صباح الخير..
هو الحقيقة .. موضوع فارسني من زمانومطلع خلقي.. بس حادثة البارح زادت الطين بلة..
واحد من الشباب كل متضايق من فاتورة الموبايل تبعه ..
(وهذا شي الى الان طبيعي لانو اعتقد مافيه احد مو متضايق من الناحية هذي)
قلت له يافلان طيب عادي ..ايش فيك معصّب
- قال : اي عادي انا عمر فاتورتي ما تعدت 800 ريال جتني 1363ريال.
-قلت : طيب خف على نفسك ياهووووووه;)
قال: لا والله عزيز نصها رسايل ..
عرفت بعدها ان 520 ريال رسايل..
يعني اذا قلنا 120 ريال رسوم +520 ريال رسايل =640 ريال تقريبا نص الفاتورة..!!!!!!!!!!!!!!!!
واذا قلنا الرساله الوحده بربع ريال وعندك 520 ريال رسايل يعني تقريبا 2080 رساله في مدة شهرين بمعدل 35 رسالة في اليوم الواحد
لا الراجل هذا مدمن..من جدطيب ماخلص الكلام اللي فالرسايل؟؟
طيب ايش الفائدة المرجوه من الرسالة .. اللي هي المفترض انها وضعت لاهداف ثانية ..
انا بالنسبة لي ما انكر انو بسبب نظام الرسايل رجعت علاقات لي مع اعز الاصدقاء في كثير من الاحيان .. لانها بصراحة بكلام حلو ممكن تذيب الثلوج المتجمده بين الاشخاص..وراح تكون ابلغ واحلى من المواجهه لانو في بعض الاحيان المواجهه تزيد من التأزمات حتى ولو رجعت المياة لمجاريها..
لكن مسألة انو يتحول النظام هذا الى هواية وغاية فاعتقد انها مسألة توصل الى حد الساذجة ..
هذا مو يعني انو اذا ارسلت رسالة مرحة او كلام حلو اني اصير كذا انسان ساذج .. ان اقصد انها تصير المسألة في حدود المعقول..
تخيل رسالة تجيك الصباح وانتا طالع من البيت للدوام .. فيها كلام حلو وناعم.. راح تنفتح نفسك للدنيا بأنتعاش..مو
مسألة اخرى احب اناقشها.. وهي العلاقات الاجتماعية كيفها بعد دخول هذا النظام..؟؟:rolleyes:
طبعا الموبايل .. خفف الكثير من العادات والتقاليد الاجتماعية في التواصل والترابط ان لم يلغيها .. فممكن بأتصال تنهي لك زيارة كان من المفترض انك تعملها..
جت الرسايل والغت هذا الاتصال حتى .. ليحل محله رسالة بكلام مرح او حلو يفهم المعني (انك على بالي) وخلاص.
بل وزاد ذلك انو رسايل الجوال اصبحت بمثابة المعايدة او التهنئه للاشخاص ..ووصل الامر الى حد انو بعض الناس اصبح يطّلق عبر رسايل الجوال.. (قبل ان تظهر فتوى ببطلان ذلك)..
غريب امر هذه الرسائل..
موضوع للمناقشة ولي عودة اخرى مع ردودكم..
تحياتي..
[/align]
