مساء الأنوار
تحياتي للجميع
و أحلى سلام على أحلى ناس
و أجدع تحية للعمدة
و كمان للعمدة
بس للعمدة
المهم
الكدب خيبة و سوء الظن خيبتين و التسرع تلات خيبات و ربع الخيبة
المهم
قبل أمس و بالتحديد الساعة 3 و شيء يرن جوالي .. قلت أكيد هنو
و لا أاحد جايب خبر مصيبة .. بس الحمد لله طلع اتنين و شايلة خبر
مصيبة ..
أنا : الو
هنو : إسراء
أنا : يا ساتر مدامك قلتي إسراء كده على طول يعني مصييييييييييييييبة
خير ؟؟
هنو : إسراء أبو فهد اتزوج
أنا : لللللللللللللللللللللللللللللل لللللللللللللللللللللللللللللل لللللللللللللللللللي
الغراب يا وقعة سووووووووووووووودة جوزو أحلى يمامة :music:
هنو :
أنا : احم اوكي هنو بس أبو فهد مو متزوج و عندو فهد الله يسعده ؟؟
هنو : يا حمارة اتزوج تانية
أنا : يا لهوي يا دي الخيبة هما الرجال كلهم كده عادي هنو
هنو : ايوة الله يا سوسو كلهم زي بعض
أنا : هنو طيب يعني ايش اتزوج ؟؟ بكيفه يعني و احنا مالنا واحد شايل
قفة و التاني تعبان فيها
هنو : لا مو عادي أبو فهد قدوة شباب المنتدى كلهم
أنا : أحلىىىىىىىىىىىىىى يا أبو فهد :cool: بس دا كان أول
قبل العملة المهببة .. طيب دحين تتزوج ؟؟ كان من أول
هنو : لا من أول و لا من دحين
أنا : الا هنو هيا كم عمرها ؟
هنو : و الله يا سوسو مو أنا اللي خطبتها
أنا : طيب يعني ايش نسوي ؟ نروح نباركله ؟؟
هنو : الله لا يبارك لك قولي آمين
أنا : خلاص طيب بلاش عسى عمرنا ما باركناله
هنو : سوسو ترى مو مستوعبة الموضوع
أنا : يا مأمن للرجال .. بس ترى عادي
هنو : ايش عادي ترى مو عادي ترضي أحد يتزوج عليكي ؟!
أنا : الله لا يقدر اطين عيشته فال الله و لا فالك
هنو : سوسو قوليلي ايش نعمل ؟
أنا : و لا شيء هنو أول خطوة لازم نشيله من الإدارة بس نخلي
العزابية أنكل محمد و العم بخيت سراج للعزوبية ينير المنتدى
هنو : إسراء
أنا : نعم ؟ :-S
هنو : خلاص باي
أنا : اوكي باي
[HR]
و بعد التحريات طلع الموضوع لا في زواج و لا نيلة اشاعات مغرضة
بس و السبب الميل اللي اتبعت
سوري ابو فهد على افتراض سوء النية ::* ===> حتى لو كان بدو يتزوج يبطل
من جد اسفين يا عمدة
تحياتي
asso