طلب مشورة في الايفون...

[{البحر}]

السلام عليكم
ممكن لو احد يفيدني في الايفون
يعني انواع الاجهزة واسعارها
وسمعت عن مفتوح ومقفل يعني ايه؟
وايش هو الجلبريك والتلفريك وماشابهه
يعني بالعربي ابغى اشتري جهاز وابغى اعرف كل شي عنه
عشان ماحد يخمنا ويلبسنا السلطانيه

اكون شاكر وممنون

تحياتي

[محمد المحيا]

هلا بالغالي طلال
الآيفون حالياً نزل منه الجهاز الأخير الآيفون 4 iPhone4
ومنه نوعين بنفس المواصفات لكن الفرق بحجم الذاكرة.. 16 و 32 جيجابايت
والأسعار تعتمد إذا بتشتريه من شركة اتصالات (مع اشتراك) أو بتشتريه من السوق

المفتوح Un-Locked يعني تقدر تشغله على شبكة أي شركة اتصالات (الجوال/موبايلي/زين) وغيرهم
لكن المقفل Locked ما يشتغل إلا على شبكة شركة معينة.. وعادة الأجهزة المقفلة أرخص لكن تحتاج تفتحها عن طريق الجيل بريك

الجيل بريك هي عملية مثل (الكراك) لنظام الآيفون (أو الآيباد) يعني تفتح الخصائص المقفلة على المستخدم من قبل نظام التشغيل
وبعدها تقدر تنزل برامج على الجهاز أو تفتحه إذا كان مقفل على شبكة معينة...الخ بس طبعاً عملية الجيل بريك تلغي ضمان الجهاز

أما التلفريك هذا شفته في الهدا وخفت أطلعه


بس نصيحة شخصية ليه ما تجرب الهواتف الجديدة اللي تشتغل بنظام آندرويد من جوجل
وكل توقعات الخبراء في العالم ان الآندرويد راح يسيطر على سوق الهواتف في المستقبل القريب
وحالياً مبيعات الآندرويد تفوقت على الآيفون في أمريكا
أجهزة الآندرويد تصنعها عدة شركات مثل جوجل وHTC وسامسونج وسوني اريكسون وغيرها

مع تحياتي

[{البحر}]

يعطيك الف عافية يابوعبدالله على المعلومات الرائعه
يعني افهم من كلامك انه الاجهزة المفتوحة مثل البريطانية ماتحتاج الجلبريك هذا
انا شفت اعلان لهاتف سامسونج جالاكسي ... هو هذا الي تقصده في الآندرويد؟
وايش الفرق بين اجهزة الايفون والآندرويد؟

انا عارف تعبتك معاي لكن وعد اني اعلمك تركب التلفريك من غير ماتخاف
بسيطه غمض عيونك مثلي في الطالعة والنازلة ولا راح تخاف من شي

تحياتي ياعسل

[{البحر}]

صراحه يابوعبدالله فتحت عيوننا على الاندرويد
اتاريه عالم تاااااااااااااااني
من الصبح وانا ابحرث ورا الاندرويد وقريت عنه الين دخت
قلت لواحد وش تعرف عن الاندروير (بالغلط) مات من الضحك
على ايش ضحك ياترى؟

شكلي نويت على الجالاكسي s
مو الجالاكسي الي في البقالة

اتحفنا اذا تعرف شي عن هذا الجهاز ياطويل العمر

[محمد المحيا]

يعطيك الف عافية يابوعبدالله على المعلومات الرائعه
يعني افهم من كلامك انه الاجهزة المفتوحة مثل البريطانية ماتحتاج الجلبريك هذا
انا شفت اعلان لهاتف سامسونج جالاكسي ... هو هذا الي تقصده في الآندرويد؟
وايش الفرق بين اجهزة الايفون والآندرويد؟

انا عارف تعبتك معاي لكن وعد اني اعلمك تركب التلفريك من غير ماتخاف
بسيطه غمض عيونك مثلي في الطالعة والنازلة ولا راح تخاف من شي

تحياتي ياعسل

ياهلا
مضبوط.. الأجهزة المفتوحة ما تحتاج جيل بريك إلا في حالات خاصة.. مثلاً تبغى تنزل عليها برامج أو ملفات معينة

ايوه السامسونج جالاكسي واحد من أشهر هواتف الآندرويد وحقق مبيعات أكثر من 10 ملايين جهاز حول العالم
وواحد من العشرة ملايين موجود عندي
ومع نهاية عام 2010 أصبحت مبيعات أجهزة الآندرويد في أمريكا أكثر من مبيعات الآيفون
باختصار الآندرويد هو المستقبل..

بالنسبة للفرق بين الآيفون والآندرويد إن شاء الله يفيدك الموضوع اللي هنا:
http://ardroid.com/2009/12/01/android-vs-iphone/

وشكراً على كورس التلفريك.. اسأل مجرب

[محمد المحيا]

صراحه يابوعبدالله فتحت عيوننا على الاندرويد
اتاريه عالم تاااااااااااااااني
من الصبح وانا ابحرث ورا الاندرويد وقريت عنه الين دخت
قلت لواحد وش تعرف عن الاندروير (بالغلط) مات من الضحك
على ايش ضحك ياترى؟

شكلي نويت على الجالاكسي s
مو الجالاكسي الي في البقالة

اتحفنا اذا تعرف شي عن هذا الجهاز ياطويل العمر

طال عمرك الجالكسي s اشتريته من 4 شهور
والحمد لله مبسوط عليه وكل يوم أكتشف فيه شي جديد
ميزة الآندرويد انه نظام متجدد وكل يوم تنزل تطبيقات جديدة تضيف عليه إمكانيات أكبر وأجمل
وأحلى ما فيه الدعم الكبير من جوجل واندماج تطبيقات جوجل مع النظام (مثل الإيميل والتقويم والبحث وغيرها) ومجاناً

ومهما قلت طبعاً ما راح أقدر أشرح لك كل شي عنه... يكفي انه أفضل جهاز آندرويد في السوق حالياً

[همس الورد]

وعليكم السلام ورحمة الله وبركاته

اخوي البحر
بالنسبه للآي فون ما انصحك تشتري آي فون 4 لأنه عليه عيوب كثيره
آي فون 3 افضل بكثير
اي فون 4 نسخه من اي فون 3 لكن عليه بعض العيوب كان معايا قبل فتره كنت طايره فيه لأنه هديه و ماكمل له شهر وبعته واشتريت بداله سامسونج
عانيت مع مره كثير في نقل الملفات من جهاز الكمبيوتر على نفس الجوال ويعلق كثير كنت انسخ الصور وانزل عليه العاب يعطيني بانه الذاكره ماتستوعب اكثر رغم انه في مساحه كبيره فارغه بس كان يخرف كثير
آي فون يختلف عن آي فون 3 في الشكل فقط

بالنسبه للسامسونج الي عندي مدري اش اسمه
بس اذا ماخاب ظني انه نفسه الي قال عليه الأستاذ محمد المحيا
لأني بحثت في الجوجل عن جهاز الجالكسي وطلع نفس الي عندي

samsung-galaxy-s-00.jpg

المعالج 1 جيجاهيرتز والكاميرا 5 ميجا بكسل وتصوير عالي الجوده hd واحلى ميزه في التصوير انك لمن تصور تقدر تركز على مكان معين في الصوره باللمس
التعامل معاه جدا سهل نصيحتي لاتشتري الآي فون

تقبل مروري واتمنى اكون افدتك

[{البحر}]

توكلنا على الله وشريت الجالاكسي البارح يابوعبدالله ونزلي برامج وما ادري ايش بمبلغ غير قيمة الجهاز
ولعلمك غمضت عيوني ولفيت وجهي للناحية الثانية وانا ادفع قيمته
مدري ليش ماقدرت اشوف الفلوس وانا اكعها بالطريقه هذي
يالله...الله يعوض
الان همتك يابطل كيف اتصرف معاه
حاولت اشبكه على الكمبيوتر ماتعرف عليه
اعتقد انه في برنامج لذلك
لكن اهم شي لقيت برنامج ينقل الاسماء والرسائل من النوكيا للجالاكسي
ارسلته عن طريق البلوتوث وثبته على الجهاز
الى الان ما ادخلت الشريحه فيه خفت يكون في شي اعمله قبل ذلك

الموضوع بقدرة قادر انقلب من الايفون الى الجالاكسي

تسلم ياقمر على نصيحتك الله لايحرمنا منك

تحياتي

[{البحر}]

شكرا همس على النصيحه
واخذنا الجالاكسي
وهو نفسه الي في الصوره
بس انه جديد علي ما ادري شي عن برامجه او استعماله
دنا حتى خفت اركب الشريحه واشغلها

لو عندك خبره فيه لاتبخلي علينا بيها وهديتك واحد جالاكسي من ابو 3ريال في البقالة

شكرا للمره المليون على مداخلتك

تحياتي