>> الكريم كاراميل البيتي <<

[جف البحر]

السلام عليكم


هاااااااااااااع للجميع ..

كثير من الناس <<< وأنا واحد منهم ..

طفش من الكريم كارميل الجاهز ..

خلاص جاني داء البلاهه من كثر ما طفشت منه .. |210|

واشتقت للكريم كارميل البيتي .. :256:

أنا دحين راح اقلكم طريقه عمل الكريم كارميل البيتي..

طبعا مهي منقوله من أي مكان.. (حصريا للدرر)

وان شاء الله يعجبكم..




*المقادير ياقلب العنا مقادير:

5 حبات بيض..

15 ملعقه حليب.. (بودره طبعا لأني أعرف بعض الناس ذكاءهم زايد):221:

3 ونص كاسه مويه

نص ملعقه أكل فانيليا

فنجان سكر <<<برضو فنجان شاهي مو قهوه عشان نفس الذكي اللي فوق..:134:


*الطريقة ..

تخلط بالخباط خلطا مبرحا .. حتى يستغيث المزيج .. <<<طبعا الخباط هوه هداك اللي يلف ويخلط أم البلوت..

وقت ما الحلو دا بيخلط جيبو قوالب الكريم كراميل (أو زبادي (جمع زبديه) توتوا للي ماعنده) واحرقوا فيها سكر..

يعني شوية سكر وقاز وفي الفرن ..

ونتحاسب يوم الحساب.. :D

لا بجد معروفه طريق حرق السكر اللي في القوالب .. يعني الى أن يصير السكر بني غامق مهو أسود ..

لأني عارف العوالة تحرق كل الشغل.. :180:

المهم بعدين ينصب المزيج في القوالب وينحط في الفرن لمدة 40 دقيقة على حرارة 350 ..

وبالهناء والشفاء..
بالله قولولي رأيكم بعد ماتجربوها ..


مع حوووووووووووبي،،

[عابده لله]

:SMIL:
أهلين بالشيف جف البحر ..

والله منت فاضي حركات وكريم كارميل وشي..

:D

تسلم يداتك أخي جف .. وان شاء الله بأجربها..
تدري اللي عجبني أكثر من الطريقة .. شرحها..

:212:

ألف شكر أخي ...

[ابوفهد]

هلا جفووووووووووووو

والله ودخلت المطبخ اخيراً

ياراجل سيب الامور هذي لاهلها

انت ماعرفت تسوي شاهي بالاحتفالية

حتى تجي تسوي الكريم كارميل

لا وماشاء الله حصرياً على الدرر :223:

تييييييييييييييييييب

دمتم بخير

[جف البحر]

مرحبا اختي عابده ...

ترى على فكره ..

زودوا السكر شويه ..

يعني خلوها 3 فناجين شاهي :130:

والفانيليا خلوها ملعقه شاهي ..

تعليمات الوالده والله ..

عموما .. اشكرك عالمرور وبجد انتظر انك تسويها وتجربيها ..

لك كل الود ..


مع حووووووووووووبي،،

[جف البحر]

مرحبتين ابو فهد ..

أقول ..

جربها بس وبعدين تعال احكم ..;)

اوكي..

يسلمو عالمرور..|151|


مع حووووووووووبي،،

[عابده لله]

بَاااااااااااااااااااااااااااا ااااااااعد..

أزيد السكر والفانيليا...

:217:

والله إنها بالفرن..

:148::148::148:

حرااااااااااااااااااااام عليك جف..

[doli]

مرحبا


تسلم والله بس اللي اعرفه إنو ماتنحط كدا في الفرن جاف

لازم بحمام مائي << مو تدخلها الحمام ( يتبع للناس اللي فوق )

يعني صينيه فيها مويه حارة وبداخلها القوالب وتغطى حتى يتصاعد البخار

وتتخرم زي الجبنة .. وكل ماكانت فيها فقاقيع هوائية كل ماكانت ناجحة
وبالهناء والعافية


لك الود

[جف البحر]

مرحبتين عابده ..

انا قلت زودي السكر ونقصي الفانيليا :D

ايش ماتشوفي مزبوط :180:


عموما انشاء الله راح تزبط ..

وعلى فكره ..

اكيد طبعا انتو ستات بيت وعارفين انه لازم تنحط في حمام مائي :150:


على قولة دولي يعني..

عشان تعرفوا انه الشي دا اختبار عشان نشوف مين ست البيت ومين العويله ..

ايوه عابده تقوليلي حطيتيها في حمام مائي ولا لا :134:


مع حوووووووووووبي،،

[جف البحر]

مرحبتين دولي..

انتي كده :181:

حقك يبو عبد الملك يبو كريمه بيتي انته ..

هييييييييوه .. يقبلك ياشيخ :D

فعلا دولي تثبت انها ست بيت ..

وأكيد عابده كمانه :150:

يسلمو دولي على الاضافه اللي انا ماكتبتها متوقع من الجميع انه راح يعرف الشي دا ..

بس عموما ..

انا المرات الجيه ان شاء الله راح انزل الطريقه بتفاصيلها ..

ايش رايكم المره الجيه تشيز كيك ؟؟

الحمدلله وماشاء الله تبارك الله على ست الحبايب .. عندها شهادات ي الطبخ الخليجي والصيني والأمريكي والجاوي والمصري والشامي والحلويات الشرقيه والغربيه بجميع أنواعها..

الله لايحرمني منها يارب :222:

عموما أي طبخه أنا مستعد أنزل الهرجه حقتها كلها ..

اي شي في العالم .. ماشاء الله عليها ..

حتى لو اسكريم :256:

خلاص المره الجيه تشيز كيك ..

واللي بعدها حسب الرغبه ..


دولي عملتت في ردك فلم بس عاد مره وحده بدل فتح رد جديد ;)


مع حووووووووووووووووبي،،

[بنت النور]

كاتب الرسالة الأصلية : جف البحر

خلاص المره الجيه تشيز كيك ..

واللي بعدها حسب الرغبه
مع حووووووووووووووووبي،،

واللي بعدها أكل صيني من فضلك :SMIL:
شكرا يافنان

مع حوووبي


%

بنت النور

[جف البحر]

مرحبتين اختي بنت النور..

من عيوني

ان شاء الله الصيني بعد التشيز كيك على طول ..

امري امر..



واشكرك عالمرور..

مع حووووووووووبي،،

[عابده لله]

:D

طبعاً حطيتها بحمام مائي .. يعني دلخه للدرجة ذي؟

:223:

بس تدري .. تسلم يداتك .. جداً لذيذة ..
الله يجزاك كل الخير ...

وبإنتظار الصيني والتشيز كيك..

:134:

[جف البحر]

مرحبتين عابده ..

ولكمبك..

بالله بس كيف :130:

عشان تعرفي انه مو شغل بسيط اللي بيصير |273|

الله يسلم عمرك عابده ..

وبألف هنا وعافيه ..

وان شاء الله القادم مزهل أكصر <<<< مقصوده :223:


مع حووووووووووبي،،

[رحاب]

مين جفو بجلالة قدره في المطبخ يادا الهناء والسعادة!!

تسلم يدك ياسيدي على الكريم كراميل وممكن على فكرة تضيف لها شوية قشر برتقال وليمون لانه ماما تضيف لها كده وطعمها جدا طيب
وطالما عندك ماشاء الله الوالدة الله يحفظها لك فلا تحرمنا من وصفاتها وتجاربها المطبخية

دمت يا أطيب شيف بالكون

[جف البحر]

مرحبا اختي صدى الغاليه ..

اشكرك اختي عالمرور البهي للموضوع ..

يسلم عمرك ان شاء الله ..

انا بصراحه ماجربت الشي اللي بتقولي عليه ..

بس مدام مامتك بتعمله أكيد رائع وممتاز :SMIL: ...

وإن شاء الله التشيز كيك في الطريق..

مع حوووووووووبي،،

[Nooosa]

أهلا..أهلا..

جفجوف المجفجف <<< على وزن عنتور المعنتر في قناة المجد للأطفال:130:

.
يسلمو..ياابو كريمه بيتي..انت..
سلملي..على ماما..

لزيزه مره..
أنا برضو..أسويها كده:256:
.
وتقلي اختبار ها..
عشان تعرف مين ست البيت ..ومين العويله:209:
.
وتعرف أحلى مافي الموضوع..على قولة عبووده
..الشرح
أما انت عليك .. تعليقات..:181:

:214:

[جف البحر]

مرحبتين نوسا

ممتاز

ماشاء الله خبره

واهم شي انها عجبتك

والاهم انه الموضوع عجبك

شكرا لمرورك

مع حوووووووووووبي،،

[جف البحر]

تم الرفع لقرب العيد ..

كل سنه وانتو طيبييين

مع حووووووووبي،،

[رحاب]

جيت اقولك حواءهالسنة زعلانة منك ...يعني ولاموضوع منك ينورها ويفرحها؟:178:
يالله العيد قرب انتظر منك حلاوة العيد أو حتى العيدية:129:
وكل عام وأنت أخوي الطيب

[جف البحر]

يسعد ايامك رحاب

والله ايش نسوي

كل ما نقرب يقولو ممنوع دخول الشباب

شوفيلي واسطه اخش وانا اوعدك اغرقك مواضيع

ايش رايك :256:


مع حووووووووووبي،،