يا أختي لا يوجد تناقض مع الحجاب.. تستطيع المرأة أن تلتزم بحجابها وأن تعمل بنفس الوقت.. وين المشكلة؟؟
والا يعني تقدر تروح السوق والمنتزهات وكل مكان بالحجاب لكن الشغل يتناقض مع الحجاب؟!!
بالعكس الدين يقول حلال واحنا نبغاه يصير حرام لأننا خايفين من "الفتنة"
إذا بغينا نكون متسترين صرنا متسترين وإذا بغينا العكس تكلمنا عن العكس !
طيب نفرض إنها التزمت بالحجاب , تظل مشكلة الاختلاط وهي أصلاً سبب التحريم ( واللي ذكرها العلماء ) وليس فقط الحجاب 
ولما نقول اختلاط مو متوقف فقط على مد وأخذ المال , مين إدارتها ؟ مين المسؤول عنها ؟ اجتماعاتها وتلقي الأوامر من مين ؟!
الدين ما قال حلال لكن احنا اللي ما نبغى نستوعب الحكم ,والفتنة مو شي عادي عشان ماأحد يخاف منها , الله يجنبنا الفتن ..
الرسول عليه الصلاة والسلام وصحابته الكرام هم قدوتنا وواجب علينا نستمد أي حكم في زماننا بما يتوافق مع أقوالهم وأفعالهم في زمانهم
ما يحق لنا نحرم الحلال لأن الزمان تغير ولا نحرم الحلال لأن الصحابة غير واحنا غير
وإذا ما تبغونا نأخذ بما كان يفعله الصحابة أجل ناخذ بمين؟
طيب الصحابة رجالهم ونساؤهم عاشوا حياتهم في ظل الاختلاط ولا حرم الله ولا رسوله عليهم هالشي..
نجي احنا ونقول لا يا جماعة ترى الصحابة غير وما يصير نسوي مثلهم.. إذا هم الاختلاط عندهم حلال احنا عندنا حرام
وإذا هم حريمهم يروحوا للسوق عادي احنا حريمنا حرام يروحوا للسوق لحالهم بس مع السواق عادي!
وصرنا بدون ما نشعر قاعدين نخالف أقوال وأفعال الرسول وصحابته بحجة ان زماننا يختلف عن زمانهم
مين قال لا تأخذ بما يفعله الصحابة ؟ وهل علمائنا قاعدين يأخذون بعكس ما يفعله الصحابة رضي الله عنهم ؟
صدقت واللـه , ما يحق لأي شخص يحلل ويحرم على كيفه أو من وجهة نظره أو لأن الدليل اللي قدامه يتعارض مع أدلة حافظها ,
ولا هو عارف وجه الاستدلال منها ولا المنسوخ والناسخ ولا المتقدم والمتأخر ..
وعشان ما أطول بكلامي الأفضل تبحث هل صحيح الصحابة عايشين بمجتمع مختلط ؟ الأكيد لا لكن شوف الأدلة بنفسك
أنا أعطيتك بعض الأدلة تدل على إن الرسول الكريم نهى عن الاختلاط ومستحيل ينهى عن شيء وهو يفعله , أما السوق ما أحد حرمه
وأنت الصادق .. صرنا بدون ما نشعر قاعدين نستهين في علمائنا اللي ربي رفع قدرهم ونسمح لأي شخص
حتى لو أبو عشر سنين يحرم ويحلل ويرفع وينزل على كيفه والدين أصبح مفتوح لكل من هب ودب يبدي رأيه فيه !
ومين قال مع السواق عادي ؟ روح اسأل أي شيخ عن حكم ركوب المرأه مع سائق لوحدها
يا جماعة لا تخلطون بين واقعنا وبين أحكام العلماء .. هم قالوا الحكم أما اللي يرتكب الذنب شي راجع له , ومو أي شي حاصل يعني العلماء راضين عنه
مثله مثل الكاشير بالضبط , حرموا العمل لكن اللي بيروح يشتغل يروح .. ولو بيدهم يمنعون الشغله منعوها لكن ( العين بصيرة واليد قصيره )
الرسول عليه الصلاة والسلام عند أكل الضب ما حرمه .. لكن بنفس الوقت ما حلله !
يعني اللي مااقتنع بأي حكم وما أعجبته الأدلة أقل شي يسكت ..الدين أكبر من ابداء أراء .
الصحابه وهم أفضل منا ويتلقون العلم من الرسول الكريم مباشرة مع هذا كانوا ما يتجرؤون يفتون
واحنا نقارن أنفسنا بعلماء .
ما اختلفنا لكن ما يحق لأحد يحرم شي أحله الله ورسوله بحجة سد الذرائع.. سواء كان عالم أو غيره
والا كذا صرنا مثل اليهود والنصارى.. الأحبار والقساوسة هم اللي يقررون ما هو الحلال وما هو الحرام
وتصبح القاعدة "ما قاله البكباشي فهو ماشي"
احنا في ديننا عندنا كتاب الله وسنة رسوله وأي عالم لا يحق لله يحلل أو يحرم بدون الاستناد إلى دليل
والاختلاط واحد من الأشياء اللي ما حرمها الإسلام ولا يوجد دليل ولا حتى نص دليل من الكتاب أو السنة على تحريم الاختلاط
وبعدين أنا أقول اعطونا دليل من كلام الله أو كلام رسوله صلى الله عليه وسلم وانتي تعطيني رابط لصفحة على النت كتبها واحد اسمه أبو سارة!
الاختلاط واحد من الأشياء اللي ما حرمها الإسلام ؟! اللـه يسامحك ..
أبحث في الأدلة تجدها من القرآن والسنه .. أكييد ناخذ ديننا من القرآن والسنة لكن اللي يفسره ويوضحه لنا هم العلماء . ولا ننكر هالشي
وإلا بمسألة الاختلاط مالهم حق يفسرون ويقيسون ويستدلون ويتحدثون بعلمهم وأي مسائل غيره ما أحد تكلم !
تفضل يا اخوي رابط الصفحة يوضح لنا أنواع الاختلاط ( فيه محرم وفيه جائز ) ولا تخلطون بين الاثنين , وفيه توضيح لأدلة الاختلاط في المساجد والطواف .
( هنـا )
وتفضل هذا الكتيّب مختصر وموضح أيضاً الأدلة على التحريم واجماع العلماء والأئمة الأربعة على ذلك , ومو ديننا دين التناقض ولله الحمد .
( هنـا )
وأتمنى من أي شخص عنده تساؤلات بخصوص تحريم الاختلاط يقرأ الروابط جداً مفيده ومختصره , ويبحث أكثر في الموضوع , واللـه يزيدنا علم .
وبعد وش فيه أبو سارة مو أنت تبغى كلام مقنع ولا يهمك مين يقوله ؟ ووش فرق أبو ساره عن محمد محيا ؟!
شوف الكلام , الكلام معقول جداً ومو شرط كل شي في ديننا عليه نص صريح !
طيب تتفقين معي أن منع المرأة من العمل كاشيره لن يمنع حدوث الحرام؟
لأن الشريفة تظل شريفة سواءً اشتغلت أو قعدت في بيتها والعكس صحيح
أتفق معاك وليه ما اتفق وهو صحيح .. لكنه مو مبرر أبداً ؛
لأن المشكلة مو في الشريفه المشكلة بغيرها إذا فتحنا لها الباب بيدينا
هذا شي , والشي الثاني في الشريفة نفسها إذا انفتحت أبواب الفتن بشكل أوسع هل تضمن نفسها ؟
الرسول عليه الصلاة والسلام وهو أفضل مننا كان أكثر دعائه اللهم يامقلب القلوب ثبت قلوبنا على دينك ,
فما بالك بالشريفه المحاطه بالفتن ؟ ونعرف أن قلب المؤمن بين أصبعين من اصابع الله يقلبه كيف يشاء
على كذا .. نفتح مراقص وسينما وغيره ونغض النظر عن حكمه ونقول الشريف بيظل شريف وماراح يروح والعكس !
احنا خير أمة أخرجت للناس نأمر بالمعروف وننهى عن المنكر .. واجب علينا نمنع المنكر والفتن بقدر الإمكان
وعمر الدين ما حكم على شريف وغيره .. الحكم على الجميع .
خاصه ان هالشغله مو ضروريه وفيه الكثير اللي بيقوم فيها بدون مشاكل
عمل المرأة في مجال التعليم ما فيه فتنة؟
طيب في جامعة الملك عبدالله يوجد تعليم مختلط ولم تحرمه اللجنة الدائمة وهذا أكبر اعتراف بأن الاختلاط ليس محرم في الشرع وإلا كان صدرت فتوى بالتحريم من هيئة كبار العلماء
أو من اللجنة الدائمة وأصلاً لو كان حرام لما سمح به الملك عبدالله في جامعة تحمل اسمه.. صح والا لا؟
لا مو صح .. ما باقي إلا نستدل من واقعنا التعبان ! ما نحصر التعليم بجامعة الملك عبدالله .. واحنا عارفين من اللي يدخلها ومين اللي يدرّس فيها ..
أما من ناحية الحكم .. فـ مو معقول ولي الأمر يأمر بشي ويعارضوه العلماء قدام الناس , يعني في صمت العلماء حكمة.
لو وقفنا ضد أمر الملك بتكون الفتنة أكبر من الاختلاط , وأنا متأكدة إنك فاهم كل هالأمور
طيب اسأليهم انتي أنا قلت من البداية مافيه فرق وعادي لو تحاسب العائلات أو العزاب.. احنا في سوق
وهذا مقصدي بسؤالي , لأن مافيه فرق بين العزاب والمتزوجين ( عوائل ) ليه قالوا عوائل فقط ؟ ليه ما صار مفتوح أو للنساء فقط ؟ بالعربي اللوحة مالها داعي , يعني وش المقصد منها ؟ عموماً ماتغيّر شي .. بس مجرد سؤال
يعني السبعة اللي وقعوا الفتوى هم علماء الأمة
يا أختي اسألي العلماء ما معنى الإجماع وبتعرفي ان الفتوى لا تمت للإجماع من قريب أو بعيد
السبعة اللي وقعوا الفتوى هم علمائنا واجمعوا على التحريم بسبب الاختلاط ( اللي مجمعين على تحريمه علماء الأمة سابقاً )
الله عز وجل أمرنا بسؤال أهل العلم : ( واسألوا أهل الذكر إن كنتم لا تعلمون ) ولا نتبع قول إلا من نثق بعلمه ودينه .
وهؤلاء من خيرة العلماء, فإذا لم يكن لدينا علم بمسألة وقد بحثوها وأفتوا فيها فهم أعلم منا ويجب علينا اتباعهم
إلا إذا كان هناك أدلة تعارض الحكم , وجميع الأدلة اللي يظن البعض أنها تعرض ردوا عليها ووضحوها .
كله معرض للخطأ.. كلام العلماء وكلام العامة.. ومهما كان اطلاع العالم ودرجة علمه يظل بشر معرض للخطأ في اجتهاداته
عفواً المقصد أكثر عرضه للخطأ .. وإلا عارفين إن كلنا بشر ولا أحد قال إنهم ملائكه
وحلو إنك معترف إن كلامك معرض للخطأ .. هذا شي ايجابي ,
طيب لما يكون كلامك أو كلام أي شخص من العامه مساوي لكلام العلماء ( بحجة كلنا بشر )
ليه مالنا أجر على الإجتهاد ؟ وليه نأثم لو حللنا شي حرمه العلماء – بعلمهم وأدلتهم - أو العكس ؟
في اتباع قولهم اتباع الأعلم , لأن رأي الجماعة ليس كرأي الفرد وهم جماعة , والخطأ من الجماعة نسبته اقل بكثييير من خطأ الفرد .
أتمنى ما نساوي أي بشر بالعلماء ونجعل لهم حق الإفتاء والتقييم والرفض والقبول .
عندنا قرآن وسنة ليس فيهما ما يحرم عمل المرأة كاشيره إذن اللي تبغى تشتغل تروح تشتغل لأن الشرع ما منعها تشتغل
واللي تبغى تقعد في بيتها خليها تقعد لأن الشرع ما منعها تقعد في بيتها
شرع الله واضح ما يحتاج تعقيد
الغريب إن العلماء مستدلين ولا فيه عالم يصدر حكم بدون ما يستدل على دليل , أصلاً ماله حق يتكلم
ومع هذا قاعدين ترددون ( مافيه دليل يحرم عمل المرأه كاشيره ! ) حتى الفتوى واضحه وما تحتاج تعقيد وعمر العلماء ما أصدروا فتوى وفوق راس العامة استفهام !
يا أختي ليه تروحي بعيد.. أنا كلامي واضح قلت دليل صريح على تحريم عمل المرأة
ولم أطلب آية أو حديث مذكور فيه كلمة "كاشيره"!!!
حتى أنا واللـه كلامي واضح .. قلت لك مااحد حرم عمل المرأه ! لكن أنت اللي مصّر تخلي العله في العمل وليس في طبيعته
صراحة كل الأدلة اللي ذكرتيها لا علاقة لها بعمل المرأة وليست كلها أحاديث صحيحة
ولا حتى تحرم الاختلاط.. وهذي هي المشكلة أننا نحاول أن نحرم شيئاً بأي دليل حتى لو كان غير صحيح أو غير صريح..
طيب الحديث اللي ذكرتيه عن الطواف ومزاحمة الرجال لو اعتبرناه دليل تحريم مثل ما تقولي فمعناه أن حكم الطواف حرام على النساء.. فهل الإسلام فعلاً يحرم على المرأة الطواف بالبيت؟!
رديت فوق .. الجواب في الروابط , وأنا قلت إني مستعده أعطيك سند الأحاديث .هأهأااا
أي محافظ الله يرحم والديك.. فيه مجتمع محافظ يخاف الفتنة من موظفة كاشير؟
المفروض إذا كان المجتمع محافظ فعلاً يصير عادي لأننا ما نخاف على رجالنا من الفتنة لأنهم "محافظين"
يعني المجتمعات الإسلامية الأخرى خلاص دخلوا في دائرة التفسخ الأخلاقي وانتم الملائكة الوحيدين على وجه الأرض؟
والا فيه إسلام خاص بكل مجتمع!!
عشان كذا صار الإسلام يجيز عمل المرأة كاشيره في المغرب ومصر لكن يحرمه عليها في السعودية!
ووالديك يارب , تعتبر السعوديه ولله الحمد من الدول المحافظه مقارنه بغيرها . واللي يحكمها الشرع وليس القانون
وإذا فيه أحد يشوف مجتمعه مجتمع غير محافظ فأنا أطمنه فيه مجتمعات كثيير محافظه ومحافظه بمعنى الكلمه بعد ,
من قال هلك الناس فهو أهلكهم !
ومو دليل إن المجتمع المحافظ مايخاف من الفتن في عهد الرسول عليه الصلاة والسلام وهم أفضل القرون
كانوا يخافون من الفتن ويحذرون منها .
لا يااخوي ما أحد قال إننا ملائكة .. ولا فيه اسلام خاص بكل دوله , لكن فيه تطبيق خاص بكل دوله , مو كل الدول تطبق الشريعه صح
الدول الثانية قضاتهم يدرسون ( قانون ) واحنا قضاتنا يدرسون ( شريعة ) يعني اللي يدرس شريعة يكون قاضي ,
مو التركيز على القوانين أكثر
واحنا نتبع مذهب أهل السنة والجماعة اللي يأخذ الأرجح من كل مذهب .. وهذي نعمة ولله الحمد
وهل إذا فعل المسلمون في مصر والمغرب وغيره ذلك يعتبر دليل على جوازه وإباحته ؟
وغير قضايا تحرير المرأة والاستعمار اللي حصل لهم جعلهم أكثر انفتاحاً !
أنتم بكلامكم تفتحون أبواب وتخوضون بأمور مالنا فيها علم كافي
احنا مذهبنا ما قال لنا حلال تلبسون قميص طويل مع بنطلون وتشتغلون بأي مكان بنشاط !
وبنفس الوقت ما نقدر نقول إنهم على خطأ . لكن فيه أشياء حكمها واضح وضوح الشمس ومع ذلك مايتبعونها
العلماء يمنعون الشي قبل حدوثه لأنه لو حدث ما راح يتغيّر بسهوله .. هذا إذا ما صار التغيير مستحيل !
ما أحد طهر السعوديه وكلنا نشوف بعيوننا اللي يصير من أخطاء وارتكاب آثام .. لكن ماتبرر لنا ارتكاب خطأ ثاني
* ( ما أقلل من قدر أي مسلم من الدول الثانيه لكن أوضح بعض الفروق - من ناحية الدول وليس الأفراد - وأكيد فيه مسلمين من غير السعوديه أفضل منا بكثيير )
بالعكس كلام الله ورسوله أقنعني
وما راح يحاسبني الله إذا ما أقنعني كلام البشر
والحجة على الجميع دائماً هو الدليل من الكتاب والسنة
وشي أكيد مو الهدف هنا ان واحد يقنع الآخر
المهم كل واحد يقول اللي عنده
ولا المهم كل واحد يقول اللي عنده بدون علم لأنه يسبب تشويش على العامه وهو من أخطر الأمو
وليه نفصل علمائنا عن القرآن والسنة ؟ الحمدللـه إلى الآن فيهم خير ومتبعين كلام الله ورسوله
المشكلة وصلت بتصغير العلماء والاستهانه باجتهادهم ,
احنا بهالكلام منكرين للمعروف .. مين اللي وصل الحلال والحرام اللي قاله الله والرسول عليه الصلاة والسلام
مو العلماء بفضل من الله ؟ والحين جايين وبكل بساطه نقول صرنا مثل الأحبار والقساوسه لأننا نتبعهم ! وكأن علمائنا قاعدين يتكلمون من راسهم !
اللـه يحفظ علمائنا ويطول بأعمارهم , و اللـه يرينا الحق حق ويرزقنا اتباعه ويرينا الباطل باطل ويرزقنا اجتنابه .
..
من حق أي مسلم يسأل عن أمور دينه ويطرد الشك ولا نقول للشخص يتبع العلماء وهو ماعنده دليل
أتمنى إن اللي هنا يناقش لأنه يبغى الجواب وليس لأنه يبغى يناقش ويعارض فقط مثل الكثير من المواقع .
..
أعتذر على رفع الموضوع وأعتذر عالإطالة
ومره ثانيه أقول ردي موجه للكلام وليس للشخص نفسه , ووالله لا أقصد أحد بعينه .
رد مع اقتباس
المشاركة الأصلية كتبت بواسطة حبيبة ابوها
[/glint]
) 
