بسم الله الرحمن الرحيم .........
احب ان افيد كل من مر بناظره .... على ابياتي القادمه ...
باني لااجيد الوزن ...... لانني بصراحه ....
( تخصص خواطر بس .... )
اما بالنسبه للقصائد ........
( خليها مستورة )....
المهم الحين ......
اسمعوا بعض الابيات من قصيدة ...
" احزان قلبي متناثرة على سطور "
وارجو عدم التدقيق بالوزن ... لاني قلت
اني ماعرف اوزن .....
:rolleyes:
باسافر ياهوى روحي وبقلبي من الجروح الوان
حزينة دمعتي الليلة على فرقاك تبكيني
اخاف ابعد واسافر ولااعرف للوصل عنوان
واخاف ابعد عن اوطاني ويصير البعد طاويني
واخاف ابعد عن عيونك وتملا دنيتي الاحزان
ولا القى من بحزني على فرقاك يواسيني
واخاف تطوّل الغيبه واذوق المر والحرمان
واشوف الموت بعيوني ولابه من يداويني
ومن يقدر يداوي جروحي وانالك عاشقِ ولهان
ذبحني البعد عن خلّي وعذابي بعيني يبيني
ومن يقدر يداويني وانا بحبك اعيش ادمان
عليل وعلّتي صعبة ولاغيرك بيشفيني
حبيبي كل مااذكر ليالي البعد اعيش انسان
حزينِ شارده افكاره واشوف الكل يرثيني
ولابه من يقدّر مدى حزني .. ومدى الاشواق والوجدان
سوى اللي شافها عيوني .. وهي تبكي وتبكّيني
ياليت تشوفها همومي وتشوفه جرحي الدميان
ترى من غابت عيونك وانا دمعي معنّيني
احسّه يكوي ضلوعي واحسّه يزيد بالاشجان
وكل ماجيت ابامسح دمعتي شوقي ينسّيني
ينسيني دمعتي...... وتظل تمطر كمالهتّان
واقول : وينك تعال امسح دموعِ غرّقت عيني
واقول لدنيتي: ورىلك خافقِ مالان
وانا ايامي قست ... وغديتوا كلكم قاسيني
اقول لدنيتي ... وتقول : اسكت ولا ازيدك الحرمان
ترى هذا قدر قلبك ... دمع ... وآهات .... وونيني
تبيني اسكت يالدنيا ... لاجل اسكت ابي السلوان
وحتى لوسكت يادنيتي ماظن تخلّيني
باحس بقسوتك دايم وانا حتى بدون لسان
حزينة ايامي هي دايم ... ولاظني تفرحيني
تبيني اسكت وانا ساكت على ظلمك زمن وازمان
انا ساكت وليت سكوتي بمرة ... ينفعني ويحييني
انا ميت من طعونك .... هالحين بقايا انسان
قضى عمره مابين همومه .. وجروحه واحزانِ تكوّيني
انا كلّي ألم عقب ماضاعت آمالي .. انا تعبان
تعبت من الحزن ياللي ... بكيفه يكتبني ويمحيني
انادي خلّي وانادي ... وصوتي تحجبه جدران
جدران تحجب صوتي .... ولابه حل بيديني
أحبّك.. ياللي بقلبي له العزّة .. وعظيم الشان
أحبّك ... كلمة تصرخ بها الحسرات وونيني
وفا واخلاص اعطي لك ولا تعطي سوى الجحدان
ولاالقى منك سوى هم وتعب وجراحِ تعنّيني
حرام تعذّب قليبي .. حرام تزيده الحرمان
أبي حبك ... أبي قربك .. أبي شوقك يدفّيني
ابيك ان غبت عنك بيوم ... تظل بليلتك .. سهران
تقول : اشتاقلك ياللي سكنتي في شراييني
ابيك تكون باحساسك .. كما السيل وكما الطوفان
تغرّقني عشق واحساس.. ومشاعر ميّتة فيني
ابيك تكون لي ليلي ونهاري وكل وقتِ كان
وابيك تعيش بي ... بجوفي ... مثل روحي اللي تحييني
ابيك تحسّه احساسي .. ابيك تكون لي شفقان
ابيك تعيشه احساسِ ... اعيشه بكل مافيني
ــــــــــــــــــــــــــــــ ـــــــــ
لكم مني كل الاحترام والتقدير
اختكك : الـ غالي ـة
[/align]