~*~ فـ...قط من أوروبــا ~*~

[رمز]

السلام عليكم ورحمة الله وبركاته ,,


بامكانك قراءة العنوان بطريقتين .. فقط من أوروبا أو قط من أوربا

وكلا القطط تؤدي الى أوروبا .. عفوا كلا الكلمتين يؤديان المعنى المطلوب


قبل مده زرت واحد من الشباب ( زميل دراسه ) .. جمعتني فيه الظروف بعد مشيئة الله

عز وجل .. وكان الموعد في بيته .

التقيته وأصر لازم أدخل ( لا والله ما أصرّ ) ..دخلت البيت وكان أول شي

جا على بالي أني أطلب كابتشينوا ..

سألني شاي والا بارد ..وبدون تفكير طلبي معروف .

بعد فتره ..من السوالف عن الجامعه وموادها وأساتذتها والغيبه فيهم .

دخل علينا كائن غريب اكتشفت أنه ( بس بلجيكي مدري هولندي )

المهم أنه أوروبي .

شهادة حق مو بس هذا .. هذا اللي يستحق بجداره أن يطلق عليه ( قط ) .

سألته هذا ساكن معكم ؟

أجاب : هههههههه لا هذا عنده غرفه خاصه .

عمر أحدكم فيكم تمنى أنه يصير حيوان .

بعد شوي جانا كائن غريب ثاني تدرون وش طلع ..؟

طلع ( أخته ) عمرها عشرين أكثر أو أقل .. نط القط لها وسلمت عليه

( في هاللحظه تمنيت أني حيوان ).

سألت البنت أخوها بالانجليزي وقالت له كلام ما فهمته ..يمكن فرنسي .

رد أخوها قال نسيت أعرفك على زميلي هذا فلان الفلاني

أخذتني بنظره غريبه من فوق الى تحت وقالت هاي .

بطبيعة الحال في هاللحظه ما أدري ليش مكيفاتهم ما تبرد .! !!!!!!

قلت بهمهمه ( مستحي يخزي العين ) لصاحبي : نفسي أمسك ذا الأوروبي ( البس )

سمعتني البنت وقالت : دقايق بس خليني أأكله وأجيبه لك .؟

قلت في نفسي الحمدلله أنه بس مو كلب .. على الأقل الواحد يقدر

يستوعب أنها فضلت بس عليّ .. أما لو كان كلب .. هذي اللي لا يمكن

أمررها ..؟

استغليت خلوتي مع صاحبي وسألته :

الحين مسوين له غرفه وياكل ويشرب معكم ..وينام عندكم ..

كل ذا ( ماديا ) كم يكلف ...؟

قال احنا اشتريناه بخمسة آلاف دولار من برا ..

وله أكل مخصص .. يكلف ألف ريال على ما أظن ..

خرجت من عنده راجع لعزبتي .. وأنا في الطريق لقيت (بس)بكل ما تحويه هذه

الكلمه من معنى .. بس مدعوس على الخط .

والفرق بينه وبين البس أعلاه ..

الأول غربي والثاني عربي ,,,

دمتـــــم باسلامكم .

[((كــــــــادي))]

مرحبا // رمز

مقارنة اكثر من راااااااائعة

لكن السؤال هنا :

مين إللي دعسه وفي بلده|311|

[رحاب]

أخي الكريم ... رمز

مقارنة رغم أنها موجعة لكنها حقيقة للاسف :MAD2:
وما في أكبر من جمعية حقوق تهتم بالحيوان وتهضم حقوق الانسان
حتى في حيواناتهم هناك تفضيل على الانسان
لكن ...سنظل نتفس عروبة رغم أنفهم

دمت بود

[عابده لله]

هلا رمز ... حياك

جاك يا مهنا ما تمنا ( وجه وحدة مستنذله ) :cool:


والله وجالك يوم يا رمز خلني أطلع اللي في قلبي |319|

الحين تبي تقنعني إن القطاوي الأوروبية تتقارن

مع العراري |326| اللي موجودة هنا ....

يا شيخ خاف الله ذا العري فيهم يقطع الخلف لو نط على

أحد ماشي بالشارع :204:

يا أخي القطاوي رهيبة وتاخذ العقل ولا تنسى إنها حنونة

ويا زينها في البيت , يكفي إنها ونيسة لك :hap:


:

:

وبعدين إنت إش موديك عند أجانب ها ::] بتكشف على حريم

آآآآآآآآآآفا ما كان العشم يا رمز :-@

كيف ترضى على نفسك تشوفك وحدة بنت :171: وتسلم

على القطوة بعد ؟؟؟؟

ما كان العشم فيك وأنا اللي أقول رمز عاقل , وفاهم |85|

(( حأستلمك تقطيع ))

:D


:

:


لا بجد يا أخي : الحيوانات عموما في الدول الأوروبية لها قيمتها

تابع مرة برامج بتجي على (( animal planet )) والله تشوف قد

إيه هذا الحيوان له قيمه عندهم .... ومب غلط لأن الرحمة

مطلوبة هم بالحيوانات والرسول صلى الله عليه وسلم كان رؤؤفاً

بالحيوانات فالنأخذه قدوة لنا وليس هؤلاء الكفار ...

وبالأخير يا رمَوز اللي بيسمع الكلام لا عاد تسمح لنفسك تشوف

قطاوي أجنبية عشان قطاوينا العربية بتغاااااااااار

|54|

ومشكووووووووووووووووور

[الأمــل]

مساء الخير ..

خذوا شطر البيت هذا من تأليفي::D

...... وكلُّ البِساسِ في المُواءِِ سواءُ

':

الأمــل

[BackShadow]

هلا رمزي
حبيبي تكفى ولا عليك امر
اذا جيت تروح لخويك ذا علمني ابي ازوره
ما ادري حبيته قبل لا اشوفه :282:

المشكلة لو ماني عارف ان خويك المنتظر كان قلت كل اخوياك زي ذا :D

[الوجيه]

ليش نمنعهم من الحنان على الحيوانات


همه حرين



اوروفوار

[رمز]

مساء الخيــــر ,,

بدايه أود التعقيب على الموضوع ومن ثم العوده

للردود ( وعد قبل يوم القيامه )

أعجبني سؤال الأخت كادي
( من اللي دعسه وفي بلده )
رغم أني في البدايه ضحكت من سخريتها الا أنه والله يشهد

جرح كل الجروح وأدماها ..

حقيقة لا أهتم للقطط ولا أكترث لها بل ان الأمر يهون اذا

اكتشفنا أن الانسان العربي ( مدعوس ) وفي بلده .

ولو أردت تغيير مجرى الحديث .. لقلت :

أن القط في هذه القصه ما هو الا رمز لكل شيء عربي

واسلامي تم تجاهله على حساب ماهو غربي .

على سبيل المثال :

دع أحدنا يتجه لمتجر واعرض عليه صناعتين الأولى من دولة اسلاميه

والثانيه من دولة غربيه وبنفس السعر .. فأيهعما سوف يختار ..؟

بل إن الأمر يتعدى ذلك فلو تقدم انسان لوظيفه في شركة ما في داخل البلاد العربيه

سوف يختلف مرتبه ان كان يحمل الجنسية الغربيه .

باختصار ,,

لا أفتخر بأني عربي

بل بأني مســـــــلم

[رمز]

أهلين ..كادي ,؛,

المشكله فيه أكثر من مقارنه في القصه .

أنا جالس ما فيه مخلوق أعطاني بوسه لو بالكذب

وابن البسه تحضنه وتبوسه.. بالله من أولى ؟

عموما تسلمين على مرورك .


صدى الحرمان ,,,

والله العظيم أنتي عسل .. فهمتيها وهيه طايره .

على كل ,,

أنا دائما أقول ان جمعية حقوق الحيوان والانسان ما هي الا شعارات

يستخدمونها ضدنا والحقيقه أنهم أكثر من ظلم وهضم حقوق الانسان والحيوان

على السواء .

والمصيبه أننا أردنا أن نقلدهم ولم نعرف وبالتالي نسينا تقاليدنا ( خش على مووع عابده )

مثل الغراب الذي أراد أن يتعلم لغة الطاووس .

يعطيك العافيه صدى .

[رمز]

عابده لله ,؛,

اللهم اعنا ولا تعن علينا ..

مساؤك طيبه ورقه .ألحين استلمتيني تقاطيع وفلافل .

صدقيني ما فيه شي يونسني كثر ما تونسني البساس

لدرجة أني أراهن أن فيه فرق بين بساس جده وبساس الطائف .

البساس في جده تحس الرطوبه مأثره فيها مخليتها مستحيه

بينما في الطائف يطالعك البساس بنص عين وده يقول

وش فيك تطالعني ؟ ( بدون مبالغه )

ما عليـــــــــــــــــنا أهم شي لا أحد يتهمني أني راضع مع بس

ولا أحد من أقاربي وارث من بس .ولا نتونس بالبساس .( ياكلونها أخواني )

تبين شي ثاني ..عندك اعتراض على شي ثاني ..

اذا قصدك على الزيارات .. عادي انما الأعمال بالنيات

وانا نيتي سليمه ومثل ما انتي خابره عاقل وطيب وفاهم ( وانا اشهد ).

تبين الجــــــــــد الجد

لعنبوا البساس كلها عساها تندعس ولا يبقى بس


بس

استانست وانا أقرا وكمان وأنا أرد . ويلكم بيك



الأمــــــ نور ـــــل
مسا ءك نور يا أمـــل ,,

خذي تكملة الشطر ..

..........

الا النساء فهن داء أو دواء

;)

[رمز]

BackShadow

أهلا أختي ..

..من زود ما أحبك ودي تقوى العلاقه وتصير أختي .

ما علينا على بالك ما أعرف أجانب أنا سلمك الله أعرف جورج بوش وتوني

وكولن باول والشله الفاسده ذي كلها بس فيه مشكله بسيطه ما يعرفوني .


قبل ما أنسى ..

*سلم على المنتظر وبشره جوالي صار صندوق بريد .

يا حلو ..

*الكلام إياه .. انساه ( حفظته وقريته عشر مرات حسيت أنه فيه غلط )


الوجيه ..

*هناك من يقرأ ليبتسم وهناك من يبتسم عندما يقرأ .


فترفق بي ان قلت لك ..

ردك عادي وهذا الشيء الغير عادي ..جــدا .

[الوجيه]

صدقت

نعم صدقت

[رمز]

دائــــــما وأبدا ..يا صدّيق ,,


بإذن الله .