مشكلة حوستني في ماسنجري وإيميلي

[*المهندس*]

السلام عليكم ورحمة الله وبركاته ...

أعزائي الدررين ..

عندي مشكلة في الماسنجر يأست عشان الاقيلها حل ..

أول شي طلعلي رسالة خطأ برقم 8004821

ودوورت في مواقع كتييير على حل للرقم لقيت لأرقاام كتيير غير الرقم الي طلعلي مو موجود

طبعا مو بس الماسنجر ما يفتح حتى الايميل .. >> اتسرق

وبعدين رجعت مررة تانية حاولت

طلعلي رقم خطأ تاني وطبعا كالعاده رقمي من بين بقية الارقام مو موجودة ..

الرقم التاني دا >> 80048823

حاولت أختار ( نسيت كلمة المرور )

بس الصراحه إيميلي مررررررة قدييم من قبل 5 أو 6 سنين >> مشاء الله

فبالتالي والله مني فاكر أيش كان السؤال الي أخترتوا و لا أيش الجواب حتى ..

كاتبلي هوة السؤال كان ...

أسم أول حيوان أليف .؟؟

ما أظن أني أعرف الجواب ولا أظن أنا الي حطيت السؤال ...... والجواب لازم يكون من 5 حروف ..

أهم شي مابدي أحد يقلي أنو أتسرق وأغسل يدي .. >> والله ما أقدر


عشرة عمر .. وكل دنيتي ممشيها بأيميلي




شكرا لكم مقدما .......

[محمد المحيا]

مرحبا أخي المهندس..

أرقام الخطأ المذكورة سببها إدخال كلمة مرور خاطئة.. وطالما أن الإيميل انسرق مثل ما ذكرت فأكيد لن تتمكن من دخول الماسنجر أيضاً..

أفضل طريقة لاستعادة الإيميل هي الذهاب للصفحة التالية الخاصة بالدعم الفني للهوتميل:
https://support.live.com/eform.aspx?...ion&ct=eformcs

وبعد تعبئة النموذج بالبيانات المطلوبة وإرساله سيتأكدون من أنك فعلاً صاحب الإيميل ثم يصلك إيميل يحتوي على رابط لصفحة إعادة تعيين كلمة مرور جديدة..

الطريقة مجربة كثيراً ومضمونة خاصة كلما زودتهم بمعلومات صحيحة عن حسابك..

بالتوفيق إن شاء الله

[*المهندس*]

أخي الحبيب محمد ...


والله كلمة الشكر قليلة لو في أكتر منها تستاهلها

بس أنا اقلك ..

يوم الاتنين في الليل لمن الساعه 2 ونص كنت أنا فاتح الايميل

وقفلت .. وبعدها بساعه حاولت افتحوا مارضي ..

قلت مو مشكلة ما فكرت انو في مشكلة تكون ..

تاني يوم في الظهر يوم التلوت حاولت افتحوا ما رضي لمن فهمت انو اتسرق ..

بس وأنا بأحاول في الظهر لقيت صور للعائلة في سلة المحذوفات وكان الهارد ديسيك مشوبك وبرضوا في كم صورة ..

مسحتها من الظهر .. و في الليل الساعه 12رجع ردلي الايميل تاني عن طريق واحد يقربلي .. كلموا من ماسنجري

وقلوا أنو كنت بأجرب تجربة وطلع ايميلوا بالغلط وآسف ورجعلي هوة تاني
انا غيرت على طول الباسورد والسؤال السري .. وكل شي ..


السؤال هوة : بدي اعرف إزا كان لا قدر الله قدر يدخل على الجهاز ولا ما يقدر لأن ما فتح ايميلي ... .. يعني ماكان مفتوح وأخد مني شي وأنا اون لاين .. ولا كيف مدري ..

أهم شي بدي تطمني أنو أن شاء الله ما يقدر يدخل على الجهاز ..؟؟



أجوك لا تتأخر عليا في الرد ....

والله شاكر لك تعاونك ....

يجعلوا ربي في ميزان حسنااتك

[محمد المحيا]

شكراً لك عزيزي المهندس والحمد لله أن الإيميل رجع لأصحابه

مسألة انو يقدر أو ما يقدر يدخل جهازك تعتمد عليك انت..

أولاً يجب أن يكون جهازك حالياً نظيف من أي ملفات تجسس أو اختراق ربما يكون قد زرعها المخترق من قبل.. وهذي ممكن تتأكد منها عن طريق عمل فحص كامل لجهازك ببرنامج الحماية الذي تستخدمه..

ثانياً بعد التأكد من خلو جهازك من أي ملفات مشبوهة يجب أن تحرص مستقبلاً على عدم ارتكاب أي غلطة قد تسبب اختراق جهازك مثل فتح ملفات أو مرفقات غير موثوقة.. أو فتح صفحة إنترنت مشبوهة.. أو استخدام برامج غير معروفة قد يستخدمها المخترق في الوصول إلى جهازك.. أيضاً حاول تجنب الدخول إلى بريدك أو حساباتك في المواقع المهمة إذا كنت تستخدم اتصال غير آمن مثل مقاهي الإنترنت أو شبكات الوايرلس في بعض الأماكن العامة..

مع تحياتي