تلفزيون القناه الأولى زياده في التطور
يعني العالم دخلت عصر العولمه والفضائيات والتطور الهائل في مجال الاعلام ..
وتلفزيوننا العزيز باقي على ماهو ....
القناه الاولى :
افتتاحيه بالمملكه هذا الصباح ....
بدايه البرنامج ..... لقطات من شارع البطحا قبل عشرين سنه .. ودايم نشوف الدتسن 81 غماره في اللقطه :p
بعدها فتره الاسره ..... كلها عيادات .... تقول ماعندنا مستوصفات او مستشفيات ( وياشينها )
بعد كذا فاصل مع اهم الانباء
اخونا في الله المذيع جالس يظبط الكشخه ... ووراه خلفيه عباره عن مزهريه من محلات كل شي بـ 10 :p
اللي جنب وزاره الاعلام !
حان الان موعد مسلسل الظهيره ...... وخلص المسلسل ... يجي بعده سلامتك سلامتك ..نود لك سلامتك :p
ماهذا ياحسان ؟ ... ان هذا لغلط كبير .... ( نصائح وارشادات متكرره ) ياوحده احترق يدها وهي تكوي :p
ولا ورع طايح بالبلاعه
بعد كذا رسوم متحركه .... الكابتن مااجد ....
ويستلم ماجد الكره من بساام ( كل واحد بفريق ) وينطلق ماجد وهجمه هجمه هجمه هجمه هجمه هجمه هجمه
هجمه هجمه هجمه ... وتلقى ارتفاعات وهبوط .... وفي الاخير يقولك نكمل الهجمه في الحلقه القادمه :p
هجمه تاخذ حلقتين ...... ! واذا عندك ورع يتابع الكابتن ماجد ... تلقاه ياخذ كوره وانواع الانزلاقات بالحوش
لين يطيح على خشته :p
بعدها ... نشره الاخبار ... واه من نشره الاخبار ...
اولا ... المذيعين هم هم ماتغيروا من يوم عرفت شي اسمه تلفزيون ..... ! :p
ثانيا .. وهو الاهم ..
استقبل ... ودع ... استقبل ... ودع ... استقبل .. ودع
اففففففففف ..... لدرجه اني اتخيل ان ذولي اللي يستقبلون ويودعون كذا حياتهم من يوم يقوم من النوم .. على طول
يروح يستقبل ويودع ...... يعني كل ذا محبه ..... ({)
وماعمري شفت تلفزيون يعرض اكبر كميه من البوسات مثل تلفزيوننا الموقر ... وبجميع المقاسات والنوعيات
اموووووووه ... امممممممممممواه .... اممممممممممه ..... ممممممممم
اللي تبي تنقى بس :p
بعد كذا كراني ومادراك ماكراني .... ياحبني للادمي ذا .... احس ان مافي غيره يعرف يقدم احوال جويه
المشكله ان صوته عجيب ... وفي عاده سويتها من فتره .. وتصلح علاج للارق ... اسجل دايم الاحوال الجويه
في شريط فيديوا ... واذا جاني ارق وماقدرت انام اروح اتفرج على كراني .... مايمديه يقول .. وفي راس ابو
قميص الكبرى 40 والصغرى 45 ...... الا وانا نايم ...... والبلشه ... اقوم الصبح ... القاه باقي براس ابو
قميص ماطلع منها :p
بعد كذا برامج التلفزيون المغبره ........ وجها لوجه ..
تلقى الحلقه تتكلم عن موضوع سياسي ... ويدير الحوار محلل اقتصادي لا وشغال في
بنك الزراعه
طبعا لانظلم بعض البرامج بالتلفزيون السعودي ... مثل مستشارك ...... اعتقد انه برنامج ناجح :p
طيب نجي نشوف القناه الثانيه ..... غصب 2
مسلسلات وافلام اجنبيه .... والله صعب اقول قديمه ...... وصعب اقول مغبره ...
فعلا افلام مدفونه ....... يعني احفروا واحفروا .. وطلعوا لك كم فيلم غبي .... والترجمه غلط
يقول ويلكم .... وحاطين ترجمتها ... الى اللقاء .... الخ !
... القناه الرياضيه .....
مارفع ظغطي فيها غير المعلقين اللي فيها
مباراه كره قدم .... والمعلق ...... معلق فروسيه
بدل مايقول ..... وانطلقت المباره .... يقول .. وانطلقت الجياد المشاركه على بركه الله
وبدل مايقول ..... هجمه مع الجناح الايمن ... يقول .... هجمه مع المنعطف الاخير
ووبدل مايقول ... سيرجو محترف برازيلي ... يقول ..سيرجو من اسطبل ابناء ......... ؟
عجب عجاب !
في الاخير اقول شرهتكم على اللي حاط القناه الاولى او الثانيه .... حذفتهم من زمااان .... الى اجل غير مسمى ! :p
هذا غيض من فيض .... بس حبيت ابرد قلبي على الطاير ..
ملطوووووش
ترووووك ::*