السلام عليكم ورحمة الله وبركاته ،،،
مدخل ،،،
يا كليب شب النار يا كليب شبة
عليك شبة والحطب لك يجابي
وعلي انا يا كليب هيلة وحبة
وعليك تقليط الدلال العذابي
~*~*~*~*~
القهوة العربية
رمز الضيافة و الوجاهة عند العرب ...
لصناعة القهوة لعربية .. نحتاج :
بن ني
هذا بن هرري ني
~*~*~*~*~*~*~
ننقى البن من الشوائب و الحبوب السوداء
وعشان نحمس البن نضعه في صينية واسعة و على نار متوسطة
يحرك البن بإستمرار عشان ما تنحرق بعض الحبوب لان هذا راح يخرب علينا طعم القهوة .
~*~*~*~*~*~*~
هنا البن محموس نص حمسة ...
في هذا الوقت ممكن نضيف المطيبات ..مثل الشيبة <<< مو زوجك
او المستكة بس بمقدار جداً قليل .
ونكمل الحمس والتحريك بإستمراررررر
~*~*~*~*~*~*~
وهنا البن محموس وجاهز للطحن .
هذه الصورة صورتها في الحوش عشان اطير قشر البن اللي طلع بعد حمس البن .
~*~*~*~*~*~*~
وهنا طحنت القهوة عشان اقهويكم
رائحتهاولا احلى
~*~*~*~*~*~*~
يللا نروح نسوي القهوة سوا
نحط موية مغلية على النار ,,,,
انا حطيت 2 كوب ماء مغلي
ونحط عليها 1 ملعقة كبيرة بن مطحون ..
نتركها تغلي على نار هااادية لمدة 15 دقيقة
إذا ما غلت كويس ما يطلع طعمها حلو ...
بعد كذا نضيف الهيل ..
بالنسبة لي اشوف ان الهيل إذا كثر يمرر بالقهوة
يعني ملعقة صغيرة مو مليانة كفااااية
وإذا تحبون عويدي " قرنفل ، مسمار " حطو بس لا تكثرون
مو بعدين تقولون كأننا طالعين من عند دكتور الأسنان
~*~*~*~*~*~*~
يللا ... الحين جاء دورك تتقهوى ... حياك الله
تفضل
وسامحونا ما عندنا قدوع ..
القدوع عند جدتي
~*~*~*~*~*~*~
وبالعافية على قلوبكم
مخرج ،،،
يا محلا الفنجال مع سيحة البال
في مجلس مافية نفس ثقيلة.
رد مع اقتباس