[ALIGN=CENTER]
أنــــا جــد خـــايــفـــة !!
بس مو خايفة من طرح موضوعي كثر منا خايفة من حذفه إسوة بمشاركتي المعنونه ب (( خســــارة !!!)) اثره في النهاية صارت مشاركتي سياسية وصرت اشكل خطر على الامن القومي لبلد يتدفق حرية !! والـبـيـبـان كلها مفتحة للي عنده فتوى والا شكوى والا حتى مجرد خطا خطوى !!
قالوا تعدينا الخطوط الحمراء وانا متأكدة اني لو المنتدى ملونينه متأكدة حتى اللون الزهري ما تعديته !!
ألا ان قرار الحكم والمشرف نحترمه مهما صار ومهما تم
عموما مو موضوعنا ..
بسم الله
والسلام عليكم
في حوالي الساعة التاسعة من هذه الليلة كنت منهكة القوى وتهاويت على الفراش بس للاسف النوم من عيني قزا وجفاني وما جاني ..
فخذيت جهازي اللاب توب على السرير وصرت اتصفح منتداي الجديد وقعدت استمتع هذا موضوع محذوف وانا اخر من يعلم !! وكذلك نتلذذ بفتح رسايل خاصة من زملاء في مثل هذا منتدى وهذا يقول لا تقولي لي ((يا كذا )) وذاك يقول لي (( انتي ما تعانينه غريب)) وطبعا قبل ذى الجمل وبعدها كلام في غاية الرقة والعذوبة كلام يكوي وكلام يشفي, في غضون ذلك صارت الساعة الواحدة وخذيت الريموت وحطيت على موجز الجزيرة للساعة الواحدة بعد منتصف الليل واذا بتسجيل جديد الواحد الله يستر عليه خايفة اقول اسمه اتعدى حدود حمرا وموضوعي ينحذف !!
بعدها صراحة تقاذفتني عواصف من العواطف وحسرات وكبرياء وحب وكره وصارت نفسي اتحدثني : لنتهيتي من المشاهدة يا بنت روحي واكتبي عن احاسيسك لان الحمدلله سلامة الحواس هنا مضمونة فيا ساره وش انتي خاسرة عبري وغيرك صبري...
الـــزبــدة
انا ما اعرف قبيلة الغامدي ويمكن ما زاملت او صادقت وحده من بناتهم مع اني مر علي القليل وقت الكلية بالرياض الا اني بعد مشاهدتي العينات من شبابهم البطل عشقت القبيلة وحبيت ديارها ورجالها..
(( اعتقد لحد الان ما فيه سياسة فقط حب وغرام بريء ))
صراحة وقتها كان يختلجني شعور غريب وأنما اكتفي بذى القدر ..
وأعذروني على الاطالة واسفة على ما جاء في المقالة
لو طولت اخاف مو تنحذف مقالتي كثر ما يلتغى اشتراكي !!!
مع تحياتنا[/ALIGN]