** ماضي الزوج **

[BackShadow]

السلام عليكم ورحمة الله وبركاته


من زمان الواحد مقصر مع حواء ... ادري والله ومالي عذر :130:

عموماً ودي اطرح موضوع لأخذ الآراء والنقاش المفيد

وهو سؤال بسيط جداً في طرحه عميق جداً في مضمونة


هل تودين من زوج المستقبل ان يحكي لك عن ماضيه
مغامراته ، قصص الحب التي مرت به ، حياته الخاصة
ام تريدينه ان يدفن ماضيه ؟؟

يا ريت الحواءات يعطونا رأيهم بعد التفكير
يعني ماني مستعجل على الجواب
كل وحدة تتخيل نفسها متزوجة
واللي متزوجة وتقدر تعطينا رأيها من تجربه يكون خير وبركة



مع تحياتي

[الوجه الآخر]

على حسب :266:

لي رجعه

سلامو

[shadow hearts]

اونكل


انا عارف انو السوال لحواء


بس بقلك حاجه صغيره


لو ما حكلها بتقول انو يخبي عليها :217:


ولو حكالها بتقول انو ما نساهم وما راحو من عقله :148:


ما يعجبهم العجب:220:

تقبل خالص حبي

[عابده لله]

صبحك الله بالخير يا الظل ..

:SMIL:

أنا من ناحيتي غيورة جداً جداً
يعني لازم يقول كل شيء عن ماضيه ..
لأنه حيكون سؤال طبيعي وبديهي ..

إنت ما عرفت احد قبلي أو حبيت أو خطبت ؟

:D

أوافقك بأنه ليس لي الحق في الإعتراض على اي شيء من ماضي
لكن لو عرفت أحس أني إرتحت ..

|310|

خاصة إذا اداني كل شيء بالتفصيل ..

:171:

ورااااااااااااااااااااااااجعة ..
موضوع إستفزازي ..

|326|

[رحاب]

أهلين أنكل أي ريح طيبة هذه اللي أرسلتك عندنا:203:

موضوعك مهم وطرحه جديد شوية لأننا تعودنا مواضيع عن ماضي الزوجة واليوم ماضي الزوج...

طبعا مافي أحد مايخلو من طيش الشباب والمراهقة يعني لو يجي زوجي يقول لا أبداً أنا خام وماعرف بنات زمان وأنتِ أول وآخر أمرأة راح أكذبه وأشك بأنه يخبي شئ:266:
يعني بيني وبينك ممكن أقبل أسمع منه حكايات عن ماضيه بدل ما أسمعها من الخارج
بس طبعا بدون ما أشعر أني متزوجة زير نساء يعني طريقة أسلوب الرجل في سرده لماضيه هي اللي تحدد ردة فعل زوجته فلا يشعرني أني متزوجة الزير سالم ولا أني متزوجة واحد غامض...|273|
فا أنا مع مصارحة الزوج لزوجته مع التذكير أنه اللي قاعدة تسمع الحكايات هي شريكته الآن و أنه ممكن تكون هالمصارحة سبب لسعادة الزوجية لأنه الزوجة راح تقول أختارني من بين كل النساء فلازم أسعده أو أنها تكون خراب بيته لو زود العيار فتتغير الزوجة وتصير جاسوسة محترفة:134:
ومفتاح سعادة الرجل بيده:SMIL:


أنكل طولت صح بس عاد أندمجت شوية :130:

دمت في حفظ الرحمن ويارب تتعود أصابيعك وردودك على التواجد في درة حواء

[Petals]

ربي ايش فينا ؟!!!! |326|

خيانات وماضي و....... ايش بقي؟!! |315|


مع اني مو مستغربه لوجود دا الموضوع... شفتي عبودة رد عليكي الظل بموضوع تاني.. كان خليتي الخيانه ليه ومابلاش نتكلم في الماض.... :221:


اسمع ظلو راح أديك رأيين، ايش رايك؟!!!

الأول رأيي طبعا .. أنا الأكبر....

شوف الصراحه .. ماراح أجبرو على انو يقول أو مايقول... انت قلت انو ماضي، يعني انتهى...

انا عن نفسي أبغاه يقول ، لكن وقت مايحب، وفي يوم صافي وكان وقت مناسب راح أسأل بدون الحاح شديد...
لكن زي ماقلت في النهايه براحتو .. في حال حب يحيكي.. انا مو بس اذان الا وحواس صاغية ومنتبهه على الآخر..

والحقيقة أحس انو في حال حكى ( وهدا يعتمد على طريقتو يعني مو بس ينرفزني بيها )
المهم في حال حكى فهدا ثقة متبادلة وألفه كبيرة.. وراح أحب اتعرف على دا الجانب فيه.....


نيجي دحين لردة الفعل...

مالي حق أحاسبو على شي فات، ومو حأكون ( شكّو شكّو ) في كل شي .... وخلاص أمسكها ذله .... نو. نو.نو.

وبس..... نقطه على السطر . <--- ايوا أهي.. :203:


الرأي التاني رأي أختي اللي زواجها قريب ، وما أستغرب رأيها دا..

قالت ياريتو مايقول ويسكت !
ماراح أسكّتوا لو تكلم، لكن أنا من النوع الشكاك جدا!!! وراح أتمنى انوا ماقال. <---- والله كبرت البنت!! جيل مايعلم بيه الا ربنا... :217:

سلامو


بيتالسووووو

[رغــد]

مساء الخير أخوي محمد ..

.
.
أنا أشوف إن أي زوج أو زوجة لهم علاقات سابقة والعياذ بالله .. الأفضل إنهم مايتكلموا عنها بعد الزواج .. طالما ربي سترهم ليش يفضحوا أنفسهم . لا هي تسأل .. ولا هو يسأل .

.
.

وأحب أعقب على كلام صدى ..:

(( طبعا مافي أحد مايخلو من طيش الشباب والمراهقة يعني لو يجي زوجي يقول لا أبداً أنا خام وماعرف بنات زمان وأنتِ أول وآخر أمرأة راح أكذبه وأشك بأنه يخبي شئ ))

صدى ياقلبي .. صحيح مافي أحد يخلو من طيش الشباب والمراهقه .. بس مو لازم يكون هذا الطيش عبارة عن علاقة حب بينه وبين بنت .. أو انه متعرف على بنات وله مغامرات وماضي ..!!!!
الكثير من الشباب مراهقتهم وطيشهم في أشياء ثانية لطيفة وبريئة .
وطبعا التربية الدينية هي الأساس .. وهي التي تجعل الشاب يتزن في مراهقته ويعرف الحلال من الحرام .

ألف شكر للجميع
.
.

رغد

[BackShadow]

اهلين بالخالة

شفتي كيف انا جيت في عقر داركم |320|

عموماً انا مستني رأيك طال عمرك



مع تحياتي

[BackShadow]

اهلين مصعب

على قولك ... ما يعجبهم العجب

علشان تعرف قد ايش احنا نستحملهم |210|



مع تحياتي

[BackShadow]

اهلين عابده

طيب انتي تقولي انك لازم تسأليه عن الماضي

وانا ابغاك تقوليلي ايش حتستفيدي من معرفة الشي هذا

وهل حيكون وضعك طبيعي ...
يعني ما حتجلسي كل شوي توسوسي
وتقولي اكيد لسى فاكر فلانة
واكيد لسى بيتذكر علانة ؟!؟!



مع تحياتي

[BackShadow]

اهلين صدى
والله مقصرين كثير معاك ...
بيني وبينك اخاف اتواجد كثير هنا يقولون اني بديت افكر في الزواج :130:
علشان كذا البعد احسن

عموماً باذن الله تشوفيني قد ما اقدر |310|


اتفق معك بان الغالبية حالياً لهم قصص في المراهقة او بعدها
ومش شرط ان القصص هذي تكون سيئة ...
ممكن تكون حب بنت الجيران بدون ما تدري هي حتى :D

المهم
انتي تركزي على ضرورة معرفتك بتفاصيل حياته السابقه
وما ادري هل فكرتي في نظرتك له بعد كذا
يعني كيف تتعاملي معاه وانتي عارفه انه كان مسوي كذا وكذا وكذا ؟؟

وفي الجهة المقابلة ...
ايش حتستفيدي اذا عرفتي الاشياء هذي ؟؟
وايش حتخسري لو هو كان مخبي عليك ماضيه ؟؟


اللي ابغى اوصل له من الاسئلة هذي هو شي واحد
ان حياته القادمة ستتأثر كثيراً بماضية الذي ذكره لك



مع تحياتي

[رحاب]

أهلين أنكل

سؤالي عن ماضيه او مصارحته لي اعتبرها صفحة انطوت بيوم زواجه مني وحبي لمعرفة ماضيه من باب الزوجة ستر وغطاء لزوجها
لكن تخيل لو اسمع من الخارج عن حياته وطيشه ومغامراته وممكن تكون احاديث مبالغ فيها شو ردة فعلي راح تتوقع تكون ؟؟ :150:

يعني له حرية اخباري بماضيه وافضل اعرفها منه بدل ماأسمعها من الخارج
وبعدين انكل


يعني كيف تتعاملي معاه وانتي عارفه انه كان مسوي كذا وكذا وكذا ؟؟

المقطع دا محسسني أني بتزوج مجرم :D
وبعدين هالسؤال يطرح قبل زواج لانه الاشياء الكبيرة والخطيرة اللي تخليني افكر كيف اتعامل مع المجرم اقصد زوجي ماتتخبى:171:

أنكل فيه أمور المرأة تغفرها لزوجها وتتغاضى عنها طالما هي اللي سألت

انتظريني ارد مرة أخرى بعد زواجي إن شاء الله:130:

دمت في حفظ الرحمن ورعايته

[BackShadow]

اهلين بيتلز



كاتب الرسالة الأصلية : Petals
ربي ايش فينا ؟!!!! |326|

خيانات وماضي و....... ايش بقي؟!! |315|


مع اني مو مستغربه لوجود دا الموضوع... شفتي عبودة رد عليكي الظل بموضوع تاني.. كان خليتي الخيانه ليه ومابلاش نتكلم في الماض.... :221:



ما ادري بس حسيت ان الموضوع هذا جديد وغريب شوي
علشان كذا حبيت اطرحه ... وهو موجه خصيصاً لحواء ;)

واللي ما له اول .. شي اكيد ما له تالي


كاتب الرسالة الأصلية : Petals


شوف الصراحه .. ماراح أجبرو على انو يقول أو مايقول... انت قلت انو ماضي، يعني انتهى...

انا عن نفسي أبغاه يقول ، لكن وقت مايحب، وفي يوم صافي وكان وقت مناسب راح أسأل بدون الحاح شديد...
لكن زي ماقلت في النهايه براحتو .. في حال حب يحيكي.. انا مو بس اذان الا وحواس صاغية ومنتبهه على الآخر..



طيب كويس انك ما حتجبريه ...
يعني اذا مش ناوي يتكلم ما حيفرق معاك |253|



كاتب الرسالة الأصلية : Petals

والحقيقة أحس انو في حال حكى ( وهدا يعتمد على طريقتو يعني مو بس ينرفزني بيها )
المهم في حال حكى فهدا ثقة متبادلة وألفه كبيرة.. وراح أحب اتعرف على دا الجانب فيه.....


اكيد حتكوني مبسوطة اذا حكالك ... اساساً عرق اللقافة فيكم يا الحريم ما يرتاح :150:

اقصد بالتأكيد انتي ودك تعرفي جانب حياته الماضية
بس يا ترى ايش حيكون تأثير هذي الحياة عليك وعلى حياتكم ...
سواء كانت بسيطة او عميقة


كاتب الرسالة الأصلية : Petals

نيجي دحين لردة الفعل...

مالي حق أحاسبو على شي فات، ومو حأكون ( شكّو شكّو ) في كل شي .... وخلاص أمسكها ذله .... نو. نو.نو.


ردة فعلك هذي اعتقد بانها ممتازة ... واذا كانت كذا فاسأليه ولا تترددي
المهم انه فعلاً ما يكون للماضي تأثير سلبي عليك
بالعكس ... المفروض انك تشدي حيلك بحيث تنسيه الماضي وتثبتيله انك الحاضر والمستقبل
وانك انتي ماما وانتي بابا وانتي انور وجدي :D


كاتب الرسالة الأصلية : Petals

الرأي التاني رأي أختي اللي زواجها قريب ، وما أستغرب رأيها دا..

قالت ياريتو مايقول ويسكت !
ماراح أسكّتوا لو تكلم، لكن أنا من النوع الشكاك جدا!!! وراح أتمنى انوا ماقال. <---- والله كبرت البنت!! جيل مايعلم بيه الا ربنا... :217:


ردة فعلها مناقضة لك تماماً ... وايضاَ صحيحة مئة بالمئة
والسبب انها تعرف نفسها وتعرف بانها غيورة وممكن الشي هذا يسبب لها قلق معاه



مع تحياتي

[BackShadow]

اهلين رغد



أنا أشوف إن أي زوج أو زوجة لهم علاقات سابقة والعياذ بالله .. الأفضل إنهم مايتكلموا عنها بعد الزواج .. طالما ربي سترهم ليش يفضحوا أنفسهم . لا هي تسأل .. ولا هو يسأل .

اتفق معاك ...
وللاسف البعض يجاهر بالمعصية حتى امام اصدقائه



صدى ياقلبي .. صحيح مافي أحد يخلو من طيش الشباب والمراهقه .. بس مو لازم يكون هذا الطيش عبارة عن علاقة حب بينه وبين بنت .. أو انه متعرف على بنات وله مغامرات وماضي ..!!!!
الكثير من الشباب مراهقتهم وطيشهم في أشياء ثانية لطيفة وبريئة .
وطبعا التربية الدينية هي الأساس .. وهي التي تجعل الشاب يتزن في مراهقته ويعرف الحلال من الحرام .


هل افهم من كلامك ان الحب حرام |253|



مع تحياتي

[رغــد]

صباح الخير محمد ..

أعتذر لأني ماوضحت قصدي .. |253|
الحب مش حرام .. بس العلاقة الغير شرعيه بين الحبيب ومحبوبته هي الحرام ..
وقصص الحب اللي مرت به .. تدل على أن الرجل هذا قلبه فندق .. ويحب وحده ويحب الثانية والعاشرة ( اذا كان حب حقيقي وصادق ) .. ومتأكده أنه تعرف عليهم بطرق خارجة عن المقبول والمشروع .

وسلامتك .

[أبو الخنساء]

السلام عليكم ورحمة الله وبركاته


أخي في الله BackShadow


من الحكمة وصفاء القلوب عدم التحدث في الماضي فإن الشيطان سيستغل ذلك لفساد البيت

[BackShadow]

اهلين صدى

شوفي يا ستي




كاتب الرسالة الأصلية : صدى الحرمان

لكن تخيل لو اسمع من الخارج عن حياته وطيشه ومغامراته وممكن تكون احاديث مبالغ فيها شو ردة فعلي راح تتوقع تكون ؟؟ :150:


ردة الفعل العادية انك تجي وتجلسي معاه وتناقشيه في اللي سمعتيه
ووقتها هو مطالب بايضاحات عن اللي حاصل



كاتب الرسالة الأصلية : صدى الحرمان

يعني له حرية اخباري بماضيه وافضل اعرفها منه بدل ماأسمعها من الخارج


انتي دحين مية المية :181:
هذا اللي نقوله ... خلي الموضوع خياري وخلي الخيار في يده
هو اللي يقرر يقول لك او لا



كاتب الرسالة الأصلية : صدى الحرمان

أنكل فيه أمور المرأة تغفرها لزوجها وتتغاضى عنها طالما هي اللي سألت


ممكن ... انتي ادرى مني بالحريم :130:


كاتب الرسالة الأصلية : صدى الحرمان

انتظريني ارد مرة أخرى بعد زواجي إن شاء الله:130:


انتظريني !!! :266:
انتي كنتي تكلمي مين طول الوقت ذا

الله لا يحوجك يا صدى انك تسألي زوجك اشياء زي كذا



مع تحياتي

[BackShadow]

اهلين رغد


مافيه مشكلة ... كويس انك وضحتي وجهة نظرك الآن


مع تحياتي

[BackShadow]

اهلين اخوي ابو الخنساء


وينك يا ابن الحلال من البداية ...
حسسوني باني جالس في مجلس الحريم :130:


اتفق معك بان الشيطان يستغل هذا الباب
وهذا ما توجهت اليه منذ بداية الموضوع


اشكرك اخي


مع تحياتي

[سكون]

أخي الظل أنا أحب اكون عارفه كل شيء عن زوجي

وطبعا"برضاه وعن طيب خاطر وأنا اذا كنت عارفه كويس

وهو ابن حلال مش حغير على شي صار وكان

طبعا"لأني مره عاقله:134:

ومن واقعي الشخصي زوجي لم يخبي عني شيء

وأنا سعيده انه حكالي من غير ما اطلب

فهو رجل ولا كل الرجال

ودمت على خير

[ملكة البحار]

كاتب الرسالة الأصلية : BackShadow

السلام عليكم ورحمة الله وبركاته


هل تودين من زوج المستقبل ان يحكي لك عن ماضيه
مغامراته ، قصص الحب التي مرت به ، حياته الخاصة
ام تريدينه ان يدفن ماضيه ؟؟

مع تحياتي

مساء الورد

محمد موضوع حلو ومتفائل,,:SMIL:

يعني شئ طيب لو كان على الماض والله غفور رحيم
لكن المشكلة في الحاضر والمستقبل |273|


انا عن نفسي ما افضل ان الرجل يتكلم عن علاقاته والستر أولى و اكثر سعاده لهم,,,

.
.
تحياتي

[الوجه الآخر]

سلام أونكلنا


بعد تفكير وتحليل قررت أني افضل انو ما يقول شي عن ماضيه الي راح راح واحنا ولاد النهارده...

انا ليا في الي دحين هوا معايا دحين كيف والي جاي كيف ليش ننبش في الماضي ونوجع راسنا والستر أولى وربنا أمر بالستر...

تحياتي

[BackShadow]

اعتذر منك سكون انتي والاخوات
بجد مع دوشة المنتدى نسيت الموضوع هذا

واليوم كنت اقول في نفسي اني مقصر في درة حواء
وجيت اتفرج اشوف ايش فيها لقيت موضوعي منسي :130:

عموماً

انتي متأكده انه قال لك على كل شي
مش ممكن يكون مخبي عنك اشياء وقال لك على الاشياء البسيطة :150:

في كل الحالات
اعتقد ان المصارحة مطلوبة .... ولكن في حدود ضيقة
وتعتمد على الزوجة في المقام الاول وعقليتها |326|


مع تحياتي

[BackShadow]

اهلين بالملكة

واضح انك متخوفه من ان سبع البرمبه ما يبطّل شقاوة :D

يا بنتي ..
صدقيني اذا البنت عرفت مفاتيح زوجها مستحيل يفكر في غيرها
اسأليني انا :134:

انا اتفق معك بان البعد عن البحث في ماضي الزوج افضل


مع تحياتي

[BackShadow]

اهلين بالوجه الآخر


طيب كويس انك قررتي تسامحيه على ماضية الاسود :D
بس اذا اكتشفتي في يوم انه يقرب لشارون انا مالي شغل :212:



مع تحياتي