..( كيف أحمي اتصالي بكلمة مرور )..؟

[محمد المحيا]

وعليكم السلام..

مافي أي مشكلة يانوسا.. إعدادات الوايرلس يتحكم فيها إما الويندوز نفسه أو برنامج الإعداد اللي يجي مع الكمبيوتر.. يعني لو جهازك توشيبا مثلاً حيكون عندك برنامج من شركة إنتل غالباً لإدارة الوايرلس..

والرسالة هذي معناها إن إدارة الاتصال اللاسلكي عندك ماهي من الويندوز..

وعشان توصلي للصفحة المطلوبة اضغطي دبل كليك على أيقونة الوايرلس في أسفل الشاشة ورح تفتح صفحة الإعدادات الصحيحة..

لو الوايرلس في جهازك من إنتل حتطلعلك صورة زي هذي:




اضغطي على Profiles ورح يجيك زي هذا:




حددي المودم حقك واضغطي تحت على Properties

يجيك مربع زي هذا:




طبعاً في خانة SSID حيكون اسم المودم وما يحتاج تغيري شي.. اضفطي Next

ورح يوديك على الصفحة هذي:




طبعاً هنا لازم تكون الإعدادات مطابقة للي موجودة في المودم..
يعني نوع التشفير لازم يكون هنا وهناك نفسه
والباسوورد هنا وهناك نفسه

لو كان نوع التشفير اللي اخترتيه في المودم مو موجود هنا معناه إن الوايرلس ما يدعم النوع هذا والحل هو تغيير النوع إلى WEP لأنه مدعوم من كل الأجهزة تقريباً.. طبعاً التغيير يكون من الكمبيوتر هنا ومن المودم...

ومثل ما قلت لك الصور هذي من جهازي يعني ممكن تختلف عندك عن اللي عندي بس الكلام تقريباً نفسه..

بانتظار الأخبار

[Nooosa]

.
.

والله مرة آسفة ..
الصفحة دي تبع إعدادات الويرلس اللي المفروض يطلع فيها الشبكات ماتطلع الشبكات يعني مايتعرف لا على اتصال ولا مودم ولا شي .. هذا في جهازي بس الحمدلله في جهاز أختي زبط

يعني بالتالي .. مالقيت خصائص الإتصال اللاسلكي ، ولا البروفايلز ،
زي الصورة الأولانية اللي فوق تطلع لي بس فاااااضية ، برنامج الويندوز مابيلاقي أي اتصال

[محمد المحيا]

طيب انتي لما تدخلي من لوحة التحكم Control Panel
على اتصالات شبكة الاتصال وإنترنت Network and Internet Connections
ومنها على اتصالات شبكة الاتصال Network Connections
تظهر عندك هناك "اتصال لاسلكي" Wireless Connection والا لا؟؟؟


لو ما ظهرت احتمال يكون عندك مشكلة في تعريف الوايرلس..

ادخلي إدارة الأجهزة Device Manager
وابحثي فيه عن الوايرلس
مكانه الصحيح هو تحت "محولات الشبكة" Network Adapters
إذا كان تحت "أجهزة أخرى" Other Devices
فمعناه يحتاج تعريف..

تأكدي من الأشياء هذي أول وبعدين نشوف الباقي..

[Nooosa]

طيب انتي لما تدخلي من لوحة التحكم Control Panel
على اتصالات شبكة الاتصال وإنترنت Network and Internet Connections
ومنها على اتصالات شبكة الاتصال Network Connections
تظهر عندك هناك "اتصال لاسلكي" Wireless Connection والا لا؟؟؟


لو ما ظهرت احتمال يكون عندك مشكلة في تعريف الوايرلس..

ادخلي إدارة الأجهزة Device Manager
وابحثي فيه عن الوايرلس
مكانه الصحيح هو تحت "محولات الشبكة" Network Adapters
إذا كان تحت "أجهزة أخرى" Other Devices
فمعناه يحتاج تعريف..

تأكدي من الأشياء هذي أول وبعدين نشوف الباقي..

.
.
ايوا يظهر اتصال لا سلكي
وايوا موجود الويرلس في مكانه الصحيح تحت النت ورك ادابتر


ترى أنا كنت باشتغل عالاتصال طبيعي .. يعني أعمل ( ON ) للمفتاح اللي في جهازي ويشتغل
ولا يطلعلي اسم المودم والاتصال لمن افتح صفحة شبكات الاتصال المتوفرة عشان كدا ماقدر اختار الاتصال وادخل على خصائصه

جزاكم الله خيرًا كثيرًا

[محمد المحيا]

طيب الاتصال اللاسلكي اللي في اتصالات الشبكة اضغطي عليه بالماوس اليمين واضغطي "إصلاح" Repair وانتظري ثواني وإذا طلب الباسوورد حطي الباسوورد اللي كتبتيه في إعدادات المودم..

[Nooosa]

.
.

أحط إصلاح .. ويوقف عند اتصال بالشبكة اللاسلكية ، وللمساعدة اتصل بالشخص الذي يدير الشبكة

أنا حزينة
.. وجدًا آسفين عالغلبة جزاكم الله خير

[محمد المحيا]

ولا يهمك إن شاء الله تنحل.. الشغلة شغلة إعدادات وبس..

طيب ممكن دبل كليك على الاتصال اللاسلكي المفروض تطلع لك زي كذا:



بس اعطيني ايش اللي مكتوب عندك..

[Nooosa]

.
.

المفروض لكنها ماتطلع إلا إذا كان عمنا متصل
لكن عشان مافي اتصال تطلع لي زي الصورة الأولانية اللي حضرتك حطيتها فوق .. وفي النص ولا شي ( تعذر على ويندوز تكوين هذا الإتصال اللاسلكي )
مع العلم إنه حتى لمن يكون متصل برضو مايطلع ايش هو الاتصال و ( تعذر ) دي موجودة

يــــارب تنحل .. عندي بحوث واختبار وزحمة

[محمد المحيا]

عمكم ايش دخله في الموضوع؟

هوا انتي كنتي تتصلي عن طريق جهازه؟ والا كان اتصالك مباشر بالراوتر؟

طيب معليش ممكن أعرف ايش مكتوب قدام الوايرلس في المكان اللي عليه بالأحمر:

[Nooosa]

.
.
السلام عليكم ..
عفوًا آسفة ( عمنا = الإتصال قبل ما اعمل له باسورد ) إذا كان ممكن .. تتطلع صفحة الحالة والسرعة وكل دا ..

مكتوب قدام الويرلس ( غير متصل ) ..

وأنا الآن عند المتألقة .. وكل اجهزتهم متصلة إلا أنا
جزاك الله كل الخير واللي تتمناه يارب مجهودك كبيييير

[محمد المحيا]

طيب جربي الاتصال يدوياً..

اضغطي بالماوس اليمين على الوايرلس وبعدين "اتصال" Connect

[محمد المحيا]

في شي كمان تأكدي منه..

ادخلي على إدارة الأجهزة Device Manager

واضغطي بالماوس اليمين على الوايرلس وبعدين خصائص Properties

إذا كان الوايرلس مضبوط المفروض تكون الصورة زي كذا:




يعني مكتوب: This device is working properly

[Nooosa]

.
.

نعم الجهاز يعمل بشكل صحيح .. و مُمكّن

الحكاية يا أستاذي الكريم .. إنه لو ماكان للاتصال باسورد يكون متصل ولا يظهر في صفحة شبكات الاتصال اسم المودم أو الإتصال ..
وإذا كان مقفل بباسورد زي اتصالي الحالي واتصال المتألقة مابيتعرف عليه .. ولا يتصل !!
شكلي بارجع البيت وأحذف الباسورد محنا برضو جيران .. والجيران لبعض

[محمد المحيا]

السلام عليكم..

حرام عليكي تسحبي المريض في نص العملية

خلينا نكمل.. مو معقول جهازك الوحيد في العالم اللي مو راضي يشبك وايرلس

خلينا نسوي حركة والحركة بركة..

نرجع إدارة الوايرلس للويندوز.. سوي الخطوات التالية:

من قائمة "ابدأ" Start اضغطي تشغيل Run

واكتبي services.msc بعدين OK




رح تطلع قائمة خدمات النظام.. انزلي فيها تحت إلى Wireless Zero Configuration




اضغطي عليه بالماوس اليمين بعدين Properties

غيري Startup type إلى Automatic بعدين اضغطي على زر Start اللي تحته




بعدين OK

واعملي ريستارت للكمبيوتر..

بس وارجعي للوايرلس في لوحة التحكم وجربي شوفي يظهر شي أو لا .. وتطلع الخصائص والا لا..

وجمعة مباركة مقدماً

[Nooosa]

.
.

يــــــــــــــــاربــــــــــ يـــــــــــسعـــــــــــدكـــ

ويرزقك أخلص الإخلاص .. ويكرمك بأكثر وأكبر من نيتك يــــــارب > مع الفرحة ماني عارفة أدعي
حتى أختي دعت لك >> فكيتها مني ورحمت جهازها

ماشالله تبارك الله ولا قوة إلا بالله ..
عمل متقن وجهد كبير مُميز
الله يبارك فيك يارب وينفع بك وبعملك

ومع إنه الـ( ستارت اب ) كان اوتوماتيك
لكني أول ماضغطت استارت شبك الإتصال الحمدلله .. وفرّح قلبي الله يفرحك

ويــــــــــــــــــــكـــــــ ــــــرمـــــــــــك بفضله