** معايدة ... SMS **

[BackShadow]

السلام عليكم ورحمة الله وبركاته


حبيت اقول للجميع كل عام وانت بخير
وعسى ربي يجعل ايامكم جميعها اعياد وافراح

طبعاُ الاعياد الايام ذي صارت المعايدة فيها عن طريق رسائل الجوال SMS
وتلاقي الواحد يرسل ستمية رسالة ... بينما ما يتصل ولا اتصال

خليني اعطيكم بعض من الرسائل اللي جاتني :



ابو فهد : الله يتقبل اعمالك ومبارك عليك العيد ويعود عليك بصحه وسعاده وعمر مديد

آمين يا عمدة ... الله لا يحرمنا منك |310|


المحيا : عيد سعيد .. أعاده الله عليكم بالخير واليمن والبركات
وكل عام وانتم بخير

كح كح كح ... يا اخي آخر مره سمعت التهنئة ذي كانت عام 1723 ق.م :223:


ابو رهف : كل عام وأنت إلى الله اقرب . وكل عام وانت ومن تحب اسعد .

ما تقصر ابورهف ... الله يسعدك |253|


ثامر : رساله 1 عزيزي المشترك .. نهنئكم بالعيد السعيد ونذكركم بموعد استحمامكم السنوي

تكفى يا اللي تتروش كل يوم :268


zadi : بوسه امس للذكرى وبوسة اليوم لبكره وهلبوسه للقمر يللي عم يقرأ .. وعيد مبارك

لا حوووول ... يعني فين ما اروح ينقال لي قمر :130:



Sami96SA : العيد يوم الاحد . اهنيك قبل أي احد واطلب الواحد الاحد يحفظك دوووم للابد

المشكلة يا سومة ان قبلك ستين واحد مرسلين تهنئة :212:


جف البحر : اونكل ... كووول عام وانت بخير وبالشويش على الخرووووف

يا حبيبي ... يعني قلبك على الخروف :266:


الاصيل : بكل انـواع البخـور وبكل عطر الزهور وبكل اصوات الطيور كل عام وانتم بخير

احنا ما صدقنا خلصنا من الليلك و الكادي ... :178:


رمز : كل عام وانتم بخير

كلفت على نفسك يا ابو الشباب :243:


جعجع : جوعه من ساحة الجمرات ... نوافيكم بالتفاصيل على الساحة
وفاة 243 واصابة 73 في اليوم الاول في رمي الجمرات
المراسل ... جع جع :173:

لا تعليق :217:


ملك العالم : وش منتظر انت ووجهك .... لا تتوقع ان ملك العالم يتنازل ويهنيك بالعيد

لا يا شيخ !!!
الله يخليك هنيني بالعيد ... تراني بموت اذا ما هنيتني :218:


ROMEO : مع نسائم الصباح العليل وتراتيل العصافير المغردة ابعث اليك بباقة ورد قطفتها بنفسي من حدائق العشق السرمدي

يا اخي انت لو فيه منك اثنين :229:






معقول صارت التهاني بالمسجات بس
ومعقول يكون المسجات كافية
وهل يعتبر صلة رحم ؟؟؟؟





مع تحياتي

[القلب الحزين]

BackShadow

تسال على صلة الرحم..؟؟
يعني عملو اللى عليهم وزيادة..
تخيل كل واحد فيهم.. شغل الموبايل تبعه .. وكتب الرسالة وارسلها..
يعني لو أجاك بالبيت كان احسن:D..

خلاص إحنا الحين في عصر التطور والسرعة..
ما فيه وقت للمعايدة..
احمد ربك أنه وصلاتك هالرسائل للمعايدة..
احسن من لاشي.. صح؟


sad_heart

ملاحظة.. فيك ترسل لي الارقام على الخاص:250:..

[عابده لله]

صبحَك الله بالخير أنكل

وكل عام وأنت والجميع بكل خيروهنا

(( هذه ما رسلَك هيه أحد))

:D

:

والله انك صادق ,, كل اللي جانا مسجات بمسجات

(( مع إن موبايلي مفصول )) :148:

لا بجد تراه موضوع لا يبشر بالخير , حقيقي لمن تشوف أقرب
الناس اليك ومفروض يجييك البيت , يكتفي بمسج مثله مثل الأغراب !!
والله مصيبة وطامة كبرى !!

أذكر كان يجيينا الجيران بالعيد والأهل والأصحاب الحين وقسم بالله
العظيم هم الجارة اللي قبالك ما تدق ولا تسمع لها حس ..

تسكن بالبيت سنين وفيه جيران ما تعرفهم أصلأ ..

وين صلة الرحم .. والرسول صلى الله عليه وسلم وصى بسابع جار !

وين الأخوان اللي ما تشوفهم بالشهور والإ الأهلية من العمومة وغيرها ..

حياة تكرب والله أنكلنا ...

أيه فتَحت المواجع بموضوعك اليوم الله لا يبارك بشياطينك ..

إنت كذا كل عيد تنكد علينا |326| عيد الفطر وعملت حادثة ..

وعيد نا ذا تذكرنا بالعالم اللي ناسيتنا أو متناسيتنا |315|

ياشيخ روح منك لله

:134:

:
:

أخي الطيب باك شدو

بجد موضوع أشكرك عليه , وهذا صار حالنا وهذه هي دنيانا ..

والحمد الله على قول اخينا sad_heart إن جاتك مسجات :D
غيرك ما جاله الإ جن

:212:

ألف تحية

وكل عام وأنت وجميعالأهل بكل الخير والسعادة
ويجعلك رضيَ الوالدين ..

[ابوفهد]

هلا بالغالي محمد

كل عام وانتم بالف خير

موضوع جدا حساس ومهم لطرحة للنقاش بشكل موسع لانه اصبح الان مشكلة العصر

وقد يكون لي عودة اليه بعد العيد ان شاء الله تعالى


لكن اش رايكم ؟

ان يكون هناك اشخاص تتوقع منهم ان يكونوا اول المهنئين لك :MAD2:

وللاسف حتى الرسالة لم تصل منهم رغم انه مسجل لديهم في اجهزتهم

مس كول من العمدة !!!!!!!!!!!!!!!

ماعلينا المم بصحة وعافية

دمتم بالف خير

[ملكة البحار]

مساء الورد ,,

الظل ,
كل عام وأنت بخير
اعادة الله عليك بالصحة والخير |253|


...
...

مممممم شكلك موعجباك حكاية المسجات
مع اني احسها اسهل واسرع طريقة ,

لكن ماتغني عن عن الطلة و المكالمة للناس المهمة :256:
للعموم اعتقد وسلية رهيبة ريحتنا ,,
..
..
...

تحياتي

[BackShadow]

يسعدلي مساك sad_heart
واعتذر عن التأخير حبيبي


الحمد لله انا راضي بالرسائل ... ما عندي مشكلة :D
العيد الماضي مسكت كل الارقام اللي في جوالي واتصلت على الخلق
بس العيد هذا ما اتصلت الا على ابوقهد
الباقيين عليهم يردون الاتصال حق العيد الماضي :171:


ادرى اننا في عصر السرعة والتطور

وياخوفي في يوم من الايام نعتمر ونحج بالايميلات |309|



بالنسبة للارقام ... انت حدد رقم مين تبي وابشر حبيبي |253|



مع تحياتي

[BackShadow]

يسعدلي مساك عابده

انا حمدت الله على اللي جاني
بس تري انا ماني طالب انهم يزورونا ... على الاقل اتصال :180:

شفتي كيف انا طلبي بسيط قد ايش |273|




مع تحياتي

[BackShadow]

اهلين يا عمده

انت عارف يا عمده كيف انا اتصل عليك واهنيك بالعيد قبل لا اشوف امي وابوي حتى |253|

يعني ما تقدر تلومني بشي

اما الناس اللي تتصل عليهم ومس كول ولا يردون هذولي الله يعينك عليهم





مع تحياتي

[BackShadow]

يسعدلي مساك ملكتنا


يا ستي اتفق معك انها وسيلة رحتنا وخلتنا نتواصل مع عدد اكبر
وهذي هي الميزة الوحيدة

بس برضة لازم يكون فيه تواصل مسموع
انا اذا ما سمعت صوت الانسان اللي يهمني ما ارتاح
هذا اذا ما اصريت على شوفته كمان :130:



مع تحياتي

[القلب الحزين]

أخي ...

الكل إذا تكرمت:D..

راح أشيبهم:221::221:


sad_heart

[BackShadow]

كل عام وانت بخير

اللي فرق السنة هذي ان ابوفهد مرسل لي التهنئة من يوم 26 رمضان
الظاهر مستعجل على العيد



مع تحياتي

[الشجاع]

أنا لو كان معايا جوال كنت أول المهنئن لك خاصة

[®{ بـريــ!!!ــتـيـج }®]

مساااء الخير .


احلى

وارق

وابلغ

رساله جوال وصلتني هي :

(( كل عام وانت بخير .. انت ووجهك )) |17|

[أرسطوالعرب]

ماشاء الله

ومنزل موضوع وتشره على العالمين ومسوي زحمة يا أنكله


يا عمي والله لو قتلت الحب ما تغليت علينا

أنا كاب العيد بالمدينة وجاي عشان أعيد عليك وأحب على راسك

وسارق حلاوة العيد من عند أمي بأعيد عليك

وأتصل عليك عشرومية مرة ولا ترد

وآخرتها تديني بيزي !!!

وين راحت المبادئ والقيم ؟؟؟

وين راح الحب والأخوة

بلاشي من هذا كله...... وين راح ضميرك اللي بالموضوع هذا عنك ؟؟

ولا هي سواليف شبكة عنكبوت !!

ليلة 27 وأنا ناصب خيمتي عند وادي ريم منتظرك يا أنكل ؟

ليه هالجفا ؟؟

ليه القسوة...؟

طيب........... مين علمك كذا ؟

مين علم الورد يجرح ؟

ما أقول غير

كُل عام وإنت بخير.......


ثامر .....( اللي ما نلحقه .........تصيبه سهامنا )

[shadow hearts]

هلاااا أونكل

تعال هنا مسويلي sms وموضوع وماأدري ايش

وانا أتصل على رقمك القديم ....

والاخ خارج نطاق الخدمه علني..

الله يهديك أرسلي رقمك ..

أرق الاماني بكل جميل ..

[BackShadow]

اهلين بالشجاع

يا حبيبي لا تشيل في نفسك .. اعتبر تهنئتك وصلت خلاص |253|

وكل عام وانت بخير

[BackShadow]

اهلين بريستي

كل عام وانت بالف خير ... انت ووجهك !

هذا باين عليه يجبك من جد :220:

[BackShadow]

هلا ثمور

حبيبي لا تحط اللوم علي
ليلة سبع وعشرين انت عارف ان سعد لا اتصل ولا شي

وبعدين تراني معطيك ثقل الايام ذي
يعني اذا اتصلت علي مره وما رديت عليك اتصل وراها مره وبتلاقيني ارد عليك :134:

ومادام فيها حب راس فانا جايك اسهر عندك الليلة |273|

[BackShadow]

هلا مصعب

لا يطق لك عرق حبيبي

اللي يسمعك يقول كسرت الدنيا تدور علي :223:

عموماً اعتبر تهنئتك وصلت خلاص ومافيه داعي تتصل علي :182:

[ملكة البحار]

صباح الخير

الفاضل /الظل

مين رفع هالموضوع : )

أفتكرته ليلة العيد وقلت خليني أعمل تغير هالسنة واكلم كل الناس الى ودي أرسلهم مسج واعايدهم

بصراحة كلمت نصهم ونصهم الى يومك هذا لسا ماعايدتهم:178:

تحيتي ,,:252:

[* الـمـنـتـظـر *]

مرحبا حميدان :)

رسالة SmS متأخرة ..
لكل الأحبه والأخوان هنا .. أقول ..
كل عام وأنتم بخير ..
والعذر والسموحه لو أتأخرنا عليكم بالتهنئة ..
كنّأ نرسل مسجات :245:
و .. جزء من النص مفقود :206: <<---- على طاري الرسايل


محمد ..
يعني إنت من جدك تبيني أكلم كل أخوياي وكل أقاربي والعالم كلها ليلة العيد ويوم العيد أهنيهم بالعيد .!!
من زين الشبكه أيام العيد (( معذوووره الشركه )) |467|

عزيزي ..
أيام العيد ينشغل الواحد أكثر من أي وقت ثاني
لأن أيام العيد محدوده ولها ناسها وعالمها اللي تصير مجبور بهم !!
بالتالي ما تقدر توفي مع العالم كلها
حتى بالإتصال ..
الأرحام هذا من الواجب إذا كان بعيد عنك تتصل أما لو قريب فأكيد راح تقابلهم
الأصدقاء والزملاء وو .. وو .. وو .. كم تكلم وكم تخلي
أنا أعتبر الرسالة كافيه :) وكافيه جداً
الإتصالات نخليها لأيام الربيع :212:


برستيج : كل عام وإنت بخير .. إنت ووجهك :D


تحياتي ..
وكل عام والدرر وأهلها بخير