تحليلي الشخصي لمباراة الاتحاد والاهلي ..

[جف البحر]

السلام عليكم..

هااااع للجميع ..

تحيه طيبه وبعد ..

اليوم كان لقاء القمة ..

بين الاهلي والاتحاد ..

او الاتحاد والاهلي..

انا كاتحادي كانت المباراه لي قمة في الحماس..

وكانت ديربي رائع ومثير..

طبعا ابتدأ الاهلي بالمفاجأة ..

وادخال هدفين في الربع ساعه الاولى من المباراه ..

وكانت طبعا الحاله النفسيه السيئة لنا للغايه..

خصوصا ان الهدف الاول من ضربة جزاء مشكوك في أمرها ..

صراحة انا كنت في الدرجة الاولى وكان البلنتي في الناحية الثانيه من الملعب..

فما اقدر احكم ..

الا انه اللي خلاني اشك ان حكم الساحه ماحسبها .. في حين ان حكم اللاين هو اللي حسبها!!

طبعا في ال5 دقائق الاخيره من الشوط الاول احرز الاتحاد هدفه الاول بقدم اللاعب اسامه المولد..

وبعدها اشتعل جماهير الاتحاد بعد ان اخرسهم هدفين الاهلي الاولى ..

انتهى الشوط الاول..

ومع بداية الشوط الثاني بدأت الاهازيج الاتحادية تهب مرة اخرى على ارض الملعب..

حتى احرز الاعب المتألق رضا تكر الهدف الثاني للاتحاد ..

وبعدها انتقلت الانخراسه لجماهير الاهلي بعد ان كانت عند الاتحاد ..

وياكلك شغاله زي الفل :181:

طبعا محد يقدر يتخيل حماس الوضع الا اللي كان هناك..

وفي اشتعال الموقف احرز حمزة ادريس هدف الاتحاد الثالث لتصبح النتيجه 3-2 للاتحاد ..

ورد النمور على من قال ان الفلوس قتلت حماس الاتحاد ..

ثم بعدها بدأ الامر الغريب الذي لا اجد له اي تفسير :266: !!!!

بدأ الحكم (المطلق) بعد ان كان متألقا في خدش هذا التألق بل وكسره ..

فقد لوحظ التحامل على الاتحاديين من اي لمسه يحسب ضربة حره .. وفي المقابل يتجاهل اي خطأ للاتحاد !!

واكبر دليل الذي اعترف به نصف مشجعي (الراقي) هو ان الهدف الثالث ليس صحيحا تماما..

فالحكم لم يطلق صافرته لتنفيذ الركله .. وهو من القوانين الواضحه والصريحه في كرة القدم !!

صراحه اول مره احترم الجمهور الاهلاوي لمصداقيته هذه..

خصوصا ان ركلات حره مماثله للاتحاد عندما لعبت بشكل سريع اوقفها الحكم لانه لم يصفر او يأذن لها ..

وطبق شيء على الاتحاد لم يطبقه للاهلي!!


عموما حسب الهدف الثالث لفريق الاهلي..

وبعدها اشتعل المدرجين الاهلاوي والاتحادي..

ولم يخمدهما سوى الحادثة المؤلمه للاعب أحمد خريش..

فقد اصطدم بطريقة الخطأ اللاعب أحمد خريش بزميله سعود كريري..

مما ادى الى بلع لسان الاول ..

وقد تم نقله الى مستشفى الملك عبد العزيز (المحجر) ..

وبعد المباراه ذهبنا للاطمئنان عليه وحالته مستقره والحمدلله..

من الجدير بالذكر..

ان الهلال الاحمر السعودي اثبت بما لايدعو للشك .. انه الاسوأ عالميا ..

فلا تخطيط لطريقة السير ولا سرعه ولا معرفه ولا اي شيء..

وخدش المطلق سمعته الذهبيه بأقذر ما يمكن ..

والجدير بالذكر والاشاده هي الروح والاخلاق العاليه والرياضيه والغير مستغربه من لاعبي الراقي..

فبعد ان اصر الحكم اتمام المباراه لم يقم لاعبو الاهلي بلعب الكره انما ابقوها داخل الملعب الى ان انتهت المباراه ..

وهذا شيء يحسب للراقي. ويثبت الروح العاليه للاعبين....

ومن ناحية اخرى سقط 3 مشجعين اتحاديين متأثرين مما حدث للاعب احمد خريش..

في حين ان 90 % من الجماهير بدأو يذرفون الدموع (وانا منهم :130: ) ظنا منهم ان الاعب قد توفي..

من وجهة نظري ان الموقف لو حصل في وجود اللاعب حسين عبدالغني فانه لن يوقف المباراه وانما سينطلق بالكره ..

ومن ناحيه اخرى لو حصل الموقف للاهلي فان محمد نور لن يوقف المباراه وانما سينطلق بالكره ..

هذان الاعبان هما افضل مثال على سوء الاخلاق الرياضيه ..

خصوصا ما شاهدناه من نور اليوم عندما يخرج الاعبون الاهلاويون الكره لاصابة لاعب اتحادي ثم يقوم محمد نور ببناء هجمه على الاهلي !!

وهذا غير رياضي على الاطلاق..

عموما اتمنى اني ماظلمت احد ..

وكلامي واضح جدا جدا..

فانتظار تعليقاتكم الايجابيه..



مع حوووووووووبي،،

[جف البحر]

توه الان اتصلبي احد الزملاء الاهلاويين..

وقالي مبروك الفوز لكم ..

البلنتي مهو بلنتي والهدف الثالث مهو هدف للاهلي..

هذا وللاحاطه .. والل يبغى رقم الادمي هذا ارسله اياه على الخاص..

مع العلم انه اهلاوي متعصب


مع حووووووووووبي،،

[المحروووم]

سلام ..

كيفك عيوني انشء الله بخير كلامك حلو وعلى العين والراس ..

بس انا اظن انك ظلمت حسين عبدالغني من وجهة نظري ..

اخوي اذا رحت انت المستشفى اكيد شفت حسين عبدالغني واكيد شفت جماهير

الاتحاد وهي شايلته ..

حبيبي انا كنت في المستشفى من بعد المباره الى الساعه 1 في الليل

وشفت كل اللي حصل هناك ..

جف .. انا اتوقع انه انت ظلمت حسين ..

بس وش رايك في الصوره هذي ..

http://sbi55.jeeran.com/Image666.jpg

حسين عبدالغني كان يبكي في المستشفى ..

وعلى فكره بعد الحادثه حق الكابتن احمد خريش حسين عبدالغني راح يتنازل

عن القضيه اللي رافعها على مرزوق العتيبي وسعيد الودعاني ..

وش رايك في حسين الحين ؟؟؟

تحياتي

:SMIL:

[جف البحر]

مرحبا اخوي المحروم..

كذا اقتنعت انه حسين منه امل..

بس باقي محمد نور ما اقتنعت انه بيكون له اخلاق رياضيه..

على فكره ..

انا برد بكامل المصداقيه ..

بس وين ردك عن المباراه ؟؟



مع حوووووووبي،،

[MoStWaNtEd]

المباراه ماشفتها ولا كنت داري باللي حصل فيها (ياريتني شوفتها) بس انا حبيت اعلق على الموقف اللي حصل في المباراه اذا كان بيثبت شي فيثبت ان الاخلاق بين الفريقين عاليه وماكنت اظن انه الاهلي ممكن يسوي شي زي كدا مع اني اهلاوي لكن كان شي زي ماقلت يا جف محسوب للقلعة وهذا الشي اظنه هدا خفف شوية التوتر اللي كان بين الفريقين خصوصا بعد مبارة دوري العرب وياريت يبقى اللعب اللي بينهم كدا اخلاق خصوصا انهم دولا هم في رأي احسن فريقين في الدوري ودائما مباراتهم حماسية وجميلة.

المهم نتمنى لخريش الخروج بالسلامه من المستشفى و ما اتمنى لاي لاعب يحصل له هدا الشيء

[جف البحر]

مرحبا فيك اخوي موست ونتد..

صحيح كلامك ..

اتمنى معك ان يظل التنافس الشريف تحت مظلة الاخلاق الرياضيه بين الفريقين..

اشكرك ياغالي كل الشكر لمرورك..



مع حوووووووووبي،،

[EDrara]

الآن هذا تحليل يا واد

وين التحليل؟
هذا الله يسلمك نظرة على مباراة الأهلى والاتحاد وليس تحليل

أما التحليل ستجده في الاستديو الرياضي للقنوات الرياضية

حبيبي

لا اعي لأن نخوض في صحة البلنتي أو الهدف الثالث لأن الاوربت والايه أرت تي أن الهدف الثالث لا غبار عليه والبلنتي 100% صحيح وكذلك القناة السعودية الرياضية.

شوف المباراة إنتهت والنتيجة أعتمدت رسمياً وليس لها أيّ تأثير على المواقع في الدوري لكلا الفريقين
فلا نذهب بعيداً

أشكرك بعنف رقيق

[جف البحر]

ادرارا..

وا اسفاه على الشبيبه .. :148:

دحين لمن فزتوا علينا في ابطال العرب جبتوا الف اثبات انه اهداف الاهلي صح وهدف الاتحاد تسلل..

لكن دحين جيين تقولوا اعتمدت النتيجه ومدري ايش!!

كنت اتوقع تكون اكثر مصداقيه !!

مهي مشكله .. بمشيلك ..



تسلم عالرد


مع حووووووووووبي،،

[EDrara]

إيش اللي حصلك؟

تقرأ اللي تبغي بس؟ وين الفقرة اللي قبلها

تبغي إثبات إنتظر لين ارجع للبيت أو أنتظر محرووووم

[جف البحر]

شكرا ادرارا .. :SMIL:

مع حووووووووووبي،،