عبدالله الكناني
17-02-2004, 02:12 PM
يسعد اوقاتكم جميعا
لقاء جديد ومصافحة بالجديد
الهوى ياكم يليّن قاسي=ويل قلبه من تجرّع كاسه
بحرماله ساحل ومراسي=والنّفوس بغبّته غطّاسه
له معايير وله مقياسي=من تعدّاها وقع في باسه
يختلف طبعه من الهوجاسي=وينكرونه بالتّغيّر ناسه
كم كتبت الشّعر بالقرطاسي=ساهر والهمّ دقّ اجراسه
أكتب الكلمه بشقّ أنفاسي= والحروف لعلتي حسّاسه
تدري أن اللي ملك إحساسي =بارعه بالزين مثل الماسه
ريم يذبح طرفها النعّاسي=والهدب من فتنته حرّاسه
خشمها سيف سليل راسي=والخدود الورد طيّب ساسه
لاتمايل قدّها الميّاسي=هاج وجدي وانتشى نسناسه
من حلاها صابني وسواسي=ياعذابه من غدت وسواسه
بعدها للي عرفته ناسي= أضرب أخماسه بعرض أسداسه
من غلاها يشتعل نبراسي=يحترق حتى تذوب انفاسه
صابر لازلت اصارع ياسي=والظّفر حظّ الفتى نوماسه
الهوى فيه الجفا والباسي=والوفا نادر عديم اجناسه
من سعاده يستحيل مأسي=تطغي أحزانه بليل أعراسه
كم يطوّع كم يليّن قاسي =ويل قلبه من تجرّع كاسه
تحياتي
لقاء جديد ومصافحة بالجديد
الهوى ياكم يليّن قاسي=ويل قلبه من تجرّع كاسه
بحرماله ساحل ومراسي=والنّفوس بغبّته غطّاسه
له معايير وله مقياسي=من تعدّاها وقع في باسه
يختلف طبعه من الهوجاسي=وينكرونه بالتّغيّر ناسه
كم كتبت الشّعر بالقرطاسي=ساهر والهمّ دقّ اجراسه
أكتب الكلمه بشقّ أنفاسي= والحروف لعلتي حسّاسه
تدري أن اللي ملك إحساسي =بارعه بالزين مثل الماسه
ريم يذبح طرفها النعّاسي=والهدب من فتنته حرّاسه
خشمها سيف سليل راسي=والخدود الورد طيّب ساسه
لاتمايل قدّها الميّاسي=هاج وجدي وانتشى نسناسه
من حلاها صابني وسواسي=ياعذابه من غدت وسواسه
بعدها للي عرفته ناسي= أضرب أخماسه بعرض أسداسه
من غلاها يشتعل نبراسي=يحترق حتى تذوب انفاسه
صابر لازلت اصارع ياسي=والظّفر حظّ الفتى نوماسه
الهوى فيه الجفا والباسي=والوفا نادر عديم اجناسه
من سعاده يستحيل مأسي=تطغي أحزانه بليل أعراسه
كم يطوّع كم يليّن قاسي =ويل قلبه من تجرّع كاسه
تحياتي