المساعد الشخصي الرقمي

مشاهدة النسخة كاملة : مســـــــــــــكين


زهرة البساتين
28-04-2002, 02:34 AM
مسكين
يحسبها ضعيفه ..
ما يدري أنها تتمسكن..
لين ما تتمكن ..وتملك قلبه
وهو على نياته ..!!
يظنها مسكينه .....!!


*مسكـــــين
يطيح من نظره
وهي تتم صامده ..!!
ما يلفتها اي رجال..
وهو ...
يموت في البنات..كل البنات ..!
الفرق بينها وبينه ...
(هي)...تختار واحد
وتخلص له...
و(هو) يختار عشر ..
ويخلص بس لنفسه ..!!!


*مسكــــين
الرجوله عنده..
سياره مرسيدس..
والكشخه اخر كشخه..
وحرس الحدود..
استيراد امريكي وبريطاني...!!
للاسف .. يحسب نفسه رجال..
رجال عاجز عن حماية وطنه....!!
اش هالمسخره ...؟؟؟!!!!!


*مسكين ..
كل همه في هالدنيا
يلعب بمشاعر البنات ..
ما يدري ان ...
( الدنيا كما تدين تدان )....!!!
وباكر الله يبتليه في خواته...
مثل ما ابتلى بنات الناس ..!!



]]] اعتراف [[[ >>> .....

مسكينه ...............
اقرب طريق لقلبها ( الصراحه ) ..
وتصدق كل اللي يقوله ...
وبعد ما تكتشف دنائته ...!!
ويكرهها في الرجال ..
كل الرجال ...!!
يعيد الكره ..
مع جديده ..
آه .. يا قلبي على المسكينه ...!!

مسكيـــــــن
ما يستغني عنها ..
معششه في قلبه ..
وغصبا عنه .. مالكته ..


مسكيـــــن
يستغل ضعفها ..
ويستفرد عضلاته ..
ما يدري ان قمة الجبن ..
استضعاف الخصم ....


مسكيـــــن
هي في حياته كل شي
هي امه ..
هي اخته ..
هي حبيبته ..
ويحتقرها ...
ما درى ان الله حكم عليه
تتملك قلبه ..
خلقها من كتفه ..
وقريب من قلبه ..
ومهما حاول ...
هي كل شي في حياته
وبدونها حياته اكثر من مستحيله ....!!


مسكيـــــن
يتظاهر بالسذاجه ..
( كل البشر يا مهذب يا حبوب )
وهو داهية ..
من تحت تبن
عقرب سامه ...!!!
يستلطفها ..
ويلحقها ...
وشوي شوي ,,,,
يوصل لمراده .. وينسحب
كانه ما سوى شي ....!!!!


مسكــــــين
على باله بتتم فقيره ..
وحاجتها له مريره ..
لكن وين ..؟؟ هذا كان زمان
الحين تقدر على نفسها تعتمد ..,,
تقدر عنه تستغني ...
وهو وراها وراها ..
يبي يتزوج موظفه ..
تساعده ويستفيد من راتبها ..
يعني الاستغلال هدفه الاساسي ...!!



مسكيــــــن
يلزق في امه ..
لزقة طفل .. ولمن يكبر
ينتقل من احضان امه لحضن
زوجته ....!!
يعني ما يستغني عنها
وفي نفس الوقت يحتقرها ....!!
عجيبه .....!!!


مسكيـــــــــن
الدنيا عنده كلها لعب
وحواطه في الشوارع
وترقيم هالبنت وهذيك ...
يتهمها بنقصان العقل
وهو كله عقل ..!!
ما يعرف اشلون يمر اليوم
من غير ما يستغله في لعب
وترقيم ...
ويوم يتكلموا عن العقل ..

قام عاقل المجانين **
وقال انتي ناقصه .. ( عقل (.!!
ايه مدام انك اعقل ...
ليه ما تستثمره
في كل فايده....؟؟؟
ماتدري انك فهمت نقصانها غلط
وان كل نقصانها في عقلها
هو مجرد طغيان عاطفتها ...؟؟؟



مسكين .. مسكين ... مسكين ...
ما ابي ازيدك من مصايب اكثر من ان
احصيها ... ومع هذا .. اعترف واقول
كلنا ناقص ويكمل نقصانه من الثاني ..
يا مسكيــــــــــــــــــن ..


[/c] ;)
المستشار
28-04-2002, 04:34 PM
رااااااااااااااااااااااااائع ..

بالفعل رائع ..


اتمنى من الإدارة نقل هذا الموضوع لدرة الأفكار الحرة ..


تحياتي للجميع ،،
* الـمـنـتـظـر *
28-04-2002, 04:58 PM
هلا والله بزهره ..

من جد كلام كبير كبير كبير ..

اليومين ذي نمر بمواقف مثل هذي كثيرة ..

أحس الكذب في كل شئ ..

وكل واحد مسوي نفسه طيب وغبي ..

من جد إحساس بعدم الإستقرار في أي علاقه ..

بس ما تلاحظي إنك أجحفتي في حقه شوي ( المسكين )

رغم أن كلمة مسكين تكفيه ..

عموما ما ودّي أخوض في الموضوع كثير لأن الكلام فيه يطول ويطول .



بالفعل فكرة الموضوع رائعه جدا جدا جدا ..

ومن واقع ..

تقبلي تحياتي ..
زهرة البساتين
29-04-2002, 12:10 AM
تسلم رومانسي


بس حبيت اضيف شي نسيته من غير قصد ان الموضوع عجبني وحبيت انقلكم هو مو من كتابتي:MAD2: :o

اسفه على الخطا الي من غير قصد اخ من النسيان:MAD2:
زهرة البساتين
29-04-2002, 12:14 AM
هلا بيك منتزر


تسلم على تعليقك الجميل



:)
المستشار
29-04-2002, 06:53 PM
مساء الخير ..

ياعيني على التواضع ..

زهوره ..

عادي لا تآخذي في بالك ..

انا عندي احساس انك كاتبة خطيرة ..

بس تحبين تتواضعي ..

مو مشكلة تري .. ماراح نحسدك ..

لا تبخلين علينا عاد بالمواضيع .. ok


تحياتي ،،
:SMIL:
زهرة البساتين
30-04-2002, 01:03 AM
براحتك رومانسي

المهم خلصت ضميري وبلغتكم


;)