__ (( زواج الأقارب وهل يساهم في تخفيض نسبة الطلاق ؟ شاركونا )) __

[zadi]

________________


السلام عليكم ورحمة الله وبركاته ,,,

قاعد اليوم في المكتب ومشغل التلفزيون على قناة العربية , وسمعت المذيعة مشاء الله عليها تنقل خبر ( طينة ) يقولك نسبة الطلاق أرتفعت في جدة بالذات ,,,
ونسبة العزوبية 50% ونسبة المتزوجين 46 % ,,, هذا كله في جدة ,,,
بصراحة نسب تخوف وسيئة بكل المقاييس ,,,

موضوع الطلاق وإرتفاعه شبع بحث على مستوى كافة الأصعدة الرسمية والغير رسمية في البلد ,,, وأصبح الكلام فيه ممل , لأن الكل عارف أسبابه والكل عارف الحل , لكن للأسف مافي أحد بيتحرك ,,,

حآخذ الموضوع من جهة ثانية ,,,

طبعاً نسمع كثير عن زواج الأقارب ,,, وفي القبايل والقرى والأرياف يقولك البنت لولد عمها ,,,

وبرضك هذا الكلام شبعنا تحليل فيه ونقد وإنه لازم تتغير النظرة ,,,

الآن تقريباً وصلت للي أبغاه ,,,

زواج الأقارب بصفة عامة ,,, الزواج إللي بيتم في القرى والأرياف , هو ذا المقصد ,,,

ليه هنا نسبة الطلاق أقل وأقل بدرجة كبيرة ؟؟؟

هل لأن بيكون في إعتبار للعم وللخال والعمة والخالة وبيقة الأقارب من العيلة أو من القبيلة الكبار في السن ؟؟؟
وشي تاني , فيه ناس إللي يزاوجو بعض مثل واحد تزوج أخت فلان وفلان أتزوج أخته ,,, هنا نسبة الطلاق تكون معدومة ,,,

ياترى إيه الأسباب ؟؟؟

وليه هنا الراجل أو المرأة بتحسب أو بيحسب ألف حساب قبل لاينطق بكلمة طالق ؟؟؟
هل لأنه يخاف على بيت أخته ؟ أو تخاف على بيت أخوها ؟؟؟
ممكن , وبنسبة كبيرة كمان ,,,
وصلنا للب ,,,
بما إن : إذا ليه نظرتنا التشاؤمية من ناحية زواج الأقارب ؟؟؟

إذا كان بيحفظ البيت من الطلاق والدمار , ليه لأ ؟؟؟

ليه ( نشره ) على ( البدو ) إللي يعلقوا المرأة بالزواج من ولد عمها ( إن طلعت في راسها نخلة ) ؟؟؟

طيب الآن , ما أكتشفنا إنهم صح ؟؟؟

فيه فرق بين إللي يرمي يمين طلاق ومايحسب حساب أي أحد , وبين إللي يحسب حساب خالو أو عمو أو أحدأقاربه إللي هو أب أو أم زوجته إللي وده يطلقها ,,,

شاركونا , دخيل الله عليكن ,,,

( زادي بعد ما مخمخ فنجان شاي بعد العصر طلع بدي الهرجة )

[*amula_beauty*]

[align=center]يا مساء الخيرات يا خالو زادي

^_^


يلا start

قاعد اليوم في المكتب ومشغل التلفزيون على قناة العربية , وسمعت المذيعة مشاء الله عليها تنقل خبر ( طينة ) يقولك نسبة الطلاق أرتفعت في جدة بالذات ,,,

سيبك من المذيعه والطلاق


مكتبك فيه تلفزيووون .... وستالايت كمان ؟؟؟؟


امممممممم الفله << شااااطحه بعيييييييييد

ونسبة العزوبية 50% ونسبة المتزوجين 46 % ,,, هذا كله في جدة ,,,
بصراحة نسب تخوف وسيئة بكل المقاييس ,,,

شوف يا خالو ,,, الفضيه ذات شجون


وخاصة انك بتتكلم عن جده


يعني بالله شباب جده قدامهم كل شي مفتوح

ايش يمنعهم يطلقوا


بعد ما يشوفوا العجب من الفله اللي هناك

يعني يتزوج الواحد
ينزل السوق نزله بسيطه


يجي يلاقي الفروووق السبع بين مرتوووو (اللي يشك انها بنوته) قدام اللي شافو بخرجه وحده

زواج الأقارب بصفة عامة ,,, الزواج إللي بيتم في القرى والأرياف , هو ذا المقصد ,,,

الموضوع يرجع لبساطه الرجل في الريف


ما يتشرط ووعينو ما تطلع لبرا


غير كدا ما قدامو غير مرتو


وما شاف غيرها


عايش طول عمرو مع تماسيح

وفجأه يعيش مع بنت ما تشبه ولا تمساح


اكيد بيلاقي الفرق

ليه هنا نسبة الطلاق أقل وأقل بدرجة كبيرة ؟؟؟

هل لأن بيكون في إعتبار للعم وللخال والعمة والخالة وبيقة الأقارب من العيلة أو من القبيلة الكبار في السن ؟؟؟

غير كل هدي الاعتبارات

اقصد الاحترام وكدا

هناك غير

الزواج مو لعبه والطلاق شي كلهم ما يشجعوه


القرية صغيره

واللي يطلق بيطلق لسبب

والسبب دا ما بيكون سهل

لأن الكلام يتناقل بسرعه في القرى

دا غير ان لو الرجال طلق زوجتو ممكن اختو تتطلق من اخو زوجتو


داخلين ببعض

وترابطهم اقوى

دا غير ان الزواج عندهم اساسو باعتقادي تكوين اسره ويجيبوا عيال

يعني مافي تفاهم ولا رومنسيه

جفاف وقحط عاطفي

بما إن : إذا ليه نظرتنا التشاؤمية من ناحية زواج الأقارب ؟؟؟

الاقارب عقارب


والزواج منهم كلوووو مشاكل


مع ان خطيبي مرررررررررررررررره يقربلي

بس مافي مشاكل يمكن لأن جدتي هيا امو (ربتو) وامو ماتت الله يرحمها


يعني من اهل البيت

ليه ( نشره ) على ( البدو ) إللي يعلقوا المرأة بالزواج من ولد عمها ( إن طلعت في راسها نخلة ) ؟؟؟

والله انهم عاقلين

يفكروا صح

لأنهم يطالعوا لما خلف الأفق


بس احنا بنفكر بقلوبنا واحساسنا

تدري ان لو البنت اتزوجت ممكن يجي ولد عمها بنص الزواج ويقول

انا مو موافق

ليه ما استأذنتوني ؟؟؟؟

واذا بيكملوا زواجهم يحاولو يرضوه بمبلغ مالي

او اي شي

المهم يوافق ولا ما تتم الزواجه


للحديث بقيه

^_^[/align]

[جف البحر]

زادي ياطفشان

في امور كتيره خلطت فيها شعبان برمضان

اول شيء مبدأ الزواج دا لازم يكون له ضوابط اولها انه 30 سنة + للشاب

لأنه اول شي بيسويه صحيح انه بيكملك نص دينك بس بيخليك تضيع النص الاول اللي انته مربيه سنين ودنين

تاني شي بالنسبة لزواج الاقارب المشكلة فيه واسباب الطلاق مهي راجعة للزوجين

بالعكس .. الحكمة من نقاشنا ومطالبتنا بتغيير النظرة هدي انه المشاكل بتكون بين الاقارب نفسهم من الابهات والامهات

ليش زعقلها ليش ما طبختلو . ليش توبه مكرمش

ومشاكل تافة ويتقابعو الاهل

وبعيدن برضايه عليك تضربها وبرضايه عليكي تطفشيه

وعيش يامعلم

...........


زواج البدل مشكلته انه يابيتين مفتوحة يابيتين مخروبة

وحده بوحده و الجاهل أظلم..

وبعدين حط في بالك موضوع القبيلة دا على وشك ينتهي

والان الحكومة بتساعد في الشي دا بالغاء الالقاب

بمعنى ولدك زاد .. بكرة بدل اسمه مهو زاد وائل عبدالله الغامدي حيصير زاد وائل العبدالله

فقط والغامدي والذي منه انسى

و من وجهة نظري هذا لو اتطبق حتصير مصايب

وهذا خطأ فادح

لأنه ضياع الانساب والانتساب مشكلة

يعني انا لا يمكن اقبل انه احد يجردني من اسم عائلتي واصلها وعراقتها

موضوع متشعب جدا يا خال

واشبك اليوم مشندل على الزواج والطلاق

اشتغلت مملك بعد العصر انته ولا ايش!!

يسلمو يا قمششششش


مع حووووووووووووبي،،

[To0ofy]

[align=center]

________________
السلام عليكم ورحمة الله وبركاته ,,,

وعليكم السلام ورحمة الله وبركاته

________________
قاعد اليوم في المكتب ومشغل التلفزيون على قناة العربية ,

الله يهديك عاد العربية التصديع كله فيها

________________
وسمعت المذيعة مشاء الله عليها تنقل خبر ( طينة ) يقولك نسبة الطلاق أرتفعت في جدة بالذات ,,,
ونسبة العزوبية 50% ونسبة المتزوجين 46 % ,,, هذا كله في جدة ,,,
بصراحة نسب تخوف وسيئة بكل المقاييس ,,,

النسبة تخوف وكل مالها بالازدياد..

________________
طبعاً نسمع كثير عن زواج الأقارب ,,, وفي القبايل والقرى والأرياف يقولك البنت لولد عمها ,,,

[align=center]ايش البنت لولد عمهالسا في بيبول كدا[/align]

________________
زواج الأقارب بصفة عامة ,,, الزواج إللي بيتم في القرى والأرياف , هو ذا المقصد ,,,
ليه هنا نسبة الطلاق أقل وأقل بدرجة كبيرة ؟؟؟

تعرررف ليه لأنه في القرى ولو بيطلق مرته معناته نزل وجه قبيلته في الارض

وماحط لهم اعتبار فلازم هنا يراعيهم ومايطللق

عندهم الطلاق عيب وعيب العيب كمان واذا اطلقت الحرمة معناته اخواتها وامها وخلاتها حيطلقو زيها

وحيسير هناك سين وجيم وكلام اللزي منه..

وفي الزواج النوع التاني ..

اللي عقله في راسه ما يطللق اختي لأطلق اخته

وووبس عشان كدا مافي طلاق هناك

وفي النهايه يعيشوا الزوجين في صراع عاطفي مستمر بين بعض

وعلى طول حيحسوا انهم مغصوبين على بعض

وفي المدن يعني عندنا..

الولد تلاقي شايف تلاته ارباع البنات اذا مو كلللهم واذا خطبولوا اهله

خطبوله بنت ماتعرف غير اسمها <<<هذي النوعيه المؤدبه

كويسه والكل يبغاها بس ايش تتوقعوا نظرت الولد لها

أكيد حيقول ايش دي جااهله وحيحس انها مش بالمستوى المطلوب

او المستوى اللي شافوه <<<هنا حيطلللق

واذا الولد اهله خطبوله بنت<<<العلوم كلها عندها

حيقول ايش دا >>اشك فيها<<ماني مطمن لها

وهنا حيطللللق

نجي للحاله الثالثه

الاهل لو خطبو لولدهم البنت اللي يحبها

حينبسط الولد بس بعدين حيطلللق ليش مافي سبب مقنع

غير انه الحب طار من الشباك

الحاله الرابعه

الاهل لو خطبوا للولد بنت غير البنت اللي يحبها يعني قريبته

وحيغصبوه على وحده غير فتاة احلامه

هنا بيحس على طول انه مغصوووب وحيطلق قبل مايتزوج كمان

ودي الحاله تشبه الحاله اللي قالت عليها امووله لما يجو الاهل يخطبوا

للولد قريبته وفي نص الزواجه حيقول ما ابغى وفي النهايه طلاااااق

وماراح يحط اي اعتبار لأهله في دي الحاله يعني اللي في مخي اسويه

عشان كدا يازادي..

مافي حلول غير انه كل ولد جداوي

يسير مؤدب ويرضى بالمقسوم وكل بنت جداويه تسير مؤدبه وترضى بالمقسوم

وطبعا دي الحالات على الاغلبية من الشباب الا من رحم ربي

كترت هررررج الله يستر ما اخد

________________
( زادي بعد ما مخمخ فنجان شاي بعد العصر طلع بدي الهرجة )

يازين مخمخة العصريه اللي تخليك تطلع بمواضيع هيييك

يسلمووووووو[/align]

[وردة وردية]

[align=center]زادي

انا اشوف ان كان زمان للعمة والخال حساب

اما الحين اذا نوى الرجل الطلاق فينسى كل شئ أمامه

وللأسف ان بعض الاقارب الان أصبحوا عقارب

يلدغوا أمام أعيننا ويمشوا ولا كأنهم عملوا شئ

الله المستعان[/align]

[zadi]

_________________


أمولة ,,, وكمان بلاي ستيشون 3 إزا ماعندك مانع

أقعد تحدي أنا والموظفين نطقطق , أنا بصفتي المدير دايما آخذ البرازيل وأشوف الرجال فيهم إللي يفوز عليا يعتبر نفسو غياب تاني يوم


شوف يا خالو ,,, الفضيه ذات شجون
وخاصة انك بتتكلم عن جده
يعني بالله شباب جده قدامهم كل شي مفتوح
ايش يمنعهم يطلقوا
بعد ما يشوفوا العجب من الفله اللي هناك
يعني يتزوج الواحد
ينزل السوق نزله بسيطه
يجي يلاقي الفروووق السبع بين مرتوووو (اللي يشك انها بنوته) قدام اللي شافو بخرجه وحده

يا أم شجون إنتي , شكلك روحتي بعيد مررررررررا
أنا ما أتكلم عن فلتة الشباب سواء في جدة أو في الخرخير ( ترا حتى في جيزان فيه فلتة ) !!!

أنا الله يسلمك أتكلم عن هل إن مشكلة الطلاق ممكن تتحل بدرجة أو بنسبة كبيرة إذا كان الزواج بيتم في نطاق ضيق بين الأهل في العيلة الوحدة ؟ أو في القبيلة الوحدة ؟؟؟


الموضوع يرجع لبساطه الرجل في الريف
ما يتشرط ووعينو ما تطلع لبرا
غير كدا ما قدامو غير مرتو
وما شاف غيرها
عايش طول عمرو مع تماسيح
وفجأه يعيش مع بنت ما تشبه ولا تمساح
اكيد بيلاقي الفرق

لعلم سعادتكم أن الرجل في الريف يعدد أكثر من الرجل في المدينة ,,, الرجل في الريف من بعد العشا ماعنده شي إلين الصبح ,,,
أما الرجل في المدينة عنده دش وقنوات ومسلسلات وأفلام ونور ولميس وطرزان ,,, وعنده نت وعنده منتديات ( ما أبغى أفكرك بداك الرجال إللي هجر بيته وقاعد على النت 28 ساعة في اليوم )


القرية صغيره
واللي يطلق بيطلق لسبب
والسبب دا ما بيكون سهل
لأن الكلام يتناقل بسرعه في القرى
دا غير ان لو الرجال طلق زوجتو ممكن اختو تتطلق من اخو زوجتو
داخلين ببعض
وترابطهم اقوى

هنا إنتي بدأت تحطي يدك على لب الموضوع ,,, هذا المقصود , بغض النظر عن أي إعتبارات أخرى ,,, يعني الراجل قبل مايطلق بيحسب ألف حساب ,,, صح ؟ سواء للقرابات والأهلية أو لأعراف القبيلة ,,, دا إللي أنا أقصده .


الاقارب عقارب
والزواج منهم كلوووو مشاكل
مع ان خطيبي مرررررررررررررررره يقربلي
بس مافي مشاكل يمكن لأن جدتي هيا امو (ربتو) وامو ماتت الله يرحمها
يعني من اهل البيت

الله يرحمها ويرحم موتى المسلمين جميع ,,,

إنتي هنا بتناقضي نفسك ,,, كيف الأقارب عقارب وكيف خطيبك مرا يقربلك ؟؟؟

معناه إنو لكل شي وجيهن , واحد حلو والثاني مر !!!

طب طالما قلتي كدا , خليني آخذك إنتي مثل للموضوع ,,,

لا قدر الله لا قدر الله , في مشكلة بسيطة صارت بينك وبين أبو الشباب وهو من النوع المتهور ورمى اليمين ( أعوذ بالله , قسم بالله ما أقصدها وأتمنالك كل خير ) مو راح تلاقي كلالعيلة تلومه وتتدخل لإحتواء وحل المشكلة ؟؟؟ وإذا إنه من النوع العاقل ( كمان قسم بالله أنا ما أقصده شخصياً ولا أذم فيه لكن للتوضيح فقط لاغير ) أبداً ما راح يرمي اليمين لأنه حاط في باله إن أمة لاإله إلا الله راح تقوم عليه , لأنك من الأهلية !!! وبكدا راح ( يركد ) ويفكر ألف مرة قبل لاينطقها ,,, هذا هو الموضوع ,,,

والله انهم عاقلين
يفكروا صح
لأنهم يطالعوا لما خلف الأفق

وهذا هو المقصود من الموضوع ,,, الآن بدأتي تخشي الجو



تدري ان لو البنت اتزوجت ممكن يجي ولد عمها بنص الزواج ويقول
انا مو موافق
ليه ما استأذنتوني ؟؟؟؟
واذا بيكملوا زواجهم يحاولو يرضوه بمبلغ مالي
او اي شي
المهم يوافق ولا ما تتم الزواجه


شكلو طلاب ( شرهة ) الأخ دا ,,,


في إنتظار رجعة سعادتكم

[*amula_beauty*]

[align=center]

أمولة ,,, وكمان بلاي ستيشون 3 إزا ماعندك مانع

أقعد تحدي أنا والموظفين نطقطق , أنا بصفتي المدير دايما آخذ البرازيل وأشوف الرجال فيهم إللي يفوز عليا يعتبر نفسو غياب تاني يوم

والله شكلو منجد حماااس

اقول زادي بتوظف عندكم ما يجي ؟؟؟!!!!


تلاقينا شد شعر طوووول اليوم

يا أم شجون إنتي , شكلك روحتي بعيد مررررررررا
أنا ما أتكلم عن فلتة الشباب سواء في جدة أو في الخرخير ( ترا حتى في جيزان فيه فلتة ) !!!

هيا خرخير بجيزان ؟؟؟؟؟؟!!!!

ماشاء الله ,,,, حتى هناك فلته ؟؟!!!!

طيب بقولك شي بيني وبينك


مره من المراريت ,,, بابا العزيز افتكر انو ولد قبايل ...

وقال يلا يا بناتي نروح (للديره ) ,,, طبعآ قصدو ديرة القبيله


حيث الجذور والاجداد والكلام دا


طبعآ احنا اتحمسنا نبغى نشوف بني جلدتنا

رحنا ,,,,


وياااااريتنا مارحنا


عندهم فساد اكبر من فسااااد جــ ........ ولا بلاش ,,, تعبناكم بدا الكلام

والله يا زادي انا واخواتي جالسين نسمع هرجهم وعيوووننا مبحلقه

شي عجييييب

عندهم انفتاح اكتر مننا


بيني وبينك كلامي اول بالرد السابق كان ابو قديم شويا


عملت ريفرش لعقل بالي ,, ولقيت انو كلامك صح


بس معليش دي الحقيقه


لكن بالقريه ما يشوفوا احد

مو لميس وتميس ...

يعني الرجال مرتو بعينو ملاك


****************************** ******

أما الرجل في المدينة عنده دش وقنوات ومسلسلات وأفلام ونور ولميس وطرزان ,,, وعنده نت وعنده منتديات ( ما أبغى أفكرك بداك الرجال إللي هجر بيته وقاعد على النت 28 ساعة في اليوم )

لا تذكرني فيييييييه ,,, مو هاين عليا انو بيحضر شبكتي يوم 5/ 10 << بس بعلمك اانو شبكتي قريب


بس ع الاقل رجال المدن ,, المووضوع عندهم صعب

لأن البنات بالمدن عينهم مليانه ,, وماترضى الا برجال بمواصفات عالميه

لا قدر الله لا قدر الله , في مشكلة بسيطة صارت بينك وبين أبو الشباب وهو من النوع المتهور ورمى اليمين ( أعوذ بالله , قسم بالله ما أقصدها وأتمنالك كل خير ) مو راح تلاقي كلالعيلة تلومه وتتدخل لإحتواء وحل المشكلة ؟؟؟ وإذا إنه من النوع العاقل ( كمان قسم بالله أنا ما أقصده شخصياً ولا أذم فيه لكن للتوضيح فقط لاغير ) أبداً ما راح يرمي اليمين لأنه حاط في باله إن أمة لاإله إلا الله راح تقوم عليه , لأنك من الأهلية !!! وبكدا راح ( يركد ) ويفكر ألف مرة قبل لاينطقها ,,, هذا هو الموضوع ,,,

تف من بوءك


لالا يالخيزرانه ,,, بالهوى ميلوكي << ايش جابها دحين


اذا طلقني ,,, بوريه نجوم الظهر

ترا انا مو ضعيفه ياعم


آكلو بقشورو


بس ماعليك ,,, ما حخليه يطلقني ,, بالله بيلاقي احسن مني ؟؟؟؟

اتحداه


بس لو فرضنا نظريتك العبيطه دي


صح الكل حيقوم عليه

ويمكن ننفيه من القبيله << مشكلتو من قبيله تانيه

اكيد جدتي بتوريه شغلووو وتغضب عليه

وبيرجعني مطأطئ الرأس


لكن انا ما برجع هيهاااات << من جد دخلت جوووو

شكلو طلاب ( شرهة ) الأخ دا ,,,

الرجاء تحديد اللغه ,,,


من ثم قول الجمله المراد قولها

مافهمت شي


بس منجد ترا تصير ببعض القبايل


والناس تعطيه وجه كمان


******************************

اشكرك يا عزيزي


ربي يسعدك

^_^[/align]

[((كــــــــادي))]

هلا // زادي


شوف يا زادي ...


في كثير ناس اتزوجت من الأقارب

مثلاً : اخ و اخت اتزوجوا اخ و اخت ..

تلاقي واحد منهم طلّق .. يروح التاني يطلق !!!

ليش ؟! لان اخوكِ يا مرتي طلق اختي .. وزي ما هو طلق اختي ،، اطلق اختو << يارب تكون فهمت

يعني زواج الأقارب في نواحي سلبية .. بالرغم من انه افضل حال من الزواج من برا العيلة .

و الناس اللي تقول :


الموضوع يرجع لبساطه الرجل في الريف


ما يتشرط ووعينو ما تطلع لبرا


غير كدا ما قدامو غير مرتو


وما شاف غيرها

... لا .... خبرك عتيق ،،، الساتلايت جاب له كل الأشكال و الألوان ،، اللي اتوقعها

و اللي ما عمره اتوقعها .

بس في الحقيقة ..

كثر الطلاق لان في خلل في احد الطرفين ..

اما تكون الزوجة متنمرة و طلاّبة " يعني تبغى كل شي و ما يرضيها شي "

او انه مسيطر بشكل ينرفز .. يعني مافي تفاهم بينهم .. هو شايف نفسه الكل في الكل

و طلباته مجابة بدون تأخير ولا يشاور ، ولا يرحم , ولا حتى يقول كلمة حلوة

بالله زي هذا كيف راح اعيش معاه!!

الطلاق ارحم .

~*~*~*~

سلام ،،

راح اطلع فوق اقرا الردود .. ما مريت عليها الى الآن

[*amula_beauty*]

[align=center]

ليش زعقلها ليش ما طبختلو . ليش توبه مكرمش

ومشاكل تافة ويتقابعو الاهل

جف


!!!!


بالعكس انا اشوف بحكاية التوب المكرمش والغتره اللي مو مسوينلها حده مدري بوووز


مدري ايش هرجتكم


زواج الاقارب احسن

قول لييييييييييييييه ؟؟؟؟؟


لأنو ببساطه راح يساعدوها الاهل بالمسؤوليه

انا مثلآ


حاطه ببالي من دحين,,, الغسيل والكوي ( للتياب بس) حيكون عند جدتي ( امو)


ومتفقين من بدري [/align]

[جف البحر]

اهلين موله

انتي حالة شاذه

لكن الطبيعي عكس اللي تقوليه تماما

واذا همه وافقو فهدا من فضل الله عليكي

بس مهو الطبيعي عشان تكوني في الصورة

هاااااااااااااااااع

قال اكوي في بيت ارحامي


جف..!

[zadi]

______________

ياولدي ياجف , يا إبن أم جف

إيش دخل أم البطايق والأحوال ودكان المعاريض إللي إنتا فاتحو ؟

يا إبني ما اتكلمت في المشاكل , هادي المشاكل غير , وموضوعها غير ,,,

الموضوع الله يفتح عليك بحجر باعشن يضربك مدري تضربو ,,, عن هل زواج الأقارب سواء بدل أو غير بدل هل بيساعد في التقليل من نسبة الطلاق ,,, يعني يا أستاذ هيمو أفندي , هل لو إنك مآخد بنت خالك إللي تحبو ( حبك برص ) وتعزو ( نطحتك معزتو ) راح تطلقها لأن فيه مشكلة بينك وبينها ؟؟؟
ولا , راح تخلي لخالك إعتبار وتصبر وتحاول تلم المشكلة عاشن خالك على الأقل ؟؟؟
( ولو إني واثق إنو لاخالك ولاعمك ولاسيدك ولا أنا ـ ـ ممكن تخليلهم إعتبار وقت ماتطلع في راصك المكرمش دا إللي عمري ماشفت فيه يوم قصة حلوة غير حقت محمد نور )
فهمت ياجفو ولا أقول تاني ياإفل

_______________

( أستفزيتو , دحين طالعو إيش راح يرد )

[zadi]

___________________

توووووووووووووفي , إيش دا يابت :

واذا الولد اهله خطبوله بنت<<<العلوم كلها عندها

حيقول ايش دا >>اشك فيها<<ماني مطمن لها

هههههههههههههههههههههه الله يرج شيطانك رجاً مبرحاً

تعرررف ليه لأنه في القرى ولو بيطلق مرته معناته نزل وجه قبيلته في الارض

وماحط لهم اعتبار فلازم هنا يراعيهم ومايطللق

عندهم الطلاق عيب وعيب العيب كمان واذا اطلقت الحرمة معناته اخواتها وامها وخلاتها حيطلقو زيها

وحيسير هناك سين وجيم وكلام اللزي منه..
باااااااااااااااااااااس , هنا ,,, تمام ,,, كدا إنتي وصلت للموضوع والمقصود من الموضوع ,,,

هذا إللي أنا أقصده ,,, بغض النظر عن أي شي تاني ,,,

يعني الواحد قبل مايطلق بيحط في إعتباره أشياء وأشياء ,,, سواء لقبيلته أو لأهله , يعني بكدا ممكن زواج الأقارب يساهم في تخفيض نسبة الطلاق !!! أو ليس كذلك يا أمة الله ؟

[ألنشمي]

[align=center]000
00
0
يقال : الاقارب عقارب

ويقال ايضا ( ابعد اللحم عن اللحم لايخرب ) مقولة جنوبية

واكيد اخي الغالي زادي تعرف معناها ومقصدها

وهي ان تبتعد عن زواج الاقارب

عند حدوث مشكلة تجد كل واحد منهم (شجاع الاقرع) ثعبان

بل ويتجسد حيوان مفترس امام قريبه او ابن عمه

تدري عاد000الزواج من بعيد رحمة

عالاقل فيه احترام وتقدير


سلمت يمينك عالموضوع اللزيزززز<< قااال لزيزززز

تعرف ان مشكلة الطلاق هي ان شبابنا ليس على قدر كبير من المسئولية

بنت او ولد

الكل تعووود على الاتكالية

وهذا ناتج الطفرة الي قبل ثلاثون عاما

سنبقى ندفع ثمنها غالي لخمسين سنه قدام<<<<يالله العافية


حفظك ربي
[/align]

[الجوري]

[align=center]
كما تعودنا منك زادي

مبدع في اختيار المواضيع

انا راح اختصر الموضع في كلمتين


صار نفس الولد والبنت قصير

ماحد يتحمل الثاني ولا احد يشيل الثاني

الولد ما تعود يشيل مساوليه والبنت نفس الشي

الله المستعان

يسلموووو على الموضوع

(هذا كلو كلمتين )
[/align]

[جف البحر]

______________

ياولدي ياجف , يا إبن أم جف

إيش دخل أم البطايق والأحوال ودكان المعاريض إللي إنتا فاتحو ؟

يا إبني ما اتكلمت في المشاكل , هادي المشاكل غير , وموضوعها غير ,,,

الموضوع الله يفتح عليك بحجر باعشن يضربك مدري تضربو ,,, عن هل زواج الأقارب سواء بدل أو غير بدل هل بيساعد في التقليل من نسبة الطلاق ,,, يعني يا أستاذ هيمو أفندي , هل لو إنك مآخد بنت خالك إللي تحبو ( حبك برص ) وتعزو ( نطحتك معزتو ) راح تطلقها لأن فيه مشكلة بينك وبينها ؟؟؟
ولا , راح تخلي لخالك إعتبار وتصبر وتحاول تلم المشكلة عاشن خالك على الأقل ؟؟؟
( ولو إني واثق إنو لاخالك ولاعمك ولاسيدك ولا أنا ـ ـ ممكن تخليلهم إعتبار وقت ماتطلع في راصك المكرمش دا إللي عمري ماشفت فيه يوم قصة حلوة غير حقت محمد نور )
فهمت ياجفو ولا أقول تاني ياإفل

_______________

( أستفزيتو , دحين طالعو إيش راح يرد )

لاحول ولاقوة الا بالله

هذه مشكلة الشعب المنتشرة دي الايام مع الرطوبة والحر

ياخي انته من فين تفهم

اديني اية فتحة في جسمك اللي تسميها ادن عشان اسمعك فيها

الفراغ الي عندك فوق الي المفروض يكون مخ هدا انته في ايش تستخدمه

ولا ايش معبيه

لا يكون 91 ترى يخليك تنتع

حبيبي انا كلامي واضح

قلتلك موضوعك متشعل لالف حتة

واديتك اختصار عن اهم الحتت الي فيه

لو برد على كل وحده يبغالي اسبوع

وانا حقيقة مني فاضي لك عشان تكونفي الصورة

ماعندي الا زادي زبادي ولا ايش

ان شا ءالله المره دي تكون استوعبت

منور يا بلوتو



جف..!