][ المتفقعنين كتير ... تعالو نشوف الحال ][ :(

[*amula_beauty*]

[align=center]



صباح الورد يا اخواني واخواتي

يعني مدري من فين ابدأ


بس بجيب البس من ديلوووو

موضوعي عن

الفقعنه

<< اكيد مو فقع وقرع ومدري ايه

وما ادراك ما الفقعنه

تعريف الفقعنه :

حاله نفسيه انبراشيه صبنقحبيه تنفش ريش صاحبها وتخليه يصدق حالو

وهي ظاهره منتشره بابداع بين الشباب

يعني قليل نشوف بنت متفقعنه



************************

مره من المراريت .. سمعت واحد يكلم اخويا

قاعد يحكيه عن واحد من الشباب على قولتو

يقولو لأخويا ... انتبه ترا الولد دا مو واصل

دا الواصل

مخاوي امرا وفي المباحث وممكن يتآجر بالسلاح << قووويه

طيب ؟؟؟

نفرض مسلآ مسلآ يعني ... انو مصاحب امرا

خير يا طير ؟؟؟؟؟

بعد ما اخويا اتقصى الموضوع واتعمق فيه

طلع الولد عاطل وماعندو ماعند جدتي .... ويخاف من ظلووو

انا طبعآ متت من الضحك

فيه ناس كتير كدا

يتكلموا بس كلام

وانا فعلت وانا سويت وانا وانا

وهوا ولا شي

طيب ايش السبب ؟؟؟؟

هل دا نقص ؟؟؟

ولا نقص؟؟؟

اتمنى نتناقش شويا عن دي الفئه

ونحاول نحلل الاسباب....

وهل عمركم ياترى قابلتوا ناس زي كدا ؟؟؟

ولا هوا مرض نفسي

فيه واحد من اصحاب بابا

يتكلم من جدووووو

يقول انا شاركت بالحرب العالميه التانيه مدري هدي حقة الكويت

وبابا يحلف انو وقتها كان يلعب بالحاره

والرجال مصدق نفسوووو ويعصصصصب لما احد يضحك عليه


وواحد يحكوني عنو البنات ....

جارهم ... كان يقول ( انا رايح سويسرا)

وعلى دا الحال كل صييف

الين بيوم من الايام ... جارهم سأل ابوه فلان رجع من سويسرا .؟؟؟

قال الاب : سويسرا ؟؟؟

فلان في الديره من اسبوعين


********************

همسه :

اللي ماراح يتناقش معايا بدا الموزووووووع راح ابلغ عنو (الانتربول)

وهما بيطلبوا ملفو من (اوباما) .... وطبعآ اوباما ياحبة عيني جديد

راح يطلب مكان الملف من (بوش) ... وبوش مبوووز مو راضي يساعد اوباما

وراح يضطر يتوسطلنا عندو ( كوفي عنان ) اللي راح يرسل (كونداليزا رايس )

تجيب الملف

وبعدها نرسل الملف لوزارة الداخليه ... منها لسعادة البيه (اللوا)

ومنها للنقيب مدري العميد....

وتروح لمركز الشرطه

ويرسلها الشرطي لك يللي ما رضيت تناقش

ورقه صغنوونه مكتوب عليها
( تسلم عليك ا*اموله* وتقولك : ترا النقاش مو اجباري )[/align]

[zadi]

_________________


ياعيني على المواضيع المفقعنة دي ,,,

صباح الخير بالليل ,,,

الواد دا مفقووووووووووع

شوف كيف متفقعن

على إيش الفقعنة دي كلها

إلى فوق دالكلام لمن كان الواحد زمااااااااااااان يتكلم مع ولد حارته عن واحد من حارته كمان ,,,

طبعاً للفقعنة أصول ومظهر ومؤثرات

أصولها : تكون كداااااااااااب رقم واحد , يعني تخلي إللي قدامك يصدق وكمان يفتح فمو من كتر ما هو مصدق , لا , وكمان مبهر بكدبتك ,,,

مظهرها : تمشي وراصك مرفوع فوق ( يعني لو طحت في حفرة مجاري مافي مشكلة قوم وكمل ) وخلي دراعينك بعيدة عن وصط جسمك بشبر ( عاملة قوس للخارج ) وصدرك منفوخ زي الديك الرومي

مؤثراتها : تضخيم الصوت يعني كأن الشخص المفقعن كل يوم ياكل حبة كوبيبة بلع على الريق صباحي وكل ساعتين يضرب فحل بصل مصري متوسط الحجم

إذا تمت هادي الخطوات , أصبح الشخص ( مفقعن ) رسمي

هادا فيما يخص الفقعنة كسلوك إجتماعي يستخدم عادة في أتابيس النقل الجماعي

نجي لحضرتك إنتي ,,, إيوه إنتي ,,, لييييييييييييييييش قاعدة تتصنتي على الواد وسامعه كل علومه وسواليفه ؟؟؟؟؟؟؟؟؟؟
ليش حاطة نقرك من نقرو هو وأصحابه ؟؟؟
ليش شابكة سلك عرق اللقافة على ميتين وعشرين أربع وعشرين ساعة

وبعدين على طاري سويسرا ,,, إيش المشكلة يعني ؟ الراجل قال راح سويسرا , خلوه يروح حتى لو بالكدب ولمن يجي من سويسرا , ها يالحبيب وين الكاكوو السويسري ( لاتقولو شوكلاته لأنه هادي الفصيلة ماتعرف غير الكاكو حق الحجة المثلث هاداك القديم ) ؟؟؟
حاتلاقيه يحوس ويلوص ويقولك والله وأنا في الطريق قلت أنزل اليونان بلاش سويسرا عشانهم مايستحوا الحريم كلهم هناك كاشفات أما اليونان زي قطر كلهم محجبين

وإنتي يابت عم حمزة خلي الطابئ مستور وخلي إللي يبغا يتفقعن يتفقعن هيه الشغلة بفلووووووووووس

زوئي عجلك

[To0ofy]

[align=center]الفقعنة وما ادراك مالفقعنة..

عارفه يا اموووله اشتريت تشيرت حلووو من باسكن روبنز<<<<اخص يالشذوب

هذا مثال عالفقعنة يا اموووله..

تجيك وحده تسوي نفسها عارفه الدنيا وما ادراك ما الدنيا وهيا ماتدري وين ربك حاطها..

واذا قالها احد انتي كلامك غلط مو صحيح تتفقع عيونها وتبرطم برطمها شبرين..

كيف تقولي انه كلامي غلط هاااااااا

شوفي يا اموووله ياعسوووله..

وحده من زميلاتي في الجامعه مسويه نفسها فاهمة كل حاجه..

على اساس انه اختها مفهمتها ومضبطتها ..

فخلاص البنت تاخذ كلام اختها وتتفلسف على رووسنا والا الا كلامه صح..

يابنت الناس مايسير مافي شي من اللي تقوليه صح..أبدا أبدا

طبعا كلام اختها ايام ما كانت فيث الجامعة فبل عشرمية سنة ودحين احنا في عام 2009

اتغير النظام وماعاد نفسه قبل عشرمية سنة ما ينفع هالكلام..

برضو أبدا أبدا ايس في كلام..

الموووهم..

طبقت المثل اللي يقول..

الباب اللي يجيك منه الريح سدو واستريح

وطنشي ولا كأنك تسمعي عشان ضغطك لا يرتفع..

واذا صار دا الشي مره تانيه قدامك عصير ليمون حامض يروق أعصابك ويخليك كأنك

في هاواي ويادار مادخلك شر

شفتي كيف هذا الحل الأمثل ..

للحالات المفقعنه اللي زي كدا..

سلااااااااااااامو..دمتي بعيد عن الفقعنة......والمواضيع المفقعنه........[/align]

[*amula_beauty*]

[align=center]صباح الورد اخويا :

[fot1]زادي [/fot1]

إلى فوق دالكلام لمن كان الواحد زمااااااااااااان يتكلم مع ولد حارته عن واحد من حارته كمان ,,,

صح .... اجل ايش تبغاني اقول ؟؟؟؟ هياط ؟؟؟ قسم بالله لو قلت دي الكلمه احسني مو انا منجد

أصولها : تكون كداااااااااااب رقم واحد , يعني تخلي إللي قدامك يصدق وكمان يفتح فمو من كتر ما هو مصدق , لا , وكمان مبهر بكدبتك ,,,

مظهرها : تمشي وراصك مرفوع فوق ( يعني لو طحت في حفرة مجاري مافي مشكلة قوم وكمل ) وخلي دراعينك بعيدة عن وصط جسمك بشبر ( عاملة قوس للخارج ) وصدرك منفوخ زي الديك الرومي

مؤثراتها : تضخيم الصوت يعني كأن الشخص المفقعن كل يوم ياكل حبة كوبيبة بلع على الريق صباحي وكل ساعتين يضرب فحل بصل مصري متوسط الحجم

إذا تمت هادي الخطوات , أصبح الشخص ( مفقعن ) رسمي

الله عليك يا زادي

خبرررررررررررررررررررررررررررر رررره

والمعلومات دي ما يعرفها الا متفقعن

<<

نجي لحضرتك إنتي ,,, إيوه إنتي ,,, لييييييييييييييييش قاعدة تتصنتي على الواد وسامعه كل علومه وسواليفه ؟؟؟؟؟؟؟؟؟؟
ليش حاطة نقرك من نقرو هو وأصحابه ؟؟؟
ليش شابكة سلك عرق اللقافة على ميتين وعشرين أربع وعشرين ساعة

وي وي وي

يعني سايب السلوك الاجتماعي عن بكرة ابيه

وجاي تحاكمني على خوفي على اخويا حبيبي

يا ابني لازم احشر نفسي في ايفري ثنج عشان الامور تمشي تمام

وبعدين لو ما كنت من النوع الحشري ... تتوقع بعيش بدا المجتمع ؟؟؟؟


نووووووووو وييييييي

وبعدين على طاري سويسرا ,,, إيش المشكلة يعني ؟ الراجل قال راح سويسرا , خلوه يروح حتى لو بالكدب ولمن يجي من سويسرا , ها يالحبيب وين الكاكوو السويسري ( لاتقولو شوكلاته لأنه هادي الفصيلة ماتعرف غير الكاكو حق الحجة المثلث هاداك القديم ) ؟؟؟
حاتلاقيه يحوس ويلوص ويقولك والله وأنا في الطريق قلت أنزل اليونان بلاش سويسرا عشانهم مايستحوا الحريم كلهم هناك كاشفات أما اليونان زي قطر كلهم محجبين

هههههههههههههه

الله يصلحك يا زادي

بعد كلامك دا

اشك انك من الناس اياااهم

وإنتي يابت عم حمزة خلي الطابئ مستور وخلي إللي يبغا يتفقعن يتفقعن هيه الشغلة بفلووووووووووس

زوئي عجلك

يا شيخ لو فيه منك اتنين بس

بوزع كُشري ببلاااااااااش ع الكل

منجد انتا شي لايمكن وصفه

على قولتهم ان بيليفبل

^_^

اشكرك على وجودك الحلوووو دااائمآآآآآآآ

ربي يسعدك

^_^[/align]

[*amula_beauty*]

[align=center]
اهلين بالفقعنجيه :

[fot1]توفي [/fot1]

عارفه يا اموووله اشتريت تشيرت حلووو من باسكن روبنز<<<<اخص يالشذوب

هذا مثال عالفقعنة يا اموووله..

هههههههههههههههه

والله متت ضحك

ههههههههههههههههههههههههههههه




منجد مثال حي

هدا زي وحده الله يصلحها

بلوزتها عجبتني

سألتها من فين ؟؟؟
قالت من اكسواريز

تجيك وحده تسوي نفسها عارفه الدنيا وما ادراك ما الدنيا وهيا ماتدري وين ربك حاطها..

واذا قالها احد انتي كلامك غلط مو صحيح تتفقع عيونها وتبرطم برطمها شبرين..

كيف تقولي انه كلامي غلط هاااااااا

يا ما شفنا زيهم

منجد يحرقوا الدم

واذا صار دا الشي مره تانيه قدامك عصير ليمون حامض يروق أعصابك ويخليك كأنك

في هاواي ويادار مادخلك شر

شفتي كيف هذا الحل الأمثل ..

للحالات المفقعنه اللي زي كدا..

منجد جبتي البس من ديلووووووووو

^_^

اشكرك ع المرور الحلو يا بت

ربيي يسعدك [/align]

[SOUTHSTAR]

اموله الزين فيكي ماشاء الله عليكي ذهينه وتدققي زين ..

عاد والله انا النوع المتفقعن هذا اتونس عليه اذا كنت طفشان ..

يعني فيه واحد من خوياي من هالنوع .. اذا كنت طفشان وضايق خلقي .. اروح امر عليه .. واسمع سوالفه .. والله يا عليه كذب غير طبيعي .. عاد هو بصراحه صحيح انه خويي .. لكن عمره فوق الخمسين ..

خلني اعطيكم وحده من سوالفه .. هذا مره من المرات الله يحفظكم .. خويي هذا انكسرت يده وصار مركب عليها جبيره .. المهم راح لمدرسه بنات يجيب اخته توها طالعه من الدوام .. ولا يلاقي سبعه شباب قاعدين يضايقون بنت .. المهم خويي هذا كان معاه جمس .. سمع البنت تصارخ وتنادي (الحقني يا راعي الجمس)>> متاثر بحليب السعوديه خويي هذا .. قام نزل خويي وشمر عن ساعديه وسدحهم تسدح السبعه كلهم .. ماسالهم الا سيارة الاسعاف .. رغم الظروف اللي كان يمر فيها وهي ..
*انه كبير بالسن مقارنه بالشباب اللي اعماره بالعشرينات.
*رغم ان يده مكسوره ومركب عليها جبيره .
*رغم الفارق العددي بين الاثنين وعدم اتباعه نظرية الكثرة تغلب الشجاعه .

انا بصراحه قعدت اضحك على السالفه .. ومعطيه على جوه محسسه اني مصدق السالفه ..

النوعيه اللي كذا انا صراحه ممكن اتقبلها اذا كنت طفشان .. لكن لا يجيني واحد يشوف نفسه علي حتى ولو كان بالفعل عنده وعنده ..

يعطيكي العافيه يالغاليه على الموضوع اللي يوسع الصدر ..

دمتم بخير ،،

[*amula_beauty*]

[align=center]

اموله الزين فيكي ماشاء الله عليكي ذهينه وتدققي زين ..

سهيل ؟؟؟

متأكد انك قاعد تمدحني ؟؟؟؟

عاد والله انا النوع المتفقعن هذا اتونس عليه اذا كنت طفشان ..

هههههههههههه

والله اني كنت غافله عن الجانب التونيسي بالمتفقعن

يعني فيه واحد من خوياي من هالنوع .. اذا كنت طفشان وضايق خلقي .. اروح امر عليه .. واسمع سوالفه .. والله يا عليه كذب غير طبيعي .. عاد هو بصراحه صحيح انه خويي .. لكن عمره فوق الخمسين ..

ماشاء الله

مصاحب جميع الاعمار

خلني اعطيكم وحده من سوالفه .. هذا مره من المرات الله يحفظكم .. خويي هذا انكسرت يده وصار مركب عليها جبيره .. المهم راح لمدرسه بنات يجيب اخته توها طالعه من الدوام .. ولا يلاقي سبعه شباب قاعدين يضايقون بنت .. المهم خويي هذا كان معاه جمس .. سمع البنت تصارخ وتنادي (الحقني يا راعي الجمس)>> متاثر بحليب السعوديه خويي هذا .. قام نزل خويي وشمر عن ساعديه وسدحهم تسدح السبعه كلهم .. ماسالهم الا سيارة الاسعاف .. رغم الظروف اللي كان يمر فيها وهي ..
*انه كبير بالسن مقارنه بالشباب اللي اعماره بالعشرينات.
*رغم ان يده مكسوره ومركب عليها جبيره .
*رغم الفارق العددي بين الاثنين وعدم اتباعه نظرية الكثرة تغلب الشجاعه

منجد متأثر بالدعايه

عاد مررررررررررره قويه ... مع نفسووووووو بقوووه

بصراحه قعدت اضحك على السالفه .. ومعطيه على جوه محسسه اني مصدق السالفه ..

سوسه من يومك

النوعيه اللي كذا انا صراحه ممكن اتقبلها اذا كنت طفشان .. لكن لا يجيني واحد يشوف نفسه علي حتى ولو كان بالفعل عنده وعنده ..

يعطيكي العافيه يالغاليه على الموضوع اللي يوسع الصدر ..

نظرتك للموضوع من جهتين حلوه

يعني منجد لو وناسه نمشيهاا

لكن مصدق نفسوووو

لا والف لا

والله ينحرق دمي

ربي يسعدك

وشكرآ ع الطله الحلوه

^_^[/align]