أنا:قلمي ..فلمي
قلمي: هلااا هلا والله وغلا ..وين الناس؟!! لك شهر ونصف كاتم أنفاسي بغطوتي (غطائي) وراميني في ظلمة الدرج بين الأوراق وناسيني.
أنا:والله تعرف مشاغل الدنيا ..الله لايشغلنا إلا بطاعته
قلمي: ايه حافظ أعذاركم ..المهم وش تبي بي ؟
أنا: أبد .سلامتك بس ودي تكتب لي موضوع أنزله في متندى النقد الأدبي.
قلمي : وين..؟وين..؟ النقد الأدبي ..عند الأدباء والكتاب والشعراء
أنا: إيه عد الأدباء
قلمي : عوذااا(أعوذ بالله) لالالالالالالا أنا ما أكتب لك عند الأدباء
أنا:لييييييه ؟؟؟ وش فيهم الأدباء؟
قلمي : الأدباء مغرورين ومتغطرسين ونافخين خشومهم..ياشينهم والواحد منهم مايشوف من الأرض شي.
أنا: ول ول ول أنت شايل عليهم ياقلمي ..لالا ..أنت آخذ فكرة خطأ عنهم
قلمي: بلا فكرة خطأ بلا بطيخ...إلا متكبرين ومتغطرسين ولو تبغى أجيب لك دليل جبت لك ألف دليل.
أنا: أشوف هات دليلك
قلمي : أكبر دليل ها الأيام المنتديات الأدبية تلاقي الواحد منهم حين يكتب موضوع يسهب ويكتب لك ثلاث صفحات وكلام كثير ولكن مايتنازل ويكتب رد للمواضيع الثانية ..لا وإن بغى منك شي كتب لك رد بدون تحية ولاسلام ولاتحية ختام..يعني كأنه يكتب بفلوس والعياذ بالله
أنا: اسمح لي ياقلمي إنك مخطي ..نعم مخطي ..خذ عندك مثلا أنا أكتب في ردودي تحية وسلام
قلمي :ههههههههههههههههههاهاهاهاهااه وووووووووووو (متسلقي من شدة الضحك)وأنت من ضحك عليك وقال انك من الأدبااءهههههههه منهو اللي ضحك عليك بالله ههههههاي
أنا: (منحرج) تبي الصدق : أمي الله يرضى عليها ويرزقني رضاها ، هي اللي دايم تقول لي اني أديب ..حتى أذكر أول قصيدة كتبتها أيام المراهقة كانت قصيدة غزلية حزينة بدون قافية ولاوزن ولامعنى بعد بس كانت حزينة ، يوم قريتها لمي قامت أمي تبكي ..وتبكي وأنا أقرأ قصيدتي الحزينة وأمي تبكي وأنا أقرأ وأمي تزيد في بكاها ..توقفت وسألت أمي: يمه ليه تبكين؟!! قالت : ياوليدي خايفة عليك من الحسد ومن العين . قلت لها: وأنا اللي أحسبك تبكين من قصيدتي ..طيب يايمه وش رايك بقصيدتي قالت : والله مدري عنها ياوليدي ماسمعتها من فرحتي بك . ومن يومها ياقلمي وأنا مقحم نفسي مع الأدباء ...بس تراك ظالم الأدباء والكتاب والشعراء
قلمي: أقول لك وش رايك تسأل أعضاء المنتدى وش رايهم بالأدباء وبخاصة الذين يكتبون في المنتديات إلا يشعرون بأنهم متكبرين ومتغطرسين ولايتفاعلون مع كتابة الآخرين وبخاصة المبتدئين . أنت أسألهم
أنا:بس أخاف يزعلون مني ويقاطعوني والسبه أنت وجهك
قلمي: لالالا تخاف هذا رأي ماهو رأيك .أنت حاط رأسك معهم.
أنا:طيب وين تبيني أنزل الموضوع : في درة الشعر والخواطر أو في النقد ألأدبي أو في الفلسفي
قلمي (مقاطعني في الكلام): لالالالا لاهذا ولاهذا نزله في درة الأستراحة وشف رأي الأعضاء الكرام في الموضوع هم معي وإلا معك؟
=
وكتبه/ الجبل
--
أنا ..وقلمي 1
أنا..وقلمي2