على ترابك شربت الميه من نيلك وعشت العمر اغنيلك و لو هانسى مواويلك و لو ساعة و لون نيلك و لون خيرك بيرجع قلبي من تاني يغنيكي بلون تاني و الاقي نفسي متمرمغ على ترابك ***** على ترابك أموت فيكي فدا ترابك و مات والدي ف أكتوبر فدا ترابك رفع رايتك رفع راسي أيوه فاكرها مش ناسي ومات جدي و هو بإيده بيحفر يشق يا مصر في قناتك يشيل تبرك على راسه و لا رجعشي و كان نفسه يشوفني مرة و أنا بأمشي على ترابك ***** على ترابك رسمتك قلب بيرفرف و رحت و جيت عشان أعرف لو انتي غالية جوايا هاروح و ارجع و مش ها قدر أسيبك لحظة و اتوجع لإنك إنتي يا عمري اللي بقيالي ف قلب القلب من جوه و راس مالي و نفسي و عمري و عيالي فدا ترابك *****
الذين يشاهدون الموضوع الآن: 1 (0 من الأعضاء و 1 زائر)
قوانين المنتدى
على ترابك( نزف قلم:محمد سنجر)
رد مع اقتباس