[align=center]
يا بابا ابغى سياااااااااارة..
ياربي باااااباااا انا مالي دخل ابغى اتمشى ابغى اروح اجي اطلع اشم هواا..
كيف بالله مايسير كدا..
ابغى سيااااارة..
بكرة اطلع الثانوية برضك تبغاني اروح مشي ولا بالباص مايسير كدا..
كل اصحابي عندهم سيارات إلا أنا..
طبعا بابا مارضي غير لما يكمل الثانوية ويخلصها تكون هديته
بس للأسف ماما مش راضيه غير لما يخلص جامعة <<<ياليت كل الامهات زيها
الموووووهم..
لو ولد تاني في عيله تانيه وعمل دي المناحه بالبيت..
ايش تتوقعوا..
أكتر لعوائل بتعطي اولادها سيارات وهم لسا ماطبقوا السطعش 16 سنة..
وتلاقي اولادهم هالبزارين كل واحد فيهم ماسكها تفحيط قدام باب المدرسة..
ولا سهر لآخر الليل في الكورررنييش..
وكل واحد فيهم على باله المرور ماراح يكفشه وهاتك مشوره بالحي وبأعلى سرعه
<<<طبعا الأخ يجررررب
و وين؟؟ في شوارع الحي اللي مليانه بزارين واولاد صغار يلعبوا ..
طيب لو الولد دا عمله حادث لا سمح الله والشر بره وبعيد وسارله حاجه هنا..
أهله ايش حيسير فيهم...
طيب برضو لو اتضرر احد تاني بسبب دا الولد وسواقته..
ايش حيسيرهنا من اللي المفروض يتعاقب الولد اللي حيروح دووغري عالاصلاحية مدري وين!!
والا الاب اللي اعطاه السياره وهوا ماطبق السطعشر سنة..
مو برضو دا الشي حرااااااااام
بلدنا مليانه مصاقيع بدا السن..
وحوادثنا...يامكثرها ..((المركز الاول في العالم))
اذا كان الولد حتى فوق العشرين تحسوا دماغه ضارب وماشي على 160
أجل كيف 16 سنة..
والله حررررررام..
يااااااهو نبغى نحمي اولادنا من شر هالحوادث..
ليه مو كل اب مايعطي ولده السياره الا بعد 18 سنة رغم اني افضل 20 سنة
ويعني يا اب انته وهوا اللي صبركم العمر كله على مشاوير بناتك وحرمتك مايصبرك سنتين لغاية
ماولدك يصصح عقله ويعرف خيره من شره..
والله حرررررررام..
من رأيي انه يكون في كل حي مركز مرور ولا مركزين على حسب كبر الحي..
وسيارتين تلفلف في ربوع الحي على مدار 24 ساعة عشان تصيد
المصاقيع اللي يسوقون السيارات..
وعشان يتأدبوا يناموا اربع ايام على زمة التحئيئ ((التحقيق))<<<على بالك فيلم مصري..
والكفالة مبلغ وقدره عشان ابوه يحرقه جيبه حبتين ومايدفع الكفاله..
واذا دفعها يحرم يدفعا مره تانيه وبدي الطريقه الولد يتأدب..
صح ولا لأ
ها ايش رايكم يا اهالي..
خلينا نبدا صفحة جديده ونبطل نعطي هالبزارين سيارات..
خلونا نخاف عليهم اكثرررر..
خلونا نحبهم أكثرررر..
مو محبه اننا نعطيهم سيارة وهم لسا مايعرفوا شي بهالدنيا والله مو محبه..
يادرر الخير ايش اقتراحاتكم ((كيف نخفف من الحوادث))
وسؤالي موجه للآباء بشكل خاص؟؟هل تحب ابنك عندما تعطيه سيارة وهو مازال صغيرا؟؟
هل انت راضي بنسبة الحوادث بهذه البلد؟؟
حفظم الله وحفظ أبنائكم من كل سوووء..
تحياتي..[/align]