أكلة للعزوبيه .. خفيفة وسهله ومالها داعي ..فلحد يخش (لأنها ادمان)

[جف البحر]

السلام عليكم ..

هااااااااع للجميع ..

طبعا انا طول عمري ما اخش الدره هادي لأنه اسمها حواء والطفل..

لكن للأسف أنا ادم .. :D

بس المره دي قلت خليني أرمي وجهي .. فهل يا ترى أنفع ولا لا.. :266:





تاني شغله ..

فيه أكله أنا والأصيل اشتغلنا عليها زي الفل .. طبعا غير الاندومي والتونه .. واحنا عزاب .. |315|

واهوه نتايج الاندومي طلعت في ناديت :D ..وكان يقرفني دايما يصيحيني عشان اسويها..

اللي يسمع مندي دحين |326|

بس المهم انا بقلكم ايش الاكله دي.. صحية بالمره وكلها فتمينات .. وبس ترى انصح اي احد ما قد جرب اي نوع من المفترات انه ما يجربها لأنها بعمر البلوت .. :150:



المقاير (تكفي لشخصين) : <<<<<حركات والله .. أبله نظيره على غفله..

* 4 حبات خيار متوسطة الى كبيرة الحجم ..
* 2 غطاء خل أسود ..
*ملعقتين أكل خل ابيض..
*ملعقة أكل خل تفاح ..
*ملعقة شاهي ملح ليمون ..<<<كثرت الملاعق انا ملاحظ :217:
*فنجان ماء دافئ..
*دقّة .. (بضم الدال وفتح القاف المشدوده) <<< مو حبحبوه مطحون ..لا دقه..



الطريقة ولا الخطوات ولا النيلة اللي تسووها وخلاص..
يقطع الخيار الى حلقات سُمك الواحده ما ياقارب 1/2 سم.. <<نسيت اقلكم مسطره :D

بعدين تتغسل الحلقات بالمويه ..وتتصفى ..

ينضاف الجميع أنواع الخلول (جمع خل) والملح والدقّة..

واخيرا ينضاف المويه ..

وتتقلب مزبوط

وتترك مغطاه بأي نيلة لمدة 5 دقائق..

وبعدين تجيبو شوكه وتقلبوها تاني ..

وبالهناء والشفاء..

وبدون تريقه .. جربوها بعيدن اتفلسفو اذا ما عجبتكم ..

واذا ما عجبتكم .. ايش يعني اسبوعين تسمم زي الفل وخلاص..



بس من جد اتمنى كل وحده يكون شعارها (مع جفو.. كل واضحك) <<<< كيف بس :134:




مع حوووووووووووووبي،،

[رغــد]

يخرب بيتك ..
انت ايش ناوي تسوي فينا ::]
خل + خل + خل + خل
لا وحركات ... يغير في أسماء الخلوووول عشان يغرينا :171:
بس بجــــد .. شيف على مستوى
وترى على فكرة ..
طبختك هذي مو اسمها طبخه
اسمها " سلطة على البليلة "
يعني نوع من المقبلات لما تاكل البليلة :D
برضو ماقصـــــــرت
:181:
تحياتي
..

رغد

[جف البحر]

اهلين رغد ..

شامم ريحة تريقه |326|

أقول بالنسبه للاولاد طبخة ونص..

قال بليله قال ..

اش عرفكم انتو..

انتو حريم اخر زمان..

راميين الكرف كله عالشغالات ,،

فين احنا اللي نكرف..

اااااااااه

الله يعين


يسلمو رغد عالمرور..



مع حوووووووووبي،،

[ملكة البحار]

مساء الورد

فنان يا جف ,,
بس الحمدالله انا شبعانه|273|

تسلم الايادي:268:

[جف البحر]

هلا فيكي حنان..

ماعليه ..

ماراح تفضلي جيعانه على طول..

بس جربي وقوليلي رأيك..


مع حوووووووبي،،

[رحاب]

أهلين جفو أهلين بالموهبة الفذة

ناوية أجربها وأذوق زميلتي العراقية بس عاد من وين أجيب الدقة في الفجيرة ؟؟!!
ان شاء الله بكل أنواع الخل الموجود فهالطبخة راح نقضي على البقية الباقية في معدتنا
على العموم مقدرة حالة العزاب صرنا منهم ( وجه ضاحك )

نورتنا أخوي وكرر الزيارة
دمت في حفظ الرحمن ورعايته

[جف البحر]

هلا والله بالعزوبية :D

اقول بلا تريقه .. جربيها وراح تشوفي..

راح تحمدي ربك ..

انا مستغرب والله انه نص الاعضاء يتفلسف وهوه ماجربها ..

اقول صدى .. بلا معده بلا نيله ,,


في انتظار رأيك ..


مع حوووووووووووووبي،،

[نبضة الخير]

جفو راح اجربه واقولك على النتايج (الله يعين ماما وأختي في الأكلة):SMIL:

[جف البحر]

اهلين نبضه..

والله زمااااااااان عن ردودك ..

وااااااااااااااال:259:

خلاص انا استناكي..

ومتأكد بتعجبكم ..



مع حوووووووووووبي،،

[سكون]

هلا والله با الشيف جف

أقترح نسوي دره خاصه لأكلات العزاب من الشباب

وأكلتك الذيذه عايزه لها معده حديد وحنا هذه الأيام معد تيوان يعني شوية خل من الي انت قلت عليه

تودينا المشفى دغري:217:

[جف البحر]

اهلين فيكي اختي سكون ..

شوفي ..

المسأله موزونه

نسبة الخل الموجود مع نسبة المويه تعطيكي سائل حمضي مخفف جدا..

اساسا انتي عارفه انه المعده فيها حمض الكلور HCl المركز جدا.. pH=2

يعني هذا الحمض حق المعده لو جا عالجلد يحرقه :259: وااااااااال

فالخل اللي نازل مخفف بالمقادير دي مافي منه خوف..

هادي معدنا اتربت عليها ..

بس لا تمصخوها وتاكلوها كل يوم ..

يعني خليها عالاسبوع <<<<< واثق انها اكله اساسا

لا بجد جربي وراح التايوان دا يقلب ياباني :181:



مع حوووووووووبي،،

[shadow hearts]

اهلين جفوووووووو

من جدك تتكلم ..:130: على كذا يبغالي صندوق خيار عشان اشبع

يابن ولدي ذي مو أكله هذي تسالي يعني وانت جالس تتفرج على فلم هندي

من افلامك :134:......

بس ايش المشكله نجرب :180:

شكلوو قسم الطوارى عندكم في المستشفى مافي زباين

وانت تبغى تورطنا فيها بس ولا يهمك عندك رجال معدتهم تهضم الجبال

مع خالص حبي

[جف البحر]

اهلين شادو هارت حبيبي..

طيب وبعدين مع المنتدى الطفشان دا؟؟

كل مين يخش يتريق ويخرج |320|

أقلك بلا طوارئ بلا مدري اشكلو..

جرب القليل دي وثق تماما راح تشبع على طول :150:

مع حووووووووووووبي،،

[الوجه الآخر]

سلاااااامووو

أقول جفو تبغانا نخلخل ولا ايش

بس نجرب ايش ورانا

تحياتي

[جف البحر]

اهلين سستروه...

جربي يختي جربي..:150:

قيدك شغالة في مستشفى :171:


مع حوووووووووووبي،،

[shadow hearts]

أهلين جفوووو


انا عارف انك مستغرب رجعتي


انا جربت وصفتك الفلكية :221:


الاكله تاخذ العقل بس في ملاحظة:130:


انها غير صالحه للاستخدام الادمي على الاطلاق:237:


وانا اقووول الحالات الي تجيلك ايش سببها:134:


جف نصيحه من واحد يحبك


"أرجووووك بلاش تكثر من الحاجات ذي عشان صحتك ":180:


وعشان صحتنا معاك :217:


تقبل خااالص حبي

[جف البحر]

مرحبا فيك حبيبي شدو هارت ..

ياخي في البدايه فرحتني..

وبعدين خليتني اضحك .. :D

وبعدين حسيت انه ماله داعي..

انته ايش جابك ؟!؟ :D


مع حوووووووووبي،،