مودم thomson

[همس الورد]

السلام عليكم ورحمة الله وبركاته

عندي مشكلة في مودم thomson
في البداية كان مفتوح للجميع وحطيت عليه كلمة مرور
لمن وتغير كل شي ولمن فتحت المتصفح طلب اسم المستخدم وكلمة المرور
يلطع لي انه البيانات خطاء ما اقدر افتح ولا شي
حطيت مودم ثاني وفتح النت عادي
يعني المشكلة مهي في الإتصال المشكلة من نفس المودم
سويت كل الحلول ولمن انزل برنامج thomson يطلب كلمة مرورواحطها بس يعطيني خطاء
وفي صفحة المتصفح حطيت
admin
admin
بس مايفتح

[محمد المحيا]

وعليكم السلام ورحمة الله وبركاته

ما أدري انتي تقصدي أي باسوورد
لأن فيه 3 أشياء عليها باسوورد.. لوحة التحكم للمودم .. والوايرلس.. والإنترنت
وكل واحدة لها باسوورد مستقل

لو ذكرتي رقم الموديل ممكن يساعدنا أكثر

ممكن تسوي إعادة ضبط المصنع للمودم
المفروض خلف المودم فتحة صغيرة داخلها زر Reset ما تنضغط إلا بدبوس أو قلم صغير
اضغطيه لمدة 7 ثواني وبعدها بيرجع المودم بدون باسوورد

[همس الورد]

كل الثلاثه غيرتها
نوع المودم
Thomson tg 585 v7

ضغطت على زر reset بس ماسار شي وانتظرت اكثر من 7 ثواني
حتى السي دي الي مع المودم حطيته بس المشكله نفسها
يعطيني طلب ثلاثه باسوردات واحطها كلها وغيرت في ترتيبها بس مافي فايده

[محمد المحيا]

طيب جربي تدخلي من المتصفح على العنوان:
http://dsldevice.lan

وإذا طلب منك اسم المستخدم اكتبي Administrator
والباسوورد خليه فاضي

وإذا ممكن بالنسبة للمبات المودم (التشغيل والإنترنت والوايرلس...الخ) تعطيني كل لمبة شغالة والا لا.. وإذا شغالة تعطيني لون الإضاءة (بعضها أخضر وبعضها أحمر) وهل الإضاءة ثابتة ام لا..

[همس الورد]

دخلت عن طريق الرقم 10.0.0.138 والعنوان السابق
وحطيت Administrator administrator
بكل الطرق سويتها

اللمبات كلها خضرا وحقت ويارلس حمرا ومهي ثابته والإنترنت ماتشتغل
عندي نفس المودم بس نوعه قديم ومشاكله كثيره وحطيت عليه باسورد اكثر من مره ماسار الي سار دحين

[محمد المحيا]

تقصدي لمبة الإنترنت ما تشتغل؟
لمبة الوايرلس لما تكون حمرا معناه الوايرلس شغال بس بدون باسوورد.. يعني أي واحد يقدر يشبك على المودم
لكن مو مشكلة خلي الوايرلس آخر شي نسويه


معليش ارجعي سوي الخطوات هذي بالترتيب عشان نتأكد انك ماشية صح:
1- سوي Reset للمودم مرة ثانية
2- شغلي السيدي وامشي على الخطوات للنهاية وفي الأخير حطي إشارة على الخيار Go to the Thomson Gateway Web Interface
3- في النافذة الجديدة اضغطي على Initial Setup عشان يكمل باقي الخطوات


4- بعد ما ينتهي ادخلي من المتصفح على العنوان http://192.168.1.254 أو العنوان http://dsldevice.lan
5- المفروض ما يطلب منك تدخلي اسم المستخدم ولا الباسوورد
6- على اليسار اضغطي على Broadband Connection
7- حيطلع على اليمين حالة الاتصال
شوفي ايش مكتوب قدام Link Status تحت DSL Connection والثانية اللي تحت Internet
8- إذا الإنترنت مكتوب تحتها Disconnected اضغطي على Connect
إذا ضبط الاتصال المفروض تصير كلها Connected

وبعدها جربي النت من جهازك

[همس الورد]

هنا المشكله اي شخص يقدر يشبك على حقنا المودم ويسير التحميل بطيء
وانا لمن حطيت باسورد سار الي سار
ودحين رجع بس طلع الإسم الي اخترته بس بدون كلمة مرور

[محمد المحيا]

طيب انتي حالياً تقدري تدخلي على لوحة التحكم للمودم؟
اللي هي:
http://dsldevice.lan/

إذا دخلتي اضغطي على Home Network
بعدين تحت Wireless اضغطي على اسم المودم
حتفتح صفحة Wireless Access Point
اضغطي Configure
تحت Security غيري خيار Encryption إلى WPA-PSK
حددي الخيار Use WPA-PSK Encryption
في خانة WPA-PSK Encryption Key تكتبي أي باسوورد للوايرلس ما يقل عن 8 حروف
خيار WPA-PSK Version غيريه إلى WPA+WPA2
آخر شي اضغطي Apply

المفروض بعد ثواني تتغير لمبة الوايرلس إلى اللون الأخضر

بعدها جربي البحث على الشبكة من أي لابتوب وأكيد حيطلب منك الباسوورد

[همس الورد]

نفس الخطوات سويتها
رجعت المشكله من جديد

شكرا لك اخوي محمد المحيا وان شالله احل المشكله لانه واضح انها من المودم

[محمد المحيا]

طيب لمبة الوايرلس صارت خضرا؟؟

المفروض مافي مشكلة بالمودم

بس يمكن ما غيرتي باسوورد الوايرلس في جهازك

جربي ادخلي على الشبكات اللاسلكية في لوحة التحكم بجهازك
واحذفي الشبكة وبعدين سوي بحث من جديد ولما تطلع اضغطي Connect ودخلي الباسوورد الجديد

[همس الورد]

لا زي ماهي حمرا
وفتحت اكثر من جهاز بس مايطلع اسم الشبكه عدت الخطوات الي فوق من اول وجديد

[محمد المحيا]

طيب معليش ناخذها خطوة خطوة عشان نعرف فين المشكلة بالضبط

أول شي ادخلي على الصفحة:
http://dsldevice.lan/
المفروض يدخلك على لوحة التحكم حقت المودم
إذا ممكن صورة من الشاشة

[همس الورد]

اوكي
تفضل

[محمد المحيا]

تمام..

طيب في نفس الشاشة تحت Home Network اضغطي على Wireless
وخذي صورة من الشاشة قبل ما تكملي الخطوات التالية

بعدين اضغطي فوق على Configure
وغيري خيار Encryption إلى WPA-PSK
بعدين حددي الخيار Use WPA-PSK Encryption
وفي خانة WPA-PSK Encryption Key اكتبي أي باسوورد ما يقل عن 8 حروف
وغيري خيار WPA-PSK Version إلى WPA+WPA2
اضغطي Apply

ارجعي لنفس الشاشة اللي صورتيها وخذي منها صورة ثانية بعد التعديلات هذي وارفقي الصورتين

[همس الورد]

تمام
كذا سار عليه باسورد

بس معليش استفسار بسيط



security tybe لازم اغير ولا تطلع اشارة x عند الشبكه
تعبتك معايا
شكرا لك ماقصرت وجزاك الله الف خير