[align=center][/align]
# يخجل بعض الناس من ( الهبش ) بأيديهم عندما يكونون بأحد المطاعم الراقيه...اعتقاداً منهم ان هذا ضد
قواعد البرستيج ويخالف اصول الاتيكيت... مع ان الأكل باليدين أجمل بكثير من استخدام الأدوات المعدنية
التي جلبها لنا ( عيال الحمرا )...ويجب عليك ان لا تخجل من اخذ راحتك في الالتهام والضرب بالخمس لانك
دفعت الفلوس عشان تاكل وتتمتع بالأكل مو عشان تراعي اصول الاتيكيت الغبية .....
[img]http://www.ashkra.com/news/photos/ashkra_****132.jpg[/img]
# لا ادري بالضبط ماهو وجه الجمال او الفائدة في دوائر البرتقال او الشمسيات الصغيرة التي يضعونها على
طرف اكواب العصائر وهل هي للزينة ام للأكل.... فهي نعمة لازم تاكلونها وحرام تنرمي في الزبالة..
# عندما يطلب احدهم سمكة مشوية فإنه يبدأ في استخدام الشوكة والسكين في تقطيعها الى قطع صغيرة
وبعدين ياكلونها... يبا ماعليك من حد قط الشوكة والسكين على جنب وابدا في ( المصمصة) ولا تترك السمكة
الا بعد ما تخليها مثل ( صورة الأشعة ) واعتقد ان هذا افضل من رمي نص السمكة في الزبالة ..شرايكم انتوا ؟؟
# ليش يكون سعر غرشة الماي في البقالة أقل من سعرها في المطاعم؟!..... جوابهم هو لأن هذي المياه اجنبية
والمياه الوطنية سعرها اقل..... والسبب الثاني انهم يدفعون فواتير كهربا وماي وتلفون واجور عمال و..و..و...
ويبون يطلعون كل مصاريفهم من غرشة الماي اللي يسقوناا اياها.........
[img]http://www.ashkra.com/news/photos/ashkra_****53.jpg[/img]
# يقولون لازم تترك شوي من العصير او الماي في الكوب عشان يقولون انك انسان راقي ومحترم وتعرف
الاتيكيت .... وانا اقول اذا سويت هالشي بتكون اغبى انسان على سطح الارض.......
# تدخل الى بعض المطاعم فيفرشون لك الارض بالزهور ويعطونك من الكلام المعسل ...ويتأخرون عليك في
احضار الطعام وكل ما يتأخرون زياده ... زاد جوعك وان ( الذبيحة ) جايه وان موعد الهبش قرب....
بس لما يوصل الاكل تندم على دخول المطعم من الاساس........!!
# على فكــرة.... اعتقد انك انسان مبذر وماتقدر قيمة النعمة اللي بين يديك اذا تركت البقشيش لأصحاب المطعم
لانهم عمال ويقبضون رواتبهم كاملة مكملة.... والباقي يروح في كرششش صاحب المطعم.... خخخخ
والافضل لك انك تاخذ الباقي وترميه ( بطيب نية ) في احد صناديق الهيئات الخيرية لتنال الاجر من الله سبحانه
# افضل انواع المطاعم هو اللي فيه ( بوفيه مفتوح ) عشان الزبون يقدر ياكل مالذ وطاب لين يشبع بدون ما
يستغله احد وبدون ما يتعرض للحركات البايخة من اصحاب المطاعم الطماعين.........
# مــــــــــلاحـظـــــة .....................
في المطاعم يكون الأكل لذيذ ومتنوع....... ويبقـــى لمجـبـــوس الــوالــدة أحـلـــى طعــم واحلـى ريحـــه...........
والان السؤال لكم؟
عندما تذهب الى احد المطاعم هل تفضل الجلوس على طاولة منعزلة وتحاط بستائر" يعني مافي احد يشوفك"، ولا بالعكس تفضل الجلوس في وسط المطعم؟
وطبعا الجواب يحدد اشياء كثيرة
وبالصحة والعافية..
[/align]
