- الإهدائات >> ابوفهد الي : كل عام وانتم الي الله اقرب وعن النار ابعد شهركم مبارك تقبل الله منا ومنكم الصيام والقيام وصالح الأعمال والله لكم وحشه ومن القلب دعوة صادقة أن يحفظكم ويسعدكم اينما كنتم ابوفهد الي : ابشركم انه سيتم الإبقاء على الدرر مفتوحة ولن تغلق إن شاء الله اتمنى تواجد من يستطيع التواجد وطرح مواضيع ولو للقرأة دون مشاركات مثل خواطر او معلومات عامة او تحقيقات وتقارير إعلامية الجوري الي I miss you all : اتمنى من الله ان يكون جميع في افضل حال وفي إتم صحه وعافية ابوفهد الي الجوري : تم ارسال كلمة السر اليك ابوفهد الي نبض العلم : تم ارسال كلمة السر لك ابوفهد الي : تم ارسال كلمات سر جديدة لكما امل ان اراكم هنا ابوفهد الي الأحبة : *نجـ سهيل ـم*, ألنشمي, ملك العالم, أحمد السعيد, BackShadow, الأصيـــــــــل, الدعم الفني*, الوفيه, القلب الدافىء, الكونكورد, ايفا مون, حياتي ألم, جنان نور .... ربي يسعدكم بالدارين كما اسعدتمني بتواجدكم واملى بالله أن يحضر البقية ابوفهد الي : من يريد التواصل معى شخصيا يرسل رسالة على ايميل الدرر سوف تصلني ابوفهد الي : اهلا بكم من جديد في واحتكم الغالية اتمنى زيارة الجميع للواحة ومن يريد شياء منها يحمله لديه لانها ستغلق بعد عام كما هو في الإعلان اتمنى ان الجميع بخير ملك العالم الي : السلام عليكم اسعد الله جميع اوقاتكم بكل خير ..
إضافه إهداء  

آخـــر الــمــواضــيــع

صفحة 1 من 2 12 الأخيرةالأخيرة
النتائج 1 إلى 15 من 22

الموضوع: حوستي مع الحليب و تحويله الى لبن

  1. #1
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array

    حوستي مع الحليب و تحويله الى لبن




    بسم الله الرحمن الرحيم

    السلام عليكم ورحمة الله ....


    اللي يحب الحليب يرفع يدوووووو

    بالنسبة لي ما احب الحليب ... يكفيني اللبن

    وعلى قولة القايل : اللي يخاف من البعبع يطلع له

    و طلع لي من حيث لا احتسب ...

    لنا معارف عندهم مزرعة و فيها

    اعزكم الله .

    وصارو يجيبون لنا حليب بكميات كبيرة ..

    و نحن ما عندنا احد يحب الحليب ...

    بصراحة ابتلشت ... حتى قلت لهم لا تجيبون لنا حليب ..

    لكن مازالوا يجيبون

    طيب و الحل ...!! وين أودي كل هالحليب ..!!

    ليتني اعرف ناس محتاجة كان ارسلته لهم .

    المهم ...

    سألت امي : كيف نسوي لبن من الحليب ..!!

    قالت : اتذكر امي يوم كانت تسويه من زمان

    ...اخذت الطريقة و رحت البيت انفذ ..

    تعالوا شوفوا ايش صار معي

    أول شي سويته رحت السوق و اشتريت خضاضة لبن

    أجل اقعد طول يومي اخض



    ~*~*~*~

    اولاً ....

    هذا الحليب ..


    غليته و تركته يدفى ..

    بس يا انه طول الين دفى ... يمكن اخذ اكثر من 3 ساعات عشان يدفى

    ~*~*~*~

    ثانياً ...

    نجيب زبادي ..

    لكل لتر حليب علبة زبادي

    ونحرك الزبادي مع الحليب كويس

    و نتركهم في مكان دافي " يعني نتركهم في المطبخ بدون مكيف "

    لمدة 8 ساعات .

    ~*~*~*~

    ثالثاً ...

    هنا بعد ما اختمر الحليب و صار زبادي


    بس لازم يكون زبادي اخف من اللي حطيناه .



    نحط الزبادي في الفريزر تقريبا ساعتين




    ~*~*~*~

    رابعاً ....

    نحط الزبادي اللي سويناه في خضاضة اللبن و نشغلها ..و نتركه يخض لمدة ساعة او ساعة ونص.


    ~*~*~*~
    و هنا بعد الخض ...


    و هذه الزبده تجمعت

    .

    .. و هنا اوضح


    و هذا كاس لبن للحبايب ...


    و السلام عليكم

    مع تحيات .. كادي بنت الوادي

  2. #2
    الصورة الرمزية صدق الوفاء
    تاريخ التسجيل : Aug 2006
    رقم العضوية : 10998
    الاقامة : القـــلب والقبــــــلة
    المشاركات : 1,386
    هواياتى : [email protected]
    My SMS : اللهــم ارزقنا فيهـا الأدب و الأبـد
    MMS :
    إم إم إس
    2
    الحالة غير متصل
    معدل تقييم المستوى : 721
    Array

    رد: حوستي مع الحليب و تحويله الى لبن







    هنا بعد ما اختمر الحليب و صار زبادي
    اجل نسوي من الحليب زبادي بالزبادي هههههه

    يا شيخه روحي ربي يسعدك

    هذا يسمونه غبيبة

    يعني مافي داعي كل يوم تروحي تشتري زبادي

    شوية من لبن اليوم على حليب بكره و تركه يتخمر في الليل و خض في الصباح و صحتين و عافيه .

    و بالنسبة للإنتظار حتى يدفى تقدري تحطي القدر في طشت موية مضاف اليها قطع من الثلج

    يعطيك اختصار في الوقت و بستره في نفس الوقت >> خليك مخ ههههه

    و لو حبيتي تجربي نكهة الريحان مع اللبن بعد ما يجهز زي النعناع مع الشاهي

    ،
    ،
    ،
    باقي اللمسات الاخيره

    تحويل الزبده بعد تجميع كمية كافيه لسمن بري فاااخر عن طريق التسخين

    و حبذا يا حبذا لو اضفتي له رشة خفيفه ضيمران اثناء الاعداد >> بيصير 10/10

    على فكره الضيمران ممكن تلاقيه عند العطار و ينضاف كمان حتى على الزبده الجاهزة من المحلات نكته مميزة جداً .

    الربيع الي فات شهر ثلاثه تقريباً طلعت يومين البر و وصتني خالتي إذا لقيت ضيمران جيب لي معك

    قلت لها و المقابل قالت اللي تبي ..

    تبي حافظة فته يحبها قلبك و إلا تتغدى عندي قلت يعني ما يجي عكه سفري هههه

    الحاصل حصلنا خير من الله و ربيع فوق الخيال ريحة الشعب تفوح منه و جبت لها اللي يكفيها سنه بس انقهرت اني ما صورته من الفرحه خخخ

    باقي الصور ان شاء الله انزلها قريب كل يوم اقول بكره والوقت ماش وقت .
    ،
    ،
    ،
    و في المراحل المتقدمة إن شاء الله لما تصيري هايدي

    و يكون عندك فائض من اللبن ندخل على مرحلة تحويله إلى إقط أو مضير

    و طريقة وضع بصمة اليد لحفظ الحقوق

    انتي بس اطلقي المارد و راح تلاقين Any Support You Need

    ،
    ،
    ،
    دمتي بحفظ الرحمن


  3. #3
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array

    رد: حوستي مع الحليب و تحويله الى لبن




    اقتباس المشاركة الأصلية كتبت بواسطة صدق الوفاء مشاهدة المشاركة





    هذا يسمونه غبيبة

    و أنا ايش يدريني انه اسمه غبيبه ...!!

    ما أحد قال لي ...

    يعني مافي داعي كل يوم تروحي تشتري زبادي

    شوية من لبن اليوم على حليب بكره و تركه يتخمر في الليل و خض في الصباح و صحتين و عافيه .

    والله امي قالت لي نفس الكلام ... بس ما حسيتو راح يضبط

    لأنه في هذه الحالة راح يكون لبن "خفيف " مو زبادي

    و بالنسبة للإنتظار حتى يدفى تقدري تحطي القدر في طشت موية مضاف اليها قطع من الثلج

    يعطيك اختصار في الوقت و بستره في نفس الوقت >> خليك مخ ههههه

    طيييييب .... تشكرات ع المعلومة

    و لو حبيتي تجربي نكهة الريحان مع اللبن بعد ما يجهز زي النعناع مع الشاهي

    اما الريحان ... ما عليه كلام ما تشوفوا مسنتر عند كاس اللبن

    ،
    ،
    ،
    باقي اللمسات الاخيره

    تحويل الزبده بعد تجميع كمية كافيه لسمن بري فاااخر عن طريق التسخين

    و حبذا يا حبذا لو اضفتي له رشة خفيفه ضيمران اثناء الاعداد >> بيصير 10/10

    بصراحة امي تعرف الضيمران ... انا و إياه لسا ما اتقابلنا


    على فكره الضيمران ممكن تلاقيه عند العطار و ينضاف كمان حتى على الزبده الجاهزة من المحلات نكته مميزة جداً .

    طيب .. إذا طلبتو من العطار راح يعطيني إياه يابس .. زي النعناع اليابس ..!!

    الربيع الي فات شهر ثلاثه تقريباً طلعت يومين البر و وصتني خالتي إذا لقيت ضيمران جيب لي معك

    قلت لها و المقابل قالت اللي تبي ..

    تبي حافظة فته يحبها قلبك و إلا تتغدى عندي قلت يعني ما يجي عكه سفري هههه

    على طاري العكة ... ايش اسم اللي يحطو فيها اللبن ..!!


    الحاصل حصلنا خير من الله و ربيع فوق الخيال ريحة الشعب تفوح منه و جبت لها اللي يكفيها سنه بس انقهرت اني ما صورته من الفرحه خخخ

    باقي الصور ان شاء الله انزلها قريب كل يوم اقول بكره والوقت ماش وقت .
    ،
    يللا .... ننتظر ايش ورانا بس لا تصيف علينا .
    ،
    و في المراحل المتقدمة إن شاء الله لما تصيري هايدي

    و يكون عندك فائض من اللبن ندخل على مرحلة تحويله إلى إقط أو مضير

    و طريقة وضع بصمة اليد لحفظ الحقوق

    انتي بس اطلقي المارد و راح تلاقين Any Support You Need

    ،
    الله يستر عليك ... قول لي كيف يسوون المضير عشان افاجئ امي

    و بصراحة كذا ... زي ما ابتلشت في الحليب ..الحين مبتلشة في الزبدة

    كثيرة ومو عارفة ايش اسوي بها ... قاعده في العلبة تنتظر الفرج

    عندك لها حل ..!


    ،


    نورت الموضوع و اثريته

    ...................
    تشكراااااااااااااااااااات
    ودمت بحفظ الرحمن

  4. #4
    الصورة الرمزية صدق الوفاء
    تاريخ التسجيل : Aug 2006
    رقم العضوية : 10998
    الاقامة : القـــلب والقبــــــلة
    المشاركات : 1,386
    هواياتى : [email protected]
    My SMS : اللهــم ارزقنا فيهـا الأدب و الأبـد
    MMS :
    إم إم إس
    2
    الحالة غير متصل
    معدل تقييم المستوى : 721
    Array

    رد: حوستي مع الحليب و تحويله الى لبن






    والله امي قالت لي نفس الكلام ... بس ما حسيتو راح يضبط

    لأنه في هذه الحالة راح يكون لبن "خفيف " مو زبادي
    نفس عمل الزبادي بالزبط ما هناك فرق حتى الكمية اللي تضاف تقريباً نفس مقدار الزبادي

    بعدين حنا داخلين في الصيف يعني راح يكون فيه اختصار في وقت التخمير .

    مشكلة تحضير اللبن في الصيف أنه احياناً يتخمر بسرعه اكثر من اللازم و هذا يعطي اللبن طعم حامض

    عكس الربيع أو الشتاء يمكن ما يتخمر و يزبط إلا ثاني يوم بعد الظهر .
    ،
    ،
    ،
    طيب .. إذا طلبتو من العطار راح يعطيني إياه يابس .. زي النعناع اليابس ..!!
    عادي ينفع بس كميه قليله يعني ورقة أو ثنتين بس علشان يعطي النكهة المطلوبه و ما يعطي مرارة في الطعم

    على طاري العكة ... ايش اسم اللي يحطو فيها اللبن ..!!
    إذا كان قصدك زي اللي في اول صورة في الموضوع

    هذا يسمونه ( غرب ) أو صميل

    و هذا معاناة في حد ذاته و اكبر معاناة إدخال الهواء إلى داخله علشان يساعد في عملية الخض

    الحرمة الذربه السنعه كانت تعرض فتحت الغرب في اتجاه الريح مع تحريكها لتجميع اكبر قدر من الهواء

    و الحرمة الرفله ( الدبعه = الوسخه ) . بعيد عنك و عن المشاهدين >> ماني قايل لك كيف تعبيها هواء >> بلاش قرف هههههه

    ،

    ،
    الله يستر عليك ... قول لي كيف يسوون المضير عشان افاجئ امي
    سهل بس يأخذ وقت طويل شوي

    كل ما عليك هو غلي اللبن على نار هادئة لما يثقل قوامه و كأنه يحبب يصير مثل خليط الكيك

    في هذي المرحلة يسمى ( لتيحه ) لا هو لبن ولا مضير و لذيذ جدا لما يبرد > ممكن يخلص قبل ما ينعمل مضير ههههه

    بعد كذا تعملي مثل الكور الصغيره و ينحط في راحة اليد و باليد الثانية بأربع اصابع ينضغط عليه لما يصير مثل الخبز على شكل دوائر

    و ينرص في صينيه و يتغطى بقطعة شاش و خليه فوق الثلاجة أو في مكان فيه تهويه كويسه يوم أو اثنين لما ينشف .. و صحتين و عافيه

    ليه الاصابع ؟ علشان تمعل خلخله و تسرع من التجفيف . وتعطي شي من التراث و الاصاله > يعني شي على اصوله

    و ممكن تعمليه قطع صغيره لو حابه مثل البيتي فور


    و بصراحة كذا ... زي ما ابتلشت في الحليب ..الحين مبتلشة في الزبدة

    كثيرة ومو عارفة ايش اسوي بها ... قاعده في العلبة تنتظر الفرج

    عندك لها حل ..!
    يب

    حطيها في قدر صغير و ذوبيها على النار مثل ما تتذوب الزبده العاديه

    أول ما تذوب الزبده راح تطلع لك رغوة كثيره عادي

    انتظري شوي راح تنزل في قاع القدر و انتظري لما تطلع فقاقيع و تشوفي انه بداء يصير سمن

    طفي عنه النار و اضيفي ورقة أو ثنتين من الضيمران و خليه شوي و بعد كذا صبيه في برطمان أو اي وعاء للحفظ

    اللي يبقى في أخر القدر (( اللي كان رغوة في بداية التحضير )) يسمى ( خلاصة ) بفتح حرف الخاء .

    ،
    من فوائد الموضوع :

    * بحكم الاحتكاك و محبة كبار السن و مجالستهم
    حسيت اني جبت مصطلحات مندثره في الموضوع و تذكرت موضوع لك شابق سابق ربي يسعدك يا شيخه .

    * و من باب العلم بالشي كان لما واحد أو وحده تكون ما تفهم العلم أو سامجه بمعنى اصح كان ينقال عليها انتي لتيحه يا بعيده

    أو فلان لتيحه من باب السب .

    حتى سبهم كان أدب لا فيه لعن ولا قذف و لا دعاء رحم الله من فقدناه منهم و امد في عمر من بقي منهم على طاعته .
    ،
    ،
    ،

    الشكر موصول لك اختي الكريمة على هذا التميز

    الله يحفظك من شر كل ذي شر


  5. #5
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array

    رد: حوستي مع الحليب و تحويله الى لبن




    هلا // صدق الوفاء ،،،



    اقتباس المشاركة الأصلية كتبت بواسطة صدق الوفاء مشاهدة المشاركة



    هذا يسمونه ( غرب ) أو صميل




    طيب ايش تطلع الشكوى ..!!

    انا سمعت ان اسمها شكوى .



    اقتباس المشاركة الأصلية كتبت بواسطة صدق الوفاء مشاهدة المشاركة

    و الحرمة الرفله ( الدبعه = الوسخه ) . بعيد عنك و عن المشاهدين >> ماني قايل لك كيف تعبيها هواء >> بلاش قرف هههههه






    اقتباس المشاركة الأصلية كتبت بواسطة صدق الوفاء مشاهدة المشاركة

    سهل بس يأخذ وقت طويل شوي



    كل ما عليك هو غلي اللبن على نار هادئة لما يثقل قوامه و كأنه يحبب يصير مثل خليط الكيك



    في هذي المرحلة يسمى ( لتيحه ) لا هو لبن ولا مضير و لذيذ جدا لما يبرد > ممكن يخلص قبل ما ينعمل مضير ههههه
    انا اعمل بالدس ... ما راح احد يدري عن اللتيحة <<< اول مرة اسمع هذا المصطلح

    شكلي بخلصها انا


    اقتباس المشاركة الأصلية كتبت بواسطة صدق الوفاء مشاهدة المشاركة

    بعد كذا تعملي مثل الكور الصغيره و ينحط في راحة اليد و باليد الثانية بأربع اصابع ينضغط عليه لما يصير مثل الخبز على شكل دوائر



    و ينرص في صينيه و يتغطى بقطعة شاش و خليه فوق الثلاجة أو في مكان فيه تهويه كويسه يوم أو اثنين لما ينشف .. و صحتين و عافيه
    تشكراااااااااااااااااااات ... وصف دقيق ما شاء الله

    الله يعطيك العافية


    ،
    ،
    ،
    ،

    طيب شوف ايش صار معي ...


    اتبعت الخطوات المكتوبة بالحرف ...

    و صار اللبن زي ما قلت مثل خليط الكيك...

    و لمن جيت اسويه مضير كان رخو نوعاً ما ...

    ان شاء الله يكون شغلي تمام ....
    ،
    ،
    ،
    ،
    ،
    ،
    ،
    ،
    ،
    ،
    ،
    ،
    ،
    ،
    ،
    ،
    ،
    ،
    ،



    طبعاً لأن اول مرة اسويه ... استخدمت كميه لبن قليلة <<< لزوم التجربة بعد كم يوم بكتشف نتايج شغلي

    ،
    ،
    ،



    على فكرة ... ما يضيفون ملح للمضير ..!!

    اذكر اني ذقته مالح .

    طيب ما يخرب بدون ملح ... مثلك عارف من زمان كانو يحفظوا الأشياء بالملح عشان ما تخرب .





    اقتباس المشاركة الأصلية كتبت بواسطة صدق الوفاء مشاهدة المشاركة



    حطيها في قدر صغير و ذوبيها على النار مثل ما تتذوب الزبده العاديه



    أول ما تذوب الزبده راح تطلع لك رغوة كثيره عادي



    انتظري شوي راح تنزل في قاع القدر و انتظري لما تطلع فقاقيع و تشوفي انه بداء يصير سمن



    طفي عنه النار و اضيفي ورقة أو ثنتين من الضيمران و خليه شوي و بعد كذا صبيه في برطمان أو اي وعاء للحفظ



    اللي يبقى في أخر القدر (( اللي كان رغوة في بداية التحضير )) يسمى ( خلاصة ) بفتح حرف الخاء .


    لسا ما رحت للعطار ... اول ما اجيب الضيمران بسوي الطريقة اعلاه




    اقتباس المشاركة الأصلية كتبت بواسطة صدق الوفاء مشاهدة المشاركة

    من فوائد الموضوع :



    * بحكم الاحتكاك و محبة كبار السن و مجالستهم

    حسيت اني جبت مصطلحات مندثره في الموضوع و تذكرت موضوع لك شابق سابق ربي يسعدك يا شيخه .



    * و من باب العلم بالشي كان لما واحد أو وحده تكون ما تفهم العلم أو سامجه بمعنى اصح كان ينقال عليها انتي لتيحه يا بعيده



    أو فلان لتيحه من باب السب .



    حتى سبهم كان أدب لا فيه لعن ولا قذف و لا دعاء رحم الله من فقدناه منهم و امد في عمر من بقي منهم على طاعته .
    والله انت جبت مصطلحات عمري ما سمعت بها ...

    هذا بحد ذاته عندي فائدة ..

    و كمان تعلمت اسوي اشياء ما توقعت اني في يوم اسويها

    الف .. الف شكر ...

    و الزبدة بيوصلك علمها إن شاء الله

  6. #6
    الصورة الرمزية صدق الوفاء
    تاريخ التسجيل : Aug 2006
    رقم العضوية : 10998
    الاقامة : القـــلب والقبــــــلة
    المشاركات : 1,386
    هواياتى : [email protected]
    My SMS : اللهــم ارزقنا فيهـا الأدب و الأبـد
    MMS :
    إم إم إس
    2
    الحالة غير متصل
    معدل تقييم المستوى : 721
    Array

    رد: حوستي مع الحليب و تحويله الى لبن




    هلا بك زوود

    طيب ايش تطلع الشكوى ..!!

    انا سمعت ان اسمها شكوى .
    و الله اول مره اسمع بذا الاسم .. يمكن اختلاف لهجات أو اختلاف الآنية المستخدمه

    اللي اعرفه و ينضاف كمصطلحات مندثره غير ما سوف يأتي إن شاء الله

    إن العودان أو الاخشاب اللي يعلق عليها الغرب اثناء الخض كما في الصورة الاولى

    تسمى ( شقبان ) .

    لكن و لا يهمك معوضة خير يا وجه الخير >> مضارب البادية

    نهل السبحه و نسترجع المعلومات :

    الغرب / يصنع من جلود الاغنام بعد ما يدبغ >> ما هو يضرب ههههه

    ماخوذ من الدباغة و دباغة الجلود لكي تكون صالحة لحفظ اللبن و الماء و خلافة

    بالنسبة للعكة /

    في السابق كانت تصنع من جلود الاغنام الصغيرة غالباً

    يعني جلد ( هريد ) صغير الماعز

    أو ( طفل ) و تصغيره طفيل صغير الضأن

    مساكين الاطفال حتى في الحيوانات ما سلمو من البدو

    و أجود أنوع الفرأ أو السديرية تسمى الطفيليه >> هذي معلومة فوق البيعة

    نرجع للعكة

    حتى جلد الضب كان يستخدم .. بس مو اي ضب !!

    ضب ( الخد ) الأرض المبسوطة . اللي يجي كنه مدعوس على الارض وبطنه كبير

    و ليس ضب الحره اللي كأنه سحليه أو شكلة اسطواني

    هذي العكة اللي يكون في الغالب استخدامها شخصي للمنزل أو هدايا للحبايب

    الناس اللي ربي منعم عليهم و عندهم خير واجد و فائض

    يجمعون السمن لغرض التجارة و البيع في أكبر انواع العكة

    و اللي يتحول اسمها من عكة و يصير اسمها ( ظرف )

    و هذي تصنع من جلد الاغنام الكبيرة >> يعني اكبر من التكاية

    يبيعونها على تجار الجملة إذا ( هبطو ) نزلو المدينة و يشترون بثمنها ارزاق و خلافة .

    ،
    ،
    ،
    طيب بعد ما تدبغ العكة و يش يسوون أو يحطون فيها قبل ما يحطون السمن فيها ؟؟

    سمعتي عن الرُب بظم حرف الواو .

    الرُب

    طريقة صنعه بسطية و هي :

    غلي يعض حبات التمر في ماء لما ينهري >> كأنك تسوي شيرة

    في هذي المرحلةيسمى ( جليده )

    من كثر ما يجلد على النار ( يجلد = يغلي )

    بعد ما ينهري يصفى من خلال شاش أو صفاية و يعاد على النار

    حتى يعقد و يصير مثل العسل .

    يصب في الغرب و يدهن به باطنه ليكون طبقة عازلة تحفظ نكهة السمن و تحافظ على عدم طرقها برائحة الجلد

    خاصة اول استخدام له .

    حالياً فيه ناس تحط شوية عسل ثقيل في الاواني المعدنيه ( العكة ) .

    خلاص كفاية لحد كذا ناخذ بريك و نرجع نكمل هههههه
    ،
    ،
    ،
    على فكرة ... ما يضيفون ملح للمضير ..!!

    اذكر اني ذقته مالح .

    طيب ما يخرب بدون ملح ... مثلك عارف من زمان كانو يحفظوا الأشياء بالملح عشان ما تخرب .
    لالالا

    طعم الملح أو الحموظة اللي ذقتيها مردها للأصل و هو اللبن

    اللبن في الاساس يكون حامظ

    لأنه في الاساس صنع المضير كان من باب حفظ النعمه عند توفرها كي تستخدم و قت حاجتها .

    بمعنى آخر اللبن الزائد عن الحاجة فيه ناس تسويه مضير من وقته و يكون طعمه رااائق و مناسب

    فيه ناس تحبه يكون حامظ تخليه برا الثلاجة يخمر للدرجة اللي تناسبهم

    لكن عن نفسي ما افضله حامظ لأنه ما يناسب اغلب الناس و يسبب حموظة >> هو احنا ناقصين خخخ

    ازيدك من الشعر بيت قبل لا نروح للنتائج

    في الأوقات اللي تكون فيها الغنم مضاريع حوامل ههههه

    من فين يجيبون لبن للرز اللي عندهم ؟؟!!!

    يرجعون للخزن الإستراتيجي اللي محتفظين فيه >> المضير

    طبعاً كان اللحم نادر و كله رز إن وجد .. رز احمر كشنة و رز ابيض >> مثل الفول و القلابة و هي كلها فول هههههه

    يعملو رز بالكشنة >> يعني كشنة و فوقها رز >> دور اللحمة يروح مطب هههههه

    لما يقرب يستوي الرز يفتو فوقه المضير و هو على النار >> يطلع دمااااااار و إدمااااان ههههه
    ،
    ،
    ،
    نجي للنتيجة الموضحة في الصورة

    أعتذر منك يمكن الخطاء مني ماكان الوصف دقيق سامحيني

    حسب اللي شايفه في الصورة لسه باقي ما استوى باقي عليه تقريباً ثلث ساعه كمان

    من المرحلة اللي وصلتي لها يبدا التحريك مابين كل فتره و فتره علشان ما يحرق

    و اسهل شي علشان تتأكدي انه اصبح جاهز أو لسه

    لما تعملي خط بالملعقة في وسط القدر كل جزء يصير متماسك >> مثل عصى موسى عليه السلام >> يا عيني على الوصف

    يعني اقل نسبة سوائل ممكنة بدون ما يكون ناشف مره و يحرق
    ،
    ،
    ،

    والله انت جبت مصطلحات عمري ما سمعت بها ...
    هو انتي لسه شفتي حاجة هههههههه

    الف .. الف شكر ...
    الشكر لله ثم لك اختي الكريمة على إبداعك و تميزك تراني ما سويت شي مجرد إستعادة النظام

    و الزبدة بيوصلك علمها إن شاء الله
    أهااا

    نجي للزبده لما رجعت لبداية الموضوع كأني شفتك تغرفيها بكوب

    تجميع الزبده الأفضل إنه يكون بملعقة ام خرائم >> وصف دقيق هههههه

    علشان تصفي الزبدة من اللبن و تطلع صافية >> كل ما كانت الزبده صافيه يكون احسن

    ،
    ،

    دمتي بحفظ الباري
    التعديل الأخير تم بواسطة صدق الوفاء ; 19-05-2013 الساعة 12:52 AM

  7. #7
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array

    رد: حوستي مع الحليب و تحويله الى لبن




    ... اهلاً من جديد ...





    انا ما اعرف في المصطلحات...



    وعينا على وجه الدنيا و لقينا كل حاجة في كرتون ... لا عرفنا عكة و لا شقبان



    بالصدفة اسمع كلمة من هنا او هناك و احفظها ...



    يا ويلي .... نحن ما نعرف مسميات الأدوات القديمة ..اجل ما ينلامون اولادنا



    ~*~*~*~*~



    بالنسبة للعكة ... هذه معرف انها تصنع من جلد الغنم بعد الدباغة .. وكمان قربة الموية و كمان شكوة اللبن اللي انت تقول عنها غرب



    اما الضبان ... نحن ما ناكلها عشان نسوي من جلودها عُكك <<<< جمع عكة ،،، صح ولا غلط

    سمعتي عن الرُب بظم

    حرف الواو .





    بالله فين حرف الواو هنا ..!!!

    دورت عليه وما لقيتو
    .
    .

    .

    المهم ... لا ما سمعت عن الرُب

    بس سمعت المثل اللي يقول :

    رُب أخِ لم تلده لك أمك

    .
    .
    .

    طيب ... بما إننا في معمعة المصطلحات و اللغة ... ايش يعني " يتحشد "

    مثال : الضيف يتحشد <<<< اختبار في اللغة

    ~*~*~*~*~*~

    طعم الملح أو الحموظة اللي ذقتيها مردها للأصل و هو اللبن


    اللبن في الاساس
    يكون حامظ

    يو .... اشوا ما حطيت ،،، بغيت احط
    حامض <<<< كذا تنكتب

    ~*~*~*~*~*~

    بسأل امي عن كل المصطلحات الموجوده هنا ...

    وكمان بسألها عن الدمار الشامل اللي يفتون فوقه المضير و بشوف ايش تقول .

    و بجيب منها علوم .


    ~*~*~*~*~*~

    نجي لنتايج المضير اللي سويتو قبل يومين

    .
    .
    .
    .
    .
    .
    .
    .
    .
    .
    .
    .


    اولاً....

    ... نشف


    ثانيا ...

    علق في الشاش ..... ليتني ما حطيتو على الشاش

    ثالثاً ...

    بعد ما نشف صار زي الورقة نحيف ...

    يبغالي المرة الجاية اكبر الحبه و أخليها متينه


    ’,’,’,’,’,’’,’,’,’,’,’,’,

    شكراً على كل المعلومات الوارده في ردودك

    بخلي امي تخمخ على الموضوع ... اكيد بيعجبها

    ~و سلامتك .~


  8. #8
    الصورة الرمزية ابوفهد
    تاريخ التسجيل : Feb 2002
    رقم العضوية : 3
    الاقامة : قلب من أحب
    المشاركات : 22,917
    هواياتى : الأنترنت
    MMS :
    إم إم إس
    mms-85
    الحالة غير متصل
    معدل تقييم المستوى : 1462
    Array

    رد: حوستي مع الحليب و تحويله الى لبن




    [quote=((كــــــــادي));594672]


    شكراً على كل المعلومات الوارده في ردودك

    بخلي امي تخمخ على الموضوع ... اكيد بيعجبها

    ~و سلامتك .~

    [/quote

    واحده بواحده
    دفاعاً عن معشر الرجال
    تمخمخ
    أليس هذا هو المقصد

    ربي يسعدكم على هذا الحوار والمعلومات الثرية
    دمتم بخير









    اللهم إن لنا أخوان وأخوات في هذا المنتدى
    منهم من غاب عنا لأي سبب
    ومنهم من هو غائب حاضر
    ومنهم من هو مستمر حتى الآن
    شاركونا بعلمهم .. وخبراتهم .. وتجاربهم
    ناقشونا ونصحونا وعاتبونا
    واسونا في أحزاننا وشاركونا أفراحنا
    نتمنى لهم الخير والسعادة أينما كانوا
    وندعو لهم بظهر الغيب أينما حلوا
    اللهم احفظهم وأغفر لهم وأنزل عليهم رحماتك أحياءً وأمواتاً










  9. #9
    الصورة الرمزية صدق الوفاء
    تاريخ التسجيل : Aug 2006
    رقم العضوية : 10998
    الاقامة : القـــلب والقبــــــلة
    المشاركات : 1,386
    هواياتى : [email protected]
    My SMS : اللهــم ارزقنا فيهـا الأدب و الأبـد
    MMS :
    إم إم إس
    2
    الحالة غير متصل
    معدل تقييم المستوى : 721
    Array

    رد: حوستي مع الحليب و تحويله الى لبن




    حبيب قلبي يا أحلى عمده في الدنيا لا عدمتك اديها ههههههههه
    ،
    ،
    ،

    ثانيا ...

    علق في الشاش ..... ليتني ما حطيتو على الشاش
    يؤ يؤ يؤ

    كادي صرت اشك انك خواجه القرأة عندك من اليسار لليمين

    شوفي أنا ايش كاتب
    /
    \
    /

    اقتباس المشاركة الأصلية كتبت بواسطة صدق الوفاء مشاهدة المشاركة



    و ينرص في صينيه و يتغطى بقطعة شاش



  10. #10
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array

    رد: حوستي مع الحليب و تحويله الى لبن




    [quote=ابوفهد;594680]
    اقتباس المشاركة الأصلية كتبت بواسطة ((كــــــــادي)) مشاهدة المشاركة


    شكراً على كل المعلومات الوارده في ردودك

    بخلي امي تخمخ على الموضوع ... اكيد بيعجبها

    ~و سلامتك .~

    [/quote

    واحده بواحده
    دفاعاً عن معشر الرجال
    تمخمخ
    أليس هذا هو المقصد

    ربي يسعدكم على هذا الحوار والمعلومات الثرية

    دمتم بخير





    يعني عشان وحدانية وما عندي سند في المنتدى بتتقوو عليا

    .... لنا الله ....

    بس ابشركم .. أمي مخمخت ع الموضوع و انبسطت آخر انبساط












  11. #11
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array

    رد: حوستي مع الحليب و تحويله الى لبن




    اقتباس المشاركة الأصلية كتبت بواسطة صدق الوفاء مشاهدة المشاركة
    حبيب قلبي يا أحلى عمده في الدنيا لا عدمتك اديها ههههههههه

    ،
    ،
    ،



    يؤ يؤ يؤ

    كادي صرت اشك انك خواجه القرأة عندك من اليسار لليمين

    شوفي أنا ايش كاتب
    /
    \
    /
    ....

    شفت و فهمت ....

    بس قلت عشان ينشف بسرعة احطو في شبك .... " راجع الصورة "

    بس كيف احطو في شبك ..!!

    اكيد راح يطيح منو

    قمت و فرشت الشبك بالشاش و حطيت عليه المضير و غطيتو كمان بالشاش

    بس الخطه طلعت فاشلة .

  12. #12
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array

    رد: حوستي مع الحليب و تحويله الى لبن




    تعالوا اقول لكم ايش قالت امي عن المصطلحات و الدمار الشامل

    طبعاً قبل لا اعطيها الموضوع عشان تقراه و تمخمخ عليه سألتها عن بعض ما ورد في الموضوع

    من مصطلحات ما عمري سمعتها ... قلت خليني اشوف تعرف ولا ما تعرف

    سألتها عن الغرب ... قالت :

    هذا يجي حجمه كبير و يستخدم لجلب الماء من البئر

    يعني اكبر من القربا

    وكمان سألتها عن اللتيحة .... طلعت تعرفها



    و سألتها عن الرُب ...... جاوبت و شرحت كمان

    يؤ...يؤ...يؤ

    ما كأني عشت مع اهلي كل هالسنين ... اول مرة اسمع هذه الأشياء من امي

    عمرها ما جابت طاري


    لكن الحق ينقال ... بدون تجربة فعليه ما ينفع الكلام

    في النهاية سألتها عن الرز اللي يفتون فوقه المضير ...

    قالت كانت جدتك تسويه زمااااااااااااااان

    و قالت عنه لذيذ

    قلت خلينا نسويه ... قالت محد بياكله






  13. #13
    الصورة الرمزية صدق الوفاء
    تاريخ التسجيل : Aug 2006
    رقم العضوية : 10998
    الاقامة : القـــلب والقبــــــلة
    المشاركات : 1,386
    هواياتى : [email protected]
    My SMS : اللهــم ارزقنا فيهـا الأدب و الأبـد
    MMS :
    إم إم إس
    2
    الحالة غير متصل
    معدل تقييم المستوى : 721
    Array

    رد: حوستي مع الحليب و تحويله الى لبن




    الله يسعدك وعن النار يبعدك يا أم كـــادي

    سعيد جداً انه الموضوع اعجبك

    و البركة في كـــادي اللي قاعدة تنبش في نافوخي مثل نقار الخشب هههههههه
    ،
    ،
    نرجع للموضوع

    كــادي ليه ما سألتي عن الـ ( جليده ) و استخداماتها

    أنا اقول لك يا أختي

    كانت الحرمة الوالد بحكم انه مافيه مستشفى و لا رعاية صحية ولا مضادات حيوية

    ما يسقونها موية سبعة ايام أو اكثر إلى واحد وعشرين يوم كحد أقصى

    و كل طعامها خلال هذي الفتره مكون من الحليب و السمن و الجليده اللي هي مغلي التمر و نادراً ما يعطونها ملعقة عصيده بالدس والسر

    لما تتحسن صحتها و تقوم بالسلامه >> شفتي كيف العذاب ، الله يكسبنا رضى من كان حي منهن و يرحم من توفاها الله

    سألتها عن الغرب ... قالت :

    هذا يجي حجمه كبير و يستخدم لجلب الماء من البئر

    يعني اكبر من القربا
    اتوقع انك ما فهمتيها أو ان الامر اشكل عليها من طول الزمن ..

    الصحيح ان اللي يستخدم لجلب الماء و حجمه اكبر هي القربه

    و كانت مهمة الورود بالماء من مهام النساء

    كانت كل حرمة تشد قربتين إلى ثلاثة قرب على الحمار اعزكم الله و تورد الماء

    يعني تخيلي قربتين أو ثلاث تكفي طبخ ونفخ وغسيل و استحمام و كل حاجة

    و اليوم ما تجي ربع البانيو !!! إنها الدبره السنعة والبركة .

    و علشان اثبتك ان القربه تستخدم للماء

    هناك مثل يضرب لمن لا يحفظ السر .. فلان مثل القربة المشقوقه اللي ما تحفظ الماء

    و الفرق بين القربه والغرب تنحصر في امرين :

    1- الاستخدام أو بمعنى اخر المحتوى اللي بداخلها .

    2- طريقة الدباغة .

    عند تنضيف الجلود من الشعر الخارجي و المحتوى الداخلي تسمى ( يديم )

    اليديم هذا يصنعو منه اشياء كثيره مثل

    - ( العيبة ) اللي هي دولاب و مخزن بيت الشعر ههههه

    - ( النسعة ) و هي عبارة عن قص اليديم على شكل شرايط طويله و عضابتها مثل عضب الشعر عند البنات

    يعني على شكل ضفائر . و تلف على شكل كور و تستخدم كأطناب للبيت و اي استخدام كحبال قوية جداً .

    تذكرت بعد ..

    الصوف بعد ما يغزل و يعمل على شكل كور تسمى هذه الكور الـ ( دجه ) .

    نجي للدباغة

    القربة تدبغ ( بالعرنة ) عودان حمراء تؤخذ من شجر السمر و ( الشليخ ) من شجر السلم

    و إذا كان بيدبغون ثياب يضيفون ( قرف ) أو قرفه من شجر البشام

    الغرب يدبغ بالشليخ و شي آخر يسمى ( الشث ) على ما اعتقد و الله ناسي من وين ياخذونه .
    ،
    ،
    ،

    قالت كانت جدتك تسويه زمااااااااااااااان
    و أنا قاعد اعد كم حرف الف في كلمة زماااااااااااااان حسيت اني كائن منقرض بعيد الشر عني وعنكم يا رب ههههههههه

    يستحق التجربة يا كـــادي بس بعد ما تسوين السمن

    رشة سمن فوقه و تختيمه بكاسة لبن >> دعوتاك بس لأنك في حالة سفر وقتها ههههه ربي يحفظكم جميع .
    ،
    ،
    ،
    مخرج/

    اجمل تعليق سمعته اليوم من واحد من الربع مسطي >> هو فيهم غير كذا ههههه

    يقول :

    ايام الاختبارات مثل ايام العيد تروح تعيد و ترجع تنام للمغرب >> سبحان الله ههههههههه
    ،
    ،،
    دمتم في حفظ الرحمن و وداعته

    التعديل الأخير تم بواسطة صدق الوفاء ; 25-05-2013 الساعة 02:07 AM سبب آخر: اخطاء املائية بسبب الطباعة... منه لله اللي كان السبب صرت اركز على الاخطاء اكثر من الموضوع هههه

  14. #14
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array

    رد: حوستي مع الحليب و تحويله الى لبن








    اهلاً من جدييييييييييييييييد





    اقتباس المشاركة الأصلية كتبت بواسطة صدق الوفاء مشاهدة المشاركة
    الله يسعدك وعن النار يبعدك يا أم كـــادي




    مشكوووووور الله يسعدك و عن النار يبعدك على هذه الدعوة الحلوة



    اقتباس المشاركة الأصلية كتبت بواسطة صدق الوفاء مشاهدة المشاركة

    كــادي ليه ما سألتي عن الـ ( جليده ) و استخداماتها


    ولا يهمك ... ارجع و أسألها عنها و اشوف إذا كلامها يطابق كلامك ..



    بس إذا تبغى الحقيقة ... ما اظنها تعرفها



    لأنها كانت صغيرة وما تعرف اي شي يخص الولادة و الوالد .



    ...و مشكور على المعلومات الورادة عن الجليدة و استخدامها .



    بالنسبة لي معلومات جدييييييييييييييدة







    اقتباس المشاركة الأصلية كتبت بواسطة صدق الوفاء مشاهدة المشاركة

    كانت الحرمة الوالد بحكم انه مافيه مستشفى و لا رعاية صحية ولا مضادات حيوية

    ما يسقونها موية سبعة ايام أو اكثر إلى واحد وعشرين يوم كحد أقصى


    لا إله إلا الله ....

    واحد وعشرين يوم ما تذوق الماء ..!!

    ليش ايش العذاب هذا ..!

    يا صبر أيوب



    اقتباس المشاركة الأصلية كتبت بواسطة صدق الوفاء مشاهدة المشاركة

    اتوقع انك ما فهمتيها أو ان الامر اشكل عليها من طول الزمن ..


    يمكن أشكل عليها ... بس هي اكدت لي ان الغرب يستخدم في جلب الماء من البئر



    و حجمه كبييييير و يربطونه بالسواني و تجره الجمال .







    ~*~*~*~*~*~



    لي عوده لإكمال الرد .

  15. #15
    الصورة الرمزية امواج
    تاريخ التسجيل : Nov 2010
    رقم العضوية : 75006
    الاقامة : جده
    المشاركات : 47
    هواياتى : الطبخ
    MMS :
    الحالة غير متصل
    معدل تقييم المستوى : 0
    Array

    :006: رد: حوستي مع الحليب و تحويله الى لبن




    ماشااااااااااااء الله عليكي كادي بصراحه ابداع
    بس ههههههههههاي يسعدك انتي وصدق الوفاء ماعطيتونا فرصه نقول شي
    تسألو وتجاوبو
    واحنا نتفرج
    اهم حاجه اننا اتونسنا باللبن والمضير ومدري اشكله هذاك الشي الضميران

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع الحقوق محفوظة لمؤسسة واحة الدرر 1432هـ - 2011م
كل ما يكتب في هذا المنتدى يمثل وجهة نظر كاتبها الشخصية فقط