[align=center]السـلام عليــكم ورحمة الله
للأســـف,
حأدخل ع الموضوع على طــول من شدة قهري
أمــس, الأحد 9 رمضان .. 1430 هـ
امام احدى شركات السيارات
خليني اتكلم احسن بلهجتي, الولد راح يصلح سيارتو.. وهو خارج ودخل السيارة .. فجـأة..
تدق على قزاز السيارة بنت تقريباً قدي في العمر الولد فتح الشباك نعم ايش في! لو سمحت ابغا 50 ريال عشان ابغا ادفع ايجار السيارة الي استأجرتها.. قلها الولد مني فاضيلك عندي اتصال مهم.. ومشي الولد..
و
اليوم : في الظهرية تقريباً دخل الولد الشركة تاني عندو اشغال اوراق السيارة المهم .. سمع الشباب الي يشتغلو في المحل يتكلمو عن البنت تخيــــلو ياشبــاب البنت مرة رخيصة بس بـ 50 ريال , وحلوة وقاعدين يوصفو شكلها .. وترا جنسيتها (.....) ..المهم, ولمن تجي تطلب منك ال 50 شوف كيف لابسة وشوف جسمهـا لعنة الله عليها ياناس..
وفي الأخيــر يقولو صح نحن صايمين بس ياشيخ جات على اليوم خلينا نفطر عليها رخيصة البنت..
الولد كان يلف في الحارة 10 دقايق يدور عن البنت يبغى ينصحها يبغى يقولها لو انتي محتاجة ال 50 ريال انا اديكي ال100 صدقة كل شهر بس لاتمشي في الطريق هادا..
بس مالقاها..
ياليتو لقاها , كنت جيتهم مع جمس الهيئة
تخيلوووووو
تخيلو الحكاية دي انا مني مصدقة على قمة القلة الأدب الي وصلولها
ايش المسخرة دي..
اتمنيت ماأسمع الحكاية اتمنيت اني اكون زي الهبله في الدنيا دي المهم مااعرف عن بلاوي الناس الي تصير علــــنــاً في الشوارع...
يانــاس يــاعالم..
اصحو
ماتخافو من ربنا يخسف بيكم الأرض
ماتخافو من الأخرة !؟
قاعدييييييييين تشوهو دينكم ودولتكم
قاعدين تشوهو السمعة
نحن في بلاد الحرمين أستحو على وجهكم
اقسم بالله لو المنظر دا قدامي كان مسكت البنت ودقيت ع المسئولين يشوفو صرفة معاها
المفروض الكل يدا بيد
اي شي غلط
ندق على مين؟
مين المسؤووول؟!
لا تقولو الشرطة .. الشرطة و الباقييين نفس الطينة استغفر الله..
لو الوحدة عندها اي شي او اخوها صرلو شي لا سمح الله أصحى يركبو في نفس سيارة الشرطي
همـا البلوى..
بس ابغا افهم:
لو صار موقف تاني لا قدر الله تتصل على مين ! في احد مسئوول ؟!
في الرقابة
المفروض في كل حي مكتب هيئة او شي ككدا مكان للتلطييييييييييييييش
اول شي الله يهدي البنت وتروح على بلادها احسلها
وتاني شي الله يحفظ كل اولاد وبنات المسلمين
وثالث شي الله يحرق الي يمارس الزنــا علنــاً او خفية ويفضحو فضيحة بقلاقل ويمسكوه ويجلدوه..
ورابع شي :
فييييييييييييييييييييييييين المسؤووووووووووووليييييييييييي يييييييييييييييييين؟!
وخامس شي..
أتمنى قراءة موضوعي في الدرة الإسلامية... اضغطو على اللينك في توقيعي ...
معليش معصبة
أشوفكم..
عمة يعميها يقطع ادانيها يارب وتكسر رجلها دي..[/align]