المساعد الشخصي الرقمي

مشاهدة النسخة كاملة : باركوووووولي خلاص لقيت المعرس وانخطبت ( منقول)



ROMEO
28-02-2004, 07:57 PM
ســــــــلام

طبعا المره اللي راحت استعرضنا كيفية البحث عن معرس )" />

الحين خلاص لقيته ياااااااحظي

يالله نبتدي السسسسسسوالف السنعه

شلونكم شباب وبنيات

كل بنت تحلم بالرجال اللي يجيها على الحصان الابيض وياخذها

بس انا طوول عمري وانا احلم بالزاحف اللي يجي باللكزس ويخمس عند باب بيتنا

ويجي وهو داق اللطمه ويخطبني من ابوي ويخليني اخذ فره باللكزس


مير مااااالت على هالخشه مااتوقع ان هالشي بيصير لي 20 سنه ماحد دق باب بيتنا

المهم في ليلة من الليالي البارده عندما كان القمر بدرا

<<<<<اخلصي بس ياشكسبير )" />


دق جرسنا وانا طبعا رحت اناظر مع الدريشه اشوف مين تدرون فيني ملقوفه
والقى جارنا ومعه ولده
بس ولده مسكت


وش اقولك
رزة خالد عبد الرحمن وسماره شعر نواف التمياط

شخصية سامي الجابر سنون راشد الماجد )" />

ملاحة خالد التيماوي <<<<<<<<ياقدمها

المهم الولد مسكت

اناظر بشوف سيارتهم والقاها لكزس


مااالت على حظي بس ورحت اناظر خشيشتي بالمرايه والله اني مزيونه بس لو لي شعر زينب العسكري وعيونها وجسم اليسا وخشة باسكال ونعومة حليمه بولند
اصير تمام

بس يلا اهم شي الاخلاق


المهم بعد ماراحوا ابوي جاني وقالي يبي يكلمني

انا : هلا يبه والله ماسويت شي اليوم )" />

ابوي : نظره انتي صرتي مرة يابنيتي وانا ابي اقولك ان ولد جيراننا خطبك

<<<<<<<<قالها وهو راز عمره )" />

انا : من جدك انت ولا تستهبل <<<<<<<<<يلعن ابو الدخله بس

ابوي : وجععععععععع العرس فيه مزح

عاد انا سويت ثقيله على ابوي وقلتله ابي افكر بغيت اقوله اللي تشوفه بس بعدين تراجعت معصي مابقى الا هي

المهم رحت قدام المرايه اكلم نفسي كالعاده

معقوله انا انخطب

ايه ليش لا وش فيني فيني مواصفات اي شاب يتمناها

زاحفه واعرف اقلد عبد الله بالخير وفرفوشه يازيني بس

هذا غير ان قلبي طيب <<<<<<<<<بالحيل

لا واعرف اطبخ قهوه وشاهي واعرف اعمر الشيشه


هذا بالاضافه اني راس حربه مافي مثله وجبت الكاس لفريق الحاره اللي كنت العب فيه وانا بزره يعني حتى تاريخي مشرف


وبعدين اعرف اسوق اذا ماكان بالشارع احد غيري

هذا كله كوووووم وشكلي كوووووم

لحظه لحظه خلاص ماعد ابي اقول شي اخاف تجيني عين اذكروا الله تكفون

المهم ورحت لابوي بعد يومين وقلت له اني موافقه

المهم بعد كم يوم جاء العريس وقال يبي يشوفني نظره شرعيه

ابوي جاء يقولي

انا : لاااااا مابقى الا هي مايشوفني الا ليلة الدخله

ابوي : نظره هذا حقه خليه يشوفك بكره يتوهق فيك ويرجعك لنا مطلقه

انا : ليش يتوهق انت قوله ناظر القمر تراها نسخه منه

ابوي : نظره اي قمر ذا امشي قدامي يلا

انا : مستحيييييييييل خلاص امه واخته شافوني

وابوي يحاول وانا خلاص تكرنت مانيب رايحه يعني مانيب رايحه

المهم العريس وافق وخلاص شال الفكرة من راسه

وبيوم من الايام رقيت السطح انشر الملابس <<<<<<والله اني مسكينه كل شغل البيت علي <<<<<<<<<<<ابو النصب بس ماتقومين الا بالدف )" />

وقاعده انشر الملابس واغني وداخله جو


ياورع معروف تاريخك انا وغيري نعرفه زين <<<<<<<لا ومن زين الخشه اغني كسره

مادريت الاذاك الصوت

يمه باسم الله

انا التفت لقيته ولد جيرانناسلطان <<<<<<اللي هو العريس

انا : وجععععععع انت ماتستحي على وجهك يالشيفة

سلطان : هذا انتي اللي خطبتها لاحول انا قايل امي واختي مايميزون لا وتغني كسرات بعد الحين بجي افصخ الخطبه


انا : لاتكفى كني ميته عاد على وجهك اللي كنه علب ببسي معفطه

المهم وانفسخت الخطبه

وانا بموت من القهر موب على العريس الفلته لا

مقهوه لانه واهانيني احس ان كرامتي انجرحت

بس هين انانظره البزقه ذا يقولي كذا

والله واجمع كل بزران العائله عاد خبركم بزراننا اجسامهم واشكالهم بزران بس هو جن الله يكفيكم شرهم

والله واخليهم يكسرون قزاز سيارته ويشطبون السياره ويشلحون الكفرات
راحت كنهاسياره من التشليح

ويوم جاء الصبح وانا اناظر مع الدريشه واشوف خشته وهو بيمووووووووووت من القهر على سيارته وانا بردت سبدتي
<<<<<<<<<وش رايكم بس بالانتقام

الحكم المستفاده

1)كل انسان فيه شي حلو الا عتاب

2)الانتقام طعمه غيييييييييييير

3)حسن علاقتك بالبزران وجيبلهم حلاوةابو نص ريال تراهم ينفعون

4) مافي ازين من حليب النياق <<<<<<<مادري وش دخلها بالموضوع بس ابي اكمل اربعة بالوت )" />

جيتار جدة
29-02-2004, 11:24 AM
فرت اللكزس فيها نوع من السلتحة لكن عندي السيارة و أنا أبغا الخيل الأسود
عشان الفله والجنان.
بس الدقة جامدة من الموضوع إلى...إحم إحم
بس عجبتني عيدها
سلام للجنان ومرحباً بالعرسان|310|

ملك العالم
29-02-2004, 11:53 AM
:D

اسلوب راقي وتسلسل بارع منها ..

بس وش دخل حليب النياق في الهرجه انا ما ادري ..

روميو ؟؟

انت المعرس ؟؟ :266:

Nooosa
29-02-2004, 08:22 PM
السلام عليكم..
روميو..كيف حالك؟؟
أبغى أسأل اخويا روميو..
دحين من جدها دي بنت..
ياساتر..كيف تهرج
ولا ولده..مسكت دي..سار جوال الأدمي
لا حول ولاقوة إلا بالله
بس تعرف ..رهييييبه القصه
ولا الحكم المستفاده..ايش على حكم..

عموما يسلمو روميو..وكتر منها <<< خخخ عجبتني الكلمه
تحياتي

نبضة الخير
01-03-2004, 02:39 PM
روووووووووووووووووووووووووووعة
:SMIL:
خخخخخخخخ
تسلم روميو:SMIL:
|151|
كثر منها أوكي

ROMEO
20-03-2004, 09:13 PM
وااااااات|326|

ROMEO
20-03-2004, 09:16 PM
|326|ملك العالم

حليب النياق... له مفعول جبار في حبكة السالفة

:D


شوف يابن الناس .. لاتلبسني تهمة.......

انت تسأل عن درجة الحرارة ....؟

ROMEO
20-03-2004, 09:21 PM
نوسسسسسسسا



وعليكم السلام....


من جد سؤال محرج........ ماشيكت على ( مسفعها بصراحة)


بس نقدر نستعين بابوفهد على تحديد الفصيلة


عموما الحكم والعبر كتيررررررر...
:150:

ROMEO
20-03-2004, 09:22 PM
نبضتنا الغالية

يسعدك ربي على هالنقز......

لاتوصيني ... اصلن منزلها عشان==>|151|

يسلمو