[ALIGN=CENTER]السلام والرحمه والإكرام ..
بصراحه عنوان الموضوع بغى يخليني اغيّر رايي واقلبها مهاوش .. لكن عدّت على خير :cool:
************
الــــظــــل ..
شكلها كأنها "فهد" .. حيوان من فصيلة القطط .. لكن واضح ان الظل ما يقصد يلمح الى انه من جمعية الرفق بالحيوان .. اللي جذبه بهالصوره سالفه ثانيه يمكن الترجمه توضحها ..
ITS IN THE EYES
----انها في العيون---
اذا ما تصلح الترجمه النصيه جرب اقرب ترجمه لها (ستجدها في العيون)
وش يدل عليه هذا ؟
وش يجي على بالي وانا اشوف الظل حاط هالتوقيع .. كيف اتخيل شخصية الظل ؟
انسان عميق ؟
من القله اللي يقدرون يقرون العيون ؟!!
الناس هذي خطره .. اللي يخوف فيها هو كون الأقنعه معاها صعب تنفع
شايب ؟!! او مجرب .. انا متأكد ما يطلع من هذولي ولا يروح عنهم بعيد .. حتى الفلاسفه ما يناظرون العيون عشان يعرفون وش تخفي .. يمكن مجرب .. مجرب وحذر بعد ..
============================
SS1500
بساطه ؟SS1500
غرور !!
ثقه ..
او مخ فاضي :p
يمكن خايف ينسى اسمه .. يعني دلاخه :rolleyes:
غريبه .. ليه الواحد يوقع باسمه .. بكذا اذا رد على احد .. بيكون اسمه بأول الرد و آخره ..
يمكن عشان ما يختم السالفه بقولة "تحياتي .. سس الف وخمس ميه"
بعدين وش اس اس الف وخمس ميه .. ليه الناس تحط الرموز هذي .. هل هي انطوائيه والا خجل والا وسوسه ولا يبي احد يعرف عنه شي ..
اذا استرجعت شخصية هالانسان .. الاقي اقرب شي له هي البساطه .. والمشكله في عقدنا حنا ;)
=======================
الأخير
"اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ {1} مَا يَأْتِيهِم مِّن ذِكْرٍ مَّن رَّبِّهِم مُّحْدَثٍ إِلَّا اسْتَمَعُوهُ وَهُمْ يَلْعَبُونَ "اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ {1} مَا يَأْتِيهِم مِّن ذِكْرٍ مَّن رَّبِّهِم مُّحْدَثٍ إِلَّا اسْتَمَعُوهُ وَهُمْ يَلْعَبُونَ {2} لَاهِيَةً قُلُوبُهُمْ وَأَسَرُّواْ النَّجْوَى الَّذِينَ ظَلَمُواْ هَلْ هَذَا إِلَّا بَشَرٌ مِّثْلُكُمْ أَفَتَأْتُونَ السِّحْرَ وَأَنتُمْ تُبْصِرُونَ {3} قَالَ رَبِّي يَعْلَمُ الْقَوْلَ فِي السَّمَاء وَالأَرْضِ وَهُوَ السَّمِيعُ الْعَلِيمُ {4} " الانبياء
اخاف اقول هذا هو زماننا .. ويجي بكره واقول لا هذا هو زماننا
قليل الناس اللي تقرا وتتمعن وتتفكر بالآيات .. لا اله الا الله
اللهم يارب لا تجعلني ومن يقرأ هذه الكلمات منهم .. اللهم و والدّي واخواني واخواتي واحبابي والمسلمين يارب العالمين ..
كثير ناس تدور عن الحكمه والذكاء والتلميحات في تواقيعها .. قليل اللي يعرفون انقى مصادرها .. واقل هم اللي ينتبهون !
*****************************
اكره بعد هالعرض كله اني اجي بالاخير واقول هذي هي فكرة الموضوع .. خذ لك كم عضو جذبتك تواقيعهم .. وتعال اكتب اللي بخاطرك وتفلسف على كيفك من غير تكلف وياااارب يااااارب من غير زعل ..[/ALIGN]
تحياتي .
..
.
[/align]
[/align]
