,’, إنهم يضربون المصريين: حكاية مضحكة؟! ,’,

[الأمــل]

بسم الله الرحمن الرحيم

السلام عليكم ورحمة الله وبركاته

أترككم والحكاية ...

!!


***

احتشد المصريون الهاربون من العراق والكويت على الحدود الأردنية.. رجال بالجلابيب والطواقي.. ونساء حوامل وعلى صدورهن أطفال.. الإرهاق واضح على الجميع .. ويتقدم أحد المذيعين من رجل متوسط العمر .. وجده نظيفًا ضاحكًا .. ثم يضع الميكرفون عند فمه ويسأله:

المذيع: حمد الله على السلامة يا حاج ..
العائد: والله يا سعادة البيه كان نفسي أحج ..
المذيع: المرة الجاية ؟ لا هو إنت ناوي ترجع ؟
العائد: إن شاء الله يا بيه .. دي بلاد جنة ..سكرة ..ربنا يخلي لنا الرئيس مبارك .. وينصر الرئيس "صدام" ..
المذيع: ينصر الرئيس "صدام" على مين ؟ لقد انتصر على الكويت ووضعها في بطنه ..
العائد: في الحفظ والصون يا سعادة البيه .. الرجل بيحب مصر قوي .. ويموت في الشعب العربي .. قوي .. مفخرة لنا يا سعادة البيه .. الواحد لما يشوفه كل يوم يعرف أن كل مشاكل العرب وفلسطين سوف تنحل بجرة قلم ..والله كده يا بيه ..
المذيع: انت جاي منين؟
العائد: من العراق يا بيه !
المذيع: محدش ضربك ولا عذبك ؟!
العائد: أنا؟ أبدًا يا بيه .. الناس فل .. والرئيس صدام ميت فل وعشرة .. ربا يخلي الرئيس مبارك .. بيموتوا فيه هناك يا سعاد البيه ..

(ضوضاء ..واصوات تتعالى وتشتم هذا المصري العائد) يقولون: كذاب .. حشاش .. جاسوس ..انظر إلى العلامات الزرقاء في وجهه وفي أنفه .. انظر إلى ملابسه الممزقة ..كذاب .. كلب ..

العائد: الله .. الله ليه الغلط بس يا سيدنا .. نصيبي كده ..ما حدش لا ضربني ولا عذبني ..أكذب على الله .. عاء الوالدين يا ناس ..الجنة تحت أقدام الوالدين ..وأنا كنت في الجنة ..شوفوا أنتم أهاليكم كانوا بيقولوا عليكم إيه ..
المذيع: صحيح هدومك مقطعة ..
العائد: المشوار طويل يا بيه .. والواحد من الزهق والتعب والشمس والعطش كان بيطلع من هدومه ..
المذيع: يعني انت اللي قطعت هدومك؟
العائد: بيحصل يا بيه ..
المذيع: مش فاهم .. يعني انت الوحيد اللي محدش قرب له ..
العائد: تمام!
المذيع: ليه؟
العائد: فضل من ربنا يا بيه ..
المذيع: وإنت كنت بتشتغل إيه ؟
العائد: وشي في الأرض .. لا مؤاخذه كنّاس !
المذيع: كناس؟
العائد: العمل شرف يا بيه ..

( المصريون يتهجمون على العائد .. ويمسكون بجلابيته ..ويقولون: كلب ابن كلب ..جاسوس ..خائن ..جبان ).

المذيع: أنت خائف؟
العائد: حقيقة ربنا .. أنا خائف يا بيه ..
المذيع: خائف من إيه؟
العائد: أولاد الحرام كثير زي ما أنت شايف يا بيه ..

(يقترب العائد من المذيع ويهمس في اذنه)

المذيع: يا راجل ما تخفش ..
العائد: قل لي يا سعادة البيه الأمانة ..والمصحف الشريف احنا فين دلوقت؟ في العراق ولا في الأردن ..اعذرني أنا متلخبط يا سعادة البيه ..
المذيع: يا أخي احنا في الأردن .. احنا سبنا العراق ..
العائد: بتتكلم جد يا بيه ؟
المذيع: أي والله والمصحف الشريف !
العائد: الله يخرب بيتك .. الله يوجع قلبك على مراتك ويوجع قلب امراتك عليك ويوجع قلب أولادك عليك ..يا ابن الكلب ..يا مصاص الدماء يا هاتك الأعراض .
المذيع: ايه ده انت بتشتمني يا راجل ؟!
العائد: انت .. ينقطع لساني يا بيه أنا بشتم الصدام الصدمان العدمان!

( وهتافا لمصر والرئيس مبارك والدعاء على صدام .. وزحام شديد ..والجنود الأردنيين ينهالون بالضرب على المتزاحمين).

العائد: ضرب تاني يا بيه ..احنا في الأردن؟
المذيع: نعم..
العائد: ضرب في العراق وضرب في الأردن؟
المذيع: نعم..
العائد: يعني احنا سبنا الضرب في العراق علشان الضرب في الأردن؟
المذيع: مؤقت ؟
العائد: الضرب مؤقت ..قالوا لنا كده..

والمصريون يحتشدون ويركبون السيارات التي تنقلهم إلى ميناء العقبة ..وهنا تقف العبارات الواحدة إلى جوار الأخرى .. زحام وخناقات .. العراق .. واستمر الضرب ست سنوات ومن هنا حانقعدكم سنة؟!

المذيع: حالا سوف تتجه إلى المركب التي تنقلك إلى مصر ..

والمصريون عصبيون يمسكون بخناق بعضهم البعض .. وتسقط حقيبة العائد في الماء .. وتتعالى الشتائم وتتردد الشتائم أسماء الحمير والكلاب والخيانة وينهال المصريون بالكلام والشلاليت بعضهم على بعض .

العائد: الله ده هنا ضرب برضه .. إيه الحكاية يا بيه ..
المذيع: احنا مع بعض .. زيتنا في دقيقنا ..انت نسيت مصر والا إيه؟
العائد: أنسى إزاي ؟ بس ايه الحكاية يا يعادة البيه .. المصريون ينضربوا في كل مكان ..ضرب العراق يوجع الظهر.. وضرب الأردن يوجع البطن .. وضرب مصر يوجع القلب..
المذيع: ضرب المصريين فيه زمالة وأخوة .. يعني أخوك هوه اللي بيضربك .
العائد: يا سعادة البيه إذا كان أخويا يقلع عيني .. فهوه بالشكل ده زي أي واحد ثاني قلع عيني .. ولا فرق بين الذي يقلعها بالذوق واللي يقلعها بالقوة .. عيني انقلعت والسلام .. الله .. قل لي يا سعادة البيه .. ما دام الضرب في كل مكان .. يبقى احنا ايه اللي رجعنا مصر ..ما دمنا مضروبين في مصر والعراق .. يمكن ضرب العراق بالعملة الصعبة .. أحسن يعني !.

( المذيع لا يرد .. ولكن العائد المصري لا يتركه).

العائد: قل لي يا بيه .. هيه المراكب دي مصرية؟
المذيع: نعم.
العائد: والمياه دي مصرية؟
المذيع: نعم!
العائد: والناس دول كلهم مصريون؟
المذيع: إيوه يا سيدي .. كل اللي شايفه مصري في مصري والشاطئ اللي هناك ده مصري..
العائد: الله .. أمال الناس قرفانه من بعض ومش طايقين بعض .. زي ما يكون رايحين سجن. زي ما يكون معمول فيهم مقلب .. مش فاهم يا بيه .. الله يخليك نورني ..إيه اللي بيحصل بالضبط .. سيادتك بتعيط يا بيه .. هيه الرجال بتعيط .. امال احنا نعمل إيه احنا لازم نعيط بدل الدموع دم .. راحت فلوسي وماتت مراتي وأولادي تاهوا وقالوا لنا اهربوا ..هربنا ..انت بتعيط يا بيه؟ أنا مش عارف إيه جرى لي ..دموعي من المصائب نشفت ..الدنيا كلها نشفت .. ريقي نشف .. دمي نشف ..وإيدي نشفت مفيش فيها مليم واحد .. زي ما أكون أنا ميت ..زي ما أكون الناس دي كلها ماشيه في جنازتي.. أي والله يا بيه !
المذيع: أنا باعيط عشان الريكودر راح..

العائد: سرقوه ؟

( العائد يخلع ملابسة ويلقي بها في البحر .. الجاكته .. الجزمة .. وشنطة كبيرة ..).

المذيع: بتعمل كده ليه؟
العائد: أحسن ما حد يسرقها من .. فأنا لسه عندي شوية احترام لأولاد بلدنا..
المذيع: أنت بتعيط ليه؟
العائد: على خيبتي .. قل لي والمصحف الشريف يا سعادة البيه ..
المذيع: نعم ..
العائد: المركب دي مصرية؟
المذيع: نعم.
العائد: والمياه دي مصرية؟
المذيع: قلت لك أيوه يا أخي !
العائد: والناس دول كلهم "مصريون"؟
المذيع: الله جرى لك إيه ..قلت لك أيوه ..
العائد: أمال ضربوني ليه يا سعادة البيه .. مفيش حد في العراق ولا الأردن شتم أمي ..هنا بس !

( نزلوا جميعًا من المركب .. وقف "العائد" أمام رجل الجمارك ).

رجل الجمارك: بتعرف تقرأ؟
العائد: يا ريت .. أهلي ما علمونيش يا بيه .. ملحقوش يا سعادة البيه أبويا مات وأنا عندي سنة وأمي ماتت وأنا عندي سنتين ..

رجل الجمارك: عندك فكرة الميكروباس اللي أنت جايبه معاك ده يساوي كام!
العائد: يساوي ربع مليون جنيه مصري .. تعبي وشقاي .. تعبت أنا مع أخوتي وأولاد خالي .. كلهم ماتوا يا بيه .. أبوس إيدك .. اهو كل اللي فاضل من الدنيا .. عشر سنين دوخة ليل ونهار ..
رجل الجمارك: معاك بسبور؟
العائد: أبدًا .
رجل الجمارك: معاك بطاقة؟
العائد: أبدًا ..
رجل الجمارك: امال معاك أيه؟
العائد: الستر .. والناس الحلوة دي كلها .. وربنا يخلي الرئيس مبارك ويخرب بيت الرئيس صدام..
رجل الجمارك: اسمع يا راجل انت .. خلي واحد يقرأ لك غيه الكتاب المكتوب على الميكروباس ..
العائد: مكتوب عليه يا سعادة البيه ..سيادتك عارف الحاجات الحلوة اللي بنكتبها في مصر ..عين الحسود فيها عود .. الحلوة دي من بنها ..
رجل الجمارك: لا .. يا اخويا مكتوب عليه الحلوة انت ملك للسفارة المصرية؟!
العائد: السفارة المصرية يا نهار اسود ..بتاع مصر يعني؟ سرقوها وباعوها لي .. الله يخرب بيت الرئيس صدام .. حلاقيها منين والا منين .. رجعوني العراق ..رجعوني!

الناس يضحكون والرجل يبكي .. ولما لم يجد أحدًا يشاركه هذه النكتة .. راح هو الآخر يضحك .. ويقول: الله يخرب بيت أهلي لا دخلوني مدرسة ولا علموني القراءة والكتابة ..

والراديو يذيع: حمد الله على السلامة يا جاي من السفر .. وحشانا الابتسامة .. وشك ولا القمر .

العائد (يضحك ويبكي) ويقول: حمد الله على السلامة يا راجع للقرف ..وحشانا الابتسامة .. جاك ستين قرف!.


:292:

×××××××
نقلتها لكم من كتاب " أول مرة " لـ أ : أنيس منصور .
×××××××

*

*

يا ترى هل هي حكاية مصريين فقط ؟!!

*

*

أختكم الأمــل

[رحاب]

أهلين أمولة
هم يبكي وهم يضحك
للاسف مو بس هي حكاية المصريين هي حكاية كل العرب وين مانروح بننشتم وننضرب وننهان وبرضه الله يخلي وطول عمر من ضربنا وهاننا
أمولة عند نقطة الحدود دايما تشوفي العجب العجاب وضحك ودموع وناس في بلدها بتتهان ...وعجبي يادنيا

دمتِ نور في حفظ الرحمن ورعايته

[الأمــل]

مساء السعادة لأرق إنسانة بالوجود ... صدى الحياة الراقي ..

أقول صدى ..ترى الحكاية هذي ضحكت عليها وايد :D... بس في الأخير قلبتها جد :266: ..وخليتها سياسية:150: و....و.. .. لأن هو في الحقيقة مضمور فيها هذا المعنى :217::219:...

***

بس شفتي العائد ...كان فظيع ... وتلقائي وأروب ( بالمصري)،( حاذق بالعربي)، وغلبان في نفس الوقت ... كل التناقضات فيه ... وحليله مسكين ...:148:

***

صدى العرب ... والإسلام .. إحنا خلينا أنفسنا ملطشة للرايح وللي جاي ..

وإحنا اللي بخلي نفسنا فوق كل حي... لكن بعد حين ..بإذن الله ..

***

صدى ...دمتِ بأجمل روح .. وسعادة أبدية ..

**

تعالي هني ..ليش كاتبة بالأسود!!؟

أختك الأمــل