للآسـف وصلنـا لهذي المرحلـه ..!

[ذياب]

[align=center]السلام عليكم ..

مرحبـــــــا الســـــــــاع

شحالكم ..

شخباركم ..

عساكم مرتاحيـــن ..


اشياء وايد كانت تدور في مخي ..
والصراحه صدعت منهم ..


ادري الموضوع غريب ..

بس كل شىء بكتبه اتمنى من كل عضو يعلق عليه ..

أتركم مع ذبذبــات و هذيـــااان مخي ..



بنـات اليوم ..

في منهم .. كشيخه و لابسه و متعنطزه >> رافعه خشمه ..
والويه فل ميكاب ..
و العبـايه تقول أنا ..
و الشنطه من ماركة مدري وش ..؟

ليش هالخقه ع باقي البنـات ..
مصيرنا كلنا تحت التراب ..

و في منهم ..

كشيخه و تلبس بس ع قد حالها ..
بس بعد تتخقق ..

يعني أنا مستغربه من الخقه و الكذب ..


و في منهم ..

يحليلها ع نياتها تلبس و حاله ..
<< بس هالنوع أكثر يطلعون عليهم رمسه

لها الدرجه و صلنا لمستوى انه البنت الساتره و الحشيم يطلعون عليها رمساااااااااات ..



خلصنا من البنات ..


شباب اليوم ..

ياي الريل و متكشخ و العطر شال البقعه ..
ما نسى يشل حياته ولا يخفف من اللحيه << وين المريله هني ..
وبعد الموتر يقول أنا ..

ومن هنــاك >> يوم امه تقول روح ييب أغراص هالجمعيه ما عنده ..؟


صنف أخر ..

طالع الريل و متكشخ ..
و طبعا ما نسى ينقع شلق في شعره >> Spikey
و البنطلون و القميص يقول أنا ..

<< ماشاء الله وراء ريكي مارتن و مسـاري ..

صنف أخر ..

الريال ملتزم و متدين ..
و الكندوره قصيره ..
و ييلس يفتي و يقول و هو بنفسه ما يعرف عياله كيف طالعين ..

<< يا ريال تبا تتدين خل قدوتك في الحياه .. العفـاسي ..



دولتنا الحبيبه ..

UAE

كل إمـاره في هالدوله تبيع خمر ..
إلا الشـارجه بس بعد في المطار يبيعون .. << مدري إذا منعوه ..

هل سياسة الدوله إنه الخمر بيجلبلنا البيزات و الأموال ..
الحمدالله عندنا النفط ..
ولا لجلب السواح ..
بس للأسف أشوف أهل البلاد يشربون أكثر من السواح ..

ليش وصلنا لهذي المرحله ..!
وين عـاداتنا و تقـاليدنـا ..
الصراحه من رحل والدنا زايد كل شـىء تغيير ..
وين نحن شعب الأمارات ,,

الصراحه ..

مره كنت يالس ويا يدوتي ..

و أقولها عن بلدان الخليج ..

ردت عليه ..

عمان و البحرين >> مشهورين أهلها بالطيبه ..
و السعوديه و الكويت و قطر .. >> عالم ثاني ما قدر أقول عنه ..
يوم كلمتها عن الأمارات >> ردت عليه وين إمارات قبل و الحين ..
قبل الكل كان ع قلب واحد ..
مافي غيبه و نميمه من بينهم ..
بس الحين ..
حدث ولا حرج ..



إعذروني ..

أطلت عليكم ..
بس أتمنى منكم الصراحه ..

و أرد أقول ..

وااسفــــــــــــــــــــاه وصلنا لهذي المرحلــه ..


تحيااتي [/align]

[ألنشمي]

[align=center]000
00
0


العالم يتطور



ومع التطور



اكيد اختلاف العادات والتقاليد والشي الي يكون بجيلنا



ويجي جيل اخر بمفهوم اخر


وحياة تختلف عن الي قبله






مشكور اخي عالموضوع



دمت بخير

[/align]

[ذياب]

[align=center]بالذمة اي تطوور سيء هذا
لو كنا ندري ان الطور بيسوي جذه ما نبااهـ عيل

اخوويه النشمي تسلملي ع المروور الغاوي
والله عسى لا يرحمني طلتك عليــه

اخوك اذياب [/align]

[مياسة العـود]

[align=center]وعليكم السلام
انا بخير يعلك الخيــر اخويه
والله هالأيــام كل شي مقلووب ..

اللي يسوي صح .. فـ نظر الناس غلط .. لا وبعد يطلعون عليه رمسه ..
:
يعني لو شافو بنيه متستره ما عيبهم ..
لكن جان جافو بنيه ما شششششالله صالون متحرك ومحل عطور متحرك هااي سوقها ماشي ..
:
الشاب يظن جاان مشى ويا الموضه ع قولتهم
بيكون هو شرات اللي وياه
يمشي مع الهوا اللي حواليه
لإعتقاده بإنه اللي ما يمشي مع الهوا اللي حواليه يكون متخلف ..!
لكن شو نقدر نقول .. غير الله يهدي الجميــع ..
والواحد مع ذاته .. الصح الصح والغلط غلط ..
مب يمشي مع التيار ويشله ..
:
وسالفه الخمر عزك الله ..
مدري بلاها ,,
اونهم يبوون يوفرون كل شي ..
حسبالهم تطور وتقدم هههااااااي
خخ يعني يقولون للدول الباجيه
نحن عندنا كل شي ..

وعن الكشخه ..

ترا للكشـــخه حدود ..

بعد مب الواحد يطلع من بيته ..

ولا مسحي شعره ولا غاسل ويهه ولا متسبح خخخ

يعني يكون شكله طالع من المقبره ..

الله نظيف يحب النظافه

الله جميل يحب الجمال

شي طيب انك تتطيب وتكشخ ويكون شكلك مرتب ..

لكن مثل ما قلت
كل شي له حدود ..
:
لأنه اللي صاير هالأيام مب كشخه هذا تخلف .. خخ
ع العموم السموحه جاان دخلنا لك فـ مواضيع ثانيه
ولا طولنا فالرد ..

[/align]

[M!ssChanel]

مرحبا
اولا: موضعك مرة عجبني
ثانيا:تققدر تقول ان الناس في غفلة
انا بنت صعب علي اعيش في هذا المجتمع
لأنه كله مظاهر خصوصا انو انا ادرس مع بنات هاي على قولة صديقات
بس بصراحة هذول أهون .. جنب صديقتنا الامارتية يعني لمن نجي الى الامارات لازم نجيب معانا البيت كله ..!!
انا عندي سؤال هل فعلا أهل الإمارات يحبون الرزة والكشخة ومايركبون اي سيارة ...الخ
ام ان اللي نعرفها تحب تسوي هالحركات
ومشكوووووووووووور

[نفسي عزيزه]

[align=center]والله انا بخير و سهاله
يسركـ حالي

صدق للأسف وصلنا لهاي المرحله

بالنسبه للبنت تارسه و يها ميك آب

الي يقول ساحرة هب بنيه

و حاطه كره فوق راسها يبل يبل هب كرة

و تارسه ثيابها عطر الي يشوفها يقول

غاسله ثيابها بالعطر متسبحه فيه ..

و البنت السنعه المتعدله

يرمسون عنها يقولون مينونه هب عصريه

و طبعا الأمهات ما يعلمن بناتهن

الأصول السنعه و الزينه

بس جيه . . . !!!

و للأسف وصلنا لهاي المرحله

و لو أرمس من اليوم لين باجر ما بخلص

مشكور أخويه ذيبوه ع الموضوع

!
!
!
مع تحياتي [/align]

[ذياب]

[align=center]هلا اختيه ميوووتي
مرحبا ملايين ولا يسدهم فذمتيـــــــه

اواافقج فكل الي قلتيــه
كل شي هالزمن مقلوووووب
وندروا المستراات والعفيفااات

هذا زمن البويات والخرابيـــط الله يهديهم
وشرات ما قلتي كل شي له حدووود

بس وين هذوولا ماعدهم حدود تجاوزوها
مشكوورهـ الغالية ع الموروور المميز

اخوج ذياب[/align]

[ذياب]

[align=center]هلا اختيه سكوووب
حيااج اللهـ الشيخة

مشكووره ع المروور الحلووو
وعن سؤالج اختيه اقدر اقوولج

ماعدهم ميزانية هالاياام كلهن خقــه
شباااب وبناات .. وهيه ع سيره السيارات

قاموا ما يحبن يركبن اي سياارهـ لازم تكون رنج ولا همر
فتـــكـ يعني يبن شي معرووف عسب يقدرن يخقن ع غيرهن

ع العموم تسلمين الغالية ع المروور

اخوكي ذياب[/align]

[ذياب]

[align=center]مرحبا بالشيخة
حيااج احدري صووبنا

المهم شرات ما قلت
وع سالفة اليبل ع قولتج << تعرفين تعليق عدل .. خخخخ

يقوولون هذا من علامات الساعة
يحطن البنات قباظات شرات سنام الجمال

هذا الي اعرفـــه مشكووره اختيه ع المرور الغاوي

اخوج ذياب[/align]