جديد على سامسونج جالاكسي s وابغى اعرف كيف اتعامل معاه

[{البحر}]

مرحبا
شريت جالاكسي s وعليه برامج ماني عارف عنها شي
لو امكن احد يدلني على احسن تعامل مع الجهاز من برامج وروم وماشابهه اكون ممنون
اكثر شي عرفته اني نزلت برنامج سامسونج كيس وتعرف الكمبيوتر على الجهاز لكن احس ان الجهاز امكانياته اكثر بكثير
حتى سطح المكتب كان يجي تحت اربع ايقونات في الاسفل واقدر اغير الخلفيه وبعدين تغير واي محاوله لفتح اي برنامج يطلب باسوورد ويعطيك الباسورد ويفتح

تحياتي

[محمد المحيا]

هلا حبيبي طلال
عمرها ما مرت علي مشكلة الباسوورد
طيب كيف يطلب الباسوورد ويعطيك الباسوورد؟؟

[محمد المحيا]

برامج وألعاب الآندرويد تقدر تنزلها من الماركت (سوق الآندرويد)
المفروض تكون أيقونة الماركت عندك في برامج الجهاز
تدخل الماركت وتتصفح الآلاف من البرامج والألعاب وتنزل اللي يعجبك
كثير منها مجاني وبعضها بفلوس لكن أسعارها رمزية جداً وعشان تشتري لازم تربط حسابك في جوجل مع بطاقة ائتمانية


طبعاً أول خطوة تسويها بعد تشغيل الجالكسي هي إدخال حساب الجوجل الخاص فيك عشان يصير الجهاز مرتبط بحسابك في الجوجل
وتقدر ترسل وتستقبل الإيميل على الجالكسي مباشرة
وتربط معلومات الأسماء وأرقام التلفونات مع الأسماء في الجوجل

[محمد المحيا]

هذي مجموعة من أفضل البرامج للآندرويد تقدر تنزلها من الماركت:

WhatsApp
برنامج ماسنجر للجوال تقدر تتراسل مع مستخدمي البرنامج سواء عندهم آندرويد أو آي فون أو نوكيا أو بلاك بيري


Handcent SMS
هذا ضروي تنزله برنامج لإرسال واستقبال مسجات SMS أفضل من البرنامج الخاص بالجهاز


Facebook for Android
طبعا لربط الجهاز مع الفيسبوك


Google Translate
ترجمة جوجل

Lookout Mobile Security
برنامج حماية من الفايروسات ويفيدك في تحديد مكان الجهاز في حالة السرقة لا قدر الله

Flash Player 10.1
مشغل الفلاش


Call Filter
لحجب المكالمات الواردة


MarketEnabler
يسمح لك بتنزيل البرامج والألعاب من الماركت اللي ما تدعمها بعض الدول مثل السعودية





Tango Video Calls
لمكالمات الفيديو


Skype
معروف طبعا


Yahoo! Mail
استقبال وإرسال إيميل الياهو

[{البحر}]

مرحبتين ابوعبدالله
بالنسبة للباسوورد انا فهمت الشغله
كان يطلب باسوورد ويعطيك مثال وانا اعتقدت انه الباسوورد
بالنسبة للجهاز مره روعه والاكثر من رائع انه في تفاعل كبير من الكل للبرامج والتطوير والتغيير
عرفت اغير الروم وغيرت للروم العربي الازرق المطور وبصراحة قمة في كل شي
دخلت على الماركت وحملت برامج ومن ظمنها الي تفضلت بيها
طريقة التحميل بالباركود هذي حكاية لوحدها
ربط الجهاز بقوقل رااااااااائعة
الاسماء ابغى انظمها وارتبها واضيف واحذف من الكمبيوتر وبعد ماتكون جاهزة ارسلها للجهاز
ياريت لو في برنامج يعملها غير Kies لاني حاولت فيه اكثر من مره وماهو راضي يحفظ التغيير لا على الكمبيوتر ولا على الجهاز

اتحفنا بالجديد في عالم الاندرويد يابطل وتسلم على مشورتك ونصايحك
دمت بخير


ياحنان يامنان نجنا من الهدم والغرق ياكريم

[محمد المحيا]

هلا حبيبي
بالنسبة للأسماء نصيحتي لك نظمها على حسابك في القوقل وبعدين هي رح تظهر تلقائياً في جوالك

[{البحر}]

صباح الخير ابوعبدالله
طيب ممكن اعرف كيف الاقي الاسماء في قوقل وارتبها

تحياتي

[محمد المحيا]

تدخل بريدك في الجيميل وتدخل الأسماء تحت Contacts (أو تستوردها إذا كانت على ملف بجهازك)
وأي اسم تدخله في الجيميل حتلاقيه تلقائياً ظهر في جوالك
والعكس صحيح يعني لو دخلت اي اسم في أسماء جوجل اللي بجوالك راح يظهر في موقع الجيميل

[همس الورد]

السلام عليكم

اخوي محمد
بالنسبه لـ whats app انا ستخدمته بس على جهاز نوكيا c7
لكن nimbuzz افضل منه بكثير وهو الي موجود عندي
وبالنسبه لـ skype انا مو راضي يطلع عندي في الماركت والياهو مثبت اول ما اشتريت الجهاز وبرنامج الرسائل ومشغل الفلاش هي بس الي نزلتها من الماركت والباقي كله مو موجود عندي


انا جاني شكك في جوالي عشان اتطمن ابغا اعرف اجهزتكم من الخلف اش الشعار الي موجود عليها ؟؟
انا موجود شعار اندرويد وشعار شركة سامسونج
وهذي صورة الجوال





وفي الاخير
قبل شهر تقريبا كنت في جرير وسئلت عن جالكسي تاب وعرفت انه حينزل جالكسي اس 2 ... مدري المعلومه صح ولا خطاء

[محمد المحيا]

مرحبا همس..

بالنسبة للبرامج في الماركت ما تظهر كلها في كل الدول!
مثلاً برنامج سكايب ما كان يظهر عندي
لكن نزلت برنامج من الماركت اسمه MarketEnabler ووظيفته مثل البروكسي يعني يغير كود تعريف الشبكة ويوهم الماركت انك في امريكا مثلاً وليس في السعودية وبالتالي تظهر عندك البرامج اللي تظهر في أمريكا
ومنها سكايب وغيره

نزلي البرنامج وبعدين لما تشغليه اضغطي لمدة 3 ثواني على أي شبكة من الشبكات اللي بالبرنامج ويفضل الشبكات الأمريكية

تحياتي

[همسة عاشق]

إيش الهرجة كلنا حولنا ع الجالكسي :p

طلال أبغى أنزل الروم العربي اللي قلت لي عليه بس ماعرفت وجهازي جنني :@

[همس الورد]

مشكور ابوعبدالله
لقيت البرنامج الي قلت عليه بس سؤال بسيط من فضلك
كيف حاشتري البرنامج مني عارفه كيف طلب مني تسجيل في موقع الماركت وسجلت بس مني عارفه اشتريه
وغير كذا ابغا اعرف حيتسجل في الفاتوره ولا يسحب من الرصيد اذا كانت شريحه شحن ؟
ولا لازم بطاقة صراف او كرديت ولا ماستر كارد ؟

[محمد المحيا]

مشكور ابوعبدالله
لقيت البرنامج الي قلت عليه بس سؤال بسيط من فضلك
كيف حاشتري البرنامج مني عارفه كيف طلب مني تسجيل في موقع الماركت وسجلت بس مني عارفه اشتريه
وغير كذا ابغا اعرف حيتسجل في الفاتوره ولا يسحب من الرصيد اذا كانت شريحه شحن ؟
ولا لازم بطاقة صراف او كرديت ولا ماستر كارد ؟

مرحبا
بالنسبة للشراء لازم يكون عندك كريدت كارد تربطيها مع حسابك في جوجل
بعدين أي برنامج تشتريه ينخصم المبلغ من البطاقة

[همس الورد]

لا كذا ما اتوقع نهائيا
دحين ماسار عندي كرديت ولا اقدر اطلبها حتى البرامج على الكمبيوتر ما اقدر اشتريها زي ايام زمان ...
الله يعوضني
مشكور وماقصرت

[الجوري]

مساء الخير
اناعندي جلاكسي تاب عندي مشكله في بعض

البرامج ما لقيتها في ألماركت زي مسن هوتميل و
Skype وWhatsApp
طيب كيف انزل هذا البرنامج MarketEnabler
من الماركت وكيف استخدمه لان انا مو على الشبكه

اشتغل على الشريحة
Handcent SMS فيه منه اصدارات متنوعه عادي اختار اي واحد او في اصدار معين افضل