خبر عاجل ... جف البحر مدرب للمنتخب السعودي [الأرشيف]

BackShadow

21-06-2004, 01:34 AM

السلام عليكم ورحمة الله وبركاته

اليوم كان فيه اجتماع غير اعتيادي لاعضاء الدرر
احنا متعودين اننا نجتمع يوم الثلاثاء بس اليوم كان جف البحر مصمم نتقابل
وكانه يدور على نكبته :D

المهم اللي حصل اننا اجتمعنا انا وزادي والمحيا والرائع ياكلك وجف البحر
تشرفنا بمقابلة ياكلك والتعرف عليه وبالفعل هو اكثر من رائع
وبعد سجال كبير وشماتات على هزيمة الاتحاد من الشباب
وفلسفة جف البحر وتحليلاته عن اسباب الهزيمة
جات في الاخير سيرة المنتخب السعودي ومستوياته الهزيله وذكريات كاس العالم

وهنا المهم ... يعني كل واحد ياخذ باله من اللي بعد كذا :209:

قال جف البحر ان مدربين المنتخب تنحين وخصوصاُ المدرب اللي كان يدرب المنتخب في كاس العالم 2002

قال له زادي هذا ناصر الجوهر يا فالح

صمم جف البحر ان مدرب المنتخب في كاس العالم 2002 هو مدرب اجنبي ما يذكر اسمه
وان ناصر الجوهر كان مساعد للمدرب وبعد الهزيمة من المانيا تم طرد المدرب الاساسي واصبح الجوهر هو البديل
وراسه والف سيف " جف البحر " ان مدرب المنتخب ما كان ناصر الجوهر

وقتها طلعت جوالي وحطيته في الارض وقلتله تتحدى على الجوال |320|
قال لا طبعاً ما اتحدى <--- فرحان بجواله الجديد

طلعت مفتاح سيارتي وقلتله هذا المفتاح مع الجوال تتحدى

قال لا ..

انا اتحداكم على عشاء في الهيلتون

قلتله انا مستعد اتحمل العشاء ليلة وزادي قال انا كمان مستعد اتحمل ليله اذا كان كلامك صحيح
يعني ليلتين
والتحدي يشمل الاربعة اللي كانوا حاضرين ( كان وقتها ياكلك لم يصل بعد )

جلسنا نحاول نقنع فيه انه على خطأ وما فيه داعي للتحدي
وهو راسه والف سيف ان الجوهر ما كان مدرب المنتخب وقتها :171:

قال زادي اتحمل ما جاك ... والله ما اسامحك لو تقول على نفسك ايش ما تقول

وصل ياكلك وسألناه وقال ان الجوهر هو المدرب
طبعاً ما صدق جف وراح يسوي اتصالاته
رجعلنا يسألنا ايش معنى صرصور بالانقليزي <--- ما ادري ايش علاقته بالموضوع

نهاية الموضوع التحدي قائم الى الان على

من هو مدرب المنتخب السعودي في مباراة الثمانية اهداف مع المانيا

طبعاً اتحدد يوم الثلاثاء العشاء في الهيلتون

وضيف الاجواد مضيف ... يعني الله يحييكم جميع :134:

اللي يعرف الجواب وبالادله يجاوب

شكلها في الاخير بيصير فيه حملة انقاذ جف البحر من الهيلتون :220:

مع تحياتي

أحمد السعيد

21-06-2004, 02:15 AM

استلم ناصر الجوهر زمام تدريب المنتخب السعودي في شهر 8 / 2001 بتوجيه من صاحب السمو الملكي الأمير سلطان بن فهد حفظه الله وهذا ماذكره عبدالله جار الله المالكي في جريدة عالم الرياضة واصبح يتريق على ناصر الجوهر لأنه تعين في شهر ثمانيه وأكلها بالثمانيه :181:

انا معزوم على العشا والا لا ؟ |151|

تراني عزمت ابن النجار وكل النجاجره وعيال البدو كلهم جايين :212:

الهيلتون !!! :203:

هماااااااااااااااااام ايش لك وايش للمنتخب بالله عليك

خليك في الإتهااااااااد :220:

أحمد http://www.dorarr.ws/forum/attachment.php?s=&postid=159327

Nooosa

21-06-2004, 02:25 AM

[QUOTE]كاتب الرسالة الأصلية : أحمد السعيد
[B]استلم ناصر الجوهر زمام تدريب المنتخب السعودي في شهر 8 / 2001 بتوجيه من صاحب السمو الملكي الأمير سلطان بن فهد حفظه الله وهذا ماذكره عبدالله جار الله المالكي في جريدة عالم الرياضة واصبح يتريق على ناصر الجوهر لأنه تعين في شهر ثمانيه وأكلها بالثمانيه :181:

المحروووم

21-06-2004, 02:33 AM

يعني راح نتعشى في الهيلتون ... :D

<< قبل سنه ونص شرب كابتشنو في الهيلتون بـ 28 ريال مع الخدمه

طبعا انا كان معاااي واحد ...

حلو عشاء ممكت اكلم شبا من برى .. |273|

بصراحه في عيال يطلبوني بعشاء فرصه خليني ادخلهم الهيلتون ..

وش قلت اونكل ..

رغــد

21-06-2004, 03:29 AM

جف ..
وديهم الهيلتون حق ذاك اليوم ... اللي سويتوا فيه احتفالية الدرر . :181:

رحاب

21-06-2004, 03:46 AM

أحم وصلت صدى أخت المعلقة والمحللة الرياضية نبضة
بعد سؤال نبضة واللي عيني باردة جابت الخبر في ثواني قالت انه عام 98 كان مدرب اجنبي أسمه بريرا وأتشات بعد الخسارة من فرنسا 4 صفر وجى بدل عنه مساعد المدرب السعودي وعلى ماتعتقد اسمه محمد الخراشي خسروا من الدنمارك 2 صفر واتعادلوا مع جنوب افريقيا
اما 2002 الهزيمة الثمانية على يد المدرب القدير ناصر الجوهر
وبالنسبة لـ2006 اللي بألمانيا المدرب هولندي فندر ليم
وطبعا أنا وأختي نطالب بحق هاالإجابة النموذجية وراضيين ولو بكوبونات ملاهي أو مراكز تجارية من مهرجان جدة غييير:D
وتركنا لكم هيلتون وولد عمه
جفو لما تتحدى اتحدى على صحن فول ولا سوبيا أرخص وأسهل:221:

EDrara

21-06-2004, 04:41 AM

باك

انا جيكم بكرة علشان العشاء

استونوني

جف البحر

21-06-2004, 05:14 AM

احم احم ..

اححححححححححم احححححححححححححم

مرحبتين اونكل :130:

اقول..

مين هدا اللي اتحدى؟؟؟؟؟

فيه بوفيه في قهوة ليلة خميس اسمه الهلتون..

وانا عند كلمتي..

وبعدين مو التحدي على اشياء زي كده حرام ؟؟

عشان كده التحدي هدا باطل وما يقع :D

اقول انا قلت كلمه واضحه

قلت ناصر الجوهر ماكان مدرب لسبب..

دحين اللي حط التشكيله ماكان ناصر الجوهر..

والخطه كذلك ..

يصير كيف ناصر الجوهر مدرب..

لكن انتو ما فهمتوني..

عشان كذا انا مسامحكم .. ولا ابغى اعتذار ولا شي..

اهم حاجه تعرفو غلطكم .. ;)

مع حووووووووبي،،

جف البحر

21-06-2004, 05:16 AM

اقول احمد

انته بالله لسه تهرج انته والنادي حقك

لمن تاخدو كأس تويكس بعدين تعالو اهرجو ..

المهم ..

شرحت انا فوق ايش كان قصدي بالكلمه ..

وبعدين نوسا..

يا يكون عندك رد لوحدك يا لا تتلقفي..

مني ناقص بزوره كمان :150:

مع حوووووووووبي،،

جف البحر

21-06-2004, 05:19 AM

هي هي

يا اخو يا محروم

دحين الحقوق اللي عليك بتحطها في ضهري..

بلا سلتحه ..

روحو اتفاهمو مع اللي عزمكم .. |320|

وبعدين انا قلت ولازلت اقول وجهة نظري..

الجوهر كان مدرب صوري فقط :134:

مع حوووووووووبي،،

جف البحر

21-06-2004, 05:20 AM

اهلين رغد

انتي كده :181: يا شيخه

تمام عليكي..

ها ايش رايك اونكل ..

مع حوووووووبي,،

جف البحر

21-06-2004, 05:22 AM

مرحبتين صدى

اقول انتي واختك سرييييلكم

عندكم مهرجان الزهور في الهيئة ممكن اجبلكم فيه حضور

ولا ادخلكم 3 ايام نادي السيدات في الهيئة الملكيه مافي مشكله :D

جده دي شيلوها من راسكم ..

ولا اقلك

اونكل كريم وانتو تستاهلو :212:

مع حوووووووووبي،،

جف البحر

21-06-2004, 05:25 AM

مرحبتين ادراروه

هدا كله جوووع

استنونونتنوتنوي.. :220:

كلمه مدري من فين جايبها :D

مرحبمبك يا حلو

وانته لك عزيمه متى ماجيت جده ;)

مع حووووووووووبي،،

جف البحر

21-06-2004, 05:29 AM

عموما ختاما اقول..

اذا اونكل مو قد عزيمته

فأنا وبكل صدر رحب..

اقلكم حياكم الله جميع اعضاء المنتدى اللي يحبو ..

طبعا بدون ضيوف ولقافه

عشاء من عيوني..

البيك اشبه :134:

واحد حراق وصلصة كوكتيل وكولا زي الفل.. :212:

مع حووووووووووووووبي،،

zadi

21-06-2004, 10:13 AM

______________

شوف ياأبو فل وعنقز إنتا ,,, جف ,,, يعني تحوس وتلوس وتقوم كل الجلوس وتقعد تستعبط عشان تضيع العشا ,,, هذا شي طبيعي لأنك شايلها في ظهرك شايلها ,,, لكن كمان تجي تقول أنا قصدي وقصدي ومدري إيشكلووو ,,,

هذا إللي مرفوض يانور عين أونكل وزادي إنتا ,,, :219:

جف خليك رجال و ( شد على الكوفية ) وخلك قد كلامك وتحديك :171:

وماظنتي ترضى إنك تطلع ( كتكت ) قدامنا ,,,:134:

هي الشغلة ومافيها عشا زي ماأتفضلت وأتحديت وحددت مكان العشا :209:

قلنا لك يابن الحلال خليك على تحدي الجوال ,,, سويت فيها ( عمو بابا ) وحطيت الهيلتون هو الفاصل ,,,
المهم خليك من الكلام إللي مايودي ولا يجيب ,,, والتلوت وخير ,,,
بامر على باك ونمر سوا على المحيا ونواعد ياكلك شوف عاد فين وبنجيك بعد العشا ,,, عشان يحلا السهر والفرفشة ,,, :181:
وأما بقية الشباب فا ( يمتنعون ) الله يخليكم ,,, كفاية عليه فقشة وحدة ,,, راح يصخن منها أسبوعين .
وخيرها في غيرها ,,, وترا أدخلو معاه في تحدي رياضة ,,, والله ميح ,,, ماعنده ماعند جدتي الله يرحمها ,,,

وعلى فكرة أكثر واحد حاقد عليه أنا ,,, لأنه تحداني وقعد يرفع صوته وأنا أقوله ,,, ياهيمو أهدا ياحبيبي ,,, ياهيمو أفهم يانور عيني ,,, ياهيمو الله يشيلك أقعد ,,, وهذا مافي فايدة ,,, راصه وألف سيف إن ناصر الجوهر كان مساعد مدرب ,,,
___________

باك ,,, شوف ياسيدي ,,, مشرفكم الهمام هيمو ,,, أتصل بي الساعة 2 ونص بعد نص الليل ,,, وقال الكلمة إللي طلبتها منه عشان اسامحه ,,, طبعاً أنا أتمزجت بالكلمة هذي وقعدت أغنيلو هيه وهو قعد يرددها على لحن أغنية محمد عبده ,,, مذهلة ,,,
بس برضو والله ماسيبته ,,, ومو راح أسيبه إلين يقولها هنا أو قدامكم كلكم يوم التلوت ,,, خلاص ,,, أتفقنا ؟؟؟
________

بايييييييييييييييييييي

ابوفهد

21-06-2004, 10:51 AM

يسعد الله ايامكم بالخيرات والثمانيات :D

ماشاء الله تبارك الله كل هذا وانا اخر من يعلم ؟

الحق راكب راكب ياجفو ياحووووبي

ياعيني هو اصلا الوزير وزير ياباشا

مو الوزير ينفذ تعليمات طويل العمر ؟:D

ومع ذلك اسمه وزير يعنى مثل المدرب

وبعدين من متى ومدربين المنتخب او الاندية لهم كامل الصلاحية ؟

المهم اجلوها ليوم الخميس اولا

بعدين اعملوا لي حجز مؤكد الاربعاء والعودة الجمعه

علشان اجيلكم اشاركم الافراح

دمتم بخير

BackShadow

21-06-2004, 11:29 AM

هلا حمودي

الله يسعدلي ايامك يا شيخ
بس انا كنت ابغى الخبر يكون من موقع او من جريدة برابط
علشان الجحش هذا ما يكثر كلام
لا واللي يقهرك انه جاي يتفلسف ويقول انا كنت اقصد انه مدرب بالاسم
وماهو اللي حط التشكيله

ياعيني يا عيني

عموماً على قول زادي اعذرونا يا جماعة كفاية عليه احنا الاربعة
وباذن الله التحدي القادم نعزم الجميع :183:

مع شماتاتي

BackShadow

21-06-2004, 11:32 AM

اهلين نوسه ...

يا ريت تشوفي اذا كان فيه فرع للهيلتون في فيينا :134:
يصير نخلي العشاء عبر الاقمار الصناعية :212:

مع شماتاتي

BackShadow

21-06-2004, 11:45 AM

هلا محروموه

يا حبيبي المفروض تقول انتوا حتتعشوا في الهيلتون
مش احنا حنتعشى :D

يعني لا تحشر نفسك معانا
ترى ياكلك بالقوه جالسين نحاول انه يحضر معانا وجف البحر رافض
يقول التحدي على ثلاثة اشخاص فقط

وزي ما قال زادي التحدي الجاي نعزم المنتدى كله باذن الله :181:

مع شماتاتي

BackShadow

21-06-2004, 11:48 AM

اهلين رغد

يعني بدل ما تتشمتي فيه جالسه تبغي تورطينا في الهيلتون حق الاحتفالية :217:

عموماً هي راكبه راكبه في ظهره
واحنا متوعدينه باذن الله

مع شماتاتي

BackShadow

21-06-2004, 11:52 AM

اهلين صدى ..

الحمد لله على السلامة ... توها تنور الدرر |310|

نبضة انا من يومي اقول عليها ام الرياضة :D
ما شاء الله ما باقي الا تجيب اسماء اللاعبين واعمارهم والعلامات الفارقة في جباههم :181:

اتمنى جف يقتنع بعد الكلام اللي كتبتيه

وصدقيني زادي حاول فيه ان التحدي يكون على راس معسل
والا على قولك صحن فول او واحد معصوب
بس هو راصه ( على قول زادي ) والف سيف الا الهيلون
شكله نفسه يتعشى هناك من زمان :212:

مع شماتاتي

BackShadow

21-06-2004, 11:54 AM

اهلين حبيبي

قسم باله البارح اقول اكثر واحد بيفرح هو ادرارا :181:

انت تعال وانا اخليك تتعشى بدالي :212:

المهم نتشمت فيه علشان يبطل يتحدى مره ثانية

مع شماتاتي

BackShadow

21-06-2004, 12:00 PM

اهلين جف

نعم يا خويه ... نعم يا حبيبي
انت اتحديتنا على ايه ....
على ان الجوهر كان مدرب صوري هاااه

شوف حبيبي
المثل الفنزولي بعد التعديل يقول ... اذا منت قد التحدي لا تتحدى
اما تكون رجااااال وقد كلمتك والا بيكون كلام ثاني

خالك زادي قال لك قول كلمة واحدة بس وهو يسامحك
وانت اللي اخذت الكبر راس وما رضيت

وبعدين تعال هنا

بالله مين يفوز في التحدي

زادي قلب الاسد والا همام جف البحر :220:

يا اخي شي طبيعي ان زادي يفوز

عموماً ترى انا من البارح ما اكلت شي جالس اجوّع نفسي :214:
وباذن الله الثلاثاء اصلي المغرب في المسجد اللي جمب بيتكم :134:

الا على فكرة ... عرفت ايش معنى صرصور بالانقليزي :183:

مع شماتاتي :220:

BackShadow

21-06-2004, 12:04 PM

اهلين زادي قلب الاسد

لا تخاف ... ترى همام رجال ومستحيل يرجع في كلامه
انا اعرفه كويس ... كله الا انه يطلع خيخه قدام الناس :150:

العشاء باذن الله زي ما هو رتب له يوم الثلوث

انا البارح اتصل علي كمان الساعة 2 ونص
الظاهر زي ما سوا معاك كان ناوي يقول لي الكلمة ذيك علشان اسامحه
وبصراحه طنشت ولا رديت عليه
لاني عارف نفسي قلبي رهيف وممكن اسامحه وقتها
خفت المحيا يزعل بعدين :209:

يا ترى هو اتصل على المحيا كمان والا لا :220:

عموماً العشاء الثلوث ان شاء المولى ... جوّع نفسك كويس

من يومك يا ابوزاد قد التحديات :181:

مع شماتاتي

BackShadow

21-06-2004, 12:17 PM

اهلين بالعمدة

والله انا كنت اقول لجف نخليها الخميس
بس هو كان مصر تكون الثلاثاء ... يقول مستعجل يبغى يتعشى :183:

عموماً تتعوض باذن الله مره ثانية

وعلى قولك .. من متى المدربين السعوديين يحطون التشكيلة :266:

مع شماتاتي

جف البحر

21-06-2004, 03:51 PM

كاتب الرسالة الأصلية : zadi
______________

شوف ياأبو فل وعنقز إنتا ,,, جف ,,, يعني تحوس وتلوس وتقوم كل الجلوس وتقعد تستعبط عشان تضيع العشا ,,, هذا شي طبيعي لأنك شايلها في ظهرك شايلها ,,, لكن كمان تجي تقول أنا قصدي وقصدي ومدري إيشكلووو ,,,

ياخال انته فاهم غلط صدقني..

وهذا مهو ذنبي ..

انا مني مسؤول اخش جوة دماغك واقلك كيف تفهم ..

انا مسؤول اقول اللي في نفسي |347|

هذا إللي مرفوض يانور عين أونكل وزادي إنتا ,,, :219:

جف خليك رجال و ( شد على الكوفية ) وخلك قد كلامك وتحديك :171:

وماظنتي ترضى إنك تطلع ( كتكت ) قدامنا ,,,:134:

مين دا.. |320|

هي الشغلة ومافيها عشا زي ماأتفضلت وأتحديت وحددت مكان العشا :209:

قلنا لك يابن الحلال خليك على تحدي الجوال ,,, سويت فيها ( عمو بابا ) وحطيت الهيلتون هو الفاصل ,,,

العشا في الهيلتون ل5 اشخاص اقل من قيمة الجوال..

اشبك انته

المهم خليك من الكلام إللي مايودي ولا يجيب ,,, والتلوت وخير ,,,
بامر على باك ونمر سوا على المحيا ونواعد ياكلك شوف عاد فين وبنجيك بعد العشا ,,, عشان يحلا السهر والفرفشة ,,, :181:

خلاص نخلي التلوت في هيلتونيا ليلة خميس..

وابشروا بوفيه سندوتش بيض بالجبنه بس حق تسمم ابو اسبوعين :D

وأما بقية الشباب فا ( يمتنعون ) الله يخليكم ,,, كفاية عليه فقشة وحدة ,,, راح يصخن منها أسبوعين .
وخيرها في غيرها ,,, وترا أدخلو معاه في تحدي رياضة ,,, والله ميح ,,, ماعنده ماعند جدتي الله يرحمها ,,,

اقول..

انا ماراح اخش معاك في جدال رياضي..

لأنك عبيط وماتفهم كورة ..

قال زاراتي بـ مليون ..

قوووووووم ياشيخ |151|

وعلى فكرة أكثر واحد حاقد عليه أنا ,,, لأنه تحداني وقعد يرفع صوته وأنا أقوله ,,, ياهيمو أهدا ياحبيبي ,,, ياهيمو أفهم يانور عيني ,,, ياهيمو الله يشيلك أقعد ,,, وهذا مافي فايدة ,,, راصه وألف سيف إن ناصر الجوهر كان مساعد مدرب ,,,
___________

باك ,,, شوف ياسيدي ,,, مشرفكم الهمام هيمو ,,, أتصل بي الساعة 2 ونص بعد نص الليل ,,, وقال الكلمة إللي طلبتها منه عشان اسامحه ,,, طبعاً أنا أتمزجت بالكلمة هذي وقعدت أغنيلو هيه وهو قعد يرددها على لحن أغنية محمد عبده ,,, مذهلة ,,,
بس برضو والله ماسيبته ,,, ومو راح أسيبه إلين يقولها هنا أو قدامكم كلكم يوم التلوت ,,, خلاص ,,, أتفقنا ؟؟؟

مين ذا الي اتصل ؟؟

يبويه ترى يا انته خرّفت يا جوالك خرّف..

عندك اثبات ؟؟؟ :171:

________

بايييييييييييييييييييي

مع حوووبي،،

جف البحر

21-06-2004, 03:53 PM

كاتب الرسالة الأصلية : BackShadow

اهلين جف

نعم يا خويه ... نعم يا حبيبي
انت اتحديتنا على ايه ....
على ان الجوهر كان مدرب صوري هاااه

بكل تأكيد |310|

شوف حبيبي
المثل الفنزولي بعد التعديل يقول ... اذا منت قد التحدي لا تتحدى
اما تكون رجااااال وقد كلمتك والا بيكون كلام ثاني

برضو مين دا :220:

خالك زادي قال لك قول كلمة واحدة بس وهو يسامحك
وانت اللي اخذت الكبر راس وما رضيت

وبعدين تعال هنا

بالله مين يفوز في التحدي

زادي قلب الاسد والا همام جف البحر :220:

يا اخي شي طبيعي ان زادي يفوز

يا حبيبي انا اخش تحديات اكبر من كده ..

مايجي غير قلب الاسد يفوز ..

هدا اللي بقي..

عموماً ترى انا من البارح ما اكلت شي جالس اجوّع نفسي :214:
وباذن الله الثلاثاء اصلي المغرب في المسجد اللي جمب بيتكم :134:

اللي في ينبع ؟؟ :134:

الا على فكرة ... عرفت ايش معنى صرصور بالانقليزي :183:

استحي اقلك :150:

مع شماتاتي :220:

مع حووووووووووووبي،،

EDrara

21-06-2004, 05:59 PM

باك

توه متصل عليّ ومعترف ومقر بالخمسة

لا ويرسلي ملف مدري من فين جايبه (يغطى على فعلته)

وبيعايب على كلماتي

جف البحر

21-06-2004, 06:03 PM

هههههههههههههههههههههه

الله يرجك ادراروه رجا مبرحا..

ماشي ماشي

هادي اخرة اللي يسأل |320|

مع حووووووووووبي،،

BackShadow

21-06-2004, 09:14 PM

طيب يا جفجوف ..
الى الان انت منت مقتنع بان الجوهر هو المدرب هااه

خذ عندك المواقع هذي واتفرج عليها :D

الموقع الاول :

نبذه عن مدرب المنتخب السعودي في كاس العالم 2002 ناصر الجوهر

اضغط هنا لمشاهدة للموقع الاول (http://fifaworldcup.yahoo.com/02/en/t/t/c/ksa.html)

الموقع الثاني :

ملخص عن مباراة السعودية الاولى مع المانيا والاهداف والاحصائيات

ارفس هنا لمشاهدة الموقع الثاني (http://fifaworldcup.yahoo.com/02/en/t/m/4/)

الموقع الثالث :

ملخص اكبر عن مباراة السعودية والمانيا مع وجود صور للاهداف

ادحج هنا لمشاهدة الموقع الثالث (http://fifaworldcup.yahoo.com/02/en/020601/2/olq.html)

اذا ما عجبتك الثلاث مواقع اللي فوق فهذا راح يسكتك :D

الموقع الرابع :

كلمات من المؤتمر الصحفي بعد المباراة مع المدربين :220:

اررررعص هنا واذهب مباشرة الى الهيلتون (http://fifaworldcup.yahoo.com/02/en/020601/2/oot.html)

http://us.news1.yimg.com/us.yimg.com/i/fifa/afp/20020601/i/1678409787.jpg

فينك يا زادي تشوف الضربة القاضية :209:

مع شماتاتي

جف البحر

22-06-2004, 12:44 AM

:179:

ملكة البحار

22-06-2004, 12:44 AM

مساء الورد ,,,

جف البحــر/ أمرك لله ....... ما في غير تعشيهم في الهلتون

والرهان ...مكسب وخسارة ,,,

تعيش و ماتأكل غيرها....

جف البحر

22-06-2004, 01:03 AM

حنان

ما تدري انه الرهان حرام :134:

مع حووووووووووبي،،

ملك العالم

22-06-2004, 02:28 AM

جفووووو

تراهم غلطانين ..

لأن ناصر الجوهر ذاك اليوم كان مشغول في مباره بين المنتخب السعودي والمنتخب الألماني فكيف تبغاه يكون هو المدرب .. :181:

لا توافق على العشاء ...

عادي بيقولو والله من رجال عادي ما جابو شيء جديد :D

طنش يا راجل واللي مو عاجبه يصقع راسه في اقرب موضوع او رد بالمنتدى :D

المهم المشكله هذي سهله لأنها واااضحه انا اقول لك

ركز في الكاب حق كبتن ناصر

http://us.news1.yimg.com/us.yimg.com/i/fifa/afp/20020601/i/1678409787.jpg

شوف لونه اسود رغم ان المنتخب لونه اخظر ؟؟؟

ركز تمام اطلع وشوف بالله مره ثانيه

سوداء صح ..

شف كيف الفكره بسيطه الكوره حرفنه مو مصارعه

لو تفكر بس كيف تجيب الهدف تجيبه بالفكر مو بالمهاره .. :SMIL:

ركز في دروسك :SMIL:

جف البحر

22-06-2004, 02:39 AM

مرحبتين ملك

رغم انه كل تحليلك ينم عن تخلف عميق

الا اني اقلك انته كده :181:

يسلمو حبيبي..

مع حوووووووووبي،،

shadow hearts

22-06-2004, 03:23 AM

بصراحه انحكرت

لازم تتفلفس وتسوي الي مافي زيك

يلا ياحلووو كل على راسك

على بوفية الهيلتون :183:

كل العزومه من اولها لاخرها 20 ريال

وانت مبسوط وتضحك كمان

أرق الاماني بكل جميل

جف البحر

22-06-2004, 06:00 AM

هههههههه

مرحبمبك يا حلو

والله انته راجل بتفهم .

يسلمو على الفزعه دي ;)

مع حووووووووبي،،

zadi

22-06-2004, 10:08 AM

______________

صباح الخير لكل الحلوين ( ماعدا جف إلين يوفي بوعده ) :219:

شوف يا ولد ياجف ,,, اليوم تلوت ,,, وكتر كلام وغلبة مايبغالها :171:

خلك رجال وانا خالك وخلنا ننهي الموضوع بخير وسلام :266:

عشان بعد كذا تكبر في عين خالك وأقول والله رجال إبن رجال :134:

وتراني ماراح أرد على الكلام إللي فوق كلو ,,, عشان بس مراعي ظروفك شوية ,,,

فوتك بعافية ,,, يالبرتقالة :221:

Nooosa

22-06-2004, 02:51 PM

ياشماتة أبله ظاظا فيك..يا جفوو

:209:

تعيش وتاكل غيرها..:220:
.
خالو زادي..وأنكل
الله يديكم العافيه:181:

جف البحر

22-06-2004, 04:08 PM

اهلين يا خال

شوف حبيبي

لو تبغاني اسوي الشي اللي قلتلي عليه في الرسايل الخاصه ..

تتنازل عن كامل حقوقك ..

<<<<ولا أوصخ من كده ما تلقى |320|

غير كده مالي صلاح .. :134:

مع حوووووووووبي،،

جف البحر

22-06-2004, 04:16 PM

نوسا..

تتشمتي ها

ماشي ماشي |320|

مع حوووووووبي،،

EDrara

22-06-2004, 06:03 PM

حتى مع خالك يا بعيد موسخها
لا وتهدده كمان
حسبي الله على آخر الزمان هذا

يا واد عيب:223:

جف البحر

22-06-2004, 06:07 PM

هلا ادراروه

اقول خليك محضر خير..

|320|

مع حوووووووووبي،،

EDrara

22-06-2004, 06:53 PM

محضر وإلا دفتر

مخبر والا محضّر

:209:

جف البحر

22-06-2004, 07:01 PM

يا ام الفضاوه..

اهلاوي

ايش اقول..

الله يرفع عنك :222:

مع حووووووووبي،،

ياكُـلك

22-06-2004, 10:30 PM

اهلييييييييييييين اونكل.....

ابغا اقلك حاجه....

اول شي لاترحمو الحلو هادا لا انتا ولا زادي ولا المحيا(طلب خاص).....

تاني شي ترى جفو عندي انا ضامنو ماعمرو قال كلمه الي عملها (رجال)...

مره اتحديتو على حاجه الحلو وكالعاده اكل على راسوووو وكان التحدي على عشا وغدا لمدة يومين وفي اي مكان اطلبو وبالفعل اتفننت في الاكل خلال هادي اليومين.....

فاأرجع واقول قد كلمتو لاتخافوووو....

بس بالله يااونكل حاولو تشوفولي مقعد ولو انتظار انا موافق (من حضر القسمة فل يقتسم)....

بس اهم شي لاتسامحوووووووووو علشان يبطل فلسفه.....

تحياتي لك اونكل وعقبال التحدي القادم علشان هادا الادمي مافي فايده في....|151|

جف البحر

22-06-2004, 10:43 PM

هههههههههههه

اقول

وله

خالد

اش تبغى انته

مالك دخل لا في هيلتون ولا في شي

روح العب برجون |253|

ولا روح العب في خشمك.. |151|

وبعدين انا فيلسوف يا حق الجردات انته,,

انا صحيح اسوي كلامي..

لانه انته غداك وعشان وشيشتك يومين كلفتني 100 ريال

بس الهيلتون النفر بـ 150 ريال

واااااااااااااال:259:

مع حوووووووووبي،،

Nooosa

22-06-2004, 11:01 PM

جفو..

مو المفروض..تكون تجهز..
لليوم..المنشود..المنتظر:D

.
ياويلي..
شمتانه..لراااااسي..
يا جفجوف..
.

جف البحر

22-06-2004, 11:27 PM

اش تبغي انتي؟؟

والله يا الأعضاء يحبوني حب,,

مو طبيعي :217:

مع حووووووووووبي،،

zadi

23-06-2004, 10:47 AM

________________

صباح الخير ,,,

ولد ,,, ياواد ,,, جف ,,, ياللي يبغالك كف :D

بجد شكلك يحزن ويقطع القلب وإنتا معزوق عزقة طين :221: هذا بس عشان لا تتحدى عمانك :)

شوف ياواد جف ,,, الله شافلك وماكنت فاضيلك أمس ,,, لكن مو معناها راحت في قلبك حبيبي ,,, تراني شراني وماأنام إذا ليا تار بايت :266:

إحنا ممكن نأجلها الأسبوع الجاي يوم التلوت ,,, هذا حق من حقوقنا كفلته الجلسة وقوانين الصن والسرا والحكم ,,, يعني مافيها فكة ,,, إلا لو ,,, لو قلت كلمة السر إلي إنتا عارفها ,,, يالله حبيبي أتشجع وقولها ,,, ترا موعيب ولافضيحة ,,, :209: وقبلك كتير قالوها ومانقص من خشمهم شي :134:

____________

إدرارا ,,, جاتك الفرصة لأن تغنيلو الشماتة ,,, :D
___________

نوسة ,,, والله يابنت أختي دايماً السقيفة ماتطيح غير عالضعيفة ,,, :148:

إيشبك يابنت ,,, أعطيلو على راصو ,,, هوه دحين مفقش م كل ناحية ومعزوق وحالته البلا وعشان كدا قاعد يهطش بالكلام زي حريم الرباط :183: ههههههههه
_____________

أونكل ,,, طيب ياطيب ,,, والله شفيت غليلي فيه ,,, لا فض فوك ,,, ورحم الله أبوك ,,, ويرزقك بشباب الليلة يعشوك :D
______________

جف ,,, أتصلبي وقت ماتصحى يالبرتقالة :171:

جف البحر

23-06-2004, 06:24 PM

اقول ياخال

يا فتك انته

انا قعدت استنى امس ..

واستنيت ومحد جا دق عليه جرس

يصير مو ذنبي

وانا مشغول من الان و5 سنين قادمه :D

وراحت عليكم

انا قد كلمتي واستنيتكم

وماجيتو .. :134:

ايش اسويلكم ؟؟؟؟؟

مع حووووووووووووبي،،

EDrara

23-06-2004, 08:27 PM

مش باين حبيبي

انا كنت هناك وما لقيت أحد

رحت على المطار عدل

كنت ناوي افاجئكم
لكن طلعت .....مش حأقول

جف البحر

23-06-2004, 09:08 PM

هناك فين؟؟ :180:

مع حوووبي،،

EDrara

24-06-2004, 04:25 AM

الهيلتون يا اخي

ايشبك انت

جف البحر

24-06-2004, 07:30 AM

ادرارا

همه قالولي نجي على البيت ونطلع سوا

قلتلهم طيب

ومحد جاني !!

ايش اسويلكم :134:

مع حووووووووووووووبي،،

zadi

24-06-2004, 10:20 AM

____________

أونكل ,,, صباح الورد ,,,

أقولك ياشيخ ,,, والله ولد أختي هذا حزني وقطع قلبي وكتاوته :D

فا أنا داخل في الموضوع واسطة خير عندك وعند المحيا ,,, خليها عشوة بيك وخلاص الله لايوريك يوم أسود زي إللي الولد هذا فيه ,,,
ترا ياشيخ ماخلا أحد إلا وأرسلو ليا يتوسط عشان بس نخليها بيك ,,,
وتعرف أخوك قلبو رقيق ومايتحمل يشوف ولد أختو في زل وبهدله ,,,

ورحم الله من بات متعشي بيك وهو راضي ولا بات متعشي هيلتون وخويه زعلان ,,,

خلاص ياأونكل ؟؟؟

محمد المحيا

24-06-2004, 06:31 PM

ياجماعة ارحموا الرجال ما خلى أحد يعرفه إلا واتصل عليه يطلب منه سلف

المهم الرجال محد راضي يسلفه وجمع حتى الآن 70 ريال وفيه واحد مواعده بعشرين ريال قبل يوم الثلوث... يعني أنا شايف نقبل الحل السلمي ونروح للبيك زي ما قال زادي وأمرنا لله.. برضو مهما كان جف حبيبنا وما نرضى له المذلة.. ربنا أمر بالستر...

بس بيني وبينكم كانت غلطتنا من البداية ندخل معاه في تحدي.. بعد كذا إذا يبغى يتحدى أو شي يجيب معاه كفيل غارم :220: