الشعر يااهل الذوق
مساء الخير للجميع
مشاركه من الشعر الشعبي تعبر عن نفسها
[poet font="Simplified Arabic,4,darkblue,normal,norma l" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
الشّعر ماهو شيّ من عالم الغيب= منهو يجيبه يستثير الغرابه
الشّعر يااهل الذوق حكمه وتجريب=وإحساس وجدان يقاسي عذابه
مرّه شعور المغترب بين اجانيب= ومرّه شعور العزّبين القرابه
ومرّه شعور النّصر في دار أعاريب= ومرّه شعور المنهزم وإكتائبه
إن صارفي لحظة فرح كان تطريب = وإن جا بحزن مثل صوت الربابه
ياما شدو به فوق عالي المراقيب=أهل الوجاهه والشّرف والمهابه
وياما شدا به من شباب ومن شيب=وحتى الفقير اللي رثيثه ثيابه
ماحد ملكه من البشر غصب أو طيب=لو كان يبدع به ويحكم نصابه
بعض المعاني مثل سود الغرابيب*= وبعضها ماينوزن مع ذبابه
والمشكله بعض العقول المعاطيب=اللي تحيّر كلّ علم وطبابه
متبلّده فيها جميع العذاريب=ولابها لوجزء جزء النّجابه
قلوب سودا تحمل الشّكّ والرّيب= تخلّي الإنسان يفقد صوابه
ماقدّروا نضح القلوب المعاذيبب=اللي تحاصرها الهموم وتجابه
على العموم أهل الادب أهل تأديب =والشّعر عشّاقه تحسّب حسابه
لهم يطيب الشّعر والحونه تطيب = وإلاّ سواهم قد تقدّم جوابه
[/poet]
* اشاره الى الجبال كما جاء في قوله تعالى وغرابيب سود
تحياتي
[/align]