صراحة عندي سؤال بس مستحي

[الملقوف]

سلام .

عندي سؤال واحد بس مستحي .. من جد مستحي ..

وعارف يبي يجي احد يقول كل هالمده تدربي راسك وللحين

ما عرفت ...

طبعا هو سؤال يتعلق بالنت ..

صراحة ماني قايل السؤال لين القا تشجيع منكم ..

واذا ما شجعني احد عادي ادربي راسي زي كل مره ..


سلام .. .....

[من مثلي من الناس]

لا وش عليه اخوووو قلبي

انا اشجعك يالله قول سؤالك
بس ان طلع السؤال مااااااااله داعي :cool: بتشوف شي يااااويلك مني
حاول يكووون للشبااااااااااااب وياحبذا لو كاااااان فيه احرااج للبنات ::*

:cat:


هع هع هع

تشااااااااااااااااااو

[ابوفهد]

[c]


هلا بالطيب الغالي حمـــــد


وليه الله يسلمك الفضائح ؟

وليه تحط نفسك بمواااااااقف باااايخة

فيه شيء اسمه رسائل خاصة

وفيه شيء اسمة ايميل

وفيه شيء اسمه ماسنجر بعد

واخيرا فيه شيء اسمه جوووووووال


انت تامر بس تدلل

اسأل باي وسيلة تبيها اذا مستحى

اما اذا كنت تبي اللي غيرك يتعلم

على حياك بكيفك

بس احس ان متعب بيورطك بشيء ;)

تحياتي

[/c]

[aljenny]

سلام حمد ..

أمّا أنت مستحي كثر منها !!

وربي مهو لايق عليك الخجل يبو سن منفلج ( لاتقول وش دراك )


قلها .. قلها .. قلها عشان يصكون موضوعك نقل لدرة الكمبيوتر

أنصحك إذا أنت راعي الإستراحه إنك تصرف السؤال وتقلبها عامه

تراني أشوف إصبع الظل يحكه يبي نقل باللي هي به

يالله سمعني نظام الآي بي إس حقك



بإنتظارك عشان أجاوبك ( ياواثق ! )

سلام

[BackShadow]

يسعدلي مساكم جميعاً


هلا بالملقوف ... يا حيا الله من جانا

الظاهر ام العيال الله يحفضها عند اهلها اليوم ذي تزورهم

اشوفك شاركت عشر ردود الايام هذي .. اللهم ادمها نعمة


شوف حبيبي ... لا تخاف انت بس حط اللي عندك ولا تشيل هم

قول بس اللي في قلبك وما لك الا الحل يجيك طاير بعد


جنجون ... سم بالرحمن ... خل الرجال يتكلم

ماغير طاب في حله ما تخليه يهرج بكلمة


يا خوفي الموضوع ينتقل لدرة المرأة او المطبخ


مع تحياتي

[®{ بـريــ!!!ــتـيـج }®]

مسااء الخير

هلاا بالملقووف ..

وشو له تستحي .. شباب في منتدى

خذ راحتك .. وماعليك من الجني .. ترى يبي يخوفك

.......................

............... بانتظار السؤال

[®{ بـريــ!!!ــتـيـج }®]

PRESTIGE

[*نجـ سهيل ـم*]

مساء الخير أخوي حمد .

يخوي وش دعوه انت تسأل ونحن نجيب .. ما عليك من أحد .

لكن انا اللي عندي سؤال وراح اطرحه الحين ..

وش فيه الجني شايل عليك .. ما ادري تبينا نروح انا وياك نطقه ترا ما عندي مانع

بس كلمني ولا يصير خاطرك إلا طيب ..

علي الطلاق يا الجني لو ما تهجد . إني لأرسل لك شياطين الانس فوق راسك .

انتبه ..

[ابوشهد]

لا قول يا طعم
قول يا حبيبي
قول ياروحي
قول يا عمري
تكفى قول
امي جنبي وتقولك قول
وثامر اخويا يقولك قول
وشهد بنتي تقولك قول

يرحمك امك قول

[الملقوف]

سلام

شوي بس في الغرفة بعرصي بتفاهم معه وارجع !!!

هج .. بكيفه نرجع للموضوع ...

[الملقوف]

سلام



حياك الله يامن مثلك من الناس ... لا والله ماني سائل ياخوي

شكلك ماتفاهم الا بزبيريات .. بعد لو تسلفن اياها اتفاهم

مع هاللي في الغرفه منحاش !!! بعدين ماجبنا طاري بنات .

ابو فهد يالله تصبحه بالخير .. انا وشلي بالماسينجر والميلات

هو سؤال واحد وعارف انه يبي يطلع لي قرون وماني فاهم

بس يالله نحاول ..

حيالله الجني .. انا عارف ان الحل والربط عندك ومشكلتي

عندك زي مشكلة الرز مع فهد الحيان .. ويحق لك ..

بعدين طاربك الصلاح كل شي عايب فيني الا سنوني تقل

عقد لولو وليتك تشوف البنات كيف يصبخو في اعمدة الكهرب

لما بس ابتسم اجل كيف لو اضحك .... وموضعي لو يتعدا

هالمكان ابي احد يدلن اياه والله ما اعرف الا هالدره !!

حيالله الظل .. لا ابشرك ام العيال معتصمه في البيت عندي

بس الله يخلي سرقات الوقت وش الساعة الحين كم؟

وابشرووو بحط اللي عندي بس اللي يضحك يا ويله .

حيالله البرستيج ... لا والله يعني شوية خجل .. لاني فعلا اعتبره

سؤال سهل . ويالله خلنا نفرح العذال ماقلت الجني .

هلا بنجم سهيل اللي نوره هالايام مالي السماء ..

والسؤال بقوله وما علي من الجني ماني خايف منه ..

ابو شهد ...

بقول يا عمري .

بقول يا روحي ..

بقول يا بعد بنكرياسي الايسر ..

علشانك وامك والناس كلها بقول ....

يا ناس ما اعرف احط لي توقيع بالفلاش

والله مت وانا احوس في الجهاز ولا قدرت

هاااااااااااااااااااااااااج

[ابوشهد]

والله اذا اننا مرحومين والدين انشاالله
اقسم بالله اني حتى انا ما عرف كمان
وصارت حوستك حوستين
يارب ياقادر يا ولي الملقوف وابو شهد ترسلنا اللي يعلمنا
كيف نحط توقيع بالفلاش وتدخلنا الجنة يارب

[المهاجرة]

يمسيك بالرضا يالمقلوف

ما حددت سؤالك؟

إذا كان عندك توقيع بالفلاش جاهز فأوكي المسأله بسيطه

ما عليك إلا تقرا هذي التعليمات


وإذا ما كان التوقيع جاهز

فماكنش ينعز ما عندي فلاش ولا اني متدربه عليه

[BackShadow]

يسعدلي مساك ملقوف


يا رجال ... هذا كله وفي الاخير جات على توقيع


صدقني لو تامر اخلي الجني يجيك البيت يزبط لك جهازك


بس انت تامر

انت تأشر يا قمييييل .... بكرة تندم يا قمييييل


مع تحياتي

[*نجـ سهيل ـم*]

مساء الخير يا الملقوف ..

هه هه .. بالله عليك مسوي لي فيها مستحي ومسوي فيها غلبان ..

ولا انت قادر تسأل سؤال .. أنا قلت أكيد بيدخل في :

أمور السياسة البحتة والمنطلقة من أعماق العلم الفلسفي المعاصر يخالطه نوع من

التحليل النفسي الدقيق والمنصب على أمور غيبيه لا يعلمها إلا القليل .

~ الله يرحم أمك لا تقول فسر الكلام اللي فوق لأنك بتحرجني بهذا السؤال ~

عموماً : الظاهر يالملقوف إني غلطت على الجني .. وودي أستسمح منه

حبيبي الجني وش رايك ما نروح أنا وانت ونطق هذا اللي اسمه الملقوف .

تحياتي .

حبيبي ملقوف سوي يا بابا سوي لك توقيع بفلاش ..

تحياتي ،، للجميع