء جميعها..
بدايةً..
نقطع كل أنواع الخُضار المتوفره في الثلاجه..:181:
خيار ..
فجل..
جزر..
طماطم..
خس أمريكي ..
بقدونس ..
كرفس ..
بصل أخضر..
.....الخ :134:

.
كما وتضاف إليها قطع الدجاج الصغيره .. وقليل من الذره والمكرونه المسلوقه

نسلق نصف دجاجة تقريبًا لمدة ساعه إلا ربع >> كمية كاافيه جدَا
نقطع الدجاج على شكل مكعبااات صغيره .. وبعدين نشوحها ع النااار مع شوية زيت..ونقطة تووم|315|>>>> ما أحب التووم

كمان نسلق كمية قليله ..
من الذره .. ومن المكرونه >>> المكرونه الصغيره اللي على شكل حروف أو دواوير أو حلزونات..
المهم نسلقها شويتين ع النااار يعني تقريبا 10 دقاايق

وبعد كدا نضع جميع المكونات مع بعض >>> ;)
ونحطها في التلاجه .. ومانحط عليها الصوص إلا وقت التقديـــم..

وطريقة عمل الصوص..
نخلط 3 ملاعق مايونيز مو أكتر :171:.. مع ملعقة لبن زباادي .. ونعصر عليها حبة ليمونة .. ونرش كمان الملح والفلفل الأسود وممكن كمان الفلفل الأبيض .. وشوية خل .. وممكن كمان نقطع شوية بقدونس عشان الشكل يعني;)

بس .. وقت التقديم ..يصب الصوص .. على السلطه ..
ويتاكل بالهنا والعااافيه..

.
.
:212:

[إشراقة أمل]

نوسة,, انتي :181: مــا شاء الله عليك

عقبال الي ما يسووا شي ;)

دمت على خير وطاعة

[EDrara]

آه يا بطنى

وجعتيلي بطنى يا نوسا

ممكن كم طبق؟ من عندك

ومين قال إنك منتى ست بيت
دنت ست الستات

[رحاب]

حركاااااااااااات ياقلبي
ماشاء الله فعلا بهرتيني
يعني ست بيت بحق وحقيقي
فخورة جدا بيكِ اليوم حاسة كأنه بنتي اللي دخلت المطبخ:256:

عقبال باقي بنات الدرر يفكها ربي عليهم ويحنوا شوية للمطبخ:217:

نوسة استمري ولاتحرمينا من وصفاتك خاصة السلطة كنت بدور عليها:SMIL:

دمتِ في حفظ الرحمن ورعايته

[رغــد]

مساء الإبداع يانوسا ..
إنت فنانة فعلاً ..
يعني بدايتك قوية بصراحه ..
لأني اللي أعرفه إن البنوتات أول مايبدؤا يسووا شي في المطبخ ..
يبدؤوا بالحلى !! لأنه أسهل شي .
بس إنت كسرتي القاعده وبدأتي بالأطباق الرئيسية .. " كبسة مرة وحده "
يم يمي ..
برافوا عليكِ ..:181:
.
.

طبعاً الملاحظة الوحيدة كانت هي :
حطيتي حبة طماطم وحده ..
أنا أشوف إنها ماتكفي إذا كنت جالسة تطبخي لك ولعائلتك ... خصوصاً إنك طابختها على دجاجة كاملة .
عشان كذا زوديها شوية .. حبتين أو ثلاث .. لأن طعم الطماطم أفضل من الصلصة .... والصلصة هي اللي لازم تكون شوية . << خبرة:D

.
.
أشكرك نوسا على طبقك الرائع .
وإلى الأمام .. والمزيد من الأطباق . :SMIL:

[DANiA]

هلا بحبيبة قلبي نوووسة السوووسة النااموسة..

يارزة..:D

أحب أباركلك بسبب انك حققتي حلم مامتك ..:SMIL:
طبعا اي شئ من يدك لزيييز ان كان رزو دجاج ولا السيزر <<عاد داه شئ تااني..


بس بأقوولك كلمة حطيها حلق في اذنك..((( أحسلك تجلسي هناك))):D
نوسة..كل رزة تاكليها اتذكريني..:SMIL:
وكل دجاجة تاكليها أفتكريني برضو:256:
وكل سيزر تاكليه أفتكري أول مرة أجبرتيني على ذوااقتو..

[المحروووم]

نوسا ..

ماتسوين فيني خير وتعلميني كيف اسوي الشاهي .. :MAD2:

بايووو خيتووو

:D

[DANiA]

انا بعلمك كيف يتسوى الشاي..
أول شئ تحمي المويه إليييييييييييين تقووول صصصصصصصصصصو..:D

بعدين تحط المويه على الكوب وتغمس اللبتون فوق تحت وبس وشويه سكر مع اضافه القليل من الليمون و إذا فيه نعناع..بس..

[نبضة الخير]

سلاااااااااااااااااااااااااااا م
ايه
الحركتات دي
عقبالي يارب
افتحها عليا:228:
كل يوم أطبخ براياني لأهلي ( طبعا في الحلم)
الظاهر
انا عندي عقدة
من طبيخ
كل ماأسوي حاجة تخرب
الله يعينن مامتي

يسلمو نوووسة على الغدا الحلو

[Nooosa]

أهلا .. أهلا ..إشراقة:256:

أنا كدا >>>:181:؟؟؟
.. طب مره شكرًا :130:

شكرا لمرورك الغالي..أختي..
سعيده جدا .. بمتابعتك..

:SMIL:

[Nooosa]

كاتب الرسالة الأصلية : edrara
آه يا بطنى

وجعتيلي بطنى يا نوسا

ممكن كم طبق؟ من عندك

ومين قال إنك منتى ست بيت
دنت ست الستات

::]
أنا وجعتلك بطنك .. أفااا
>>>

<<< :266:

.
تفداك الأطباق كلها يا الطيب..:SMIL:
.
.
جبر الخواطر على الله|273|
شكرا للطفك .. أيها الكريم // إدرارا

[Nooosa]

أهليــــــــــــــــــن .. أبلتي حبيبتي..:256:
أنا اللي فخورة جدًا جدًا إني فرحت قلبك..
ومبسووطه كمان لأنك لقيتِ اللي تبغيه هنا..

ولا يهمك .. خلاص عرفت طريق المطبخ|310|

الله لا يحرمني من أخوتك ..أبدًا
أكيد أنا محتاجه لمتابعتك .. ودعمك..
لا عدمتكِ .. ذخري..:SMIL:

[المحروووم]

كاتب الرسالة الأصلية : Cherry Lips
انا بعلمك كيف يتسوى الشاي..
أول شئ تحمي المويه إليييييييييييين تقووول صصصصصصصصصصو..:D

بعدين تحط المويه على الكوب وتغمس اللبتون فوق تحت وبس وشويه سكر مع اضافه القليل من الليمون و إذا فيه نعناع..بس..

يادين النبي .. :237:

انا قلت نوسا ماقلت شيري علميني كيف اسوي الشاهي .. |320|

يعني الانبراشات هذي ..:219:

لا حتى جزمه مو لابسه .. الحين لو انا انصبت :MAD2:

ايش راح تسوين ليا ..:266:

والا شي حتى المستشفى ماراح توديني .. :148:

واذا تكرمتي عليا راح ترميني عند باب المستشفى .. :148:

شيري ..

حسني لعبك والبسي جزمات وانتي تلعبي كوره ..

:D

[Nooosa]

كاتب الرسالة الأصلية : رغــد
مساء الإبداع يانوسا ..
إنت فنانة فعلاً ..
يعني بدايتك قوية بصراحه ..
لأني اللي أعرفه إن البنوتات أول مايبدؤا يسووا شي في المطبخ ..
يبدؤوا بالحلى !! لأنه أسهل شي .
بس إنت كسرتي القاعده وبدأتي بالأطباق الرئيسية .. " كبسة مرة وحده "
يم يمي ..
برافوا عليكِ ..:181:
.
.

طبعاً الملاحظة الوحيدة كانت هي :
حطيتي حبة طماطم وحده ..
أنا أشوف إنها ماتكفي إذا كنت جالسة تطبخي لك ولعائلتك ... خصوصاً إنك طابختها على دجاجة كاملة .
عشان كذا زوديها شوية .. حبتين أو ثلاث .. لأن طعم الطماطم أفضل من الصلصة .... والصلصة هي اللي لازم تكون شوية . << خبرة:D

.
.
أشكرك نوسا على طبقك الرائع .
وإلى الأمام .. والمزيد من الأطباق . :SMIL:

أهلين رغـــد ..
مساء الورد ياورد .. :SMIL:
.
.
حقيقي يارغووده .. ردك أسعدني جدًا جدًا..
وبعدين
أنا شفت الكبسه أسهل شي تقريبًا وما كان فيه وقت كمان .. اتصرفدت صرفده محترمه:217:
والبنوتات اللي يسووا حلى ترى ما في راسهم طبيخ ولا نفيخ صدقيني:180:
.
ملاحظتك كانت في محلها ياحلوه .. بس الحمدلله ماما ماانتبهت للطماطم لأنهم رجعوا جيعانين:D
وأنا شفت لون الرز فاتح حطيت شوية صلصه:130:
ماعليكِ ياست الحبايب .. ومنكم نستفيد |310|
.
الله يخليكِ يارب يارغووده .. رفعتي من معنوياتي كتيير
وإن شاء الله .. إلى مزيد من الأطباق:222:
بس أهم شي لا تحرمينا الطلات والخبرااات;)
.
.
دمتِ بخير وسعاده وراحة بال يارغد..:SMIL:

[Nooosa]

نورتِ يا تشيري .. ياعسل:256:
.
.
الله يبارك فيكِ ياستي .. ويسعدك على كلماتك اللي تفرح قلب نووسا..:SMIL:

وبعدين تعالي هنا..
قولي إنه السيزر اللي أسويها ماتعجبك..|320|
قولي قولي..
لا أحسن قولي
>>>>>>>>>>>>>>>>>|210|
.
.
دنّوو..
إدني مليانه حلقااان ماني حاطه حلقك في إدني:223:
قال اقعدي قال .. تبغي تموتيني إنتِ؟؟
تعرفي قد إيش أكره الكفار وبلادهم .. ماني طايقه نفسي بينهم والله ..
مو مصبرني إلا الدراسه.. الله يعدي السنين الجيه على خير بس..
دعوااتك ياألبي..

[Nooosa]

هلا محرووم ..
إلا أعلمك وأعلمك .. وأعلمك كمان
هو في أحد مايحب يسوي خيــر .. :SMIL:
بس استنى علي كمان شويه .. أقلك على طريقة شاهي معـــتق كمان
حيكون مع التسالي حق العصريه .. بدال الحلى:217:

.
شكرًا لمرورك..:SMIL:
.
وهجدنا بالله إنت وتشيري..:219:

[Nooosa]

.
تشيري .. هي المويه تتحمى؟؟:266:
طب ممكن لا توصفي لأحد أكله .. لا تفضحينا
بعدين الناس يقولوا.. هادي آخر تربيتك يانووسا:180:
._______

حياكِ الله نبووضه
وعليكِ السلام والرحمه والفضل والمنه والبركات..:SMIL:

.
شوفي ياست الكل..
بلا عقدة .. بلا حمزه
مصيرك بتدخلي المطبخ .. وتطبخي وتنفخي..:171:
اتعلمي من دحين .. وابدئي ساعدي مامتك كل يوم
وشويه شويه .. تسيري أخطر منها كمان .|347|. حتى أسألي همووسه:148:
.
.
الله يسلمك يا ألبي ع المرور
ولا يحرمني منك..

[Nooosa]

السلام عليكم ..

مسائكم طيب .. يا طيبين

بما إني أتأخرت .. ومافي وقت للحلى :217:
وإحنا في العصريه .. لازم نعمل تسالي خفيفه ( نعمل مو نشتري ).. مع الشاهي>>>> اللي يبغاه عدنانووه:222:

ومدام فيه شاهي مافي عصير:171: >>>>>>:212:
.
طيب .. طيب

الشي اللي حنسويه .. اسمه (( الرز المقلي ))
بسيط جدًا وخفيف .. ولزيـــز مره كمان ..:181:

الطريقه .. ياقلبي العنا الطريقه >>>>>> جفوو لا تجي هنا:134:
نحمي كمية من الزيت .. على ناار عااليه
عشان يسير مررره حااااااار ..
ونحط عليه كمية الرز اللي نبغاها .. ونشيل الرز على طوول عشان لا يتحرق
يعني يادووبك بس..
وطبعًا نرش عليه شوية ملح .. وياااااسلااام لو اتاكل مع الشطه:181:
.
.
.
نجي دحين للشاهي..المعتق;)

وأنا أعطيكم أفضل أفضل طريقة لعمل الشاهي .. اللي يمخمخ عليه الواحد من جد..

في البداية ما نحط الموية في البرَّاد إلين تكوون مغليه ودووبها فايره..
والتلقيمه تكون على حسب الشاهي اللي أنا أشربه
يعني إذا معقود مره .. ولا وسط .. ولا خفيف
نعبي ربع البرَّاد بس .. مويه فوق التلقيمه طبعًا..
ونخليه يغـــــلي ويطبــخ كتير..
وبعد كدا نطفي النار .. ونصب فوقه الموية الباقيه
ومن أبدع ما يكون:181:
.
ملاحظة بسيطه ..
الرز اللي نقليه .. أفضل شي هو الرز الأمريكي..
.
.
وبس .. شكرًا لكم .. ونراكم في الحلقة القادمة
دانكي شن ..
نووسا

[المحروووم]

كاتب الرسالة الأصلية : Nooosa


وهجدنا بالله إنت وتشيري..:219:

ممكن انا اعرف انا ايش دخلني .. :219:

البنت بس قاعده ليا في كل صغيره وكبيره ..

طماطم ترمي عليه سجن ومافيه في المنتدى الا انا ..

اقلك صرت اشك في نفسي .. :D

اقول ياهووو يامحروووم تذكر يمكن قتلت انسان يعز عليها ..

بس تذكرت في الاخير اني مو مجرم :MAD2:

_______________

شيري ..

تعرفي تسوي كذا .. :221:

[Nooosa]

أهلين عدنان ..

مو انت في أبها .. يللا سوي الشاهي واتدفا:150:
.
عارفينك يا أخويا لا انت مجرم ولا من جنبها
بس تشيري هي حره .. ترمي طماطم على كيفها وعلى اللي تبغى
مو من جيبي:223:
.
.
محرووم يا ابن الحلال تعرف تسوي كداhttp://www.nafithat.com/vb/images/smilies/zzzh_3.gif

[المحروووم]

نوسا يابنت الحلال ..

انا باقي مارحت ابها يوم الجمعه مسافر انشاء الله ..

على فكره ترى انا كلامي اللي فوق كله مزح بس احب اعابط ..:171:

بايووو خيتووو

:SMIL:

نوسا تعرفي تسوي كذا

:212:

[Nooosa]

تروح وتجي إن شاء الله بالسلامه خيوو:SMIL:
.
.

[المحروووم]

الله يسلمك خيتوووو .. :SMIL:

<<<< قلب الموضوع شااااااااااااااات .. :D

بايو خيتو ..

:SMIL:

[Nooosa]

البيت بيتك يا ابني

:219:

[DANiA]

محروووم ...

إشبــــــك تراني طفشت..:D

:221:

نوسه..
ميين قال إنو دا بيتو...<<ياويلك من ابو فهد

[Nooosa]

هلا تشيري..
أبوفهد .. أبونا كلنا..:256:
والبيت بيت أبونا اللي هو أبوفهد..
يعني بيتنا .. والمحروم أخونا.. يعني كمان بيته ..
.
.
بت .. ديري وشك على هناك

[DANiA]

أفا عليكي يابت تقوليلي كده..
طيييييييييييييييييييييب الويل لك..

[Nooosa]

تكفى ..
.
.
تشيري (( سمايل يكفكف ))

[DANiA]

والله يا بنت مافيا اروح لـ إضافه رد..وحركات زاايده.

بس لو فيني كنت حطيتلك رجوول كمان..

معليه فيا نووم بدأت أخرف.

[Nooosa]

روحي نامي الساعه سته الصبح..
وأنا مو معاكِ..
صاحيه ليــــــــــــــــــــه
.
.
بنت
يقولوا دردشة الترفيه والوناسة في اللفه .. موهنا
هادا محل محترم
.
(( سمايل عييينه قووويه ))

[ملكة البحار]

نوسا

يسلمو أناملك

فنــ ـ ـانه والله:256:

[Nooosa]

أهلاً .. أهلاً ..
حياكِ الله ..
حبيبة قلبي .. ملوووكة
.
.
والله ياستي إنتِ الفن كلوو
.
يسلم ردك ومروورك..
وماننحرمش :256: