طلب لـ آيميت / I-Mate Jam

[Petals]

السلام عليكم والرحمة

ولله الحمد والمنة انو موضوعي إليكتروني لأنو يفكرني ببداياتي في الدرر وأيام الحاضرة الغائبة ربي عادها

طيب نبدأ ، جوالي I-mate jam مو المطور
وفيه نظام Windows Mobile 2003 SE
وطبعا فيه نظام أجدد مع الجوالات الجديدة واللي هو ويندوز موبايل 5

فسؤالي المهم جدا هو هل ممكن أنزل ويندوز موبايل 5 على جوالي السالف الذكر؟

وكيف وفين؟ ممكن يسووه في الصيانة؟

أخيرا أبغى برامج للجوال دا بس من نوعية J2ME
وهي جافا تنفع لجوالات عديدة بس بالله لاتحطوها أتاتشاااااات في المنتدى خلوها روابط تحميل دايركت لأني أنزل عن طريق الجوال وما أبغى عقد منتديات!

وبرضو لاتقولولي دوري!!


أبغى ماسنجر لأن الماسنجر الخاص بالويندوز مو راضي يشتغل، وبرامج خدمية / يوتيليتيز وباسووردات وغيرها و...

مــا أبغى ألعاب! <--إلا لو كانت زي المغبرة حقتي


وشكرا مقدما ممتنين لكم نظرا لعدم مقدرتي على فعل ذلك قريبا.


دمتم ودامت بيتالز

[محمد المحيا]

سلام..

مدري ليه أول ما قريت موضوعك جت على بالي الحكمة اللي تقول "نوم الظالم عبادة"

نبدأ باسم الله..

بالنسبة لنظام التشغيل ويندوز موبايل حتنزل منه سنخة جديدة رقم 6

ومع الأسف جهازك لا يمكن ترقيته إلى ويندوز موبايل 5 يعني لازم تشتري جهاز جديد لو تبغي النظام الجديد..

بالنسبة للبرامج طبعاً كثيرة ومن الصعب نقدر نجيبها مرة واحدة كلها مع الكراكات..
لذلك أقترح عليك تشوفي المواقع التالية ونقي منها البرامج اللي تعجبك والمتوافقة مع نظام التشغيل اللي عندك
طبعاً بعضها مجانية وبعضها لا..
واعطيني اسم البرنامج اللي تبغيه وأنا أجيبه لك مع الكراك إن شاء الله..
http://www.pocketgear.com/software_n...d.asp?typeid=1
http://www.download.com/Pocket-PC-Wi...-2009_4-0.html
http://www.handango.com


وعقبال ما نشوف لك مواضيع في درة المشاكل

[Petals]

<مدري ليه أول ما قريت موضوعك جت على بالي الحكمة اللي تقول "نوم الظالم عبادة" >

أنا أولت كدا برضو

على حسب المقولة حينما يغلق الله بابا يفتح نافذة وجوالي كان النافذة تبغو تقفلوها دي برضو!
اتقوا الله فيني (نسيت كود الوجه اللي يبكي )

والصراحة من كتر ما غثيتك مخليتك خط تاني فسألت قبلك أدوني بومبا!

<بالنسبة لنظام التشغيل ويندوز موبايل حتنزل منه سنخة جديدة رقم 6>

مو ملاحظ على غير العادة أدور عـ نظام جديد

<ومع الأسف جهازك لا يمكن ترقيته إلى ويندوز موبايل 5 يعني لازم تشتري جهاز جديد لو تبغي النظام الجديد..>


أنا ألبي دليلي أللي حتنكبدي!

سبحان الله والحمدلله عـ كل حال أنا مايجيني شي مضبوط كلية مع ان سرعة المعالج أحسن من الجام-إن فكان عندي أمل يتخيب ظني!
حتى تعرف بس ان الأنظمة القديمة معايا قدر مو خيار ويلوموني عـ 98 ليش أحبو!
يلا نحب دا إيش نسوي على قولة دولي مشي حالك حالك يمشي!


بالنسبة للبرامح بسبب انو ماعندي كومبيوتر فأدور عـالجافل J2ME واللي تنتهي بالإكستنشن .jar لأني أقدر أنصبها بالجوال وزي ماقلت تنفع جوالات تانية ،بقية البرامج الخاصة بالآيميت والويندوز موبايل يبغالها كومبيوتر وآكتيف سينك ولكشوريز أنا محرومة منها حاليا من شان هيك <-- حلوة دي!
بدي اياها!

على العموم رح أشوف حركة لو نفعت وإلا حتكون ليا عودة ذات خط ثالث!

لأن عندي برامج منصبة عالميموري بس يبغالها سيريلز رح أكتبها تحت إنشاء الله في حلقات قادمة

شاكرين حسن تعاونكم معنا آملين منكم انكم تصفو النية حتى يتضاعف الأجر


قال إيش قال نوم الظالم عبادة!

[Petals]

أنا جيت

طيب أولا أبغى الكراك تبع دا الماسنجر، حأكتبوا بالكامل

agile messenger
version : AMST-WMPPC-65

لأنو حلو ونظيف وباين عليه ينفع

لكن ولأسباب أخرى أبغى برنامجين ياريت لأنهم مهمين

أبغى ماسنجر تاني
احتياطا وكامل مكمل

وأبغى برنامج يسوي باسوورد للإيميلات ودا ضروري جدا

دول المهمين حاليا وعلى الدوام

فياريت تساعدوني

وأسيبكم لأني ناوية أضرب بعض ناس ( وجه مطرطع)

شاكرة لكم تعاونكم على شكل دعوة أن يرفع الله ذكركم

للي ساعدني بس

[محمد المحيا]

السلام عليكم أهل الدرر

أول شي الماسنجر Agile انتي متأكدة من النسخة المطلوبة؟
لأن اللي كتبتيها هذي نسخة البوكيت بي سي
بينما جهازك سمارت فون ويحتاج النسخة WMSP-68
إلا إذا منتي ملاحظة إنو فعلاً سمارت

وأبغى برنامج يسوي باسوورد للإيميلات
كيف يعني؟
إذا ممكن تقوليها بالإنجليزي حتوفري علينا وقت وتكسبي دعوة بدال الدعوة حقتك

[Petals]

الله يسامحك يا محيا شككتني فـ نفسي!
لدرجة رحت لليوزر مانيول!

لا ياعم رسميا جهازي بوكت بي سي بويندوز 2003
أظن بالعادة السمارت فونز هيه الجوالات اللي تستخدم نظام السيمبيان واللي معظم برامجها تنتهي بالإكستنشن .sis
أما برامجي فـتنتهي بــ .exe
ما أدري إذا ممكن يعتبر برضو سمارت فون أم لا، ماني خبيرة بالجوالات.

والبرنامج نزلتو من الإنترنت بالإكستنشن .exe

أما الإيميل فكالعادة أشرح غلط

قصدي يا أستاذنا أنو عندي آوتلوك وأنزل بريداتي (جمعا) على الجوال لكن أي واحد ممكن يطلع عليها (أقصد صناديق الوارد والمرسل وغيرها) وأنا أكثر ما أقدس الخصوصية.

فأبغى أسوي باسوورد ليها بحيث ماحد يدخل عليها.

وطبعا زي ماقلت نظامي windows mobile 2003 SE

وبرضو أبغى ماسنجر تااااني

فخمتا

يلا دعواتك أصلي أحب الدعوات

[محمد المحيا]

انتي حرة أنا مالي شغل.. يعني حكون أدرى بنوع جهازك أكثر منك؟
في المرفق نسخة كاملة من البرنامج والعهدة على الحرامي اللي جابه
طبعاً بصيغة cab ويقبلها الويندوز موبايل

وعلى فكرة الويندوز موبايل يشتغل على نوعين من الأجهزة اللي هم البوكيت والسمارت فون
وتفرقي بينهم بشعار الويندوز في البوكيت يظهر في أعلى الشاشة وفي السمارت فون في الأسفل (أو يمكن العكس)

وجاري البحث والتحري عن ماسنجر غيره..

بالنسبة للآوتلوك.. في نسخة الويندوز العادي فيه خيار للحماية وهو تعيين باسوورد للآيدنتتي Identity بحيث ما يقدر أحد يدخل على الإيميلات إلا بالباسوورد.. مدري عندك موجود الخيار والا لا؟
وعلى بال ما تردي بشوف جواب أكيد عليه..

والدعوات إن شاء الله تكون وصلتك مقدماً

[Petals]

<بس بالله لاتحطوها أتاتشاااااات في المنتدى خلوها روابط تحميل دايركت لأني أنزل عن طريق الجوال وما أبغى عقد منتديات!>



بس يلا ممنونيين في كل الحالات الجوية

و لا بيا أستاذنا الفاضل بوكت بي سي بوكت بي سي ماحأتراجع

مكتوب على الصورة تبعو

<بالنسبة للآوتلوك.. في نسخة الويندوز العادي فيه خيار للحماية وهو تعيين باسوورد للآيدنتتي Identity بحيث ما يقدر أحد يدخل على الإيميلات إلا بالباسوورد.. مدري عندك موجود الخيار والا لا؟
وعلى بال ما تردي بشوف جواب أكيد عليه..>

آه فكرتني بحبيب ألبي الآوتلوك اكسبريس ، كنت ما أسوي شي في النت الا بيه، حتى تصفح كنت مستغنية عنو لحد ما بلشني ربي بالدرر وأخواتها لكن بقي الإكسبريس للإيميلات وللتخزين، رهييييب!

وطبعا (تبع البوكت بي سي) مو متحمل آيدنتيتيز ، دي نسخة بسيطة يعني اعتبرو زي برامج الإيميلات اللي في الجوالات بتحسين بسيط.

فأتوقع انو يكون فيه برنامج للباسوورردز زي ما للجوالات

وحتى برنامج من الأنواع اللي طلبتها نوعية الجافا أعلاه لأنها برضو بتشتغل على حوالات متعددة سمارت أو ستيوبد


وجاري التحميل ربنا يجعل لك في كل خطوة عيل!

قصدي سلامة وأخواتها

[BackShadow]

الله اكبر يا بيتي ...

من ويندوز 98 الى ويندوز موبايل !


قوية بصراحة ... وين عابدة تشوف



مع تحياتي

[Petals]

تتشمت!

طيب براحتك

كلو بأجرو ، ويارب يخرب كومبيوترك

[محمد المحيا]

سلام..

شوفي الماسنجر اللي هنا:
http://www.shapeservices.com/en/prod...php?product=im

يمدحوا فيه كثير.. نزلي النسخة المتوافقة مع جهازك وجربيها

وإذا "رضيتي عنها" يصير خير

[Nooosa]

.
.

وعليكم السلام ورحمة الله وبركاته

هادا المسن من جهازي .. ظريف
وسلامااااات

* ملاحظة :
>>> هو دا بس دوري له .. لأنه مارضي يرفعه
Turbo-MSN_v1.91_S60_Cracked_SMPDA

[Petals]

أيغى السيريل تبع البرنامج التالي:

Sprite Backup
from Sprite Software
V 2.1.4

أبغى الفيرجن دا بالتحديد لأنو ألريدي منصب عندي.

بس الي فوق

الانترنت اكسبلورر مو راضي يحفظ الكوكيز وأبغى أسوي ريست للجهاز بس لازم أحفظ رسايلي

طبعا للبوكت بي سي البرنامج

وشكرا مقدما

[محمد المحيا]

البرنامج الأخير هذا ما لقيته إلى الآن.. ايش اسوي لك إذا القديم عندنا تطلبي الجديد وإذا الجديد عندنا تقولي أبغى القديم


اليوم لقيت ماسنجر على الله يعجبك:



التحميل:
implus.v1.36.zip - 0.62MB


وهذا برنامج لتشفير الملفات:
SecuBox for Pocket PC
معلومات عن البرنامج:
http://www.aikosolutions.com/product...for-pocket-pc/

التحميل:
aiko.solutions.secubox.v1.1.ar m.xscale.ppc2002.zip - 0.15MB


نكمل بعدين..

[Petals]

وهنا برضو نشكرك على حسن تعاونك معنا


رح أكمل من هنا