مشكلة مع ملفات csv في برنامج إكسل

[همسة عاشق]

السلام عليكم ورحمة الله وبركاته

أبو عبدالله محمد المحيا أو أي أحد من الأخوان الأفاضل لو أحد منكم مرت عليه دي المشكلة ياليت يفيدني
حاولت ودورت في المنتديات ما لقيت حل

عندي مشكلة مع ملفات Microsoft Excel Comma Separated Values File (.csv)
لما أفتحها المفروض تفتح ببرنامج الإكسل وكل خليه منفصله عن الأخرى لكن الغريب إنو كل المعلومات تكون في أول خليه
جربت مسحت ال office 2010 ورجعت نزلته وبرضو نفس المشكلة رغم إنو نفس الملف لما أفتحو بجهاز أحد من الأشخاص يفتح مزبوط وكل معلومه موجوده في خليتها

Untitled.jpg



اللي يقدر يفيدني يجزاه ربي خير

[محمد المحيا]

مرحبا حسن

هذي تتحكم فيها (الفاصلة) اللي في تنسيقات الأرقام داخل الخيارات الإقليمية في جهازك
لأن فيه أجهزة تستخدم الفاصلة العادية (,) وبعض الأجهزة تستخدم الفاصلة المنقوطة (;)
وبالتالي البرامج تستخدم الفاصلة المحددة في الخيارات

يعني عندك حلين:
1- تغير الفاصلة في الخيارات الإقليمية عشان تكون نفس الفاصلة اللي بملف الـ CSV
أو
2- تغير الفاصلة في ملف الـ CSV نفسه عشان تكون نفس الفاصلة اللي بالخيارات الإقليمية


خطوات الحل الأول:
1- افتح الخيارات الإقليمية وخيارات اللغة Regional and Language Options
2- بعدين (تنسيقات) Formats واضغط على (تخصيص التنسيق الحالي) Customize this format
3- في خانة (فاصل القوائم) List separator غير الفاصلة إلى نفس الفاصلة اللي موجودة بملف الـ CSV
4- اضغط (موافق) OK للحفظ

وبعدها إن شاء الله لما تفتح الملف حيطلع مضبوط

[همسة عاشق]

الله يعطييك العافية يا أبو عبدالله

زبطت معايا تسلم يالغالي