لا هنا ولا هنا ولا تحتار ..(تشيز كيك) جفو هو القرار

[جف البحر]

السلام عليكم

هاااااااع للجميع ..

اليوم أقدم لكم التشيز كيك ..

والتعليمات أرجو اتباعها بالحذافير..

واتحدى بعد كده لو أحد أكل تشيز كيك غير هدا..

لا تشيز كيك فاكتوري ولا غيره..

جرب وانت الحكم..

ورجاءا اقروا الطريقه كامله عشان تستوعبوها عشان تنظمو الوقت ..


المقادير ياقلب العنا مقادير:

المقادير هذه للطبقه السفلى للتشيز كيك..

2 كأس بسكويت شاهي مطحون ..

1/4 كوب سكر ناعم ..

1 قالب أصباع زبده سائحه..

1 ملعقه شاهي قرفه مطحونه ..



مقادير الخلطه (الطبقه العلويه) ..

3 بكتات جبنة فلاديلفيا ..

3 حبات بيض..

كوب سكر مطحون (بودره)

1 ملعقه شاهي فانيليا ..

عصير لنصف حبه من الليمون ..



الطريقه..

لعمل الطبقة السفلى أولا..

تخلط مقادير هذه الطبقه جيدا ثم تفرد في الصواني الخاصه بالتشيز كيك..

معروفه الصينيه وصورتلكم حقتنا عشان تعرفوها للي مايعرفها..

http://jufalba7ar.jeeran.com/chees%20cake1.jpg



http://jufalba7ar.jeeran.com/chees%20cake2.jpg



ثم بعد ذلك توضع الصينيه هذه في الفريزر لمدة نصف ساعه..



طريقه عمل الطبقه العلويه ..

توضع الجبنه + البيض + السكر وتخلط خلطا جيدا.. ويجب التأكد من خلط المكونات تماما..

ثم يضاف لها الفانيليا وعصير الليمون ويكمل الخلط لمدة دقيقتين فقط ..

بعد ذلك يصب الخليط في الصينيه التي يوجد بها الطبقة السفلى بعد ان كانت في الفريزر نصف ساعه..

تؤخذ الصواني وتوضع في الفرن على درجة حرارة 350 لمدة 30 دقيقة ..

تخرج وتترك حتى تبرد ..

ثم توضع في الثلاجه لمدة 8 ساعات ..

ثم يضاف عليها بعد ذلك مربى الباي (فروالة .. توت ) أو حسب الاختيار..

عن نفسي اكلها بدون مربى ..

اتمنى انها تعجبكم وفي انتظار اراءكم ..

وبالهناء والشفاء..

مع حوووووووووبي،،

[ملكة البحار]

صباح الورد

جف والله حركات
وش بقي للبنات ...|273|

مشاء الله تبارك الله عليكِ

يابخت الي رح تتزوجك


أعذب تحايا

[جف البحر]

مرحبتين اختي ملكة البحار..

ايش تعرفي بس انتي ..

انا مش عاوزة اتجوز دلوأت :130:


يسلمو حنان عالمرور :D


مع حووووووووووبي،،

[رحاب]

تبارك الرحمن عيني باردة عليك:222:
ياليت يغيروا منك شوية البنات ويورونا طبخاتهم
بجد تسلم يد الوالدة الله يحفظها لكم وتسلم يدك على نقلك للوصفة

لكن جفو أنا أعتبر هالوصفات نوع من التعذيب النفسي لي وخاصة إني ماقدر أسويها في السكن والدنيا داخلة أجواء أختبارات:148:


دمت في حفظ الرحمن وعين الله ترعاك

[جف البحر]

مرحبتين صدى..

عادي عادي..

الموضوع جالس ان شاء الله ..

لمن ترجعي بمشيئة الرحمن سويها ..

بس انا مستغرب انه محد سواها للأن :148:

مهي مشكله براحتهم .. همه الخسرانين :130:


شكرا صدى عالمرور..

مع حوووووووووبي،،

[رغــد]

يارهيب انت
كمان مصور الصواني حقتكم
عندي زيها بالضبط :181:

بس الفلاديليفا بصراحه ماقد جربتها ..
دائما أسوي التشيز كيك بالكيري .

وكنت أبغى أسأل .. هذي المقادير لصينيه صغيرة أو كبيرة .

تسلم جف .. وتسلم يد الوالده الله يحفظها ويخليها لكم .

تحياتي

[جف البحر]

مرحبا رغد ..

كيف بس |273|

المقادير هدي لصينيه تقريبا قطرها 30 سم ..

عني تقريبا الكبيره ,.

عاد انتي ست بيت وتعرفي :SMIL:

جربي المره دي الفلاديلفيا والمقادير والطريقه دي ..

وشوفي كيف..

وقوليلي رأيك بصراحه ..

والله يسلم عمرك ..

مع حووووووووووووبي،،

[doli]

ما شاء الله لا قوة إلا بالله

عشان أكون صادقه معاك متألمة نفسيا ...... حتسألني ليه؟؟ وتنفجع !

وأنا أقول لك : لأني مريت هنا في وقت متأخر مايندخل فيه مطبخ :219:مشكله بجد في النهار والليل أدخل مطبخ |210|


لكن بإذن الله الأربعاء أسويها وأقول لك كيف طلعت ... لأني ماأحط قرفه ولا سكرمع البسكويت

أكيد حيتغير الطعم


ربي يسعدك ويخلي لك الوالدة وتفرح بنجاحك يارب



لك الود

[عابده لله]

:D

والله حركتتات .. منت فاضي جف .. هنيه تشيز كيك
وشي ولا احد يخبرني .. |320|
لا ووقت الإختبارات بعد... مممممممممم مشكور أخوي
عن جد تسلم الأيادي .. وصدقني عقب الإختبارات لازم
أسويها واقولك النتيجة .. |310|

ألف شكر اخي جف ولا تنسى تشكر الوالدة الله يحفظها لكم ..
شكلها ست بيت ماهرة .. عيني عليها باردة ..
لا تجينا زي المستشار وبنت أخته..

:134:

[جف البحر]

مرحبتين ام عبد الملك..

والله عاد براحتك ..

نصيحه أخويه لاتفوتك ..

شوفي وجربي وقوليلي..

والربوع الربوع ان شاء الله ..

استنى ردك ..

شكريا ..

والله يخليكي لعبد الملك واخاونه ..


مع حووووووووووبي،،

[جف البحر]

مرحبتين أم يوسف..

خلاص انا في انتظارك تجربيها وتقوليلي رأيك ..


ويسلم ربي قلبك ..

وبعدين اش فيه المستشار :180:

مع حووووووووووبي،،

[نبضة الخير]

باين عليها حلوة
وخاصة راح أجربها لأني عندي حفلة وكنت أدور على حلى حلو
تشكرات جفوا

[جف البحر]

مرحبتين نبضة..

خلاص جربيها وقوليلي رأيك

تسلمي عالمرور..


مع حووووووووبي،،

[*همس الورد*]

ياسلاااااااااااااام :256: انا احب التشيز كيك>>>بالله؟

يسلموو جفوو على الوصفة الرهيبة وان شاءلله اسويها>>>هذا وجهي لو

سويتها

بعدين مقادير الكيكة اذا جمعتها تعطيك تقريبا نفس سعر تشيز كيك فاكتوري

يعنى وش سوينا:D


على العموووووووم يسلموو ودمت في حفظه تعالى...

[جف البحر]

مرحبتين اختي همس الورد ..

شوفي لو شفتي القطعه الوحده في تشيز كيك فاكتوري راح تلاقي متوسط الاسعار 15 ريال..

ولو جيتي تحسبي تكلفة صينيه كاملة تشيز كيك من اللي حطيت وصفتها راح تلاقي سعرها أقل من 50 ريال..

وانا عزوبي ليه 5 سنوات..ومجرّب كل شي .. :150:

صدقيني زي التشيز كيك هدا ما دقت ..:256:

جربي وماراح تخسري شي,,

ولو طلعت مهي ألز من حقت تشيز كيك فاكتوري انا مستعد ادفع قيمة تكلفة كل ريال انتي اتكلفتي بيه

ايش رايك :212:


مع حووووووووووووبي،،

[وهــــــج]

أيش الفن هدا

من جد أيش بقيت للبنات

على العموم الله يعطيك ألف عافيه على الوصفة الحلوة..

بس أحلى مافي الموضوع الصواني...

:181::181::181::181:

[جف البحر]

مرحبتين وهجوووووه

كيف بس |273|

عشان تعرفي اني بعمر البلوت ..

دحين بلا صواني بلا نيله ..

اهم شي تجربيها :256:



يسلمو عالمرور اختي..

مع حووووووووووبي،،

[*همس الورد*]

اهااااااااا جفو عدنا:221:

تعال هنا وقلي بكم جبنة فيلادلفيا؟؟؟؟؟؟


بيني وبينك انا كل ماقرب على فاكتوري تعورني بطنى من السعر:148:

ياخى ماودهم يسوون تخفيضات ولو يوم واحد:148:


لووووولز سي يو على خير

[جف البحر]

مرحبتين بالعوده ..

الجبنة بـ 11 ريال تقريبا .. يعني التلاته بـ 33 ريال ..

كل الهرجه بقلك ما تكلف 50 ريال ,,

بس على ايش.. صينيه ..

مو يابانيه :D

انتي يا بنتي ما عندك مكافأة اي نيلة ..

سويها ولو ما عجبتك انا احولك من حسابي المبلغ اللي صرفتيه كله ..

ايش تبغي اكثر؟؟ :221:



مع حووووووووووووبي،،

[doli]

السلام عليكم ورحمة الله وبركاتة


اليوم صدف انو يكون يوم الاربعاء :D التقويم يقول كدا ;)


المهم اول شئ تسلم يدك ويد الست الوالده


بس بصراحه بصراحه ومن غير اي مضايقات .... والله طلعت نفس الطعم اللي اسويه من اول :D

يعني حتى القرفة مابان طعمها يبغالي ازوده مره تانيه واشوف ...ولا ايش تنصحني اخاف تنخبص الحكاية كلها



تسلم جفووووف ورجعت متأخرة ... بس رجعت




لك الود

[جف البحر]

مرحبتين دولي..

سلامات..

ايت اربعاء :266:

مشي مشي..

الله يسلم عمرك ..

بس صدقيني المقادير شكلك ما حبكتيها ..

ازا كان الفرق في القرفة بس مع طريقتك يمكن الطعم ماراح يختلف كتير..

اما ازا كانت في فروق تانيه ..

معناته في شي غلط ..

عموما اهم شي انها لزيزه :D


بالعافيه عليكم ..

وان شاء الله اشوف الوضع مع الوالده ...


مع حووووووووووووبي،،

[doli]

والله ياجفوووف هيا لزيزه ماعليها كلام حتى أبو عبد الملك أكل منها مع إنه المفروض

ماياكل .....بس كان القصد انو مااختلف الطعم يعني لما شفت القرفة في الموضوع قلت أكيد راح

تكون النكهة مختلفة , وماننحرمش .


بعدين بدي أقول لك على شئ تعرف بسكويت جيليكوز ؟؟

دا خطير للتشيز كيك والحلويات أطعم من بسكويت الشاي العادي

ويوفر عليك زبدة كمان :D << نظام نشوفية



لك الود

[جف البحر]

اهاااااااااااااااااااااااااااا اااااااااااا


أولي كده بأه



يعنني الشغله فيها فلسفه على كده ..

بسكوت جلكوز ومافي زبده ..

ههييييييييييه..

اكيد ما يختلف الطعم ..

انتي لمن تسويها المره الجايه ان شاء الله ..

سويها ببسكوت الشاهي وحطي زبده زي المقادير..

وبعيدن تعالي قوليلي :150:



مع حوووووووووووووبي،،

[doli]

يااخي إنت بتفهم إزاي ؟؟:217:


ركز معايا كويس
دولي طبعت الموضوع على ورق أبيض .
دولي جهزت الاشياء بكل مقاديرها .
دولي عملت نفس الطريقة .
دولي مااتفلسفت .
دولي كانت في المطبخ نظامية جدا .




لكن النتيجة طلعت عادي

كل المشكله في القرفة الله يهديك بس , وانا الا مصره ابغاها تبان نكهتها








بعدين البسكويت الجيليكوز نصيحة أخوية :D للمستقبل بس....:219:





لك الود

[جف البحر]

هااااااااااااااااع دولي..


فخمت فخمت :256:

انتي ماشرحتي كده من بدري..

لو كتبتي كده من أول كا عرفت ..


عموما خلاص جربي وزودي القرفه ;)


ولا اقلك ..

اسألي نبضة ..

هيه سوتها ..

مع حووووووووووووووبي،،

[جف البحر]

تم الرفع لقرب العيد ..

كل سنه وانتو طيبييين

مع حووووووووبي،،