اليوم بقدم لكم طريقة عمل الرز البخاري ,,,
كنت ناوية انزله بالصور المتسلسلة ..
بس مالي شغل انتو اللي مستعجلين
ترى الطريقة جداً سهلة ،،، ما تتوقعون
نبداء ...
1 دجاجة تم تنظيفها و غسلها
تبهر بـ
1\2 ملعقة صغيرة كمون مطحون
1\4 ملعقة صغيرة قرفة مطحونة
1\4 ملعقة صغيرة قرنفل
1\4 ملعقة صغيرة كركم
ملح .
توضع في صينية وتغلف بالألمنيوم وتدخل الفرن180 ْ لمدة ساعة .
"إضافة من عندي "..
احب احط مع الدجاج بطاطا مقطعة بقشرها
يعني حبة البطاطا اقطعها 4 قطع بشكل طولي .
تطلع ما يحتاج وعليها قتاااااااال
نجي لقدر الرز
نحتاج لـ 1 بصلة متوسطة ومفرومة
عود قرفة " كبير "
7 حبات قرنفل <<< يعطيه طعم رهيب
7 حبات هيل
1 ملعقة صغيره " مو مليانة " كمون حب
1 حبة جزر مبشور
3 ملاعق طعام صلصة
2 كاس رز الوليمة او ابو بنتين او ابو سيوف مغسول ومنقوع.
" انا ما استخدم إلا رز الوليمة "
1 حبة طماطم معصوره" وياليت تكون حمراء"
اكيد بتقولون وش هالدقة ... البهارات بالحبات !!!
اقول لكم ايوا بالحبات عشان لمن اجي اغرف اشيلهم كلهم بس اخلي عود القرفة
نجي للطريقة ...
اولاً .نحمس البصل في شوية زيت .. الين يلين
ثانياً .. نضع كل البهارات ونقلب كويس
ثالثاً ... نضع الجزر المبشور ونقلب كويس
رابعاً .... نضع الصلصة ونقلب ايش ؟؟؟؟ برافوا عليكم نقلب كويس
خامساً .....نضع الرز ونقلب مضبوط <<< غيرت يعني ،،
الين نسمع صوت الرز يطقطق
سادساً ...... نضع الطماطم المعصورة و موية كفاية لتغطية الرز " لازم تكون الموية مرتفعة عن
الرز 2 سنتميتر تقريباً + شوية من مرق الدجاج اللي في الصينية او مكعب ماجي ولا تنسون الملح.
نغطي القدر و نترك الرز يغلي على نار عالية الين تقل الموية " يعني يصير الرز فيه تخريم من البخار "
إن شاء الله فهمتوا عليا
عندها نقلب الرز عشان يستوي على البخار و يتفلفل ويترك على نار هاااااااااااادية
تأخذ العملية هذه من 15~20 دقيقة.
.. عند الغرف نشيل البهارات" الهيل و القرنفل " ونزين الرز بالبصل المقلي باللوز البجلي المحمص .
وبالعافية على قلوبكم ..
وإن شاء الله في اقرب وقت اسوية ازودكم بالصور .
رد مع اقتباس