والله .. عيب .. عليكم ..!!

[رغــد]

معليش أعذروني ..

تراني معصبة مرة ...

باقولكم السبب ..

في منطقة الطائف .. وفي حي شهار بالتحديد .. طبعا عارفين المنطقة هناك تعج بمطاعم الحلويات .

كنت مع أختي رايحين مشوار ... وكنا بالخط الطالع ... يعني هم خطين واحد طالع والثاني نازل

المهم ... وقفنا بطريقنا نبغى محل الحلويات .. اللي بالسكة المقابلة ... والزحام شديد جدا ومافينا نرجع

نلف عشان نوقف أمام المحل :o .. فاضطرينا نقطع السكة ... بس تدروا بعد كم قطعنا السكة ؟ ...

عشان نقطع السكة ونروح للمحل اللي قدامنا جلسنا ننتظر سيل السيارات يوقف تقريبا ثلث ساعه ....

بالله ايش رأيكم ... ؟

عيب ولا مو عيب ..؟

مو المفروض من الأدب .. أن يتوقف الرجل الطاير اللي مدري ايش بيلحق .. اذا شاف امرأة تبغى تمر

من أمامه ؟:cool:

ياليت القصة انه مايتوقف وبس ... لا

المشكلة بعضهم يسوي نفسة رح يوقف .. ولما نبغى نمر .. يرجع يسرع كأنه يبغى يدعسنا

هذا نموذج واحد من مئات النماذج اللي يظهر فيه تدهور الرجولة عن بعض الرجال .

ناهيك عن اللي يخليك ملطوعة اذا وقفتي عند ماكينه الصراف .. ويصرف قبلك .

وعن اللي يحاسب قبلك اذا كنت بسوبرماركت .. ولاهمه توقفي بزحمة الرجال سنه ..

وعن .. وعن ... وعن ...

طبعا هذي ردة فعل صدرت مني تجاه هالشي اللي حصل وقهرني ..

معذرة ... بس فعلا عيب .


رغــد

[المستشار]

.
.


مساء الورد ..

أفا يارغـــد وتعصبين ليش ..
خذي الأمور بهدوء .. تعرفي الناس هناك حر وزحمه ومطر وبرد ..
فالنفسيه متقلبه حسب تقلّب الجو ..


انا عن نفسي بصراحة احاول قد ما اقدر اوقف للناس اللي بيقطعون الشارع ..
إلا في حالة واحده .. إذا شفت اللي وراي داعس واعرف اني لو وقفت راح يجي ويصدم سيارتي واطير انا والسياره واصدم الناس اللي راح يقطعون الشارع فوقتها ما اوقف ( وجه واحد بكاش)


عموماً ..
الموضوع ابسط مما تتصوري ..
والناس اشكال والوان ( مدري كيف تجي )

اقصد يعني ان اللي تكلمتي عنهم فئة ما اظنها كثيرة ..
.
.
.
واهديكِ بهذه المناسبة علبة بيرة بالتوت عشان تهدأ أعصابك ..



تحياتي ..':

[الأمــل]

مساء الخير أحلى رغد ...

والله يا خويتي كسرتي خاطري ...

ما شاء الله علينا احنا هنيه ( الإمارات،أرض طيبة وأهلها طيبون .بلا فخر':
) ما في شي اسمه انتظر سيارات تمر ...

السيارت هي الي توقف تعظيم سلام للمارات ;) ... تعالى هنا عندنا .. عز .. يا رغودة ...

وخليك من الطائف ;)

-
-

والله قهر انتظر سيارات ثلثل ساعة !!!!

تحياتي .. ومواساتي

الأمــل

[رنيم الريح]

[ALIGN=CENTER]مساء الخير . .
أنا بنضم لك بالتذمر . .
فعلاً يارغد الرجولة عندنا متلاشية . .
كون الرجل يفسح لك مجال للمرور أو للدفع قبله أو حتى يفتح لك الباب
ماهي شي كثير أو حتى تميز . .
لأن الرجل الشهم الجنتل
يسويها من باب كياسته هو وطبعه هو . .
للأسف السلوكيات المهذبة محد يتبناها
فلذلك نحن نتعايش مع عار وانحطاط قوي
وماهي مبالغة . .
اعتذر إن كنت انفعلت
بس أنا بجد الوضع قارفنــــــــــي . .
شكراً رغودتي
على هذه المساحة
لاعدمتك [/ALIGN]

[جف البحر]

السلام عليكم

هاااااااااااااااااااع يا رغوده وليش الزعل

عااااااااااااااااايدي

يعني احنا نمسك سرا وانتو تجو ببساطه تحاتسبو!!!




لا بجد والله هدي الامور تقهر

بس احسن من اللي يوقف للبنت عشان تعدي ويكحل عيونه الله يسلمك

لانو لو راجل كان قشع ابوه من الطريق

عموما رغد لا تزعلي ووسعي صدرك وهكذا الدنيا تدور


مع حوووووووووووووووبي،،

[أرسطوالعرب]

[c]بسم الله الرحمن الرحيم
(*مايلفظ من قول إلا لديه رقيب عتيد*)
[/c]
السلام عليكم ورحمة الله وبركاته....
إلا بغيتي تروحين فيها يا رغد ها


يالله عمر الشقي بقي

شوفي ياستي .....شكله طريق سريع ولا ترى الرجال طيبين.....

وبعدين لو كنتي واقفة عند عبور المشاة كان تقطعين الطريق وأصابعك في أفحل شنب فيهم

يا رغد كان ممكن تتوقعين حركتهم مقصودة لو كنت واحد منهم لأني مستحيل أوقف لأمرأة وعمري ما سويتها في حياتي _ غير مرة وحدة في الخارج بس _ ولكني كنت أقف للرجال المساكين اللي لو يقعد ثلاث أيام ما أحد بيخليه يعدي !!!!

تـ....حياتي

[رحاب]

هلا وغلا برغودة

أفا مين هذا الي ماعنده نظر وماقدر يحترم وجودكم

بس ياستي هالمشكلة مو عندكم الا في جميع ارجاء المملكة

ونادر ماتشوفي رجال يوقف ويخلي النساء يمروا

طبعا مو عشان انهم مايستحوا على نفسهم بس بعضهم يخاف يتفهم حكاية وقفته غلط والبعض مستعجل مو فاضي عشان الستات يمروا والبعض حاقد على نساء الكون ووده يدعس وحده منهم يشفي فيها غليله

على العموم روقي ياختي كله عاد الا زعل رغودة

[BackShadow]

اهلين رغوده
طيب قوليلنا انك رحتي الطائف تغيري جو

عموماً الحمد لله على سلامتك

شوفي يا ستي
زي ما قال المستشار ... يمكن تكوني في خط سريع
وبالطريقة ذي صعب ان الواحد يوقف لانه بيسبب حادث طويل عريض

بس لو كان الشارع عادي فهذي فعلاً تعتبر قلة حياء منهم

بصفة عامة اتفق معك في ان احترام المرأة يجب ان يكون سائد
ويجب ان يكون لها الاولوية في قضاء حوائجها

تبقى هذه الحالات حالات قليلة .. لا استطيع ان اقول انها شاذة
ولا نستطيع ان نقول بانها منتشرة


مع تحياتي

[ناصر الأحمد]

مابقى الا هي بعد

اوقف على شان تقطعون الشارع

الا مايحتاج تشترون حلاو

تحوووووووووووووووووووووووويله



كون الرجل يفسح لك مجال للمرور أو للدفع قبله أو حتى يفتح لك الباب <<<<<<<<<< يحلفون اني بفتح لها الباب ولا اخليها قبلي

الحين متوهقين كل مارحنا مكان قالوا عوايل
وتجون تزاحمونا بالاماكن المخصصه للتماسيح ووتتذمرون بعد


الله يستر بكره اذا كل وحده مسكت لها دركسون قالت لا يمشون التماسيح بالشارع

[الأصيـــــــــل]

تحيةبعطراللافنـــــدرللجميع

.

.

.



يالله ... يعني كنتي بتروحي هريسه بسبب محل حلاوة ... ':

وتصيري شهيدة الحلاوة رغد وأختها ...


وبعدين أنا ابغى استوعي حاجة بعد اذنك يعني .. اذا سمحت يعني لا مؤاخذه

انتوا كنتوا في الطايف ولا فباريس

يعني اللي يقرا كلامك يقول ان وحده فيكم داقه اللثام وقاعد ورا الدريكسون

ومافيها ترجع توقف قدام المحل عشان الزحمة :cool:

يعني لو كان الشارع فاضي أقول معليش .. لو وقفتوا قدام المحل برضو ماشي الحال

بس دام وقفتوا بعيد وفي الشارع المقابل .. وفي الطايف .. وفي شهار ..

لا الأخ المتنيل اللي قاعد ورا الدريكسون ما نزل وقعدته انتوا معززين مكرمين

فأماكنكم .. مايعرف مثلاً .. ولا صعبه تكتبوا طلباتكم ولا ايش مني داري ؟؟

معليش اصلي ولد جنتل بس على صعيدي |324|

وبعدين على قول جعجع كل شي أخذتوه علينا ..

يعني جد أخاف يوم أرجع بيتي ألاقي ابوية واقف عند الباب يقولي ( ممنوع ..عويل )

نطق أم السرا في البنوك ومحلات الصرافة .. وتيجي أختنا في الله بارد مبرد تعدّي الأمم والخلايق وتصرف ولا تخلّص معاملتها

واحنا التيوس واقفين عشان غنمة عدّت

أقووووول .. أعقلي وروقي عشان لا أكع اللي فقلبي أكثر من كده

واسويلك مناحة هنا


فلاش للراجل اللي ما يخلي الحريم يعدّو غير برّا المملكة

اللي يسمعك يقول ما جلان يا خوية ..

وانت كل اللي رحتها سوريا وبغيوا يكفشوك كمان هناك ...

احنا صحيح رجال ... بس نفهم في الستات أوي

يعني عيب يا بابا تخلي البنت ملطوعة على الشارع واللي رايح واللي جاي يبصبص ويتهبّل على قلبهم

هوه احنا مش رجّالة ولا ايه ...



رنيـــم .. روقي يا بنتي واعصابك

بس قوليلي على اللي مايخليكي تقطعي الشارع وانا اسحبلك رخصته

بس الله يخليكي روقي .. ولا تزعلي مننا .. ترانا والله نعزّك ونقدّرك





اووووف على اللقافة ...

سوري يا رغودة



بايوش،،،،،

[رغــد]

[ALIGN=CENTER]أهلا بالمستشاااار

يعني عشان الجو حر وثلج .. ماتوقف شوية وتخلي الحريم يعدوا
بعدين حتى لو اللي وراك داعس ..انت حتشوف من بعيد ان فيه ناس يبغوا يمروا
فهدي سرعتك من بعيد ..
وعادي لو صدمك اللي وراك ايش حيصير يعني


بالنسبة للبيرة مااحبها بس ياليت تجيب لي بدالها ببسي

شاكرة مرورك وتعليقك [/ALIGN]

[رغــد]

[ALIGN=CENTER]أهلييين أمووووله

أجي وين ... عندكم ؟
وأخلي أهلي ..؟
مااقدر اعذريني .........

وبعدين تبين تفهميني ان الخليج مو زي بعض
ترى الطبع واحد ....
عموما اذا كان فعلا يسوون لكم تعظيم سلام ...
فهذا مابيستمر .. يعني بتنتقل لكم العدوى

مشكورة على مواساتك حبيبتي

تحياتي
رغد[/ALIGN]

[رغــد]

[ALIGN=CENTER]أهلين رنومتي

رجولة متلاشية .. والشكوى على الله
بس تخيلي لو من جد يفتحون لنا الأبواب عشان ندخل
قمة الوناسة ....
مو مشكلة خلينا نحلم ... برجولة حقيقية
مشكورة على انفعالك معي
يعني حتى لما أعصب .. ماتخليني أعصب لحالي :cool:
يخليك ربي لي

تحياتي
رغد[/ALIGN]

[رغــد]

[ALIGN=CENTER]جف البحر

يعني ايش هكذا الدنيا تدور
ويعني ايش فيها اذا مسكت سرا .. ؟
ومن ناحية اللي يوقف عشان يكحل عيونه عسها العمى
هذا يبيله موضوع ثاني عن طول النظر وقصر النظر
ترى لاتستفزني انا وصلت معي من جد
لمتى واحنا نقول عيييييييييييب عليكم ؟
لمتى ؟

اقصد عيب على اللي يسووا كذا مو انت
لاتفهمني غلط
وادري ان كل رجال المنتدى اخلاق
ويوقفوا للوحده لما تبغى تعدي :cool:

مشكوووورة على تعليقك

تحياتي
رغد[/ALIGN]

[رغــد]

[ALIGN=CENTER]ثامــــــــــــــر ..

فعلا عمر الشقي بقي
بس ايش تقصد ...؟

وبعدين كيف طريق سريع وهو كله محلات حلويات :p

عموما تراك انكشفت
يعني انت من الناس اللي ماتوقف للمرأة
ومين قالك اننا بنوقف لك اذا سقنا سيارات

أنا لو أعرف شكلك .. وكنت اقود سيارة
وربي مااخليك تعدي .. كذا عناد فيك
ورح ااضل ألف في نفس الشارع الين تكره عمرك وتفرش لك وتبات فيه

شووووووووووكرن على تعليقك
تحياتي
رغد[/ALIGN]