ليه كذا ليه ؟؟؟ و اش سويتلك؟؟

[همس المشاعر]

السلام عليكم و رحمة الله

حتى الدكتوووووووور يمرض .. معليش معليش..

يا إخواني ..

بالله أحد عنده حل ؟؟

ماني عارف ايه الحكاية ..

جهازي مو راضي يكتب بالأكسبلورر أي شي بالعربي ..

شوفوا كيف يطلع الكلام لمن أحاول أكتب:


J' 1( J*5D- ,G'2J... 4J J9B/

طبعا ترجمة الكلام:

يا رب يتصلح جهازي.. شي يعقد

طبعا بتقولوا كيف بكتب ؟؟؟ باستعمل المذكرة ، و كت أند بيست

بس سبحان الله، في استبيانة الدرر، كتب زي الحلاوة.. كان متحيز للمنتدى ...



شدوا حيلكم و ورونا شطارتكم.

تشاو تشاو .. أز يو لايك مي ناو..

[جف البحر]

يا شماتت ابله طازه فيه..

:D

استنى يا حبيبي المحيا لمن يصحى ..


مع حوووووووووبي،،

[محمد المحيا]

طيب يا دكتووووو :SMIL:


أول شي اعترف وقول لي إيش سويت قبل ما تصير المشكلة

صدقني اعترافك رح يساعدك كثير :D

يعني ما أضفت برنامج للمتصفح مثل شريط Google أو شي زي كذا؟

المهم قللي هببت وعملت إيه..

[همس المشاعر]

ياخي .. ما أظن منها..

أنا في عندي الشريطين هدول ، بس حتى بعد وجودهم كان كل شي شغال تمام..

هل يا ترى برنامج الـ iMesh

له طرف في المشكلة هذي ؟؟؟



نشوف !!

أما حكاية الدكتور ،، يقولوا لي كده.. كل ما واحد خرب عنده شي..
تعالي يا حسن ... يا دووووووبك أفضى عنهم |273|



تحياتي
و نشوف آخرتها إيه

[محمد المحيا]

هلا دكتور حسن :)

صدقني المشكلة هذي سببها واحد من البرامج المثبتة في المتصفح..
ممكن آي مش وممكن غيره...
جرب إعادة تثبيت المتصفح من جديد وإن شاء الله تنحل المشكلة..

تحياتي

محمد المحيا

[همس المشاعر]

الحمد لله ..

مشي الحال ..

وافقت المشكلة عزمي على عمل فورمات ..

و ما قصرنا ..



يلا يعطكم العافية و ما قصرتم ..

تحياتي ،، و بعدين بلاش منها كلمة دكتور ;)

[محمد المحيا]

يالله الحمد لله إنها انحلت المشكلة..

أحياناً الفرمتة تصير أسهل الحلول :)

تحياتي

محمد المحيا

[همس المشاعر]

لو تبغى تعاقبني ، قلي فررررررررررررمت ..

أحياناً أقعد أسبوعين بس ، بعد الفورمات و أنا أرجع أضبط إعداداتي .. و أنزل برامجي و غيره ...


بس اللاب توب أسهل شوية ، و أنا من أول حاسب حساب الفورمات ..

علشان كذا .. ربك سهلها ,, و يلا مشكور أبو حميد . :130:

[محمد المحيا]

معاك حق.. المشكلة مو في الفرمتة.. المشكلة ما بعدها والوقت اللي يضيع في إعادة البرامج والإعدادات السابقة...

بس فيه حل للمشكلة هذي.. وهو عمل Image للهاردسك بعد تثبيت الويندوز والبرامج الأساسية في جهازك وتحفظ الإيميج هذا على CD
وفي حالة فرمت الجهاز ما عليك إلا إنك ترجع الإيميج للجهاز وكأن جهازك رجع لحالته الأصلية بدون تعب..

تحياتي

محمد المحيا

[همس المشاعر]

و هذا هو المتبع و المخطط له حالياً ..

بالمناسبة ..

أنا، أعجبني جدا الـ ريكفري تبع اللاب ..

مجرد تحط السيدي و تعمل ريبوت، يعمل ريكفر ... و يرجع كل شي مثل ما كان.

هل يا ترى فيه برنامج يسوي كذا ؟؟

طبعا الريكفري معمول ببرنامج الـ جوست ...

بس يا ترى .. هل يدعم البوت ؟؟؟

ولا .. لأ ؟؟


ايش تنصح من برامج يا محمد لعمل هالشي ؟؟

و بعدين تعال ،، أي سيدي اللي بيشيل هالكم الهائل ؟؟ حوالي 4 جيجا على الأقل..


تحياتي

[محمد المحيا]

سلام...

عندك أفضل برنامجين Ghost و Drive Image

طبعاً الاثنين يدعموا البوت

مهما كان حجم البيانات اللي في جهازك رح يستخدم البرنامج سيديهات على قد حجم البيانات يعني ممكن تكون 5 او 10 سيديهات.. أو حتى ممكن تخزن ملف الإيميج في الهاردسك نفسه..

طبعاً فيه ناس ما يسووا بكب لكل البيانات.. بس لنظام التشغيل والبرامج الأساسية.. يعني تخلي بياناتك الخاصة وملفاتك في الدي D وتخلي السي C لنظام التشغيل والبرامج بس.. ولما تسوي ريستور للإيميج يرجع السي زي ما كان بدون ما يغير شي في البيانات الموجودة في الدي...

تحياتي

[همس المشاعر]

مشكووووووور حبيبي ..

كذا يصير الشغل مية مية ..


ألف شكر و ألف تحية ..

أخوك
همس المشاعر