كلامه صحيح ومعقول لو فيه أحد بيساعد شبابنا .. أما واحد توه متخرج راس ماله ثوبه من وين يخلق وظايف :/
ماادري بكلامه يقصد مين بالضبط ؟ الشعب أو المسؤولين
حتى لو كان عند الشاب طموح لا سمح الله .. مافيه أحد يشجع حتى الشعب نفسه
خلونا واقعيين مو الواحد يقول عادي ولدي يشتغل ميكانيكي مو عيب .. بس ما أزوج بنتي ميكانيكي !
أصلا حتى هالوظايف مالهم مكان فيها بيفضلون الأجانب عليهم خخخ
و الأجانب مشكله أساسيه ما نستصغرها .. وأكبر دليل إنهم كل سنه يزيدون عن اللي قبل
وليتنا وظفنا وخلاص لأ مازلنا نوظف ونفضلهم على السعوديين بعد , ماادري ليه نقددس أعمالهم !
مثل عندنا بالجامعه أغلب الدكاتره والأساتذه أجانب .. طيب لييه ؟ مواد الأنجليزي مااختلفنا فيها
بس مواد عامه ليييه ؟ أبي أفهم ! يعني مافيه سعوديين متعلمين ؟؟ شي يقهرر
وخاصه يوم تجي الأجنبيه ما تعرف تشرح .. وبدلات وتكاليف أكثرر , وظفوا الششعب أوفر
لااا وصاروا يجيبون من أي مكان سواء اللهجة واضحه او لا ! عااادي أهم شي مو سعوديه =((
الواحد يتعععب عشان يستوعب وش تبي توصل له ! وآخرتها تخسف البنات تقول ما تفهمون =(
عالم فاهمه التطور غللطط ! اللي بيعز دولته وبيخليهم يرتقون يقدرون المواطن وقدراته ويفتحون له المجال مو العكس
دايم أفكر .. ليه الأجانب يجون مو لاقين لقمة عيش وبعدها يصيرون أتجر مننا ؟
مااحسد أحد .. الله يرزق الجميع , بس سؤاال يحيرني
المشكلة مو بس بخلق وظايف .. لأن كثير سعوديين يخلقون وظايف وتموت :/
الأجانب نلقاهم يشتغلون في محطه , خضار .. في محلات , ثم فجأه يفتح محل !
أتوقع لأن الأجنبي يوم يفتح محل مثلاً يهتم فيه ويديره بنفسه , مو بس يمسك محله إلا يمسك فلوسه بعد ههه
وحتى لو لو فكر يوظف غيره راح يوظف من جماعته مو يدور له على أجنبي > اللي هو سعودي خخ
من كل جهه في مشكله , اللوم مو على الشباب بس .. من كل جانب فيه خلل =(
لا المسؤولين ولا الشعب نفسه
بس حنا لو نشوف الله ورسوله قبل أجدادنا وأيام زمان كان توفقنا في كل شي .. يقول ربنا :
[ ومن يتق الله يجعل له مخرجا ويرزقه من حيث لا يحتسب ]
[ فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا ]
وقال الرسول صلى الله عليه وسلم :
( من أكثر من الاستغفار جعل الله له من كل هم فرجا ، ومن كل ضيق مخرجا ، ورزقه من حيث لا يحتسب )
..
اللـه يرزق الجميع مال حلال مبارك فيه .. ومثل ما قال اخوي صدق الوفا اعقلها وتوكل
أعتذرر عالإطاله بس شي يقهرني .. أمور نشوفها ونعرف كيف نحلها بس نتكلم ولا نسوي شي =((