شهادة في المحكمة لكن ... اقرأ وتعرف ؟؟

[افراح]

من المواقف الطريفة اللي مرت علي
ان شخص من جماعتنا جاني الصبح وقال لي
ياافراح ابي منج تروحين معاي المحكمه وتشهدين اني طلقت زوجتي
فرديت عليه اوكي .. ورحت معاه المحكمه وطبعا انتظرنا ليما جه دورنا
ولما جه دورنا ناداني القاضي وسالني
افراح انتي تعرفين هذه المرأة
فنظرت لها ورديت
لا ياحضرة القاضي ماعرفها
فاستغرب القاضي
وسالني اجل انتي جايه هنا عشان شنو
قلت
انا جايه عشان الطلاق
فرد القاضي
تمام .. يعني انتي تعرفين هذه المرأة
فرديت لا ماعرفها
فزدادت حيرته
وسالني
ياافراح ركزي معاي انتي تعرفين هذه المرأة طالعيها عدل
قلت والله والله والله ماعرفها
قال اجل انتي جايه عشان شنو
فرديت بحده جايه عشان الطلاق
فرد القاضي بصوت مثل الرعد
اي طلاق ابي افهم اي طلاق
قلت طلاق هذه المرأة من هذا الرجل
فرد بنفس الصوت القوي
تمام
يعني انتي تعرفين هذه المرأة
فرديت
لاماعرفها والله ماعرفها شنو غصب
فانجن القاضي
وحصل هرج ومرج في القاعه ..
عندها تكلم معاي شخص قاعد جنب القاضي وسالني
ياافراح ركزي مع القاضي اشوي
فرديت انا مركزه
فقال لي
انتي تشهدين على هذا الطلاق
قلت نعم اشهد
قال القاضي
تشهد على شنو وجايه عشان شنو
ثم قال لي
يعني انتي سمعتي هذا الرجل يقول لامرأته انتي طالق
قلت لا ماسمعت
فرد القاضي
انتي تضحكين على المحكمه يابنت
قلت ليش اضحك على المحكمه انا جايه عشان الطلاق
فانجن القاضي
وطلعت اعيونه بره
فسالني الجالس جنبه
اشلون تشهدين على الطلاق وانتي مو سامعته
فقلت له مو مشكله
الحين اسمعه خله يقول لها انتي طالق وانا اشهد
فانجن القاضي
وقالي انتي مجنونه
فرديت عليه لا انا مو مجنونه بس خله يقول لها طالق عشان اشهد
فطار عقل القاضي
وقال بغضب
انتي شهادتج انج تشهدين ان هذا الرجل طلق حرمته من سنه تشهدين ولا لا
قلت طبعا لا
قال القاضي انا ودي افهم انتي جايه عشان شنو
قلت انا جايه عشان الطلاق لان هذا الشخص جاني الصبح وقال لي تعالي شهدي
فاستغرب القاضي
وقال
هذا الشخص طلب منج تشهدين جذيه بدون ماتدرين عن السالفه
فرديت
اي سالفه خله يطلقها واشهد
فرد القاضي مبتسما
لا خلاص حنا فهمنا مشكوره الحين تقدرين تطلعين
فطلعت ولما صار الظهر اتصلت فيني اخته تبجي
وقالت لي
جذيه افراح وديتي اخوي في داهيه سجنوه عشان شهادة زور
فرديت
وانا شكو اهو اللي قالي

[جياد]

سبحان الله ....!!!

الجهل بالكبيرة .. مصيبة !!
يوشك الجاهل أن يقع فيما يسخط لله تعالى عليه ...!

أختي الفاضلة ...
هاك ماذكره فضيلة الشيخ ابن عثيمين رحمه الله تعالى فيما يخص شهادة الزور :

(إن الشهادة أمرها عظيم وخطرها جسيم في تحملها وأدائها فلا يحل كتمانها {ومن يكتمها فإنه آثم قلبه والله بما تعملون عليم }...

ولا يحل أن يشهد إلا أن يكون عالما بما يشهد به علما يقينا .. وأنه مطابق للواقع تماما !!
فلا يحل أن يشهد بما لا يعلم ولا بما يعلم أن الأمر بخلافه.. بل لا يحل أن يشهد ولا بما يغلب على ظنه حتى يعلمه يقينا كما يعلم الشمس فعلى مثلها فليشهد أو ليترك. )


لقد عصمك الله تعالى من كبيرة قال عنها صلى الله عليه وسلم لأصحابه : ألا أنبئكم بأكبر الكبائر؟قالها ثلاثا ...
قالوا: بلى يا رسول الله

قال: " الإشراك بالله وعقوق الوالدين..
وكان متكئا فجلس فقال: ألا وقول الزور .. وشهادة الزور " فما زال يكررها حتى قالوا: ليته سكت !!!



* جيـــاد *