كيف أستعيد الصور الممسوحه من الآيفون 4

[أبودجانه]

السلام عليكم ورحمة الله وبركاته

أرجو المساعدة من أهل الخبرة في صيانة الأيفون.

أشتريت جهاز آيفون 4 وصورت بيه تقريبا 200 صورة, بعدين عشان أنقل كامل المعلومات من الايفون القديم (3gs) إلى الجديد (أرقام, صور, مذكرات, الخ..) قمت بعمل باك أب للايفون القديم عن طريق iTunes , فصلت الايفون القديم وشبكت الايفون الجديد عشان أعمل Restore للمعلومات, بس للأسف الــ200 صورة اللي صورتها بالجهاز الجديد كلها اتمسحت وجات بدالها الصور اللي من الجهاز القديم.

السؤال: هل من طريقة ناجحة ومجربة لإستعادة الصور الممسوحة, مع العلم اني ماعملت باك أب للايفون الجديد.

وشكرا للمساعدة...

أبودجانه ..

[أبودجانه]

ياجماعة .. 53 مشاهدة ولا أحد عنده حل

[محمد المحيا]

هلا أبو دجانة

اللي أعرفه إن الـ iTunes تلقائياً يسوي باكب للجهاز لما يعمل مزامنة للملفات Sync
عشان تقدر ترجعه للحالة السابقة
طيب ما جربت تسوي Restore للآيفون؟
إذا ممكن تعطيني إصدار نظام التشغيل في الكمبيوتر عندك سواء ماك أو ويندوز

[أبودجانه]

هلا فيك أخ محمد

لأ للأسف مافي باكب, لأني ماعملت اي مزامنة لسه.
أنا استخدم ويندوز فيستا

[محمد المحيا]

كيف ما عملت مزامنة؟
انت لما سويت ريستور من الباكب على الآيفون الجديد في نفس الوقت يعمل مزامنة بين الكمبيوتر والآيفون عشان تصير الملفات متطابقة

طيب ادخل على iTunes وافتح قائمة Edit بعدين Preferences
اضغط على Devices وشوف طالع تحتها الآيفون الجديد والا لا
أو اعطيني صورة للشاشة

[أبودجانه]

سويت الطريقة اللي قلتها .. أيوه ظهر الايفون الجديد؟

شوف اللي حصل انو اول مااشتريت الجهاز .. طبعا لازم تشبكو على itunes عشان يتفعل, انا شبكتوا واتفعل الجهاز بس ماعملت اي مزامنة لسه .. بعدين التقطت 200 صورة عن طريق الايفون الجديد .. بعدين عشان انقل معلوماتي كلها من الايفون القديم الى الجديد سويت باكب للقديم عن طريق itunes .. فصلت القديم وشبكت الجديد .. قام طلعلي رسالة هل تبغى تستعيد باكب قديم أو تبدأ بدون باكب .. انا اخترت استعادة الباكب القديم (تبع الــ3gs) علشان انقل كل المعلومات .. بعد ما خلص المزامنة .. جيت اشوف الصور في الايفون .. لقيت بس الصور القديمة اللي من الجهاز القديم .. والــ 200 صورة الجديدة .. بح اتمسحت : )

[محمد المحيا]

طيب ما دام ظهر الجهاز الجديد معناه عندك نسخة من ملفاته في التاريخ اللي مكتوب قدامه..
تأكد إن التاريخ هو نفس التاريخ اللي سويت فيه الريستور
بعدين تعمل ريستور من الباكب هذي وإن شاء الله يرجع الملفات القديمة

[أبودجانه]

شكراًجزيلاً اخي محمد
ماقصرت والله .. اجربها انشاء الله .. وأعطيك النتيجة

[ميمونة ومسعود]

اقول غسل ايدك مالك امل نفس الحكايه صارت لي بس مش الي فون صارت لي في الي بود
راح الي راح

[همسة عاشق]

مشكلة الآي تون ما يسويلك باك أب للملفات قبل ما يسوي مزامنه
<< صارت معاه قبل كدا وراحت كل الأغاني حقتي والصور